Charity Bawm hawn ni leh hun hman dan tur chipchiar chu hei le!

December 21st, 2011 10:20 am by kawlhawk

Luangliam hmasa zuai…

Kan ti nek nek a… Kumpui lingleta kan thlir, fûnpui êra kan êr – Masi a hnai tual tual! Thenkhat thinlung a lawm a, thenkhat an lungngai a, thenkhat an khawhar a, thenkhat an phawklek. Pathian khawngaihna leh zahngaihna azarah kum 2011 chu a hmawr kan bàwk dawn ta ruai ruai e.

Aizawl khawpuiah chuan Bazar leh sumdawnna hmun hrang hrangah mipui (a maka a maka tam) an zî mûr mùr a. Aizawl-a Masi hman tum, khawdanga hna thawk leh zirlaite an rawn tlan/thlawk lut chur chur a; Aizawl-a awm, mahni khua (Zo khaw lam)-a Masi hman tum an haw chuah chuah bawk a; kal lam leh haw lam, lut leh chhuak, hmeltha leh hmelchhia, hausa leh rethei kan inpel fua fua… kan innek dawr dawr… kan insu her lawp lawp… a ni ber.

Khuanu zarah mi hmel ang puin, mi pian angin kan lo piang ve a. Risk tak meuh lain chhungkua kan han din ve ngei a. A siam a nuamin a lo hlimawm angreng phian bawk si a — karlovah fa lubawk te te an lo piang ve ta fir-fer a. Keini ang mi mawl, Sorkar-a hna beisei ve phak lo tan chuan vartianah iptepui nena in-ahchuah a lo ngai a.

Thil engkim man a to si, hlawh a bei tham si. Chutah, in lamah kan thawhchhuah chhetê ringin, lungmuang tak leh enghelh nei miah lovin nupui fanaute an lo thu nghir ang thiap a. Engkim neitu ang maia min ngaiin an duh duh, an ìt zawng apiang mai upa ber atanga indawtin an la sawi ang tliar tlir a. Huihamzzz!!!

Thil reng reng, a èng zawnga thlir lui hram hram mi ka nih avang chauha tun dinhmun hi thleng thei, hlim ni hmel hmu thei, dul leh nghawng vun chuar hnawk khawpa sa tha nei thei mai ka ni ber. Chuti ni suh se, lehkha lungchhiatthlak tak hnutchhiahin, bawng ka kaih laia ka hrui-hrual dahthat hmang hian ka inkhai nawlh duh hial ta ve ang!

Sawi tawh angin hunpui kan thleng dawn a ni a, kan hmangaih – kan nu/ pa, kan nupui/ pasal, kan fanu/ fapa, kan pianpui unau mual liam tate kan ngai em em vek a, mahse, thil sawngsawhlawt tawh si loah, anmahni avanga indawmkun mai lovin, kan thil tih tha lo leh vanduaina, harsatna kan tawh te avanga hnûal mai lovin, hun lo la awm tur thlir ila, kan hmaa chona awm te hneh zel thei turin insangmar ila, harsatna lo thleng tur te hmachhawn ngam turin inbuatsaih ila, damchhung atan kan nun te inpuahchah ta zawk ila, he khawvel lo la awm zel turah hian keimahni mai ni lo, kan thlahte thlengin kan va nihlawh lehzual dawn em!

Le…! Charity lam hawi ang aw…

Aw le… A nì a hnai ta! A hun a thleng dawn ta! “Misualdotcommers Christmas Charity” chu naktuk – Dec. 22 khian ropui tak leh a hlimawm thei ang bera hawn a ni dawn ta! (Dec. 21 kha hawn hun tura rel a ni na a, remchan zawkna avangin 22-ah sawn a ni). Bawm hawn hun hi member kan tel kim theih zawkna a nih beiseiin, tum dang ang lo takin “Chhun” lamah a ni ang. A hmun tur hi kan lo che muang hret a ni ber e – Aizawl-a Hotel lian leh Restaurant changkang ber ber, heng – Hotel Ritz, Curry Pot, David’s Kitchen, Silver Moon, etc… te kan bia a, an lo hauh lawk vek tawh a.

