Mizoram State Technical Entrance Examination (STEE) 2011 endikna-ah chuan answer key dik lo a awm nual a, course pawna mi question set tel leh answer awm lo hrim hrim zawhna a awm niin Mizo Zirlai Pawl (MZP) Gerenral headquarters chuan an sawi.
Vawiin khan Aizawl Press Club-ah thuthar lakhawmtute kawmin MZP chuan, Supreme Court-in zirlaite answer paper en phalna a pek tak zulzuiin, Technical Entrance Exam chhanna chu RTI Act hmang-in ngun takin an enchhuak leh vek tih an sawi a.
Chemistry leh Physics subject-ah answer tur tarlan zinga a dikna awm thei lo te, dikna pahnih awm thei te, answer dik lo zawk a dik anga tarlan te, exam course pawna mi zawhna chhuak te a awm tih an sawi a. ‘Heng diklote avang hian zirlaiten mark 13 zet an hmuh loh theih phah mai ni lovin, an mark hmuh ngei ngei tur atangin mark 3.25 zet paihsak an nih phah thei a ni,’ an ti bawk.
Technical Entrance Exam-ah hian question paper te chu chi hnih – A leh B a then a ni a. Question A hi roll number kawpkimin an chhang a, B hi roll number kawpkim lovin an chhang thung. Zawhna pakhat chhan dikin mark khat a pu a, chhan dik lohin marak .25 paih a ni a, chhan lohin ‘0’ mark an hmu a ni. MZP ten exam chhanna an endik atangin question chhan loh, ‘0’ mark pek turah mark .25 paihsak an awm niin an sawi.
Biological group-a roll number M-1097 chu ‘0’ mark pek turah mark .75 paih sak a nih avangin merit list 103-na atangin merit list 100 na-ah a kai chho thei a. Engineering group-ah roll number E-0359 chuan Mathematics question no. 77 a chhanna dik chu dik lo anga chhiar a ni a, mark 3.25 zet paihsak a ni bawk niin MZP chuan an sawi a ni.
MZP president VL Krosshnehzova chuan, ‘RTI Act hmanga inspection leh document dilchhuah belh atanga hmuhchhuah belh-khawm atang hian zirlaite chanvo nasa taka tihbawrhban a ni tih a hriat a, rilru thianghlim taka he exam beitute hi a buatsaih dan fel tawk loh avangin chi-ai takin an awm phah ngei dawn a ni,’ a ti.
MZP hruaitute chuan tuna thil dik lo an hmuhchhuah chu siamthat theih a nih tawhloh thu sawiin, ‘Sorkar tihmualpho tumna lam nilovin, nakin zela felfai zawka an kalpui theihna atana puangchhuak kan ni,’ an ti.
Technical Entrance Exam chu a felfai zawk theihna atan, sorkara rawtna an lo thlen tawh angin Engineer group tan All India Engineering Entrance Exam (AIEEE) chu rin mai theih nise, Biological group tan All India Pre-Medical test (AIPMT) leh All India Pre Dental Entrance Exam (AIPDEE) te hman nise thaa an hriat thu MZP chuan an sawi a. Hemi hmang hi chuan senso tlem zawk leh felfai zawka exam buatsaih a nih theih an beisei thu an sawi bawk a ni.
MZP President chuan, SSA leh RMSA hnuaia hna lak zing mi 44 te ban an nih laia, dik lo taka latu leh laktirtu nia ngaihte an him pial lawi si chu mak a tih thu sawiin, ‘Candidate te chunga action la ngam mai ni lo, tidiklotu leh mahni mawhphurh-na a ngaia dikloa inpawmtu chunga hma la ngam turin Mizoram sorkar hi pen se kan duh a ni,’ a ti bawk.
Written exam emaw interview a ni emaw, pencil hmanga endik leh mark pek ni tawh lo se an duh thu MZP chuan an sawi a. ‘Pencil hmanga mak pek hian duhsak zawngte tlintir tumna kawngah remchang tam tak a siam avangin langtlang taka tarlan a nih theih nan pen ngei hman ni tawhse kan duh a ni,’ an ti bawk.
—————-
DIKLO NIA SAWI TE
CHEMISTRY-A
Question No. 25-ah channa 
chu dik angin tarlan a ni a, option an pek zingah a dikna a awm lo
Question No. 33 chhanna 
chu dik anga tarlan a ni a, chhanna pawh a dik thei
Question No. 39-ah chhanna 
chu dik anga tarlan a ni a, chhanna tarlan zingah a dik a awm lo.
Question No. 55 chhanna (a) chu a dik lo a, a dik chu zawk a ni.
Question No. 64 chhanna (a) chu dik anga tarlan a ni a, pawh a dik thei.
