Tunhnai lawk khan Falkawn ah ‘Mim Kut’ an hmang tih leh Reiek ah ‘Anthurium festival’an hmang tih, chanchin bu atangin ka lo hria a. Heng Kut pahnihte hi chhim ve lo mah ila, chanchinbua ka hmuh leh ka hriat atangin Mizote hian khualzin hip nana kan hnamzia pholan tumdanah herrem ngai tlem kan neiin ka hria.
Anthurium festival :
Tourism Department huaihawta buatsaih a ni a, Reieka Zokhua siamchawp (Model village) ah hman a ni. He kut hi Mizoram pangpar ni lo; ‘Anthurium par’ hming chawia hman thin a ni.
Sawrkar milian : Governor, Chief Minister, MLA te, Mizoram pawn atanga lo kal mikhual te, Anthurium para inchei Anthurium girl an lar hle. Kumin Anthurium festival ah Mizorama chengte hnamlam chi hrang hrang : Mizo lam, Chakma lam leh Gorkha lam te entir a ni.
Thusawi langsarte chu : ‘Pipute atanga chhawm infiamna te, kutte leh thil dang tam tak a bo thin avangin, theih tawp chhuaha humhalh a tul’; ‘Khualzinte hip nan sawrkar laipuiin a tam thei ang ber kut phuahchawp siam turin a beisei’ ; ‘Khualzinten kawng tha tak tak leh in ropui tak takte hmuh an chak lova, ram mawina te, a chhunga nungcha te hmuh an chak,” tih te a ni.
Mim Kut :
He kut hi mitthite pual bika hman thin a ni. Mim Kut Organising Committee te buatsaih a ni a, Falkawna Mizo khua siamchawpah hman a ni. Kut puipate chu Mim Kut Organising Committee hruaitute an ni. Kut hmangtute zingah Mizo incheia inchei hmuh tur an awm bawk.
Mim kutah hian Mim Kut lo chhuah tan dan, Tlingi leh Ngama inngaihzawn chanchin atanga an thih hnua an insawngbawl dan te, Mim kut hmanchhan te, thlaichhiah dan te leh thil dang tam tak entir a ni. Sawrkar milian leh rampawn mikhual an langsar lo.
Heng ka han tarlan atang hian Anthurium Festival hi kan Mizo-na lanchhuah tira khualzin (Tourist) te hip nana buatsaih a ni. Amaherawh chu khualzinte hmuh chak zawng ngaihtuaha buatsaih a nih rualin Kut hming phuah/ puttir danah ‘Anthurium tih leh Festival’ hi a Mizo lo hle.
Kan nulaten an lua Anthurium par an han tawn chhiah hi chu khawimawlai thliarkar nula inchei dan kan mitthlaah a lang nghalin a rinawm. Chuvangin, hetianga khualzin hip kan tum hi Mizo-na hliahkhuha khualchhawn tum kan ang hle.
Anthurium hi ram changkang zawkten kan hriat hma daih atang tawhin an lo hre tawh a, keini ai aiin an tharchhuak hnem zawk bawk. Sumdawnna lamah market tha hle mahse, Mizo mipui mimir nuna bet a ni lo. Mizo thawnthuah emaw, hla thuah emaw Mizo khawsaknaah emaw hnuhma a nei lo.
Mizo pangpar, Mizo nuna bet tlat; ramdanga awm mang mang lo, mawi leh nalh tak tak, hla thua kan phuah kur nguaite hi khualzinho hip nan cheimawiah leh ramdanga thawnchhuah nan; a tlak tak tak lo em mi?
Phuahchawp Kut kan siam rau rau dawn chuan Mizo Kut neihho hi tihchangtlun dan kan thiam a pawimawh. Khualzinte mit chauh ni lovin beng tih tlai tel hian awmzia thui tak a nei thei.
Entir nan : Tuna Anthurium buatsaih ang a behbawm vel ti tel tho siin, Mim Kut lo chhuah tan dan, Tlingi leh Ngama inngaihzawn chanchin leh an thih hnua an insawngbawl dan te, Mim kut hmanchhan te, thlaichhiah dan te hi ramdang mi khualzinte tan thil thar, an la hriat ngai loh te a nih bakah Mizo-na lanchhuahna a ni. Lemchang thiamten thiam taka an chan phei chuan khualzin hipna tha tak a nih a rinawm.