A tel turte tana zawn hmuh harsa lo leh a panna nuam, veng laili deuha tih kan duh bawk si a, luphut til chum chum khawpa lu thak lo pui kan hiah kan hiah laiin, Pu As_K-a’n “Ka dawrah ti mai ang u. Nikhat na nana, Customer pawh a tul chuan kan wel come lo mai a niang chu…” a rawn ti mai chu(h)!… Lalpa, hmanrua i lo va ngah em!I lo va hausa em! Bawm hunna tur dawr ualau leh pan nuam em em min pe a, ram hla tak tak atanga thawhlawm rawn lut lo buaipuia lo dawngsawngtu tur mi tha min pe bawk a, tunah a hawnna tur hmun min pe leh ta! I tan thil harsa leh awm lo reng a awm lo e… tih phah a, Haleluijah pek tuarh tuarh tak kan nap a!!!

Ti chuan…

A hmun : SD Enterprises, Zarkawt (Rev. Zairema Bldg. leh David’s Kitchen inkar – kawng chhak lam kual lai)

A hun : Dec. 22 (Tukthuan ei kham, 10 : 30 am)

Hunserh (Bawm hawn) : 11 : 00 am

Hun hman dan tur : Dar 11 : 00 am-ah bawm hawn a ni ang a, Sum tla zat mumal taka chhiar leh record fel a nih hnuah Thingpui leh a hmeh tui tawk nen kan inhnawhpuar te te ang. Chumi hnuah Civil Hospital leh Zemabawk TB Hospital-a damlo harsa zualte tan, tumah peng-bo awm lo vin, group ang pawha inthen kher lovin, a huhovin “Misualte thawh khawm Charity” kan sem ang.

(A hlanna tur hmun hi bawm hawn hunah la sawiho theih reng a ni ang a, bawm hawn ni-a kan ei leh inte hi Charity sum atang cheng khat pawh pawh pen a ni lo ang) Chuan, kan sem zawhah a hman hman Pu As_K dawrah kan haw leh ang a, Pu Shailendra-a’n zanriah sial tawk min buatsaih sak maithei bawk. Hetah hi chuan engkim a leng vek! A zai thei an zai ang a, a lam thei an lam ang a, a pawr thei an pawr ang a, a rui thei (k)an rui ang a, a tlaivar huam kan awm chuan Ar pum Kg 4 chuang lawih ka thawh dawn a ni awm e.

E, e, e… Sawi hmaih hauh loh tur : (A ruka ka hriat, duh leh lo haw mai mai rawh se) Kan Admin zahawm tak, Pu Vaiva pawh Aizawl lam panin a haw mek a, Dec. 23-ah Aizawl a rawn lut chauh dawn a ni awm e.

Hei lo pawh hi sawi tur a tam – Nilenga kuhva thlela inhlawh a, a hlawh zawng zawng thlak te, Chawlhni tuk sa man aia thlak te, ni khat hlawh pumpui thlak te, kawrlum ka lei leh lo mai ang nge ti a, kawrlum man aia thlak te… sawi sen a ni lo. Chapo vang ni suh se – heng misualte inpekna leh thiltih te avang hìan, a dawngtu tur mi harsate thlarau leh chung Patìan ngei pawh khi kutbeng meuha lawmin, kan zinga an lo tel ve hial ka ring thin.

(Aw le… A hun, ni leh darkar, a hmun leh hun hman dan tur chipchiar kan hmu tawh a, misual a tam thei ang ber, tumah inthlahrung leh mikhual bik anga inngai lovin tel teuh i tum ang u… tiin thinlung taka SAWMNA nen thu ka khar e. Ka lawm e.)

