Kei ka tan chuanin.. Lunglen a na e..

September 8th, 2011 9:30 pm by Keimah Thingtlangpa

Keizawng, ka nunhlui ngaihna hian kianni a nei dawn lo a nih hi..

Kha kan naupanlaia kan nun dan kha tunhnua naupang nun dan nen hian ka han khaikhin a. Tunlaia mi tan chuan a mawlmang viau pawh a ni thei e, mahse, khang hun laia kan nun kha chu a mawi a sin.

Sava veh te kha tunlaiah chuan thil thing a ni tawh a. A hun lai kha chuan kan hna pui ber a ni thung. Khuangthli rah tlan han chan a, tukhumvilik leh tlaiberh vel chiar nak nak lai sairawkherhin kan han tin a, kan han kuai kur a, sava perh thlak ngei tumin mahni kutzungpui duhlai ngei mai kan han perh pawh thin te kha aw..a hunlai kha chuan a va na duh em!

Kan te thawmah sava an han thlawk darh chum chum te kha kutzungpui fawp vawng vawng pahin kan han thlir liam te kha aw.. A chang leh a ngulah ngei mai kan han perh thin kha chu a uihawm duh ngei mai.

Saihlum kan han hrual a, a lian deuh perhna tur te, vate mawng dawmna tur kan han tizum deuh te kha tunlai naupang hian hrual thiam ve tak maw? Mu perhna tur saihlum kha chu a lian thei bik teh e.

Tunlai naupang angin eirek nei ve vak hek lo le. Thingzung te, thingrah leh hnah te nen lam khan kan ei thin kha a ni a. Kan kam a hlei viau e ti lo chuan kan ei leh in avanga na em em han neih erawh a awm ngai lo thung.

Kan naupang laia sa kan han rawp theih zia te kha aw. Krismas a sa kan ei kha tihfuh changin a kar lakah vawi hnih khat kan ei zauh a, chet fuhloh kum deuhah chuan a kum leh krismas kha sa ei lehna hmasa ber a ni thin. Tunlaiah chuan tuktinin vawksa pawh lei tur a awm ta. Kan naupanlai, tute’n emaw vawk an talh dawn tih khaw khah a a khah hunlai, naupanghoin ei ve hram tuma kan hel laia sa anga tui khan engtikah mah ka eitui leh tawh lo’ng e.

Tawlailir kan han siamchawpa, kawngchhuka kan han chuang thin te kha. A hunlai chuan kha aia nuam kha a awm kher lovang. Kan lirthei hmuh chhun a nih miau avangin chuan inchuh a han inkhuainuai rap rap awm thin te kha a lo awmlo chuang lo e.

Inrinni hi duh aiin a awm zing thin. Kan u ten bual turin tuikhurah min han pawtthla a. Khang hunlai kha chuan inbual aia vuak thlan chang kha a va tam em! Tuikhurah chuan tuipui kama sapho pawhin “em em a..” an tihtur khawpin min han phelh a, min kuai kun a, chhip atanga tuikhur tui vawt tha tak maia min han leihlaia tah loh kha chu a va har thin em..

Tun hunah te hian khang tuikhur kha la awmin, a tuite kha a la vawt angem aw? Khang tuikhur hnar ngaw a sava te khan nunchan an la zir ngai angem le? Chuta chiang ber chu engmah a chiang lo tih chauh a ni.

Khang kan naupanlai hunah te khan let leh thei dawn ila chu kum khat sal tan nen pawh ka thleng phal ngei ang. Mi thenkhat tan chuan atthlak pawh a ni maithei. Mahse, duhamna leh nawmsipbawlna atanga hlimna zawn tum aia a atthlakna ka hre bik lo e..

31 Responses to “Kei ka tan chuanin.. Lunglen a na e..”

1
ngaihdan tha a Says:
September 8th, 2011 at 9:40 pm
post tha tak ani
Report this comment
2
TuaiSialA Says:
September 8th, 2011 at 9:41 pm
No Comments.

Ka lawm e.

