Engin nge mi mawlh ni, ka thuziak kha ka chhunzawm thei ta derlo mai. A rau a thawhloh chuan han ziah ngawt mai hi alo har hle ani tih te kan hrechhuak ve hnuhnawh a, thuziak ve ngailo ta chu. A thing ti tan chuan hei ai a thing hi avang ve khawp ang, tunlai a thil lar tak inthup ru tlat si anih na erawh hi chuan mi ti ziak chak ngang mai. Ka post hmasa chhiarlo tan chuan hriatthiam a har deuh maithei.
Zan khat chu ka rui phur mu theilo chuan zing dar hnihah kan kawngkapui ngheng chung chuan mum uk (parvon) chu plate ah ka chawk sauh sauh mai a. Ka phur ngang aniang chu chhungte mu tui lai chu “Dekchi ah i chawk ang u” ka’n ti hem mai chu min man chiang ve pangngai. Chhungte pawn tihngaihna mi hre tawhlo hi ani ber a, bathroom a ka in vit tur pawh ka pa in “Inchiu zo vat vat la lo chhuak rawh”, te mi ti ta mai mai a.
RO tlang a keimah a ka thut reng lai chuan ka thianpa alo chho bauh bauh a. Bauh bauh a tih hi a inhmeh em a tihloh theih pawh a ni lo, a kap a chhiat tawh avangin a kal bai uih uih reng atin ni. Ka thianpa hian damdawi a kawl vek avangin ka ti chak tawh lutuk chu ka thinrim bur a, a lo thleng chu kei ai mah in a thinrim tlat thil diklo a awm ngei ani. A chhungte’n an lo mansak chu ni in, a chhungte ai chuan amah chu ka ngei daih zawk, inrin hi a har ava har tak em. Ka thianpa chu melh pawh melh peihlo in ka chhuk tau nghawng nghawng a.
Pawisa ka nei silo, thluak a vir ta char char mai le ‘ pawilo suak leh mai ang’ (buhfai kan hralhruk hian suak kan ti mai zel a). Kan bazar bag chuan buhfai ka rut a kan thenawm te hnehah ka hralh ru a, ruihna khawp chu ka nei leh ta ka va lawm em! Standing nge ka dawr ang Ramthar corner – mahse hei hi chu buai dan tha chi. Inrinni alo thleng a chhungte bazar tur chuan bazar bag an hmu zo ta tlatlo mai kan thenawm nu chuan kan bazar bag ngei mai alo ak chhuak ta vah vah mai le, chhungte mit ka chungah a fu leh ta thup a.
Bike chhete ka nei ve a , college kal nan a ka pa mi lei ve ngei kha ania. SMS alo thleng a ‘Dawrkawnah ka awm’ nula ka ride pui ve dawn e ti rilru chungin rui fe chuan ka inkhalh chhuak ve ta a. Khawpui lunlai ah tak mai chuan petrol an zo ta mai chu ka zak ve ngang mai. ’Ngatinge maw nile zing ah ka thun reng kha ka bike hi a diklo ni entir a ngai’, zah vanglai tak chuan sum siamna ka ngaihtuah chhuak nghal a. “Ka wallet ka ah theihnghilh daih khawi i pawisa ka lo hmang lawk”. Engtintak min ngai ang maw kha nula khan, nula ai chuan mum uk ka hmangaih zawk fe si a. Ka bike in petrol a hap na ve si a, ka vein in alo hap pui ve angai thin nen ka tlan kang fo reng ani.
Tlai dar khat a ri a ka hit(inchiu)zo chu phur fe in college lamah ka in khalh liam a, basketball an lo khel dawn mek a (college week lai ania). Ka lo khel ve thin si a ka tel ve angai tlat, house leader te an tang ropui si a. Ka’n khel ve ang lawp lawp a, nuam ka ti ta phian mai a. Ka lay up tur cuan ka ngun(syringe) ka thlauh ta pek a, nula an tam ropui ka zak ropui.