238 Responses to “Charity Bawm hawn ni leh hun hman dan tur chipchiar chu hei le!”

1
Prof. Snake Says:
December 21st, 2011 at 10:29 am
thil tha 1st tak chu ani e. 😀
ve tlat mai a. lol
2
lrpa Says:
December 21st, 2011 at 10:41 am
A ropui e.
Chhungte kan phone ange, ka lo sawi theihnghilh thin a..a la tlai lo e. :kiss:
3
boihapa Says:
December 21st, 2011 at 10:48 am
Kumin chu ka inhnamhnawih ve tlat a, ka lawm hle a ni. Thilthatih hi mahni tan lawmna a va’n lo ni chiang tak em!
A nghahhlelhawm khawp e.
4
Pc-a Says:
December 21st, 2011 at 10:56 am
Vaiva chuan Zokhua (Aizawl) khawpui tluang takin lo tleng mawlh rawh se.
5
chhangteval Says:
December 21st, 2011 at 11:00 am
As_Khiangte chuan a va ti ropui ve le, nikhat inhralhna pawh a tam dawn teh lul nen… te ka tia
6
Pakak Says:
December 21st, 2011 at 11:06 am
misual ni(h) hi a va inchhir awm loh tak em….

pe/thawh khawmtu te zawng zawng khian malsawmna tam tak in dawn belh ka beisei….

krismas hman nuam vek u le..
7
buh-duha Says:
December 21st, 2011 at 11:08 am
A buaipuitute leh thahnem ngai taka thawhtute in va ngaihsanawm thin em!
8
RosangaD Says:
December 21st, 2011 at 11:19 am
Va ropui á¹hin ve mawle oooo…..
Theih chuan va tel ve tur anih hi..
9
joseph sr Says:
December 21st, 2011 at 11:46 am
Ka va han hlim em. Misual ho hi, kei tiam lovin, in va fel tak em. Pathianin a leh tamtakin malsawm che u rawh se. Ka kal ve chak hle mai. Inchhungah pawh tiang tello chuan ka kal thei silova aw……….. December thla hian ka vanduai thei lutuk a, nikumah la ka awm ruh a tliak a, hei tunah ka keruh a khi leh a. Hlimtakin hmang rawh u, ka lo tawngtai ang.
10
century child Says:
December 21st, 2011 at 12:00 pm
a ropui lehpek hle mai.
11
As_khiangte Says:
December 21st, 2011 at 12:07 pm
Dawr chep deuhah kan inhnawh heng anga, kan ti nek nek anga kan zo ve leh mai ang. Bawm hawn leh charity sem ah hian Kawlhawk leh Shailendra te hian member nula/nu a tam thei ang berin min ho se an duh hle, an tangkai theih zia an hre tlat tawh. Kan mhip ho khan han ngaipawimawh hram teh u 🙂 😀 😮 😆 😛 😉 :happy: :rolleyes: :kiss:
12
Maisek Says:
December 21st, 2011 at 12:09 pm
a van ropui dawn heps heps ve awwwww…. 😆 😮 🙂 😀
13
Guillermo endara Says:
December 21st, 2011 at 12:29 pm
tun tum chu ka in hnamhnawih ve bawk a ka phur tawh takzet a ni, Group ang neuh2 in facebook lam ah ti mah ila Misual tluka phurna ka neih hi, mahni hna tul kalsanin tel ve ngei ang….
14
ltachhakchhuak Says:
December 21st, 2011 at 12:41 pm
Kal ve ang aw,nuam dawn hle mai.
15
Mapuia sailo Says:
December 21st, 2011 at 1:12 pm
Ka chak ka phur mahse, a hmun tur hi ka tlawh ve chak hrim hrim.
😆
16
kawlhawk Says:
December 21st, 2011 at 1:15 pm
Pu keimah, Dak inpuiah chuan pawisa chu a kim biaiin ka va la chhuak e, maawma dawr Bawmah ka thlak nghal. Niminah id card keng lovin ka kal rawk a, vawiinah ka kal nawn leh phah… 🙂