Question No. 74 chhanna anga tarlan chu a zawhna a chian loh avangin chhan dik theih a ni lo.
Question No. 75&76 chu entrance course pawn a mi a ni a, zirlai tam takin an chhang lo.
Question No. 78 chhanna anga tarlan chu dik lovin, leh a dik zawk.
Question No. 97 chhanna anga tarlan chu answer an pek zingah a dikna a awm lo.
PHYSICS A
Question No. 47 chhanna (a) anga tarlan chu, option zingah a dikna a awm lo.
Question 82 chhanna anga tarlan chu (a) zawk a ni.
Similar Posts:
- Technical Entrance Result buaina ril tual tual…
- Mawh u…
- MPSC Prelim exam dik tawk lovah puh
- Technical Entrance Examination 2011 result a chhuak
- Technical Entrance Exam Result hi
September 13th, 2011 at 8:29 pm
Answer 1
Report this comment
September 13th, 2011 at 8:35 pm
Answer 2
Report this comment
September 13th, 2011 at 8:36 pm
Puitling takah mahni hna thawh a va hun toh tak em aw,kum tin buai ziah mai.
Report this comment
September 13th, 2011 at 8:38 pm
Pencil hmang a marking.
Report this comment
September 13th, 2011 at 8:40 pm
An va set fimkhur awmlo
Report this comment
September 13th, 2011 at 8:41 pm
MZP hmalakna hi ka va
em.!! Hetiang MZP hi a ni kan mamawh ni. In kalzelnaah duhsakna ka hlan a che u. MZP tang fan fan..
Report this comment
September 13th, 2011 at 8:42 pm
3@
Report this comment
September 13th, 2011 at 8:50 pm
Ava chhangchhiat thlak thin tak em.
Report this comment
September 13th, 2011 at 9:04 pm
Hman atang tawhin exam fair takin an buatsaih hlei thei lo a nia….state dang tih angin AIEEE leh AIPMT te hi ring mai se. Heng exam-te an rin chuan a fair mai bakah exam a har avangin zirlaite’n an zirlai a bulthut atanga an thiam a ngai dawn a. Hei hian kan zirna standard pawh a vawrh sang ngai ang.
Hei mai bakah zirlaite tan institution tha zawk (NIT/BITS/IIT..etc) a luh theihna chance a pe tam zawk ngei ang.
Report this comment
September 13th, 2011 at 9:04 pm
Smiley khiiii hahahaaa
Report this comment
September 13th, 2011 at 9:05 pm
Kan hunlai pawh khan vawikhat chiah examin result vawithum kan nei…buaithlak thin mange..
Report this comment
September 13th, 2011 at 9:11 pm
Technical exam Result buai fona chhan nia ka hriat ve te( number ka pe leh mai dawn):
1. Officea thawkte hman atang tawhin an lo inthlah dah thang tawh lutuka, hetia RTI eng hnuaia hna an thawk lai han hmuh hian an lo efficient loh zia a lang mai chauh zawk a ni.Kum 4/5 kal ta khan hetiang hi a awm lo tihna a ni bik chuang lo.
2. Question settu te zingah Lehkhabua question awm tawh sa copy tawp ching an awm vang a ni. Lehkhabua objective zingah chhanna dik lo a awm ve thin tlat a ni.
3. Naupang an serious a, an huaisen tawh zawk bawk a, thil dik lo nia an hriat chu hailan ve hrim hrim duhna an nei tawh.
4. Optical Mark Reader kan hman loh avangin taima taka answer check chung pawhin tihsual theih tho a ni. OMR hman vat a ngai niin a lang.
Report this comment
September 13th, 2011 at 9:14 pm
Technical Entrance Exam neih apiang deuhthaw a engemaw dik tawklo thil awm ve ziah hi a hneawm takzet ta e
Report this comment
September 13th, 2011 at 9:14 pm
MZP hmalakna a fakawm.(Y)
Report this comment
September 13th, 2011 at 9:18 pm
STEE result-ah complaint a awm avangin, MZP hian RTI Act hmangin MBSE-ah answer sheet a dil a, MBSE-in a pek phal loh avangin, MZP chu Chief Information Commission-ah an zualko a; CIC chuan MBSE chu MZP nena inspection ti turin a hriattir a, mahse MBSE chuan CIC thupek chu High Court-ah an khing a ni. Supreme Court-in answer sheet-te RTI Act hmanga dil a nih chuan, pek chhuah tur tih thupek a chhuah tak avangin, MBSE chuan asnwer sheet-te chu MZP a pe lo thei ta lo a ni
- Vanglaini
Report this comment
September 13th, 2011 at 9:24 pm
MZP in an tih tur dik tak an ti e… A lawmawm.