Hmanni lawkah Mizo lemchan thiam rual, India ram hmun hrang hranga zin kual a, lemchan entir thinten Vanapa Hall ah lemchan an entir a. Chuta an lemchan thawhthu chu Shakespeare ziah a lo ni reng mai.
Mizo irawmchhuak lemchan entir nachang kan hriat loh vang nge? Mingo kan ngaisang hrim hrim? Hnamdangte ngaihsanna tur leh khualzin kan hipna tur chu hnamdang laka Mizoram leh Mizo nunzia danglam bikna te hi a ni tih kan hriat a va tha em!!
Similar Posts:
- Mizo hnam hrang hrang inchei-ah Chakma inchei nalh ber!
- Anthurium Fest 2007
- Anthurium Festival Vrs Grape Festival
- Anthurium festival neih leh a tul em?
- Inchei thiam ber Spi
October 2nd, 2011 at 2:06 pm
Nia maw le. A tha khawp mai.
Report this comment
October 2nd, 2011 at 2:12 pm
“Mizo pangpar, Mizo nuna bet tlat; ramdanga awm mang mang lo, mawi leh nalh tak tak, hla thua kan phuah kur nguaite hi khualzinho hip nan cheimawiah leh ramdanga thawnchhuah nan; a tlak tak tak lo em mi?”
Engte nge ni le ramdanga awm manglo pangpar chu
Report this comment
October 2nd, 2011 at 2:14 pm
Spa destination lian lutuk te hi kan reiek tlang leh hmuifang(?) velah te hian an awm rup mai se…tourist chu an tam viau ang…aizawl misual ho khan han invest ula, hlep hlang plus mizoram changkanna
Report this comment
October 2nd, 2011 at 2:21 pm
A dik khawp mai, full support ka pe a che.
Anthurium festival, a hming a tang reng reng hian ka helh tlat.
Tu rawt chhuah nge maw’n reng reng le.?
Report this comment
October 2nd, 2011 at 2:22 pm
Falkawna Mimkut hman kha chu a tha ka ti. Mizo tak khan engkim an ti a, hmanlai Mizo nun, tunlai mi tam tak in an hriat tawhloh te an entir a. Anthurium Festival – milian ho intawllenna remchang, Mizoram sum leh Official te hun(time) khawhralna ka ti mai
Report this comment
October 2nd, 2011 at 2:24 pm
Kut neih ho tih changtlun hi ka thlawp e…..
@3 pawh khi ka
Report this comment
October 2nd, 2011 at 2:28 pm
Post tupa i sawi tha khawp mai. Kan ram hruaitute pawh hian an ngaihtuahna hi seng nasa lehzual sela a tha khawp ang.
Tourist ho hian eng nge an duha eng hi nge an rawn zin chhan tih hi a pawimawh hmasa berin ka hria, chuti ni lova keimahni duh zawng ringawt kan kal pui chuan kan hip kal tamin ka ring lo. Kumin Anthuriam festival ah pawh khan tourist eng zat nge kan hip kal le, ka kal ve lova ka hre lo, a hria in awm chuan han sawi teh u.
Sazu thang (thirthang) kan kam chuan sazu ei duh zawng tur kan chawchah a, sa emaw nghathu emaw te hi chah ila kan awk chaih chaih mai a ni, theihai chawchah ila kan awk tha duh lo viauin ka ring. Chutiang deuh chu a ni e.
Ram changkang atanga tourist rawn kalte hian thil changkang tak hmuh an chak lemin ka ring lo, an la hmuh ngai loh, khuanu relsa mawina, leilung mawina kan neih ang te hi a nihna ang ang hian hmuh an chakin ka ring, keinin lo tih tunlaia lo chei chiam hi a tulin ka hre lo. Tlang mawi tak tak pawh kan nei, hetiang kan tlang neiah te hian motor kawng kan sial leh ruih mai thin, a nature nihna a tibo zo, ke a lawn peih lo chu lawn lo mai sela a ni mai lawm ni ka ti deuh.