La thawh lo kan awm chuan naktuk bawm hawn hma chu hun a la awm a nia.
17
dolly dollz Says:
December 21st, 2011 at 1:53 pm
Office a ka thutpui nu in min thawn ve a, ka va thlak keuh! Naktuk chu rokhawlhna awm loh chuan tel ve ngei ka tum e
18
muantea Says:
December 21st, 2011 at 2:03 pm
Ka lung in tichhe lawk tlat >:<
19
PKfanai Says:
December 21st, 2011 at 2:15 pm
misual charity hi misual.commer pride min neìhtirtu a ni. A ngaìhtuah chhuak tu te in va fakawm tak em. Ka phak tawkah chuan ka tlanchhe bik ngai lovang tih ka tiam e. Report ka nghakhlel tawh tak zet.
20
LaMea CâcTùs FLh Says:
December 21st, 2011 at 2:17 pm
Ava ropui em. Awm ve ava chakawm ve
21
Lersia Says:
December 21st, 2011 at 2:19 pm
Ka tel ve hman dawn lo tlat mai… tah hian ka rawn pha lawk mai a ni e… Thingtlang lam ah Krismas leh Kumthar hman ka tum a.. Min hrethiam hram dawn nia… Krismas leh Kumthar chibai vek ule…
23
shailendra Says:
December 21st, 2011 at 2:31 pm
charity bawm , hawn leh a sem rawn tel ve tur in Aizawl ka rawn lut ve ta e.
24
Soberboy Says:
December 21st, 2011 at 2:33 pm
ka hman ve dawn lo tlat mai a 😛
25
mskima Says:
December 21st, 2011 at 2:56 pm
Lunglei lamah te hian kan ti ve dn m??
26
Thara Chhangte Says:
December 21st, 2011 at 3:04 pm
In ti tha thin e
27
Asteric™ Says:
December 21st, 2011 at 3:09 pm
misual ho hi inlo va fakawm hlawm tak em….Hala misual.com 😀 live until data corrupt
28
kawlhawk Says:
December 21st, 2011 at 3:15 pm
A hawnni hian Mi 20 atanga 30 vel tal kal khawm thei ila…
29
Mapuia07 Says:
December 21st, 2011 at 3:23 pm
Awmve a chakawm hle mai. Pathian tana an inpekna ava thuk hlawmve le…Ka hnuk a ulh thei dawn tlat mai. Lalpa, midangte tana malsawmna ni zel thei turin kan za hian thlarau vin min pui ang che. Ropuina leh chawimawina zawng zawng i ta ni zel rawh se.
30
TuaiSialA Says:
December 21st, 2011 at 3:26 pm
Banner khi mawi tawps!
31
sheldon Says:
December 21st, 2011 at 4:19 pm
Kal ve theih a va chakawm em!
32
XaiA Says:
December 21st, 2011 at 4:41 pm
Misual ho inpekna a ropui thin e,tel ve hman tak i maw!
33
kawlhawk Says:
December 21st, 2011 at 4:42 pm
shel, i rawn tel ve ngei a ngai ang. tel loh chuan… kan chhuichhuak ang che a, kan puan ang che 🙂
34
kawlhawk Says:
December 21st, 2011 at 4:43 pm
Pu Xai, i tel lo thiang lo a ni tawp! kan inzui leh hnak2 ang chu le…
35
zualbonez Says:
December 21st, 2011 at 4:45 pm
ka contribute ve hman lo hawng hma inti ema…hairehai :rolleyes:
36
lrpa Says:
December 21st, 2011 at 5:02 pm
Ekhai..comment a va nep the the ve…200 vel tal a thlen ka ring tawh a..
Pu te; Kawlhawk, Shailendra, As Khiangte, Mawma, etc te kaihhruaina hnuai ah lo che muah muah teh u.. :kiss:
37
R.Lalropuia Says:
December 21st, 2011 at 5:08 pm
A va’n ropui tak em…
38
caribou Says:
December 21st, 2011 at 5:09 pm
A va nuam dawn ve aw…. in awhawm hle mai. Keini lam chu, kumin ka pamtul ta anih hi.
39
Pc-a Says:
December 21st, 2011 at 5:33 pm
36 Irpa@ Pu te zarah, thiante bulah kan hmel a mawi ve lehdawn a nih hmel. Nep hle mah ila Charity chungchang hi thiante bulah chuan Sawinuam ka ti thin khawp mai.
40
Maisek Says:
December 21st, 2011 at 6:03 pm
Tel ve hram ka tum e…. 😀 🙂 🙁 😮 😕 8) 😆 >:< 😛 😉 :happy: 😥 :blush: :rolleyes: :kiss: :undecided: :-#
41
Maisek Says:
December 21st, 2011 at 6:04 pm
>:<
42
kawlhawk Says:
December 21st, 2011 at 6:09 pm
Khai aaa… #40 teh tuarh chu(h)! A makin a va lawmawm si em! :p
43
H.Vangchhia Says:
December 21st, 2011 at 6:17 pm
Mi tana inpezo in tam avanga lawmna hmulthi a din er er tak le, avan lawmawm tak em hairehai 😮

