Warning kan pe leh hmasa ange. Tu emaw te ho tan chuan a kha leh fak fak khawp ang, Amaherawhchu, thil dik a ni miau si. Tihvak theih pawh a awm law…. Mahni nihna miin an han pholan deuh hi chuan nghing lawih hi an awm thin ania, mahse chumi avang chuan thudik a nihna a bo si law…
Corruption hi ‘ho te te’ i ngai mawh lutuk te pawh min ti maithei a. Kei, thingtlangpa mawl leh berh ve tak ni nafam chu, ka ngaihtuahna pawh a lo fahrah nangiang thin aniang, thu sepsel te te hi kan phuhchhuak ve mai mai ange.
Krismas hun lawmawm a lo thleng a. Vai hovin an puja hunlaia thil thar an nei iangin, keini pawhin kan hunpui berah chuan thilthar neih ngei kan duh thin a. He hun hi remchanga la hian sumdawng ho hian mipui sum tam tham tak mai hi he hunpui denchhen hian an sawk nghek nghek a, duhchintawk an nei mawlh lo.
An hlep lah chu phone atanga internet hmu ve thei chuan kan hmu ve kuau mai si. A thlep chu hlep rawh se, a lo zia tho mai, an thawhrim rah a ni e….. Ekhaiii…a thlep thum pawh hlep se, Mizo tlawmngaihna pawh hian a la hrethiam.. Chupawh sawi loh, a man pangai let 5/6/7 chho an han hlep tawh mai thin hi chu, kei thingtlangpa mawl tak mai hian hriatthiam har tih chang ka nei fo thin.
India pawisa hlutna tlahniam te pawh an lo chhuanlam a ni awm e. Nimin lawka India pawisa hlutna cheng 1 a kai chho dawrh te avang khan a man te chu tlawm deuh hawk tak maw???
Aizawl atangin zan khat tlanin state dangah kan zuk bazar a, a man te chu a chanve ai pawhin a tlawm zawk thei tho si. Kan tribal-puite pawh hian duhamah chuan min lo khan lo hle mai te ka ti ta mai mai.
Mipui lah chuan tih theih kan nei si lo. Kan sumdawngte ber an rinawm loh chuan, anni khaw hawi zau leh hnamdang dawr tam thinte, Mizoram mipui nawlpui chu engtin nge ni ta ang, hnamdang laka kan landan hriltu thui tak an ni si. Heng te hi nangin Kawrapsawn kan tih zingah hian i telh ve thei angem?
Sawi thui vak lo ang..duhtawk phawt ila..kan sawi tum chu a chiang thawkhat mai awm ee…
Similar Posts:
- Mizoram SSA hi
- Hlutna engemaw tal i nei
- Kekawr aiah 2 GB RAM
- Krismas ah haw ka tum ve bawk a
- Hnamdang nupui pasal lam bawk
December 18th, 2011 at 9:09 am
first ve in ka inring
December 18th, 2011 at 9:09 am
Ka thu hnawk mai. A den a va na ve.
December 18th, 2011 at 9:10 am
hlep awlh theihna lo chu eng mah hi kan ti peih lo anih hi maw
December 18th, 2011 at 9:21 am
Hmanah ka u Kolkata kal hnenah TV tuner ka chah a. 4500 in a rawn lei a, Aizawl ah chuan 8000 a lo ni daih mai.
December 18th, 2011 at 9:32 am
post tha thei pap pap mange chema hi chu aw
December 18th, 2011 at 9:39 am
“Kei chuan corruption ah ka ngai lo”
Chu zawng chu
December 18th, 2011 at 10:00 am
I sawi hi corruption a ni lo. Hlep turin thil an laa; an duh duhin an hralh thiang alawm (MRP awmlo chi a nih chuan) Keinin kan lei ngam phawt a hnu.
December 18th, 2011 at 10:17 am
Corruption chu a ni ve tho lo maw? Eng chin hi nge corruption chu ni ta ang?
December 18th, 2011 at 10:20 am
Hmanah pheikhawk 350 in siliguri ah ka lei a, Aizawlah chuan 1800 an lo ti hem mai. Corruption a nih leh nih loh chu hre lo a, a awm tawk hi chu a awm alawm.
