Hringnunah rualpawl chákna leh ban phák nih ka duh ve si a, rethei taka zirna han chhunzawm chu a har ngiang e. Tuarna phena malsawmna an sawi kha ka hre ve bawk. Mahse e, malsawmna chang tura tawrh hi a nep hauh lo.
Van ruahtui tla zawng zawng hmuam vek tum ang zia zanga ka an phuau tawh hnua, hmui dul pir per leh há 32 zet pawng per pura hmuam ka ni tih ka inhria. Leilung zawng zawng ka rap lovang ti ang zia zanga, ke zungtang panga lek pawh parh tha tak leh vawkte pian an sawi ang maia “áwm fek, dul kiar” la nih leh ngat phei chuan; zirna bak ka tán eizawnna leh nupui hmuh ngaihna a awm lo.
Mi In hnuai man tlawm thei ang ber tawp fip fepa, chengkhat pawh kawl lova ka thut cháng kha a tam lutuk. “Chengkhat kawl lo chu lu meh kawlh” tise zawng, ka lu a káwng zing malh malh viau ta ve ang. Chhungte rinchhan ngawta awm chu a inthlahrun awm a, ring pawh ni ta réng ila – rintlak an awm chuang lo.
Thiante aichuan ka hmeltha a, ka mit a paw chák a. Ka neih ang biangsum an nei ve lova. Chhungte rintur ka nei alawm tia inchhuanna tur neih ve lem si loh chuan, rethei taka ka zir a ngai tlat si. Chu a chhapah High sikul kal lai atang tawh rengin, “bang mai rawh” tih kha tawngkam tha ka dawn awmchhun a ni a. Ka inchawm tel a ngai miau si.
Nikhat inhlawh a, nikhat class kal a tul fova. Nikhat inhlawh tuar lovin, karkhat ka’n damtha lova. Karkhat dam loh tawh chuan chengkhat man damdawi a awm tawh si lo, thlakhat zet ka rin tur damdawi lei nân ka hman a tul fo.
Chawhmeh a to leh zel bawk nên. Chawhmeh neih loh tawpkhawkah Chaw Hmet ringawtin puar a tul a, a tawpa tui lem khawlh a ni tawp. Inneitute leh thenawmte lah chuan, chaw eiah sawm ang an ti ngai chuang lem lova. Chubakah, an chawhmeh rim ringawt kawpuar pui chang atam – chu zawng chu.
“Thenawmpa chaw i ei tawh em?” Aw, ei tawh e. “I va ei hmá ve, lo ei rawh ka ti ang ka ti ania.” Ka ei hma daih atang tawh khan, ka chaw bel lo chawi phei daih tawh tur alawm ti rilru ránin, ka aw ka séng thlàwn. Mi rawn ko leh a nih ngai chuan, “Ei nang aw” ka ti tlat tawh ang.
“Thenawmpa.” Phur takin Aw, eng nge nita?. Ei tawh em?” a ti thlarawk a. Chaw eiah min sawm dawn chiang, thenawmpa aia polite an awm lo ti rilru ran ranin, “Ei náng.”
“Va ei har ve, kan ei der tawh asin” ati leh daih si. Aw, bei nge sei run dung- ka hre nek love.
Chawlhni zingah pawr fapin ka’n tho chhuak a. Nimin lamah Sa ka lo lei lova aw ti tur pawhin, ka lu an mét kawng lo chauh kha a ni si a. Chawhmeh dahna-ah Bawkbawn vuai niau niau pathum an lo let bal anga, hei ngei hi a nih hi Ar sa chu. Thak leng lawng leh tui tam fein chhum an nâp a. Puar lo chung chungin, puar awm taka irhfiak pawp pawp a ngai fo thin.
Bawng thin chu a fry a tui, vawksa chu Antam thlak a tui a. Sangha chu a hang a tui tih zawng zawng kha zir chiah lo mah ila, ka hriat ka ring. Chutih laiin, thla tawp in luah man pek a ngai leh dawn emaw kha a ni tawh ang.