Report chhiar a chakawm tawh mang e. Tuntum chu hmai ti phe (blur) lovin in thlalak pawh thlir nuam tak kan lo beisei tawh ang e.
44
Nghatunval Says:
December 21st, 2011 at 6:21 pm
A va ropui dawn ve, tel ve theih nan a chakawm hle mai. 🙂 😮 😕 😆
45
mamboihi Says:
December 21st, 2011 at 6:54 pm
He charity hian a mamawh tak tak te hnen a thleng leh tur hi a lawmawm e. A buaipui tu te leh a thawh tu zawng zawng inpekna a ropui.

Report kan lo nghak hlel e. Ka va tel ve chak tak em…
46
sheldon Says:
December 21st, 2011 at 6:54 pm
@kawlhawk, in chhui awihloh!!

Ka tel chak a, tel pawh ka tum, mahse chunglam in rem a tilo aniang. Hei Durtlang Hospital ah ka nau ka awmpui.
47
Phivawk Says:
December 21st, 2011 at 7:03 pm
Rethei, damlo, harsate tanpui thei a misual ho kan awm thin hi chunglam malsawmna a ni. Chunglamin ropuina chang zel se.
48
H.Vangchhia Says:
December 21st, 2011 at 7:08 pm
sheldon#46 /masi dawn dawnah avan zialo vele. A damlohna a khirh vakloh ka beisei… dam leh thuaise ka van ti em! Dr. Sanghluna leh Dr. Rema (director) an ngaihawm e.
49
mamboihi Says:
December 21st, 2011 at 7:09 pm
Sheldie a va pawi ve aw.. I nau chu a dam thuai ka duhsak che u..
50
kawlhawk Says:
December 21st, 2011 at 7:26 pm
shel, pawi ve aw… lo dam thuai2 teh u!

mamboih & hv, in thawhlawm hlu tak mai bakah, tawngkaa in mi phurpuina te hian min tiphurin min tichak thin. Lalpa ropui ber se…

51
Phivawk Says:
December 21st, 2011 at 7:34 pm
#46@sheldon, a va pawi ve aw. Krismas hlim taka in hman theih nan lo dam zel ula ka ti hle mai.
52
bk Says:
December 21st, 2011 at 7:42 pm
Telve va chakawm ve aw….

‘Ka ril a tamin nangnin ei tur mi pe a; ka tui a halin in tur mi pe a… Ka dam lohvin mi kan a…’ tih vel kha ka rilru ah a lo awm daih mai.

Sheldon, lo tha zel ang che u…
53
saint sammoo Says:
December 21st, 2011 at 8:05 pm
uiii.. ka hman ve leh ta pek lo. vawiinah ka rawn aizawl zuai a sin le.. Ka riak thei si lova, pawi thei ngei mai. Dar 11-velah chuan kan chhungin kan lo tawngtai ange.
54
lrpa Says:
December 21st, 2011 at 8:12 pm
sheldon i khi ka awih lo reng reng 😀 😀
Live a in show a duh lo zawk anih ka ring tlat.. :kiss: :undecided:
Lo dam vat rawh u 😉
55
shailendra Says:
December 21st, 2011 at 8:41 pm
ka va han in ‘ready’ ta trah2 ve. Ka fapa te ber hi camera keng a a duh duh lo ‘shot’ tur a hruai ka tum e.
56
sheldon Says:
December 21st, 2011 at 8:56 pm
Kan nuna thu kan neih lohzia a lang leh ta ani e. Vawin a Trinity a NCS kan ti kan buai viau lai te khan Charity ka ngaihtuahna ah a lo lut.