December 18th, 2011 at 10:22 am
Helaia thawmhnaw hi mizo sumdawng thenkhat ten an rawn la thin a. Mizoramah chuan ” Bangkok chhuak “, chumi khami chhuak, adt. an lo han ti leh daih mai thin a ni awm e. :rolleyes:
December 18th, 2011 at 10:34 am
kei chu corruption a nih na ka hre lo mahni hlawkna tur a sumdawng an nia an hlawk theih dan ber tur in an zuar a ni ve mai ah ka ngai mipuiin kan lei ngam tho a
December 18th, 2011 at 10:35 am
Ka kekawr ka thui thar tir hi USA chhuak. 😛
December 18th, 2011 at 10:41 am
Kei thingtlangpa ve hian i ngaidan hi k tawmpui ve a che. An thawhrim rah chu an seng ve tur alawm, an u chuak mah mah in ka hria,an khawhawi chu a zau teh meuh mai mase a mipui an tih anga lei ve zel tu te hi an hmusit deuhin k hria, hman niah kawrlum showroom ami Rs 1145 in ka lei a dawr pangaiah chuan Rs 1500 an ti daih maw le mak ve chai chai asin.
December 18th, 2011 at 10:43 am
Law of supply & demand an hmang anih chu. Mizoram ah hian Maximum Retail Price(MRP) hian awmzia a nei tehchiam lo a ang. Sumdawnna hmun leh hun rel thiam sorkar neih a tha maithei. Hnam dang sumdawng hnawhchhuah lai khan a implication ka ziak thin a, tute mahin an uksak lem lo. Anni khan competition awmzia an hrethiam. Customer lah kan thiam chuang lo. Dawr pakhat MRP chauhva bungraw hralh awm ta sela, kan pan hum hum peih hlawm lovang. Inflation tih hniam tum hi Trade & Commerce Department hna pui ber anih hun chuan MRP anga thil lei hun te kan la nei ang chu. Hun rei nghah thil mah ni sela, nghak hram la phunnawi lo takin.
December 18th, 2011 at 10:43 am
Sawrkar hlawh an ti sang awr awr teh reng anih kha. . are yaar 😆
December 18th, 2011 at 10:44 am
Kristian kan inti rau rau bawk a, Bible pawh khan sumdawngte pawh kha a awm tawk hlep turin a ti lo mo 😆 🙂
December 18th, 2011 at 10:51 am
Mipui sum a lo a luakchhuak a ei sak hi corruption chu ani. Pathian huat zawng tak ani.
December 18th, 2011 at 11:13 am
Corruption (english thumal pakhat ve mai) in a huam tel leh tel loh lamah buai vak a ngai hleinem…
Last sunday before x-mas! :kiss:
December 18th, 2011 at 11:16 am
A let 5/6/7 em2 chu a over em tak a nih chu le…
December 18th, 2011 at 11:21 am
-sumdawng goods inang zuar an la tam tawk lo.
-customer : supplier ratio a la sang lutuk
-sumdong an tlem chuan an la inthurual thei, price fixing velah. Survival khelh a la ngailo, an tan.
-goods value hrelo leh ngai poimoh lo customers zingah kan la tam. Sweater bazar pui a Rs 2000 man, hralh theih loh kha Millenium centre/ Solomon’s cave ah Rs 3000 in an hralh daih thei..! 😀
December 18th, 2011 at 11:26 am
#20 Rempy 😀
December 18th, 2011 at 11:30 am
#4 ka hriat tlem vang nge tuner man cu a va to ve.
Hetiang em em a uchuak hi chu, ka rilru zawng zawng in, ka ngaituahna zawng zawng in corruption ah ka ngai hmiah
December 18th, 2011 at 11:32 am
Pheikhawt Bangkok a mi ka pizawn ten an la thin a,rin aiin an ti tlawm zawk ka ti asin! Baht leh rupee hi a let thawk vel in a in hlut hleih a. Baht 200 a an lei chu rupee chuan 400 vel a nih chu. Chu tiang ho chu 800 -1000 bawr vel in an hralh leh thin. Kolkata to Bangkok flight hi a tlangpuiin 10k-15k vel a nia,hotel thlen man,ei leh in tur , flight a excess hi 270/kg a ni bawk. Airport ah custom duty pek a la ngai bawk a,hetah VAT pek tur a la awm bawk.Dawr luah man,tha hah man leh hlep tur nen chuan a to ka ti lo! A bak Aizawl to Kolkata to and fro flight ticket etc vel hi chu hisap belh ve tawh mai rawh u.MRP aia to a thil lei erawh zawng ka rilru a na.
December 18th, 2011 at 11:39 am
Kathmandu a ka awm hunah thawmhnaw in ron la thin don nia, tlawm tenawm uchuak in ka lo pe thrin ang cheuu 😀 😀
December 18th, 2011 at 11:49 am
Ka hausa, sum ka ngah a, engmah ka tlachham love, ti hi an tam em em ani. Millenium Centre a Rs. 3000 a sweater leitu te hian alawm thil man tito chu.