Ka pumpui luahtu tur pawh neih zawh loh nak alai a, in luah man a la ngai zui ang. Thla a ral ve chhen pawh engmah lovin ka thinrim phah fova, in-rulpuiludin ngar ngar pawha ngaihtuah chhuah a har thin. Chhungte chah ngawt loh chu tihngaihna dang a awm loh chang a awm. Mahse e, Rs 1000/- min thawn chuan thawn tam an inti leh khawp ang a, ka graduate thlenga ring turah min ngai leh tawp ang.
Engtin tin emaw ka pe tlak thei leh hram ang a, mit pawng hlat khawpin ka en tlawk tlawk ang a. Ka pek hunin lak let leh tum ni awm takin, kan inpawt-kan inpawt ang(nui suh). Thla thar a mi tur chu suangtuah duh suh, ka thi hman tawh mai thei a. A nih loh vek pawhin, in neitute ka invuak tir hrep tawh mai ang. Rilru a hah a, rizai ung khik khek hnuaiah, “Hui ha” pap pap a awl thin.
College kal a ngai a, inchei a la ngai ta deuh deuh. Ka ei chhiat chu thu hran, a thup bo mai theih. Incheina neih chhiat erawh thup chi a ni lo.
Duhthlan tur ka nei lova, duhthlan tur a awm hek lo. Hei hi chu a chhe em mai tiin ka hnawl zel a nih chuan, saruaka kal a ni mai. Pheikhawk ve thung hi. Ka Converse upa tawh tak, a ke phah pawp fup tawh kha ka bel tir tuk ang. Converse kephah bel hmasa ber ka ni mai thei a, a pa khawp ang. Pheikhawk siamtu pa a nui tut tut a, hmuh lo der mawlh kha a hreawm. Ka nui duh lo reng reng a, a siam zo ve mai.
Mi faten Thawhtanah – Converse, Thawhlehah – Supra, Nilaiah – Super Star, Ningaah – Timbaland leh Zirtawpah – Chapal nalh zet an phu leh siau siau dawn tih ka hre reng. An kawr leh kekawr a thar nitin bawk ang. Kei hi eng tin nge ni ang le?
Kei ve thung chu e-Thawhtanah – Converse kephah bel, Thawhlehah – Converse kephah bel bawk, Nilaiah – Converse kephah thlawn lek lek, Ningaah – Mawza nen chauh, Zirtawpah chuan ke lawngin ka kal tawh mai ang. Kekawr chu ka buai lo, kup tet hrep hrup an uar. Khup tet uar hmaa tet tawh ka nei ve alawm.
Kawr maw? A ngai hlir ka ha ang a. A changin a
hma a hnungah, a changin a hnung a hmaah
an thle tawn zak zak ang. Tah a va chhuak ve…
(Chhunzawm tur…)
Similar Posts:
- Damlai thla!
- Ruai i theh ang aw.
- Virgin-a pasal neih tum Bethsy nen
- Mizo chawhmeh hi a lo va tui em!
- Hmawlhte leh Artui in lawm thu
October 5th, 2011 at 6:34 am
misual hi news lo sawt riau mai, luangliam leh artikul mai mai post a tam, in fak liam liam lahin, tak tak emaw ti in an artikul an rawn thawh belh zel…..
Good Morning
Report this comment
October 5th, 2011 at 6:41 am
Drake…nia kan news lo ta khawp mai, rawn tang deuh la..:)
Good morning
Report this comment
October 5th, 2011 at 6:49 am
A ngaihnawm mang e! A vaiin ka lo tawn tawh a puangchhuak kim vek! I tawn khi ka tawn hnu vek a ni e. Chuvangin i thuziak hi ka duh hle e. Pheikhawk hi a rei lo berah kum khat ka bun ngei ngei.
Report this comment
October 5th, 2011 at 6:51 am
miss littlelaskar ka tan vang lawm ka sawi
Report this comment
October 5th, 2011 at 6:52 am
chhunzawm tur a ti bawk a, kan chhiar leh a niang chu. Thuziak tha tak anih ka ring e.
Report this comment
October 5th, 2011 at 6:53 am
@Drake, Misual.com hi News.comah chhuah i tum a ang. I duh dan hian artikul ziak lovin, news hlir ziak ila-ka bang hmak ang. Misual.com lo ah hian chhiar tur a tam lutuk tlat.
