mi(sual).com

Nghilhloh 123
-H.Zate
Hmar Run.
Lenruolkhawvel.worpress.com

Kha zan kha ka la hre reng, ka rilruah hian ala cham reng a ka theinghilh thei lo. Ruah a sur cher cher a, ruahsur e tilo chuan Silchar khawpui khua chu a vawt chuang miahlo. Kha zan kha alawm Tuilet hnu a, Hmar Nula ka kawm/teks (text) hmasak ber na chu. Ka khumah ka muzal a, ka Fawn (cell phone)ka khawih neuh neuh a, ka awmhlei chuan thian tur ka zawng ta a, number ka hmet a, ka number ka hmet zel a, a laihawl a number thlakthlengin a tawp number 123 chu dah si in, thu ka thawn ta a, ‘Hi, How r U’ tih hi ka thawn a. a hnu reiloteah chuan ka fawn chu a rawn ri ral ral a, ka han en nak chuan a tawp a 123 awm kha alo ni lek a, ‘hi, im fine, den u, hu r u,’ tih hi a rawn thawn ve a, kei chuan ka hming leh thian tur zawng a thutawn ka nih thu a chhangin, thian kan ni thei ang em? Ka ti zawm zat a, ani chuan a theih tur thu in min chhang ve a.

kan hming te, kan nihna leh kan awmna te kan inhrihl a, thil ho ve tak tak te kan sawi dun a, a tawngkam a mawlmangin kawm a nuam em em mai a, mahse, zaidam tak erawh a ni lo. Zankhatna ah pawh vawithum min hau hman maw nia, hun a rei hnu phei chuan engtin tak min vin ang maw? Ka ti a, mahse, ka bansan chuang lo. A hnam hming ka zawt a, ka rinloh tak maiin , Mizo ah pawh ka Hmar pui alo ni a, “Hmar tawng i thiem am” (Hmar tawng I thiam em) tiin msg ka thawn a,”Thiem ie” (Thiam e) tiin  min rawn chhang a, ani thung chuan “Mizoram mi nisiin Hmar tawng I va thiem de” (Mizoram mi nisi in Hmar tawng i van thiam ve) a rawn ti a, kei lahpek chuan, Baibul ah Mizoram a awmchuan Hmar tawng a theihnghilh tur ani tih ziak I hmu tawh em? Ka ti a. Hmu love, a rawn ti a, “Hmuhloh te chuan, Baibula awm mah kan zawm senglova, a awmlo pui chu zawm I tumlo teh ang.LOL” ka ti ve chat a. A rawn nui ringawt a, mahse, kei chu ka nuih a za lo. Ka Hmar tawng thiam hi mak anti ziah mai hi ka thinrim ve deuh tlat a. Ka theihnghilhloh tur zia leh van sanzia khi ka ti deuh mai a, Vai tawng leh sap tawng mah kan la zir belh a, ka thiam tawhsa chu ka theihnghilh phal teuh lo.

Thil eng eng emawni kan sawi kan sawi a Zan Dar 11 alo ni der tawh mai a khamlo hle mah ila, nidang  atan tiin kan in mangtha ta a.chutia kan in mangtha hnu chuan those lente zarin mutzai ka rel ta a, mahse, ka muhil thei lo, a lum lutuk a, ka khum ah chuan ka let ka let ringawt mai a, Zanlai alo nih meuh chuan ka tih ngaihna hrelo chu ka tho thut a, ka inbual ta ringawt a, ka inbual zawh chuan ka mu thei ta hram a.