December 18th, 2011 at 11:54 am
A thei fa in Sorkar sum an ei a, sumdawngin mipui sum. Hlep neilo a sumdawng peih tunge awm ang? Mahse Kristian inti ve si te tan chuan an ti lutuk deuh.
Bazarpui ah jacket kha 2500 an tia, M-Centre leh Cave rate ka hrelo. Office ah khatiang chiah chiah kha 1000 in an rawn zuar. Dawr a kan pekna rate an ti. Hmun leh hmunah 1500 em em han hlep te chu ka ti. Kan thawhpui 2500 a lei nen kan entawn thlap. A inang chiah chiah. A quality a chhe zawk aniang in tih palh tak in…
December 18th, 2011 at 12:24 pm
Sumdawngin a awm a tawk hlep an neih hi a thiang a, corruption a ni lo. Amaerawhchu, a lo luata hlep tam lutuk tuma an thil zawrh an chhiar to uchuak a nih phawt chuan, chu ngei chu hlemhletna leh kuttling loa sum lakluhna a nih miau avangin CORRUPTION a ni chiang bang e. Tin, mirethei leh chhumchhia zawk ten hah-thi-kula kumpui lingleta an khawl khawm ve ker ker kha, a chin tawk nei lo leh pamham taka kan lo pusum tel nghauh nghauh mai a nih si chuan, a nunrawnthlakin a rapthlak zawk hialin kan hre ve lo maw? 😥 😕 😉
December 18th, 2011 at 12:24 pm
Sumdawnna tawh phawt kan generalize deuh em o, Mipui lam atanga hriat tur chu MRP a hralh theih chi tam tak a awm, heng hi branded item ah chuan ni deuh vek ang, Delhi Reebok show room a sneaker leh Aizawl Reebok showroom a sneaker hi 5 paisa pawhin a to chuang lo, bakah branded consumer item company atanga lak, mrp nei thlap ho hi Christmas lai hian an discount tlang pui ka hriat tawh ho chu. Aizawl sumdawnna bungraw ho mimal in direct a an import a bikin bangkok thawmhnaw ang te ni lo, company atanga C form, waybill leh vat pek na chi ho hi Mizoram a to bik pakhat mah ka la hre miah lo kei chu. Bajaj light, Havell light, Hawkins Cooker, Uncle chips, Maggie noodles, Frooti, Reebok shoes, Adidas, Nike, Casio, Benetton, Sony, Panasonic, Citizen watches, Godrej Furnitures, Rayban Sunglases ka sawi seng lo a tam lutuk, heng ho hi Kanyakumari atanga Aizawl rate ah Naia O pawhin a dang lam lo, hei hi company policy a ni.
@Chhanapa chhut dan hi kei pawh Bangkok thawmhnaw la thin te ho tan a chhut dan atang chuan a dik chiah ka ti. Bungraw lakna piah ah khan thil tam tak Business expenditure chhut tel ngai a awm tlat. Kan chhungte la thin phei chu an awm lem lo a 🙂
December 18th, 2011 at 1:07 pm
Corruption awmzia tak hi kan hriatfiah a tul mange. “Misuse of power” hi corruption chu a ni mai. Chumiah chuan sumdawngte pawhin an power- an trade ah an hman dikloha, a hleihluaka mipui an bum chuan corruption anihna a bo ka ti chuang lo. Officer lian pui pui leh politician-te chauh corrupt theia kan hmu hi chu kan perspective hi kan thlak chu a ngai deuh a ni.
Hmeichhe pheikhawk 800 man bawr chu a vang fu lo maw, Aizawl bazarah khan.. 😀
December 18th, 2011 at 1:15 pm
No comment :happy:
Home page a vur tla sep sep niawm tak hi ka hmu ve chiah!
MaAduh, han ti tla hnem deuh teh a 🙂
December 18th, 2011 at 1:24 pm
lrpa, i sawi zo chiah a..a tla hnem sawtin ka hria.. 😀
December 18th, 2011 at 1:40 pm
google ah pawh vur chu a tlak kha. Google hawng ula, let it snow tih kha han search teh u.
December 18th, 2011 at 1:47 pm
Tuivawtin ka inbual anga, inkhawm turin kan tekchhuak ve dawn teh ang.. Ramhuai lo sawi rawh u, home alone lai hian chhiar anuam.. 🙂
December 18th, 2011 at 1:57 pm
Sumdawnna Corruption a nih theih dan:
(1) Product A hi MRP Rs 250 ni ta se, hlep hnem duh vangin Rs 350 a hralh ni ta se, chumi chu corruption.