BA result a chhuak a, ka pass ve ta. MA ka zir zawm dawn chuan ka nghei a ngai tih ka hria. Ka zirzawm duh bawk si ka nghei ta hmak ani. Ka suffer nasat zia hi chu ka ziak thiamlo zawk, Pu Vanneihtluanga te’n ziak se a ngaihnawm ngawt ang. Zantirah ka chhing sek a, dar sawmpahnihah ka harh leh a khawsik in mi tham er er a, ka ruh chu namenlo in a za bawk a. Zing dar li velah ka muhil zuai a dar nga ah chuan ka harh leh thei hram thin kar hnih vel ti hian ka awm a, ka thinchhe em em bawk ani. Tunah chuan ka anpui thin te, unau ang mai a ka thil tihsual pui thin te chhanchhuah hna hi ka thawh angai ani ka ti a, MSW ka zir zawm ta a ni.
Similar Posts:
- Bike-a Nula Phurh Kekawrte lang hi
- Kei ka thlang zawk
- Aizawl khawpuiah – Infiamna thar
- Mizo zinga hmasa ber leh a awm chhun:
- Ka rawn fang leh hmana kan tuanna
(Y)
September 23rd, 2011 at 5:02 pm
Chhiar leh ila.
Report this comment
September 23rd, 2011 at 5:06 pm
Good post mahse atawi eeeeee
Report this comment
September 23rd, 2011 at 5:07 pm
I chhuanawm lutuk.
Report this comment
September 23rd, 2011 at 5:18 pm
Report this comment
September 23rd, 2011 at 5:30 pm
I vannei hle mai, i chhuanawm bawk.
Report this comment
September 23rd, 2011 at 5:35 pm
A ngaihnawm viau dawn a. A tawp dan teh tut hian a ti ho zo vek.
Report this comment
September 23rd, 2011 at 5:41 pm
ziak ziak mai rawh. Hma i sawn zel a nia.
Report this comment
September 23rd, 2011 at 5:44 pm
Report this comment
September 23rd, 2011 at 6:00 pm
Nghei hlen loh vaih, ka rawn vaw nek ang che
Report this comment
September 23rd, 2011 at 6:01 pm
I chhuanawm lutuk tlat. Ti leh ngai tawh suh ang che. Mi huaisen tak i ni e. I post hmasa pawh kha ka chhiar e.
Report this comment
September 23rd, 2011 at 6:29 pm
OT lawks. MZU Sports Champion chu Govt. Aizawl College a ni ta e.
Report this comment
September 23rd, 2011 at 6:31 pm
Hmmm… MSW i zir mek thu i ziak tel a. Tin, i tawng bungrua atang pawh hian a tak tak a nih hmel tho bawk. Lo tang fan fan ang che. Rem chan lohna avangin i lo ti ve zawk mai mai aniang e.
I dinhmun hriatthiam pui miah lovin nakinah inla kris deuh deuhin an lo la comment mai thei a ni. Anni hi chuan sual hi an HAW em a. An hua a ni TAWP mai ka sawi thiam lo..lolzz. Kan ngawi hmak dawn nia aw post tupa…
:hlau:
Report this comment
September 23rd, 2011 at 6:41 pm
Parvon te, Proxyvon te, tunhma lama lo lar hmasa thin Optalidon te kha chu suffer tak tak (ti mai ang) Heroin (No.4) ang ani ve lova a zia khawp alawm. Na chhawkna abuse vanga taksa tham elul kha a ni mai a. Tuivawtin inbual a tha lutuk, suffer emaw intih kha a reh vang2 mai akekekeke.
Proxyvon OD ho te hi tuitla anga enkawlin an harhchhuak leh hma ber. Vawi tam em em tak mai midang ka chhan tawhna atanga ka hriat a ni.
I vannei ka ti thlawt. Lehkha zir duhna rilru i pu talh hi a ropui ka ti hle.
Report this comment
September 23rd, 2011 at 7:04 pm
Bata te, siai te pawh hip thin kha an awm kha maw le
Tih chhin rau2 ah chuan…….sawi leh lo mai ang
Report this comment
September 23rd, 2011 at 7:26 pm
12 huatloh theih pawh kan nilo,bum hi kan ngah lutuk tlat..nia kan dinhmun kha khirh ve tak chu ani.13 ka lawm e, nia tuitla chhan ang a chhan tur..OD hi AK kan ti..
