Ber thla chawhnu kan lo chuangkai leh ta reng mai, boruak poh a thiang nuam in khaw lum avanga iak iak thin khan kan kut hmawr te chu taksa lum lai kan chuh tir ta fo maia, engdang vang ni lovin, ‘thlasik’ hun kan hmang mek zel a ni tih a tarlang chiang awm e. Zingah han tho ila, thilsiam tinreng te leh nungcha te ten an hlimzia an tarlang zual bik emaw tih mai turin khua a mawiin nungcha hram thawm a ngaihnawmin beng a ti tlai hle mai a, khawvawt um bo nan ti a mahni khum nghenga awm reng chu thil tih chi ah pawh ruat phalloh hial a mawi ani..
Hmundangah ngaihtuahna han lentir ila, zing ni chhuak a in pho turin thenawm te kawt ah pa ber poh ti ti vawrh suah suah pahin a thu leh hnur tawh ngei ang, khawimaw laiah chuan vur te a lo tla var leh iar anga, khawvawt hre leklo ang main naupang ho pawhin khawvel mawina an lawm leh anga, zing khawvawt pawh ngaihtuah miah lovin mahni vur dawh chu an ei leh bap bap anga, enge sawitheih kan neih chuan… ‘thlasik’ a ni tlat si, an hlimna leh lawmna san zia i hrethiam pha kher lo ang.
Mitin te chuan kan hma lawka ‘Krismas’ lo awm tur pawh mahni ta bik emaw tih mai turin an urlawk leh vut vut anga, chhungkim taka Lal pianchamphaphak lawm ngei tumin an inbuatsaih a, amaherawhchu lusun fate tan erawh chuan lawm a kim thei mawlh silo, rualduh kan then takte ngaih a zualin lung zawng a leng bik ngei e. Krismas hun chuan mitin te lunglen a kaitho in, rilru pawh a kal thui hle thin a. A khaw chanchin hre teh lua lo mah ila “Bethlehem” chaun lung min len tlat lawi si, mahni chauh a awm i nih pawhin ring leng lawng in “Bethlehem khaw lamah chuan lo haw rawh u” tih kha han sa ul ul mahla tuman an dem lovang che, Krismas lawm tuma inbuatsaih kan ni miau alawm.
Krismas kan han hmang zo anga, Kumthar hlimawm takin min lo hmuak lehzel phei hi chuan lawmna a va ti thuahhnih tak em.. Kumhlui thlah dan tur mawlh mai ngaihtuahin kan so leh hut hut anga, mitin mitin te chuan kumthar chu hmuh ngei tumin December ni 31 zanah chuan zan reh awm leklo in kan zi leh mup mup anga, hlimna kan zawng a ni tih a tarlang chiang hle awm e, mahse kan hman dan a inang thei mawlh lo, thenkhat chuan veng mawng lam atanga kumthar lo thleng tur mumal lo deuh a kan nghah lain thenkhat chuan Biakin lam atang ngei a kumthar hmuah chu kan duh si, hmundangah lah chuan mahni thian te nena lo intuituah tawk lah bo lo… Enge ni chuang…?? an duh danin an hmang a ni mai a, an hlim rei leh rei loh chu thuhran ni se…
Kan hma lawk a hunpui lo awm turah hian “I thil tih zawng zawng saw thlir teh, hunin a liam pui saw… Lal hmaa a dinpui tur” tih hla kah hre reng chuangin khawvel mawina chua kan duhdan theuhin i chen ang u hmiang…. 
Similar Posts:
- Kan khuaa krismas
- Suihlung Len tu
- Krismas Midangte Tan
- Halpuah khapna thupek
- Krismas/Kumthar vuakvet thlalak
November 13th, 2011 at 8:31 pm
Awi, ka lung a leng lutuk!
Report this comment
November 13th, 2011 at 8:38 pm
Ka lunglen a tizual. Tun lai chu ka lung a leng thei lutuk a, mut pawh ka muhil thei thin lo. Krismas hla ka ngaithla reng mai, tunah pawh ka ngaithla mek.
Ni e. Kan hma lawka hunpui lo thleng tur saw Lal hriatpuina ngeiin i hmang ang u aw.. Tichuan, hriatreng tlâk a ni ngei ang.
Report this comment
November 13th, 2011 at 8:43 pm
#1 & 2, chuti chu i computer a ruotmoii te ho chu an aw a chhang vek tawh hial ang a, i zaitir reng anih hmel sia! Hihi
Report this comment
November 13th, 2011 at 8:53 pm
Phone zawk. Ka phone-ah chuan Bethlehem arsi a êng phét phêt tawh a nia. Routmawi krismas hla (mp3) download tur ka duh ngawt mai.
Report this comment
November 13th, 2011 at 9:05 pm
Thianpa, tubidy.com ah khan lo enchhin teh, mahse a size a tê deuh thin a, a sound/video lam duhthusamin a fiah lo mai thei. Ngaihthlak tlak ve tak chu a ni e. Anih loh pawn kan inah kal la, ka nau ten an lo pe thei ang che.
Kan thudang alai chuan, he post hi tha ka ti khawp mai…
Report this comment
November 13th, 2011 at 9:12 pm
Mp3 chauh ka duh a. Chu pawh Mizo ni se. Engtin nge aw in in ka hriat theih ang le….hehe.
Report this comment
November 13th, 2011 at 9:15 pm
Misual member zawng zawng te, krismas hi ka bday a ni tih lo hre theuh rawh u ! Krismas lai hi chuan, pan lai nun hi a lo ngaihawm ber zel mai zawng a ni e. Kei zawng ka lung a leng e mai,ka mu mai dawn.