(2) Product A man hi Rs 250 ni ta se, Product B man hi Rs 150 ni leh ta se, Consumer in Product A man Rs 250 pe ta se, sumdawngin Product B (man tlawm leh chhe zawk) pe ta zawk se, chumi chu Corruption.
Company lam atanga price hike lo awm ta se, a hma a sumdawngin Product A Rs 250 a lak kha India ram pumah company in rate an rawn tih to in Price tag thar an rawn thawn thin, chutiang chu sawmdawngin an nan fuh chuan vanneihna chi khat a ni thin, mahse hei hi company hian item in ang, model no in ang ah kum 5 ah pawh an thlak mawh viau (IT business a nih loh chuan). Price tih san a nih chuan model no leh design an thlak mah zawk.
Hmun dang aia Aizawl rate to hret ka hriat te:
Buhfai, dal, chini, tel leh nitin mamawh: Hei hi Silchar atanga Aizawl rawn phurh luh man sumdawngin pek thin a nih vangin kg ah Rs 1-2 velin a to hret thei, Wholesaler hian buhfai bag khatah ah Rs 20 vel an hlep thin. Buhfai kg 50 bag hi Rs 1200 te a ni. Hei hi 1.6% vel a ni, mahse an hralh chak thawkhat
IT product: Hei pawh hi Sumdawngin Transprotaion charge tum vek a ni, ti chuan ram dang aia a to hret chhan pakhat bawk chu, Guwahati, Kolkata ah chuan Retailer in Distributor hnenah vawi khat laptop order in 1000 te an la thin, hei hi kar 2 ah te chuan an hralh zo mai, Aizawl ah chuan laptop 5 te lak thin a ni, distributor chuan la tam zawk hnenah chuan 2% additional trade discount te pek belh chang an nei, Aizawl atanga la tam lem lo chuan laptop rs 30000 manah Rs 500 te an hlep thin, hei hi 1.6 % profit vel bawk a ni.
Burma bungrua: Khawchhak lam atanga bungraw an rawn tawlh thlak tam tak (blanket, heater, nihawi chi, superman a ek) China leh Myanmar a siam a awm. Heng hi Aizawl rate a to zawk chuan ka ring, mahse khaikhin mai ngaihna ka hre tlat lo. Foreign a nih tawh avangin.
=========
Mobile thar hlak hi tunah hian Aizawl ah competition a san vangin Guwahati aiin a tlawm zawk, hei hi Dealer price a hralh char char a nih vang a ni, an hralh hnem leh Distributor in incentive an pe thin, chumi tin zawn chuan an hralh thin, Chuan mobile accessoires hi Aizawl ah chuan a to, mahse heng hi Rs 50-100 man a ni tlang pui, an lak na hi Rs 10 te a ni thin. Mahse heng hi fast moving item erawh a ni lem lo.
===============
Kan nau nula hian Rs 150 man China siam hmeichhe phei khawk hmanni khan Aizawl bazar pui ah a lei, hei hi tunah pawh inkhawm nan a la bun thin. Bazarpui ah khuan Hmeichhe pheikhawk chu Rs 150-350 man a tam lutuk. Mahse mi tam takin inchei nan erawh an duh lem lo. Inchei na tlak chu Rs 800 chung lam deuh vek a ni, mahse hei hi sawi tawh angin Bangkok, Hongkong lam atnga harsa tak a lak a ni zawk.
Hriat tur zawk chu bungrua ah reng reng hian man in to hleih hlak te, hmel in ang deuh tlem a to hret te hi a awm thin teh meuh mai, chutiang ang chuan to chhan a nei thin zawk a ni. Phai lam rate nen khaikhin dan tur zawk chu Product A Serial no 2 Aizawl ah Rs 250 man hi phai ah engzat nge tih zawk tur. Product B serial No 3 leh Product A Serial No 2 rate a in ang thei ngai lo ang khawiah mah.
Tuna ka rawn sawi ang zawng hian Aizawl ah enge thil man to uchuak in hriat han sawi teh u le, brand, item leh model no zelin aw
December 18th, 2011 at 2:04 pm
tuilumin ka inbual anga, Ice Age christmas movie kha en teh ang.
December 18th, 2011 at 2:14 pm
lokz u,paypalah account nei kan awm em aw….?card secret pin no.min dila a him chiah a ngem aw tihah ka buai a,khawngaihin a nei chuan min lo chhang lawk mai?