Ka lo mu tui ngang a ni ang, Ka mit ka han men leh nak chuan alo Tlai tawh khawp mai a, Dar 6 minit (minute) 35 in alo pel der tawh a, ka tho vat a, ka intifai sawk sawk a, Ka thianpa lo inphifai ve mek nen chuan kan ti ti dun a. ka khum lam aka va pheileh nak chuan ka Fawn ah chuan 123 tih hian chibai min rawn buk a, ka chhanglet ve leh nghal a, vawiin engnge itih dawn ka tih chuan In leh a vel ka tifai ang arawn ti a,Ka thianpa nen chuan ei rawng kan bawl map map a, kan in teks reng bawk a, kan hmeh tur min zawh chuan Thla khat chhunga kan hmeh turn en lam ka hrilh vek a,Zinglamah Alu leh Dal Bai, Tlai lamah Dailuah leh Alu bai ani leh tawp mai a, hetia a hming han tih danglam deuh hian chaw ei te pawh ati tui ve deuh a, a ngai hlir kha a ngai nilo ang deuh in kan hmeh ve a. kan chawhmeh ka han hrilh chu a nuih a za ngang ni tur ani a rawn khawl (call) hial a, a nui uar uar a, a aw ka hriat hmasakna ber ani a, ngaihthlak anuam khawp mai. Ka tan chuan a aia mawi awm hian a mawi lo. Kan Inbiak lai chuan ka sawi ber pawh ka hrelo, ka hamhaih vek ni ber in ka hria, sawi tur ber pawh ka hre lo. Engtin tin emawni ka tlingtla thei ve hram a, kan inbiak zawh chuan fawn ka dah a, chaw kan ei a, kawlej (College) lam panin kan kal ta a. Ka thianpa nen chuan thil eng eng emaw kan sawi dun a, ka hmeichhe teks chungchang te kan sawi a, ka thianpa chuan teks chunzawm lo turin min ti a, mi tamtak hetiang vanga buai an awm thu min hrilh a, ka aw liam ve mai a, mahse, ka awihloh miau avangin chutia min hrilh reng lai pawh chuan ka teks reng a. Ka thianpa thusawi chu ka Beng lehlam ah a lut a, lehlam ah a chhuak leh hi ani ber. Ka hria a, mahse, ka zawm chuang silo, kawlej kawt kan thlen thleng chuan ka teks a, ka lo teks tui deuh nge maw nitur ni, kan Lecturer pakhat in min hmu a, ka fawn min mansak  phah tep.

A ni hi Hmarkhawlien, Assam a awm niin Ekzam zo chawl hmangin Tripura a a pu te bulah a zukawm a, ei rawngbawl bak tih tur nei heklo, ka teks a piangin min chhanglet ve thei zel mai a,nuam hi ka ti ve em em mai a, sms chhas anlo sawi thin chuan min bual ä ni ta berin ka hria. Nileng deuh thaw in kan in teks a, hmel inhmulo mahila kan inkawm ve reng a, kan hlim ve em em a, ka teks a min chha har viau chuan ka lo thinrim ve hial thin. Chutiang chuan ni leh hun kan hmang ral a, kan inhriat atangin Thlakhat hial alo liam ve ta, ani pawh an khawlama arawn haw ahun ta a, a rawn haw hun chu ani telin a hnai tial tial a, a rawn haw hun atan nikhat chiah a ngai tawh tih ah phei chuan ka zau thau in ka helhhawlh hi ani deuh ber, in hmuh ngei tumin kan intiam a, ka nghakhlel lutuk hi a takram a thlenglo palh mai ang tih awh ka hlauhlel lo. Hui ha, a Ni a rawn thleng ta, ka insiam a, Kekawr bul dum leh T-shirt dum ha in Zan Dar Kua a rik chuan Silchar Rel Stesawn (Rail Station) ah ka ding vang tawh a, an rawn thlen chin ka zawt a, ka nghakhlel a, ka huphur bawk si. Min hmu se, ka hmel pui roh hi chhia ati viau lo’ng maw? Min teks duh tawhloh nan a hmang mai ang em? Tih te chu ka rilru tibuai tu ani. Ka hma a Rel kawng inzam ruih mai chu ka melh tlawk tlawk a, kan piah a kan Inkhawmna thin Hebron Baptist Church chu a changin ka en leh zawk thin a, Rel stesawn platfâwm ah chuan ka vei kual sek mai a, midang awm ve ho chuan mak min tih hmel khawp mai a, min enkar hlawm a, hrelo awm hian ka awm hmiah hmiah a, ka nghakhlel lutuk vang nge ni rei hi ka tie m em mai a. a tawp a tawp ah chuan thupuangtu chuan Bengali tak mang khengin hun reilote ah rel alo thlen tur thu a rawn puang a, ka lawm kher mai. Thu a rawn puan a tanga minit (Minute) 15 vel a ral hnu chuan ka nghahhlelh em em mai Rel chu a lo lang ta a, engvang kher chu ni maw Khami zan kha chuan Kha sekhen klas (2nd Class) Rel bal mangkheng kha mawi zuk han ti teh tlat a.