I tan chauh,
TuaiSialA.
Report this comment
3
Telphawka Says:
September 8th, 2011 at 9:43 pm
pawstupa chu themthiamlo ve hle mai mo., chhungte hnenah kha chuan perhthlak hmuh zawhloh kha a van tam thin tak m,
Report this comment
4
Silver Oak Says:
September 8th, 2011 at 10:28 pm
Sawi ve achak awm tuna mi tam takin antih duh toh lo naupang chhiat lai khan kan ti ve hman asin atawi mah mah
Report this comment
5
bigboss Says:
September 8th, 2011 at 10:31 pm
Lung i ti leng rum rum mai a lawm le. Kan naupan ve laite kha aw!
Report this comment
6
rohlupuia chalrang Says:
September 8th, 2011 at 10:35 pm
Zopasairawkherh in hmang thin ani maw…. keini chu vaisairawkherh kan hmang thina, sairawkherh kak ka suih ve thin takna a, hman tlakin ka chhuah ngailo a, thiante leh uzawkte suihsa saihlumin ka thleng thin.. Thlasik lai zingkara APHANin kut ahem kha ana thei ngei mai..
Report this comment
7
ChhanaPa Says:
September 8th, 2011 at 10:43 pm
Naupan lai nun hi hun lai mil zel pawn a lo nuam ber a ni.
Report this comment
8
lr hlonchhing Says:
September 8th, 2011 at 10:51 pm
Aw a va han tha tak em. Side B siam leh rawh…
Report this comment
9
jellybaby Says:
September 8th, 2011 at 10:58 pm
ngaihnawm e…mahse i naupan lai i kokir leh thei hlauh te anih chuan ‘sava veh/perhthlak’ chin thin kha chu ching tawh lo mahla ka ti deuh…tuikhur vela in bual erawh poilo..
Report this comment
10
LadyPinkPunk Says:
September 8th, 2011 at 11:07 pm
Aw, naupan lai hi cu a ngaihwm thei khop mai. Ka lungleg , sikul ban ah in t set tur in ciante nen kan han in hmu khwm a, tun lai ag hyan barbie te awm ve si lova, hluma siam gei kan hmag thrn a.
Report this comment
11
sisen Says:
September 8th, 2011 at 11:13 pm
Thlasik laia zingkarah sava kan han veh a, post tupa sawi anga kutzungtang kan han perh pawp thin kha chu avan na thei tak
Report this comment
12
Ignatia (33-115 AD) Says:
September 8th, 2011 at 11:35 pm
Mr. KT: Ka lo OT dawn i phal em?