December 18th, 2011 at 2:14 pm
@23 Chhanapa, ka van awih chiah lo, 100bath=Rs 113
thank you
December 18th, 2011 at 2:15 pm
maawma, millenium centre ah kal la i hmu nualin ka ring thla ve ngawt.
December 18th, 2011 at 2:17 pm
#34, abikin thawhnaw lam an sawi niin a lang a,to uchuak iti lo ami.. Branded showroom chu thuhran. MRP awmlo ho ah hian a neitu te hian an duh2 an chhiar a..
December 18th, 2011 at 2:23 pm
@23 Chhanapa, a bak zawng khi chu ka pawm pui che..
December 18th, 2011 at 2:35 pm
Thawmhnaw hi a man a to ngawt mai. branded ho pheikhawk te hi Mizoram sawrkar hian a to lutuk ho hi khap se ania ka tih! Cheng sing man dawn dawn te hi!!
Rs 5000 man te kan bun luau luau a, a man hi sap ram nen a in ang reng, mahse sap tan chuan a to lem lo.
Sawrkar hian a control theih ka ring, mahni economy mil lo lutuk zuar terh tuarh hi thil tha niin a lang lo. An lei duh hram anih chuan ‘tax’ la teuh zel se, Mi hausa te hnen a tanga pawisa laklet dan kawng ani mai..
December 18th, 2011 at 2:39 pm
Paypal a account hawng kan awm em aw…?card secret pin no.min dila regist tih ka tuma,a ngamawm angem tihah ka buaia,khawngaihin a nei chuan minlo hrilh?
December 18th, 2011 at 2:41 pm
@Chemtatrawta: Millenium centre chu mini Bangkok ni rigawt lom, mahse Signature jeans (Levis) ho chu Forein lane khawchhak xing hua jeans tih vel niang 🙂 aiin a tlawm zawk leh lawi sia (Rs 999), chuan Pepe sleveless jacket te hi second hand lane aiin a tlawm zawk a awm tlat. Chuan second hand thawmhnaw tam tak hi a thar aiin zu han to zawk tlat thin a, hmeichhe bra, mawja, naupang school bag etc etc
@La-me-a 25: MRP om lo ah chuan ni mai thei, mahse heng ho hi a tlang pui thu in China, Myanmar kal tlanga an rawn tawlh thlak thin te a nia, chuan hetiang zuar ho hi ka kawm nual danin Christmas dawn hian mipa jacket 2000 pcs te hi mi pakhatin (dawr ak ang chi) an ti ral thin a ni awm e. an mahni chuan ti hian an sawi mai ” Hak 2000 @ rs 500 in ka chah a, Rs 2500 in an in chuh zo vek zel, christmas dawnah chuan” an ti. Heng hi Bazarpui ah khuan a ni tlang pui.
December 18th, 2011 at 2:50 pm
@lrpa, i sawi khi a dik lutuk, thil man a to uchuak pawh a ni chiah lo, ram dang nen a in ang deuh reng. kan la afford lo lam hret zawk a ni.
December 18th, 2011 at 3:00 pm
@maawma, a buaithlak khawp a sin. Kan afford loh hi kan it tlat bawk si a,
tiffin box a chakai bawppui vel pai lai kha a rei ve ta hle mai a :happy: Remsiama pawh hi a la single lo maw le hehe. Zothanmawii ka hmu a, ireland ah a naute a rawn tlawh a, min hre lo vel mawle..vawikhat chiah ka len phah haha
December 18th, 2011 at 3:06 pm
@lrpa, ha ha kha thil kha i la hria lo, hmanni ah kan nu bulah ka sawi chhuak a. Zothanmawii chu a va ti ho ve, engtin nge chutiangin a hriat loh ngawt theih a, mahni classmate te hi theihnghilh an har teh a sin
December 18th, 2011 at 3:10 pm
@maawma, hriat reng loh a har ve em a lawm le :happy:
December 18th, 2011 at 3:27 pm
Sumdawngin market an control lutuk hi chu sawrkar lam hian engtin amaw tih dan a awm lo mawni aw… ka ti mai mai.
Hman deuha Rajiv Gandhi a’n emni sa man cheng 70 a a fix tekha alo rei ve ta hle mai. 🙂
December 18th, 2011 at 4:58 pm
@lrpa, mi ram nen chuan a man i in ang, mahse a quality a chhe lutuk, second hand land a cheng sawm man vel, ani leh law law loh chuan, en tir nan, Zara emaw Jean ka lei hian Rs 2500 vel ka pe, mahse quality pangai deuh, kum thum kum li hak pawha chhe lo leh rawng kal lo, Millenium ah ka lo haw khan jean ka leia, awi ka rei a jeeper a chhe ngal bak ah, a pawr lutuk, ka sim chiang hle..