Report this comment
September 23rd, 2011 at 7:55 pm
Ka lawmpui a che, i zirna-ah hlawhtlinna ropui tak i neih ngei ka besei a, drugs abuser leh an chhungte tan mi tangkai tak i la nih ngei pawh ka beisei bawk e.
Report this comment
September 23rd, 2011 at 8:03 pm
Drugs la khawih ve ngailo tan chuan, Drugs addict te dinhmun hi a hriatthiam theih tak tak lohva, an bula awm pawh hi thil peihawm loh tak a ni. Setanan Drugs hmanga a bawih ngheh tlat tawhte chhanchhuak tur chuan, an dinhmun hriatthiam pui tu tak takte an tha berin ka hria. Nang pawh tih tak zetin han ti teh, Chhanchhuah ngai an tam si; mi nazawng tih theih ani si lo.’No turning back, no turning back’
Report this comment
September 23rd, 2011 at 8:21 pm
Huiz!A va ropui em!Ka lawmpui tak zet che ni.Tun ah chuan KTP pawh an zia ve tial2,he khawvel a famkimness kan tum hi chu a fuh mawlh lo.
Report this comment
September 23rd, 2011 at 9:24 pm
Huai takin kal zel ang che.
Report this comment
September 23rd, 2011 at 9:25 pm
MSW chu enge? Master Of Social Work? anih ka ring ngot a, nge Microsoft Word?
addict dang te chhanchhuah nan Microsoft Word chu i zir em lo ang chu… Thuziak puitling takah chuan acronym hi hman loh hram2 thra..
top2 e
Midang tana i inpekna rilru chu
Report this comment
September 23rd, 2011 at 9:28 pm
Report this comment
September 23rd, 2011 at 9:32 pm
I naupan aiin thu i thiam zek mai a…..Kei pawn MSW chu enge anih ka hre miahlo….i suffer dan chu Part-3 han thawh leh la….i ngaihsanawm viau e…
Report this comment
September 23rd, 2011 at 9:39 pm
Keini tette a tanga ruihtheih thil pawh ti lo, sunday school kaikim man la thap thap, engmah testimony pawh sawi ve tur hre lo tan hi chuan khawvel hi a ho mange aw..Min an sual lai an han sawi a, chumi hnuah a khawngaihna a vanga chhandam an han sawi a, mipui an Amen thum dup dup laiin sawi tur kan hre ve si lo. Christianity hi duh tawka sual phawt a, nin tawh hnu a pianthar san leh a, tun hma nun ropui lem lo tak sawi a tah hluam hluam na nun ami? ( bo thaks )
Report this comment
September 23rd, 2011 at 10:06 pm
Msw cu master of social art nia. .a tangkai dwn khwpin k hria
Report this comment
September 23rd, 2011 at 10:08 pm
A hunlai a thinrimthlak, tun hnua nuihzatthlak ni tawh si i tawng teuh ang ka ring. Bazar bag mawlh khi! I ziah dan style te hi chhiar a nuam riau. LO chhunzawm zel teh. I tumruhna a ropui e.
Report this comment
September 23rd, 2011 at 10:08 pm
Master of social work ka tihna. .sory
Report this comment
September 23rd, 2011 at 10:11 pm
Sikret pawh kan nghei theilo ania,va ti ropui ang reng si ve.. Tang fan fan
Report this comment
September 23rd, 2011 at 11:39 pm
hnehna ropui a ni e, ka lawmpui khawp mai che. Tin, nangmah atang hian midang tan pawh tum chuan nghei theih anih zia lo lang zel rawh se
Report this comment
September 23rd, 2011 at 11:55 pm
thu i ziak thiam riau…i dinhmun ah chhiartu ngaihtuahna i hruai lut thiam. ti tlawrh dup kual vel ni lo…hetiang chi hi thiam ka tih chi tak. Chuan, rawn ziak zel rawh aw….follow-up type in
Report this comment