BREAKING NEWS :- Aizawl Chawnpui vengah tlangval kum 20 mi vel an mahni bed roomah chawhnu dar 1 vel khan inawk hluma hmuh a ni. A chhan hriat a ni lo.
Report this comment
October 2nd, 2011 at 2:37 pm
7@, a va zia lo ve aw.
Report this comment
October 2nd, 2011 at 2:42 pm
Spa vela sum khawhral turchuan a local mi ten an hun an sen dan anga hlawh an neih loh chuan a awmzia vak chuang lo ang, ei tur tha, tui thianghlim, inkal pawhna tha, tourist hip tura shopping na hmun tihtlak deuh te a awm ve ngei chu a ngai ang le (ka ngaihdan mawl te)
Report this comment
October 2nd, 2011 at 2:43 pm
Aw haw kanbreaking news leh pek chu ava pawi thin ve le, thalai kan chan hnem ta hle mai
Report this comment
October 2nd, 2011 at 2:50 pm
Helen Lowry School a class XI zir lai a ni e> A pawi thin khawp mai
Report this comment
October 2nd, 2011 at 3:06 pm
Thalai mahni intihlum hi a tam ta mange aw..
post tha e
Report this comment
October 2nd, 2011 at 3:06 pm
Emile Durkheim ziah “Suicide” ka hrechhuak ..poi mang e aw..thlamuang tak in chawl rawh se
Report this comment
October 2nd, 2011 at 3:18 pm
Post tha tak a ni. Kan hmanna ala rei lo va,an ti changtlungin an ti Mizo telh telh turah ngai ang.
Report this comment
October 2nd, 2011 at 3:37 pm
Mirage.. lo haw la kan siam dawn nia
Report this comment
October 2nd, 2011 at 3:44 pm
Mizoram sawrkar hian Tourism policy fel tak nei sela, tourist lodge,highway restaurant, resort etc te hi privatise sela,mimal kuta a awm chuan a fel fai zawk ngei ang. Tourism development lam hawi entreprenuer te puih dan system fel deuh nei bawk sela. Mizoram ah hi chuan tourist destination a develop theih hmun hma tha zawng zawng hi sawrkar in a nei vek a, an enkawl tha leh thei si lova. Hei hi kan thanmawhbawk ani.
Report this comment
October 2nd, 2011 at 3:47 pm
@nastycool…Francis?
khonge i awm tak? ha ha ka hai don che alom…mizoram ah i awm toh a?
Report this comment
October 2nd, 2011 at 3:48 pm
awm toh e…
Report this comment
October 2nd, 2011 at 3:51 pm
Kei poh mikhual hip kan tum dan hi a fuh lo ka ti.Anthurium chu helamah poh pangpar dawr tin ah an zuar te reuhte te lian deuh te laihawl te.Hman deuh khan sap pachal kan chhung hnaivai pasal chuan mizo tea party buaitsaih u lang tah chuan hmanlai mizo thingpui mauthei in insem ang a kurtai nen bal chhum nen a hmun atang pawh dap in lian tak a chung pawh di ngei niseng in buaipui tak 2 theih dawn chuan ka lo puang zarang a a hun tur etc te nen a ti a kan thei lo tih thu ka hrilh a.
A ni chuan mi culture ang hmanpui te hi hnam dang tan chuan intihhlim ni bawk advanture ni bawk nuam kan ti thei teh a sin a ti mai.In a kan ei duh loh kan lak luh duh ngai loh poh heng hmun bik kan fan thin na a an ei ang chi te hi kan ei ve thin a ti,
Report this comment
October 2nd, 2011 at 3:55 pm
Anthurium girls te chu an pix han dah nghal la tha tur ania.
Hnam thil hlui humhalh a vawn that nachang kan hrelo lutuk hi chu a pawi ngawt mai. 
Report this comment
October 2nd, 2011 at 4:09 pm
Ka lo bengkhawn teh chiam lo va, Mim Kut mizo tak a hman a nih chuan a tha khawp a lawm.. mahse, https://misual.life/2011/09/...../#comments… post tu hi Hnamsakhua a kha nia a phen ah hian tum an la nei zel a ngem ka ti deuh kei Kristian val hian.