December 18th, 2011 at 5:01 pm
chuan, wow wow pheikhawk Rs 5000 man, Bangkok brand atan chuan ava han to ve :)Mecy vela online shopping hi in tih theih chuan, a tluk a awm lo, half price but good quality…
H.V an a sugest thei ang cheu..
December 18th, 2011 at 6:59 pm
Phek thar……Ka hawng e.
December 18th, 2011 at 7:06 pm
A lo a luakchhuak a hlep tum hi a thalo. A to apiang a tha emaw titlat mai an tam bawk si….huiham.
December 18th, 2011 at 7:19 pm
Sala! Kan kut hah man,rilru hah man etc hi chu kan tel ve ang! MRP a awm loh chuan corruption a ni em maw ni le? Awm kan tih tawk kan hlep a ni mai! Zu pawh kan sawi kai teh ang! Eng tax mah pe loh in a let 3 vel aia to te pawh in an hralh tho a,kan sawisel chuang a mi? Ka sawi peih tawh lo! Salaaa…. :undecided:
December 18th, 2011 at 8:45 pm
Chhanapa,i tang ulh deuh em? Zu nen te phei chuan tehkhin chi emaw ni dawn le aw..
December 18th, 2011 at 10:12 pm
Post tha tak ani e. Sawrkar lamin thil man chhiar dan a bituk mang si lova an duh2 zat an chhiar mai niin ka hria. Sumdawng ni ila ka chak ber pakhat chu midang aia tlawm zel a thil zawrh a ni. Hralh a chak chuan a reiah hlawkna a awm zawk ngei ang… Intih to siak aiin intih tlawmsiak a hun tawh fu a ni.
Shillong thlang Umran khuaah khuan Breezedale tourist resort a awm a. Khutah khuan hotel, restaurant adt. a awm. A ram anuam a (private ram) a lei pawh a tha a thlai mai bakah ran vulh a hlawk phian. An thil tharte Shillong lama lachhawngtute duh turin duli emaw lekin midang aiin anti tlawm a. Hla deuh mahse, an rawn pan vang vag zel mai. Inbumna leh duham uchuak tel lova hlawk tlanna ngaihtuah kha sumdawng thiam awmdan tur niin ka hria.
December 18th, 2011 at 10:43 pm
Pu HV, Sumdawngte hian rinawm takin thil ti se chuan sawrkar hi a inrawlh a ngai lo ang. Rinawmna hi kan Kristianna hian a keng tel lo em ni chu aw a tih rum rum theih chang hi a tam khawpin ka hria..
December 18th, 2011 at 10:51 pm
Ka hul ang reng mange…Komen chhiar hi nuam ka ti
December 18th, 2011 at 10:55 pm
High School kan kal lai a, Brother pakhat sawi ka la hrereng thin..Dawrkai pakhat khan Chini kha midang zawng aiin a ti tlawm a, Chini bag khat atanga a hlep chu a buara kha ani.Chini a tlawm avang khan miin an rawn pan a, thil dang pawh an lei tel ngei bawk thin..A policy kha a mawlmang viau naa a fing khawp mai..
December 18th, 2011 at 11:19 pm
Vawikhata hausak thut tum kan nih chhung hi chuan corruption hi eng level ah mah hian kan tihreh theih pawh hi a rinawm nek love aa.. Kan corrupt phak chin zawng hi kan sawi bo vek thram hlawm chu a ni sia..
December 18th, 2011 at 11:39 pm
No risk no gain… hlep awmlo in kharchhawng ngawt suh!
December 18th, 2011 at 11:53 pm
chemtatrawta, thil dik lo zawng zawng hi corruption ani kher lo ani aw
Wiki te i en chuan corruption chu chi 5 vel lai in an then a, mahse awih kher suh! proper definition a awm thei lo a. Mahse Mizoram ang te, India, pakistan, Kenya, Ghana, etc. te a ram anga ‘corruption’ an sawi zawng zawng chu ‘Sawrkar sum mipuite thleng lo a, thuneitu te pocket a lut thin hi ani’..
Corruption vang a mante, lungin a dah te..hi ‘corruption’ vang ani thin…
December 19th, 2011 at 12:47 am
lrpa, misuse of power chu corruption anih lohna han sawi zawk la, chuti anih chuan. Kan tih ve phak loh chin zawng hi corruption huangah kan dah a, kan tih ve theih chin zawng kan hnawl leh si anih erawh chuan mikhual pawh kan chawkhawrh len zawng a inang lo fo ang tih erawh a hlauhawm deuh roh ka ti mai mai.