Report this comment
October 5th, 2011 at 7:02 am
Hei news chu – nizan 11.30 vel khan mi pakhat, nupui leh fa pawh nei tawh chu Tuikualah a inawkhlum.
Retheihna tem aih lo mihring nun chu a famkim lovang, rethei te dinhmun hrethiam dawn heklo.
Report this comment
October 5th, 2011 at 7:03 am
6# hlonchhing chu bang lul love, i ha 32 bal zet hmuam chung khan lo artikul ve zel tho la, news (mizoram news bik) tam thei se duhthusam na mai nih kha
Report this comment
October 5th, 2011 at 7:11 am
misual.com hi ka ngaihtuah thin a, a enkawltu(admin) te an fak awm ka ti thin. Zing dar 6 atangin darkar 2/3 dan zelah tuiluang ang maiin post thar an tichhuak char char mai a nia. A chang phei chuan, scheduled leh pending a ruak hiau changte a awm a, ‘Rinna’ in an kal ve takmeuh hian ka hre thin. Ngaihnawm tham a thuziak thiam hi lo luh belh zel se ka va ti em! Tin, news lam pawh contributer tha tak kan mamawh belhin ka hria. Midang tih atana khek lovin i tang tlang ang u. Huapzo.com anih hi hrerengin tumah inthlahrung hauh suh u. Category a tam em khi. Good morning vek u le.
Report this comment
October 5th, 2011 at 7:11 am
Nui deuh sek chung a ka’n chhiar chu le… Thu tha tak ni bawk si.
Hetiang thuziak hi chhiarnuam ka tih chi tak ani kei
A chhunzawmna rawn chhuak leh vat se a that dawn hi.
Report this comment
October 5th, 2011 at 7:13 am
@drake i tawngkam chu(h).
Report this comment
October 5th, 2011 at 7:23 am
Mrs. Drake chuti maw
Report this comment
October 5th, 2011 at 7:33 am
@lr hlonchhing ila na mai mai nih kha, have a nice day
Miss littlelaskar ilo belh second ve a, post tuper kan ti thinur dawn lom le hei le, zia lo hle mai
Report this comment
October 5th, 2011 at 7:42 am
@drake ka provoke nuam tih chi i ni. Rin aiin provoke i nuam tlat. Ka News lo lutuk thin hi a nia hreawm chu. Nang lo tang deuh teh.
Report this comment
October 5th, 2011 at 7:48 am
@lr hlonchhing min lo phrawvuak zel rawh
Report this comment
October 5th, 2011 at 8:00 am
A phawvuakah- phrawvuak.
Report this comment
October 5th, 2011 at 8:14 am
Ava ngaihnawm ve leee.. Hrangbana College-a kan kal laiin chhungten pawisa min thawn tur annei ngai silova, Ek kan paih thin.. A chang chuan mahni classmate te ek paihchang a awm.. Hmai kan tuam tawp zel… Ka lun i tileng euh mang e.. Post tupa…
Report this comment
October 5th, 2011 at 8:16 am
Ka lung i tileng reuh mang e…
Report this comment
October 5th, 2011 at 9:02 am
@Mrs Drake i hnungzui hi chuan mi ngei hlawhna a nih ber hi LOOLZ
Report this comment
October 5th, 2011 at 9:10 am
Thla tawp pawisa neih loh hre awm thei zia kha aw…post lunglen thlak tak a ni
Report this comment
October 5th, 2011 at 9:22 am
oneteen nineteen vel, shillong awm lai a, thiante khan kawngi dawrah ba khan kuhva leh thil dang an la thin a, kawng’n ba a han dil khan ‘council in hlawh an la theilo a’ kha anti thin a, an pa te hlawhla thei lo an lo sawi na lek ni in…Kawngi lah khan lo hrethiam ve zel tho mai!!