A rawn tawlh zal zal a(Rel chu), ka bul a rawn thleng ta, 123 chu ka zawng ruai a, a thawmhnaw inbel atangin ka zawng a, ka hmu thei hram a, chibai kan han inbuk chu ka tiril hi a khur ni berin ka hria, mahse, thu tam sawina hman anilo, mawtawr kan zawn vatloh chuan an tumram an thlenglo mai dawn. A thawmhnaw leh a thiante thawmhnaw chu ka ah sak a, mawtawr hire in khamlo leh ninglo tak chungin Hmarkhawlien lam kal tur chuan ka vailiam ta a.
A tuk zing alo ni a, nidang ang thoin kan in teks leh a, a hmel ka hmuh tawh bawk nen, teks hi nuam ka ti hliah hliah tawh mai a, ka buai viau  pawh hian ka buai ka tiphal lo. Kan inkawm reng a, kan in ngfaih thu kan infah tawn reng thin. Nikhat chu Silchar ah thil tih lawk tur a neih a vangin a rawn kal dawn a, stesawn ah ka lo nghak a, ka nghahhleh vang nge ni, khawvel a mi ka nghah tawh ah chuan rei ka la ti ber awm e. vaiho zingah chuan mahni chauhin ka nghak reng a, khua lum bawk si, mahse, hmuh ka chak em avangin ka hawsan mai phal bawk silo. Reife ka nghah hnu chuan a rawn thleng ve the ihram a,a mit chu du lutuk lo hian a rawn dum a, kekawr tlawn, tawt lutuk lo a rawn ha bawk a, a bengbeh te, a kawr hak leh a thil inbel engkim mai chu inhmeh hliah hliah hian ka hria a.

Kan Bazar a, Elora a tanga tanin, Ismail Market kan phei a, Vishal ah lut leh in, tin, Dawr changkang dang dang ah kan lut a, nuam kan tie m em mai a, khami ni a ka hlim zia kha thu hian ka hril chhuak zolo ang. A kianga awm kha nuam ka ti hliah hliah ni ber hian ka hria, Lei thieh zwng  zawng kha lei a tum tae maw tih mai tur hian engkim mai kha min en pui a, kan bun chhin a, kan bun chhin loh leh kan ha chhin zel a, kawngpui ah pawh chuan kan nui dun reng a, a hnu a ka ngaihtuah leh hian khami ni kha chuan kan bula midang awm ve ho khan mawl min ti ngawt ang, ka ti ta a. A thilti lai leh a chevel mai mai pawh kha ka hlimna min thlen tu ani thei zel a, a tawp ber atan Big Bazar ah kan lut a, kan zauthau hi ani ber, chhuatlai ah te chuan thla kan la vel a, Security te pawh chuan ih ngaihna vak min hrelo, min en a, annui ve tawp ringawt mai a ni.

Tlai lam Dar thum ani a, Hmarkhawlien lama haw turin mawtawr kan nghak leh a, kan hmu chiah chu min hawsan leh ta a, ka khua hi a hare m em mai a, mahni chauh a ka awmna lam pan a kea ka kal hnak hnak lai chuan chhun a kan hlim dun zia te ka ngaihtuah a, ka ngai ngawih ngawih ringawt mai ani.

Zan alo ni a, ka lung aleng em em mai a, kan in teks reng chung pawh chuan ka ngai em em tho mai a, mak hi ka tie m em mai a. vawikhat chu thil eng eng emawni kan sawi dun malh malh a, ngaihzawng a neih leh neihloh ka zawt a, a neih thu in min chhang a,”chu chu tunge I hre duh em ?” atih pawh chuan ka hriat duhloh thu in ka chhang a, hriat kha tul ka tit lat lo. Thil dang chu ka zawt zui duh tawhlo. Zawh belh vak chi ah ka ngai tawh lo. Kan in teks pawh chu nuam ka ti lo, mahse, ka tihlan a rem silo.