December 19th, 2011 at 12:55 am
62.chemte..a literal meaning ah chuan i ngaihdan hi a dik reng..mahse YOU ‘nangmahin’ in i ngaihdan dan kha ani mai! In hnialna chi ani lo a, mimal ngaihdan a in nghat zawk ani..Lekhazir lai lo ni ta la, facebook a emaw luh chhen te pawh hi ‘corruption’ ani tho ang chu..
December 19th, 2011 at 4:05 am
Aizawl angah chuan thil man tlawm lutuk chu changkang lo, tha lo, ori ni lo emaw ti hi an tam a, a man chhiar to a ngaihna chin a awm.
Aizawl ka awmlaiin offices tam zawk chu lut chhuakin thil ka zuar thin a, Thailand siam T-shirt a neitute an haw duh vangin tlawm takin min zawrh tir a. Hak-1ah Rs-/50-in ka zuar a, a en pawh an en tha duh lo. A tlawm lutuka tha lo turah an ngai. Zanah tha takin ka thlepa plastic ipah ka thun thlapa, a tukah ka zawrhna ngaiah ka va zuar leh a, hak-1 Rs/-500 ka ti a, en an inchuh vut vut mai a, 450,400,350, 300 tein ka hralh a ni. He boruakah hian tuthiam loh nge ni ang?
A man to taka ka chhiar chhan kha ka thil ka hralh duh vang a ni a, a tlawm an lei duh loh vangin man to tak ka chhiar a, keichuan ka corrupt-ah ka inngai lo. Chutiang deuh bawk chuan dawrkar tam tak pawh hian an hralh thei nan man to deuh chhiar a tul thin niin ka hria.
December 19th, 2011 at 4:41 am
#64 hahthlak hlawm chuan. Nih chuan to tak takin lei reng mai rawh se hairehai
December 19th, 2011 at 5:12 am
December ni 21 hian an release dawn, dam chuan ka en chiang ngawt ang.
https://www.us.movie.tintin.com/
December 19th, 2011 at 5:36 am
#65, office-a hna thawk thei chin chu”Kei” inti chin, mi puilting,mi finga inngai chin an ni a, an fin dan leh changkan dan erawh belchian a dawl hmel vak lo. :lol:
Ka thil zawrh hun lai kha 1998 daih tawh kha ani a, kum-13 chhung chuan tlem a zawng chuan an lo fing belh leh changkang ve deuh tak tak pawh a ni maithei. Misual zingah pawh hian ka thawmhnaw zawrh Rs/- 50 man kha Rs/-400 a lei tawk pawh an awm maithei a ni. :lol:
Thakthing bazar leh Zion step hnuai lawkah te khian thawmhnaw tlawm deuhin ka sale thin a, mihausa deuh leh inti changkang ang chi hi chuan sale ang chi hi chu “Thing” an ti a, melh pawh an melh tha peih vak ngai lo. Mi rethei deuh leh mi valai(hausa em em lo rethei chuang lo)ho hian thil a man phu tawk lei awm leh awm lo chu an hre mah zawkin ka hria.
December 19th, 2011 at 5:53 am
“Thuamhnaw” *
December 19th, 2011 at 8:25 am
Awi!!! Mihring hi a inang loh theih mange. Keinin a tlawm zawngin hmun tawt tak tak kan pan a. Thenkhatin a man to lo chu an lo lei duhlo in ti vei nen, pawisa kan inngah hleih hlawm awm mang e. :rolleyes:
Kumin chu ka vannei khawp mai. Kan office ah hian nu pakhat a lokal fuh hlauh mai a, thil tlawm deuh deuhin kan lei theih phah a, hmanni phei chuan a Jacket rawn ken kha 10 chuang a hralh.
Chemte, corruption hi a manganthlak a ni tiraw? Hemi chin hi corruption a ni e ti a ramri kham chat theih ni heklo le. Kan chhia leh tha hriatna hmang chungin, Pathianin heti hian ti ila a duh ang em tih hi rilru ah awmse corruption kan tih hi a bo duak mai lawng maw ka ti >:<
December 19th, 2011 at 9:39 am
Sheldon, a dik chiah alawm. Lrpa te hoin mimal ngaihdan theuhah corruption an dah tawh mai sia.. Vaibelchhe tela eiru pawh hi i eiru em va ti la, eiruk a ni e chu an tih hmel mang si lova ti raw??