Damna min duhsaktu leh min tawngtaipui tu te chungah ka va lawm tak em.
57
Sangpuiipa Says:
December 21st, 2011 at 8:56 pm
Min rawn hruai tur chu in tifel ta em? 😛
58
H.Vangchhia Says:
December 21st, 2011 at 9:00 pm
Ka telve chak thin mange aw :undecided:
59
sheldon Says:
December 21st, 2011 at 9:05 pm
Kan khum bulah kan Tuaisiala damlo awmpui pawh a rawn leng mek. Misual chanchin kan sawi mek. A nuam ve tho e.
Hospital ah Masi kan hman hmel e. Pathian thu thu ani e.

Ka nau natna Peripheral Neuropathy. Tlemin a buaithlak deuh dawn.
61
LaMea CâcTùs FLh Says:
December 21st, 2011 at 9:21 pm
SANGPUIA PA CHU..
62
ma-a Says:
December 21st, 2011 at 9:26 pm
Computer zuar dawr a thawk tamtak ho hi a ! min lo be tha duh lo vel a!ka hlawh hmun sawm a thena hmun khat pawh hlawh lo tur hian!ka ning riau hlawm a nia
(chapo vang nilo in…).chariry bawm in dawhna te saw! 🙂 Sawn rawh u!
63
mamboihi Says:
December 21st, 2011 at 9:33 pm
OT. Sheldie Ts a kha enge an an zel zawh ka tum a, ka phone tlang thei lo!! Durtlang Hospital hi ka nu damloh lai pawhin phone tlang a har tlat thin! signal a tha vak lo em ni??
64
aduhi Says:
December 21st, 2011 at 9:37 pm
kawlhawk mail check keuh
65
sheldon Says:
December 21st, 2011 at 9:41 pm
@mamboihi, signal thalo lutuk, bsnl a tha, vodafone a hmang a, signal a awm thalo. An tha tawh khawp. An chhuak tep tawh.
66
Sandman Says:
December 21st, 2011 at 9:47 pm
aduh, mail check lo keuh 😀
67
mamboihi Says:
December 21st, 2011 at 9:51 pm
Sheldie Thanks!! Nangni pawh Pathian zarah in chhuah thuai nan ka lo tawngtai ve e..
68
aduhi Says:
December 21st, 2011 at 9:52 pm
Sandy, kawr ipte check keuh
69
lrpa Says:
December 21st, 2011 at 9:53 pm
Maawma te dawrah khan in hung tho ti raw?? Ka naute ka hrilh dan chuan ‘HMT dawr hnung lamah khan bawm a inhung anga, in va thlak keuh dawn nia’ ka ti ve ngawt a..22nd zing lamah aniang.
A dik em..Pu Kawlhawk..?
70
Saitawk Says:
December 21st, 2011 at 10:22 pm
@mamboihi leh @sheldon chu!! 😆
71
kawlhawk Says:
December 21st, 2011 at 10:23 pm
aduh, mail check keuh

sangpuiipa, naktuk zingah chiang thei ang. ka bike damdawi inah a awm mek

lrp, i va ti ropui ve! Aizawl watch house ah khan charity bawm khawnge? ti se an lo hrilh mai ang. a luhka vei lam, sana zawrhna darthlalang bawm chungah a inhung
72
lrpa Says:
December 21st, 2011 at 10:31 pm
Awke..Pu Kawlte, Thangkhiew 😀
73
mamboihi Says:
December 21st, 2011 at 10:35 pm
@70 Saitawk, nge sawi a??!! Kan lo ngai hman tawh lutuk che!
74
Saitawk Says:
December 21st, 2011 at 10:41 pm
@mamboih, nang chuan min ngailo, mahse sheldon hian min ngai chiang! 🙂