Hun a liam a, Ni leh Kar leh Thla a ral a, Thla thum a ral meuh chuan ka ngaina hle tawh a, zan khat chu kan inhau a, ka sawi ber pawh ka hre tawhlo, thil tihsak turin min ti a, ka duhlo a, a thinrim chuan mi pawh min hmangaih o, I tan hian engmah ka nilo, a ti a, keilah pek chuan ka thinrim tih ngaihna  hrelo chuan, “ka engmah ini lo reng alawm, ka hmangaih ngai reng reng hleinem che” ka ti ta phawng mai a, a rilru na lutuk chuan, in teks tawhlo  turin thu ati tlu ta mai a. kei pawh chuan ka pawm thlap a, tha ka tie m em ringawt mai a, a tir chuan ka awm thei lutuk. Mahse, hun a ral a, kkar khat vel a han ral meuh chuan ka ngai lutuk chu ka insum thei tawhlo, ka Fawn a min chhang duhlo. Pawi hi ka ti em em mai a, ka rilru puthmang pawh ka lo hrethiam lo a, ka rilru chhungril hian alo hmangaih reng ani tih hi ka lo hre silo. Ka tih ngaihna hrelo chuan Thu ka thawn leh ringawt thin a, mahse, a sawt tawh chuang silo. Ka kalbosan hun ah che chuan hreawm ila ti ve ngawt ang atih lai a ka lo ngainep lutuk te kha ka inchhir rum rum a, a chhungte nen kan inhmuh tum a a nu in kan makpa hual ti a min fiam lai te kha ka ngaihtuah chhuak a, ka chunga a rilru puthmang chu tunah hian ka hrethiam uar uar a, mahse, sebo hnu a sekawng khar ansawi ang maiin a sawt tawh chuang silo le..

Tun hnu a ka ngaihtuah leh a, ka han hriat leh hnu hian min tina lehzual a, ngaihzawng ka nei atih kha tudang nilovin, keimah hi ka lo ni a, ‘Min hmangaihtu hi awm ve se aw..’ ka tih thin lai a, ‘a hmangaihtu che an awm a I hrethiamlo zawk anih kha’ atih te kha ka hrechhuak a.Hun liam tawh chuan min vel a, ka lo hrethiam har lutuk kha pawi ka ti a, tunah lah ngaihzawng dang anei tawh si a, tih ngaihna awm tawh si a.

A tawpna a tan tiin “Nghilhloh 123 ka ngai thei lutuk che asin, Ka Hmangaih lutuk che” tih hi ka thawn ringawt a, ani pawh chuan, “keipaw’n ka Hmangaih che, ka ngai thei lutuk che, mahse, a rem tawh silo” tih hi a rawn thawn a. “khami Ni kha ila hria em, ngaihzawng ka neih leh neihloh min zawh ni kha?Ka neih thu in ka chhang che a, tin, ka ngaihzawng I hre duh em ka ti a, mahse, I duhloh thu in min chhang a khatihlai khan ‘aw’ tih chauh te pawhin min chhang ni la chuan, ‘Zate, Nangmah hi a lawm’ tiin ka chhang ngei ang che. Mahse, ka lo beisei angin min chhang ta si lo. I chunga ka rilru put ve chu ka hrilh ngam ta lo che a nih kha”. Chu a thu rawn thawn ka chhiar zo chu ka mittui a far zawih zawih a, ka tap tlawk tlawk ringawt mai a, tih ngaihna a awm tawh si lo. Ka fawn a, a aw chu a tawpna atan ka han ngaithla leh a, amah pawh a insut ve hlat hlat a, a tap ve tak mai avang chuan ka ngai ngam lova ka dah ta ringawt a.

Hring khuavel ah rem tawh lo mahse, ansawi Hmangaihna daih tawhlohna Hreawm leh nat reng awm tawhlohna chatuan ramah tal lengdun ve tur in kan inthlah liam ta a.

Ni 11 April 2013, Ningani. Silchar.

Similar Posts:

• A mak ta luo
• Tlai nghahhlelh awm
• A ngai em em che a sin
• Ka lawmpui che
• MISUAL Physicist & Astronomer chhan(Answer) atan…

Recent Posts:

• NANG NEN NGEI HIAN
• June 2017, Mizo(ram) diary
• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!

This entry was posted on Saturday, May 4th, 2013 at 6:03 pm and is filed under Luangliam. You can follow any responses to this entry through the RSS 2.0 feed. You can leave a response, or trackback from your own site.