December 19th, 2011 at 11:12 am
Dik chiah..ka rilru hi a na lutuk tlat..
December 19th, 2011 at 12:29 pm
Mizoram ah thil man chu a to deuh a ni. Ka u fanu te Krismas thuamhnaw leina tur sum tlem te ka thawn ve a ka ti a. A daih lo nasa mai
Hmeichhe naupang pheikhawk buntlak deuh chu Rs. 900 aiin a to vek an tih chu :rolleyes:
Nia, Sheldon sawi ang khian keini’n a man tlawm kan zawng char char zel a nia(h). A inanloh theih haih haih thin khawp mai :lol:
MRP in sawi maw? Ka pheikhawk leina dawr erawh Mizoram dawr nen chuan a letling hlauh a nih chu. MRP Rs. 1200 bawr vel hi Rs. 599 in ka lei thin
Pheikhawk Rs. 5000 chuang man, bun uih thur thur, bal ve thei tho ai chuan, Rs. 500 man, bun uih lem lo a enkawl ka thlang zawk feee..
Mizo tlangval tan chuan, kan nupui (tur) te pawh Rs. 400 chuang awrh chauh an ni a lom le. An tangkai em em leh ta nghal…
December 20th, 2011 at 6:45 am
MRP lem leh tak hriat dan awlsawm ber chu price tag ah hian a ni ber, paper tha chi in barcoded a ni tlang pui tawh ang, hei hi Organised segment business ah chuan a ni deuh vek tawh. Tichuan seasonal sales a awm thin ta a, a tlang pui thu in fur lai hian eng business pawh hi a slow tawh thin, chutiang ah company lam hma lakna atangin garment sector business ho hian 50% off thleng te pawh discount an pe mai thin. Chutiang a nih lem loh chuan dawn satliah ah 50% aia tam a zuar tuin discount an pek nghal theih chuan a DAP (Dublicate) tihna a ni mai. India leh China hi DAP tam na ram a nih hi, fimkhur a tha.
Latin tawngkam business word ah chuan “Caveat emptor” tih hi a lar khawp mai, chumi awmzia chu “Let the buyer beware” tih a ni, chuvangin misual ho ah hi chuan hetiang DAP lei tur hi kan awm lo turah ngai ang, bum nuam tak tur tumah kan awm lo turah ngai phawt ang. India ah pawh branded pheikhawk a tam tawh mai Red tape, timberland, lee cooper, woodland, clarks etc a tam mai. heng company ho hian Quality an maintain vek, a ori a nih ngat chuan kum 10 chuang te a bun theih. Chuan branded hi a to vek kher lo, economy range an nei vek zel. Branded pheikhawk zuar ho hian hria se chu an lawm teh ang chu :-).
Thawmhnaw hi branded bikah hian sawi leh ta i la, jeans hi ka ngainat vangin levis 511 te hi chu ka ngaina, mahse a man hi 2499 te a nih avangin ka lei ngam chiah lo thin, mahse Levis tho hian Signature (Economy range) hi an nei tho va, heng hi Rs 999-1199 in kar te a ni thin tlang pui, heng hi ka lei mai thin, a chhan chu second hand jeans hi Rs 600 bawr vel te a lo ni ve a, chuan khawchhak (china) jeans hming mak deuh deuh ho hi Rs 1000 te a ni ve tho, chutiang ai chuan branded economy range hi kei chuan ka thlang zar zar. Hetiang organised segment atanga in lei hi manufacturing defect in lei palh a nih chuan a thar dangin an lo thleng leh nghal thei vek ang, chumi chu branded sumdawnna kalphung a ni. Kei chuan in lei sual theih ka ring hauh lo mai, in lei palh a nih pawhin a dang an pek leh nghal theih che u ka ring
Pheikhawk pawh Chrismas ah te hian ka lei ngai lo reng reng, hetiang discount an siam hun hi ka nghak mai zel, chutah chuan ka lei ngam tawh ka va thlang thin. Reebok te pawh hei Rs 1500 man te in ka bun ve phah ta nih hi. Burma atanga rawn lut RAIBAWK, ADIBAS, NAIK tih te hi Rs 500 chung lam a ni deuh vek a nia o, thla 3 pawh in bun lo ang, Reebok discount laia ka lei hi hei kum 5 chhung nitin km 4 walk nan ka hmang a, a rawt tlak khawp mai. Hetiang hi DAP pheikhawk pakhat mahin a theih loh tih hi ka chiang.
Caveat Emptor