Report this comment
October 2nd, 2011 at 4:11 pm
Post tha tak anih hi le, thuneitute beng thleng ngei se… Hmanni deuh khan vai officer rual ho Aizawl lokalin `Zan lama lenvelna tur min zawt a, DURTLANG A KV PARADISE ka kawhhmuh tawp.. A dang ka hre miahlo.. Kan neilo bawk… TOURIST TE LOKAL REMCHAN LAI A LENVELNA TUR HMUN KAN NEILO LUTUK HI THUNEITU TE HIAN NGAITUAH RAWH SE… #7 apawi thin hle mai…
Report this comment
October 2nd, 2011 at 4:12 pm
ANTHURIUM FESTIVAL a nih chhung chu ka kal lo ang…
Report this comment
October 2nd, 2011 at 4:44 pm
@rohlupuia chalrang, keipawh mawle. Kan hotute (vai) an lokal a , chhun leh zan lama hruaina tur kan han sawiho a, a vang tawp. KV, Reiek leh Science Centre ah te an hruai ta niin ka hria. Ho an ti ngawt ang. Tourist attraction awm mawlh heklo le
Report this comment
October 2nd, 2011 at 5:23 pm
Kan hman ala naupang deuh a ni e
Report this comment
October 2nd, 2011 at 5:26 pm
Tourist attract tum nghal viau mai hi,mak ka ti ang reng. Thil reng2 hi commercialised a nih hian a hlut na a bo a, a daih rei tak2 ngai lovin ka lo hre ve mai2………..a chhan chu a nihna ang ni lova in siam danglam reng tur a nih chuan, thil in thlak reng chuan hlutna a nei hman ngai lo.
Report this comment
October 2nd, 2011 at 6:11 pm
Kan nu leh pa rual,kan ram roreltu te hian thalai te idea leh hmathlir hi an tawmpui thiam tawhlo ani e, st.pauls teacher Sir.Simon a khan cls 10 kan nhlai khan, ‘in ram siam tha tur chuan in nu leh pa te rual hy an thih vek phawt a, thalai ho hian idea thar nena huaisen deuh a hma in lak angai’ atia,ka tawmpui khawp mai
Report this comment
October 2nd, 2011 at 6:12 pm
Ti daih ila, ngaizael atanga chanmari kawng phei hi MG Road anlo ti leh hman tawh anih hi. lolz
https://i52.tinypic.com/2aalfms.png
Report this comment
October 2nd, 2011 at 9:31 pm
Hm… ni thei tak a ni. Ka lo ngaihtuah ngai hlei lova. Heng festival lai hian khualzin sawm luh an nei reng em? tih pawh hi zawhna awm thei a ni e.
Report this comment
October 3rd, 2011 at 12:50 am
Kan tawngin eng hming mah kan phuah thiam ta lo! Anthurium ai chuan ‘Anthur’ par pawh ka duh zawk. Kan Tourist Lodge-ah hian Mizo Officer-te hi an riak zing ber awm e! Anthurium hi mihausa nupui, chhul lak tawhten buaipui luai luai lo se chuan a FESTIVAL hi kan hmang awm tawp si lova!
Report this comment
October 3rd, 2011 at 7:37 am
#30
Report this comment
October 3rd, 2011 at 7:47 am
funny, Cheraw pawh bamboo dance tia an puan hram thin hi mawle. Mau lam anilo
Report this comment
October 3rd, 2011 at 3:09 pm
# 30..
Chhawkhlei, Ainawn, Chawnpui, Dingdi, Hawilo, Tuahpui… a va tam tak emmmm!!
Kan politician-te leh an thuihruai ho nuamtawlna mai mai niin ka hria…
Anthurium…
Report this comment
October 4th, 2011 at 9:32 am
Nia Anthurium … Ropui khawp mai, kan pi pu te khan a hming te hi hre ve tak maw ??? Kan Pu tena min thanpui an tum dan hi chu hriat thiam har chu ka ti ve thin. Cheraw world record te kha tourism tih hmasawn nan te tih vel ani em khah ? Khang avang khan tourist engzah nge kan zoram hian a neih tawh hei kum a liam chu a ni ta mai a. A ler lamah hian thil hi kan bei hluai zela awmzia a awm thei tak tak lo ani kan ram veah hi chuan.
Report this comment