@Ms.littlelaskar min lo zui zel dawn nia, misual lawm kannih le
Report this comment
October 5th, 2011 at 9:24 am
Mrs. drake lolz nangmah i ni hrim2 ang Ba khi lolz
Report this comment
October 5th, 2011 at 9:30 am
Mrs. Drake kei hi min zui rawh, i ti fuh ang
Report this comment
October 5th, 2011 at 9:31 am
@Ms.littlelaskar ni lo e, kuhva ka ei ve ngai lo lawm, a tir chuan council hlawh la lo tih kha hre loksss lo a, an pa te council hnuai a thawk, hlawh la thei lo lek kha lo nia
@lr hlonchhing chu keimah zawk in ka phrawvuak don maw ni le, a va ngawita ve, a ha 32 artikul ah hian ka kawments hnem bawk zia, ka zak deuh
Report this comment
October 5th, 2011 at 9:35 am
@drake council hlawh lak a ngai tlat.(pil hman)
Report this comment
October 5th, 2011 at 9:41 am
he post hian engvangin nge kan nula ten midum an kawp chhan min hriat chhuah tir
@Ms.littlelaskar tiam in 
Report this comment
October 5th, 2011 at 9:41 am
Mrs Drake min zuitu rinawm ni ang che LOL
Report this comment
October 5th, 2011 at 9:45 am
Ka rawn lut leh zuai. Drake News a awm khi(pil leh hman)
Report this comment
October 5th, 2011 at 9:59 am
Retheihna II ah chuan @ lr hlonchhing hian ha nawt fai se, chuan vawkte pianphung pawh nei mahla, nupui tur i hmuh zawh ngei ka beisei
@Ms.littlelaskar min lo zui zel zawk la, artikul leh luangliam pawstuper ho kan phrawvuak zel dawn nia
Report this comment
October 5th, 2011 at 10:00 am
Mrs. drake kei hi min zui zawk teh, News te chu rawn dah zung2 la mawle
Report this comment
October 5th, 2011 at 10:21 am
@Ms.littlelaskar min zui zel zok rawh, news hi tunlai chu an kharchhawng zel a, admin te pawn kharchhawn bak an rawn post loh hi
Report this comment
October 5th, 2011 at 10:29 am
Mrs. Drake ngawiteh chu zawng ngaihtuah tham fe chu a ni e,
Report this comment
October 5th, 2011 at 10:30 am
Black ho ngawt ai chuan a hmel ang zawng a teh pawhin Mizo tlangval hi chu kan tling zawk maw le@Drake mahse kan in neih*** hleih em a ni!
Report this comment
October 5th, 2011 at 10:51 am
Engemaw chen hi a dik ang. I tan pawh ka tan pawh…
Report this comment
October 5th, 2011 at 11:36 am
26@ drake ka pian tirh ata midum hi thian takngial pawh ka la nei lo tlats, i vanngeiawm zik zek tak
Report this comment
October 5th, 2011 at 11:36 am
A van ngaihnawm mai mai e…. hetiang mipa ngei hi alawm ka duh chi…. Retheihna atanga harsa taka inzir chhuak a hnasang thawk ta te hian midangte harsatna ah hriatthiamna an nei ngah duh bikin ka hria
Report this comment
October 5th, 2011 at 11:46 am
36
Report this comment
October 5th, 2011 at 2:47 pm
I ziak ngaihnawm hle mai. Mahse ‘mahse’ tih lai ka nei deuh…Rs. 1000 inthawn tih leh converse pheikhawk tih khi thil dang nen khian a inhmeh lo lek lek em ka ti.
Report this comment
October 5th, 2011 at 2:52 pm
A ngaihnawm hle mai….part 2 kan chhiar leh nghal ange.
Aizawla mi in luaha awm tumruhna nena taima tak a lehkhazir a, hlawhtling ta te hi ka ngaisang. GUDPOST
Report this comment
October 6th, 2011 at 11:48 am
A ngaihnawm hle mai- thuhlui ka hrechhuak zawkmai. Tun ah chuan H/S zirtir tu hlun tak a nitawh.HBC a kal lai chanchin a sawi chu ‘chhungte hnen a tang in letter ka’n dawng a,a ruk te in zunin ah chhiar in ti hian a lo in ziak a- mama kan hmangaih em che vang in i zirlai tih bahlah kan duh silo a HEI VAWKTE kan rawn thawn che , a tihral dan lo ngaihtuah la i mamawh atan ilo hmang dawn a nia’. Khatih lai khan vawkte kha rs 200/300 man vel
Report this comment