Kum 12(?) chhung Bible Chakma tawnga ngun taka lehlin a nih hnuin Press lama thawn theih turin peih fel a ni ta. Bible anmahni tawng ngeia chhiar theih tura awm hi thil tha tak a ni. An tan leh kan tan bungthar pawimawh tak pakhat a tling vein ka hria. Lawmawm hle mai.
Report this comment
13
phawkars Says:
September 8th, 2011 at 11:36 pm
Exampui zawh a, kawngka chhuah ruala exam kan zo ti a au lawng2 kha nuam ve mai2..
Report this comment
14
lr hlonchhing Says:
September 8th, 2011 at 11:59 pm
Post a va tlem ve aw, scheduled pawh awm thei lo. Khawnge misual ho in bihruk vek? Lo cuak ru…
Report this comment
15
Ignatia (33-115 AD) Says:
September 9th, 2011 at 12:10 am
Comment number 12-na tihdikna: Bible pumpui angin ka lo ziak a nih khi.. Thuthlung Thar chauh a ni rih e. He Bible lehlinna-ah hian Vakul leh Chawnghilhte hi awm ve sela an phuisuih lehzual ang mawle…
Report this comment
16
TuaiSialA Says:
September 9th, 2011 at 12:27 am
#14 Post submit chu a awm nual saw.. Admin lampang vang a nih zawk hmel. Ka post, pending-a awm pawh saw tlai dar 4-5 a ka submit a nia. A pending rei khawp mai. KTa post nen a lut rual deuh reng a, KTa post an schedule ve nghal mai se ka’n ti deuh a nia. An inpeih lo deuh ni tur a ni.
Report this comment
17
CFL Says:
September 9th, 2011 at 12:31 am
Ka lung i tileng thar leh ta hle mai thianpa chu a. ka rilru ang pumi i lo awm hi chu ka vannei teh e. A dang pawh han ti lehzel nang che.
Report this comment
18
eL Says:
September 9th, 2011 at 12:37 am
suihlung a va leng ve…
Report this comment
19
sihal Says:
September 9th, 2011 at 12:43 am
ka pa savun pheikhawk thalai lei kha sairawkherh phan tan tiin ka hlep ve ringawt a a hriat chuan ka nuamlo nasa.. .
Sava veh kha tihfuh tum chuan nuam ve mai mai, ni 1 perhthlak kha vawikhat ei te a tling ve thin asin..mahse tunhnu hian ka inchhir khawp mai, khang nungchate kha an rem zo mai dawn ta si a..
Report this comment
20
rohlupuia chalrang Says:
September 9th, 2011 at 12:46 am
#14 post thar zung zung ai chuan post chhun ngaihnawm/chhiar manhla deuh nise.. han khel vak hlwm mai ila.. te ka tia..
Report this comment
21
kiddo Says:
September 9th, 2011 at 1:24 am
lung hlui a ti leng hle mai i thil post chuan..Pa sawntlung pawh thin lai te pawh min ti hre chhuak e a….
Report this comment
22
Grey_RM Says:
September 9th, 2011 at 2:33 am
Lunghlui a ti leng an ti…a ni tak2 a ni ang a…
Report this comment
23
Bridconn Says:
September 9th, 2011 at 4:29 am
Sephung zawnga bawng ek kan thai vak vak thin te, khuangbai kua kan hai te, kan inbikhurlaih siak lai te leh in sal man te khan ka lung zuk ti leng hran lem lo a. Zawlbuk erawh kha chu a chuan rei pawl khua kha kan ni a, a nuam dangdai ve hle thin.
Report this comment
24
Maya Says:
September 9th, 2011 at 8:22 am
ngaihnawm khawp mai . saihlum size hrang hrang khi kan ti ve thin a rual a saihlum hrual tam theih te kha kan intithei ve em em a , a ro tha veng vawng ai chuan a ro ai ( ro chiang lo ) rit deuh te kha kan duh zawk thin . lunglenthlak khawp mai . last para . duh ai in i ziak tawi .
Report this comment
25
Dr Mahminga Sailo Says:
September 9th, 2011 at 9:12 am
A va ngaihnawm leh pek em…

I thiltawn ho hi ka thiltawn nen a in ang thei riau, post-tupa… parekrap tawpna ber khi..

Nimin a i post-ah khan ka ziak tawh a. Saihlum hrual in hun ka hmang tam zawk a. Ka u chiah (kum khat awrh a kei aia upa) hian sava veh a tum thung a. Saihlum hnianghnar ka pek leh, sava sa ka ei tam mai thin…
Report this comment
26
Silver Oak Says:
September 9th, 2011 at 10:51 am
Exam zohah poh Naupang an Ponto duhtoh lo, In ah TV an en vek Games amaw an khela. Infuihporh a insual tir te phei chu har tak ani. Chil in hnawm hmasa sa….
Report this comment
27
Kawnga Says:
September 9th, 2011 at 12:05 pm
Mahni tawkah kan naupan lai hi kan ngai vek a nia.. Sawi ngaihnawm thiam phian mai
Report this comment
28
LR_rengsi Says:
September 9th, 2011 at 2:54 pm
Lung ava ti leng ve aw…. Tunlai thingtlang naupang te hian thakthing zuk hi an la ching ve ang em le… A nuam ve thin mai2 a sin aw.
Sa phing ham puar pet pawh kha nuam ve mai2 tak ani.
Report this comment
29
lushai_er Says:
September 9th, 2011 at 4:39 pm
A topic khi ka duh lutuk…! Kan chhunzawm ange aw :

“Sam ang ka then hnu, ngaini bang lo’ng”
Report this comment
30
muansangi pa khawlhring Says:
September 9th, 2011 at 7:51 pm
nunhlui thlenhlan ka nghakhlel kan tive hram teh ang
Report this comment
31
Unsung Says:
September 9th, 2011 at 11:32 pm
Tunhnu a ka ngaituah hian rual u te khan aia naupang zawk te an ti duhdah thin ka ti…tunlaiah an ching mang ta hlek lo..changkan na chi khat aniang
Report this comment