Report this comment
November 13th, 2011 at 9:16 pm
Report this comment
November 13th, 2011 at 9:18 pm
@ChhanaPa: A va cial ve! Krismas-ah chuan ka rawn hre reng ang che.
Report this comment
November 13th, 2011 at 9:26 pm
K’u tuaisial, min van hre lo hma deuh ve
Report this comment
November 13th, 2011 at 9:31 pm
Nick i thlâk zâwk nge? Tarmita chu ka van la hre love aw..!
Report this comment
November 13th, 2011 at 9:46 pm
Pate jacket fual kan ha chhuak ngei a, halpuah tlep 5 vel nen Britania biscuit bawm te chi pakhat akin tualcharah meilum kan ai tlaivar ve ngawt zel thin kha a nia! Damten awm ila a hun zawng kan hnaih leh ta viau chu a nih hi. Puitlin hnuah pawh hian a nghahhlelhawm tho zel mai.
Report this comment
November 13th, 2011 at 9:47 pm
A tawpa i hla thu rawn dah avang hian hei hi ka zawn phah, a zai hi ngaihthlak a nuam a ni.
https://www.youtube.com/watch?v=Drqr_u7pk3Q
Report this comment
November 13th, 2011 at 10:21 pm
Thlasik lai chuan hetiang (Kan kawmchar lam) han thlir hian Mizoram min ngaihtir tho mai.
https://i41.tinypic.com/2mchxs2.jpg
https://i43.tinypic.com/n6ajnt.jpg
2011 kumtir lam a ka lak.
Mizoram thingtlang khuaa masi hman hian rilru a masi bik ruihin ka hre fo thin.
Report this comment
November 13th, 2011 at 10:25 pm
E….lungleng in lo awm ve reng elaw??
Report this comment
November 13th, 2011 at 10:27 pm
@TS: Nangmah vang ka OT phah.
https://neitham.in/downloads/br.....alruotmawi
Report this comment
November 13th, 2011 at 10:48 pm
Ka download hmain – Ruata, ka lawm lutuk! Khawnge, ka download ang a, ka suihlunglen ka’n tizual tak tak teh ang.
Report this comment
November 13th, 2011 at 10:56 pm
Masi hian boruak a nei tlat a, kan puitling tawh chuti khati pawh ti ila a hun a lo thlen hi chuan lung hi a leng vung vung tho.
Lunglen sawi takah chuan – kawlkilah kawl a phe zek zek a, vanlaizawl ah khawpui a ri deuh dur dur a, tiang hun hian ka lung zuk leng tlat thin pek a.
Report this comment
November 13th, 2011 at 11:22 pm
lung a len tak2 chinah chuan e, hla te hi ka ngaithla ngam reng2 lo zawk mawle.
Report this comment
November 13th, 2011 at 11:29 pm
@century child chu ka sawitur min sawikhalh chu le
Keipawh ka lung a len tak tak chuan hla te hi ka ngaithla duhlo zawk.
Lunglen han tihngawt hian a fiahlo. Lunglen chi hrang hrang a awm. Zai pawh ngaithla ngamlo a lunglen te, zai ngaihthlak nuam tih veng veng lunglen te.
Report this comment
November 14th, 2011 at 12:01 am
Sheldon nen hian eng lunglen pawh tawrh dun ka zuam zak mai
Report this comment
November 14th, 2011 at 12:02 am
#20 sheldon : zai ngaihthlak nuam tih veng2 hi chu a nuam tawka lunglen ni maiin ka hria.
Report this comment
November 14th, 2011 at 12:19 am
@CC, tunah pawh hian a nuam tawkin a leng a, zai ka ngaithla pah veng veng.
@ltvangchhia, awmdun te chuan lung a leng dawn hleinem
Report this comment
November 14th, 2011 at 12:24 am
Post leh comments te a ngaihnom hlom khop mai.
Report this comment
November 14th, 2011 at 12:28 am
mahni chohin ka lungleng emaw tih laia keimah ang tho a lungleng in lo awm hi a va lawmawm ka ti dawn nge ka tawrhpui thu ka thon xok dawn che u.. Zan a rei tual2 a hla poh a lunglen tizualtu nge min chhawk tu poh hrehrang toh loin, a cool apiang kan ngaithla uluk toh mai alm le..
Report this comment
November 14th, 2011 at 12:47 am
@sheldon : a nawm dawn chu.
Report this comment
November 14th, 2011 at 12:56 am
@cc, nia, mizo atangin english ah. Sap ho hian hla lunglenthlak deuh deuh hi an lo ngah em alawm. Kan ngaithla seng lo. Tunah tak hian Lene Marlene ‘May be I’ll go’ kha ka ngaihthla. A… a zo chiah. Roxette ‘Spending my time’ in a zawm. A leng tulh tulh, lung. Upat hnu hian lung hi a lo leng duh anih hi
Report this comment
November 14th, 2011 at 1:13 am
@sheldon i hla lo sawi 2 khi nalh ka ti dun khawp mai. a bikin spending my time.
ilo luaithli vel riau2 ang e
Report this comment
November 14th, 2011 at 3:36 am
Ngaihnawm hle mai.
U a mas, lung a ti leng ruih mai.
tren tren.
Report this comment
November 14th, 2011 at 8:55 pm
Kumin pawh Krismas laiin exam ka’n neih leh dawn tlat pek chu le. December ni 26 a han exam salh salh thin hi chu ka kham ta hle mai.
Engpawhnise, post tha tak a ni e.
Report this comment