Kum tin mai maw….huiham
Report this comment
September 13th, 2011 at 9:26 pm
MZP nge nge an titha thin e…. Good post
Report this comment
September 13th, 2011 at 9:27 pm
Kan buai nek nek chhung chu kan fel lo ang
Report this comment
September 13th, 2011 at 9:54 pm
@ 9 utupi, ka like mawlh2 e.
Report this comment
September 13th, 2011 at 9:59 pm
@12 buhduha sawi hi anih duh hmel khawp mai. Inthlahdahna, ngaihsamna, tihsual pawtihlohna, hremna tak tak awm silo, buai nuai nuai hnua sawi luih luih ngai hian technical exam hi conduct leh result siam a lo ni rei tawh a, kan thanhnan a ni ber.
Politics inrawlh hian a ti hnawk thui viau bawk. Hui ha….
Report this comment
September 13th, 2011 at 10:24 pm
Mizoram State Technical Entrance Examination chu an va nawi mai mai ve. MZP hma lakna a fak awm e
. An ni ang pawl lian in an tih loh chuan mimal tan tiang tih hi thil awl leh nuam ani maih lo,
Report this comment
September 13th, 2011 at 10:25 pm
O T teh ang..zanin an MAN HUNT final result an puan danvel uihzia hi..host tunu lah hi,adang an awmthlawt lo nge,a chuhchak ve hrim hrim..nge Minister hmelhriat aneitha zawk..
Ka lawm e.
Report this comment
September 13th, 2011 at 10:38 pm
Aw hrem phu hrem se ka va ti ve. Kan heti nuai xel mai a.
Report this comment
September 13th, 2011 at 10:50 pm
A tir atang reng khan minister ber ban si lovin, tinge midang an suspend leh si na vei…….. AIEEE chu hmang se, MBSE hian hna an ngah sawt anga, Power an nei tlem sawt ang em?
Report this comment
September 13th, 2011 at 11:07 pm
AIEEE hi hmang se…inelna (Erna ni lovin) i tisang ang u…College berh te2 (An vai chuan a ni chuang lova) in chuh2 lo ila. India rama college tha ber2 a kan seat neih te i chuh ve ang u. Tichuan, Er hna mu lo pawh kan tlem phah deuh ang…
Report this comment
September 13th, 2011 at 11:25 pm
Smiley mawlh mai khi. Answer options ho khi A,B,C, leh D anih avangin heti hian an chhuak zo ta (A)
leh 
Post serious takah MZP ho chu an han ang bawrh bawrh tak na a, smiley in a chawk ho ta vek mai
MZP ho an thawk tha e
Report this comment
September 13th, 2011 at 11:33 pm
Thil kan belh leh lawk, course a awm lo tih ang khi chu AIEEE emaw AIPMT an hman dawn chuan an tawng hnem viau ang le!
An Self assessment and Preview ah te hian a chhanna an rawn pek ah te pawh question pahnih khat te chu recent journals ami te pawh a awm thin ania.
RTI
Report this comment
September 14th, 2011 at 12:04 am
pawi hle mai, +2 passed tan carrier siam tum a beihna nia, hetiang diklo, exam vek tawh hnu a awm chuan confidence hi a bothuak zel nia, tihsual chu awm thei nia, mahse fimkhur mawlh rawh se, technical entrance exam ah hian sawi neuh neuh awm fo a, zia lo khawp ma
Report this comment
September 14th, 2011 at 12:13 am
Va pawi thin ve. Tihsual tam zawk hi chu fimkhur loh vang…
Report this comment
September 14th, 2011 at 2:18 am
Kum tin a tih sual a awm hi chu a mak ka ti
Report this comment
September 14th, 2011 at 11:14 am
Kum tin maia technical exam chuti khai tih ziah mai a ninawm ta hle mai, kan va theuneu tak em. Entrance exam ti tawh lovin HSLC result hi hmang mai rawt se, board dang chhuak an awm chuan MBSE chhuak preference pe se.
Report this comment
September 14th, 2011 at 5:35 pm
AIEEE etc hman mai hi a finthlak a ni, mahse kan hotuten an duhtlat silo. Engnge an duhloh chhan ni ang aw.. MZP hi an chetha tlat, he issue ah hian.
Report this comment
September 15th, 2011 at 2:10 pm
Ezokason Meenistar chu ala bang nange, hmanni khan a fanu leh makpa (Darktor) te pawhin mahni aia senior zawk sawrkar ah an luhkhalh anti lo mo? MZP khan han chhui chiang teh u, thudik kan hre duh????????????????????????
Report this comment