@Kawlhawk, helam chu Charity lam chu as a misual.com ang chuan kumin chu kan ti thei dawn ta lo. Tluang takin in hun te lo hmang teh u.
75
kawlhawk Says:
December 21st, 2011 at 10:45 pm
Awke… lrp
mamboih, saitawka i sitar bik lutuk :p
76
kawlhawk Says:
December 21st, 2011 at 10:47 pm
Saitawk, hmmmm… ni e, hun tha a la inher ve leh em ang chu maw… 🙁
77
mamboihi Says:
December 21st, 2011 at 10:47 pm
Kawlte haha!! Ka sitar a min sitar ve duh lau!! Sheldon a sitar deih!!
78
Saitawk Says:
December 21st, 2011 at 10:52 pm
@mamby, hetah sawi lunglung loh tur! “Min hmangaih hmasak avangin ka lawm e” ka ti mai tur asin! 😀
79
kawlhawk Says:
December 21st, 2011 at 10:52 pm
mamboih, nia, ban hmiah rawh! bakah han belchiang mah la sitar tlak a ni lauuu… :p
80
boihapa Says:
December 21st, 2011 at 10:58 pm
Bawm hawnnaah chuan tel ve a chakawm hle tak mai. Ka hman ta hlauh a nih chuan ka tel ve ngei ang. Mahse ka hman ka inring chiah lo. Um.. a hun lo thleng teh poh se.

Sheldon chu i va’n khawngaihtlak ti ila, i nau damlo zawk chu a va’n lainatawm reuh tak ve maw le. Heti ang hun harsa han tawh chiah hian a lawm, Pathian remruat dan kan chunga lo thleng thin hi pawm thiam a harsat fo ni. Lawmthu sawite hi a harsa a ni satliah lo a, a theih loh tlat chang hi a tam em em zawk a ni. Mahse ruahthimpui chu rawn thawk mup mupin, engtik khawtikah mah ni eng kan hmu leh tawh ngai dawn lo emaw tih khawpin, kawlte chu phe zawr zawrin tekte chu tla nawn awn awn mahsela, zing ni chhuak eng mawi tak chu khawchhak lamah khian a la rawn lang leh ngei ngei dawn si a. Chuti ang chiah chuan hringnun kan zin kawngah hian vanduainaa kan ruat tam tak hi a hmangaihna lantirtu a lo ni fo thin. Sheldon, i nau leh TS-a damlo awmpui pawh chu ka lo tawngtaipui ve ang che u.
81
shylo Says:
December 21st, 2011 at 11:06 pm
Tunlai network chhiat luat avangin Ka tha rei ta phian (Misual thei miau heklo i).Nikum ang khan Charity pual buatsaih a ni leh angem aw..tiin ka lo thlir ve fan fan a, hei a tawpah vur sur seng seng hnuaiah “Charity bawm hawn” thu post a rawn lang ta hlawl mai. He thil hi min ti misual ve tlattu sawm 70 te zinga pakhat a ni.

Misual members leh Charity prog te Krisma leh Kumthar atan Van malsawmna chang raw pip.:) 8)
82
CFL Says:
December 21st, 2011 at 11:23 pm
Tei ve theih a chakawm thin ngawt mai. Pathianin hruaiin lo awmpui zel che u rawh se. 8)
83
ThaiBoy Says:
December 21st, 2011 at 11:58 pm
Ka telve thei dawnlo a ang e…. mahse a misual charity hian ka nun nasa takin aher dangdam avang hian ka lawm em em ani, naktuk ah mi(sual)Dotcommer hmingin kan khua ah ka theihtawk thiltha tih kalo tumve ange.
84
xotea Says:
December 22nd, 2011 at 12:41 am
Kal ve ka tum teh reng nen, kan la chawl ve tlat lo mai, buaithlak ngei mai. Tluang takin hun in hmang dawn nia.
85
keimah Says:
December 22nd, 2011 at 3:16 am
Thianpa Kawlhawk, pawisa i lo la chhuak thei chu a tihziain i va fel thin em!

He (misual) rawngbawlna hi chung lamah pawh chhinchhiah a ni ngei ang tih ka ring tlat! Bawm hawnnaa han tel ve theih a va chakawm tehreng em!! Pu As-K chu a va tiropui ve!

Ka hnuh a ulh deuh reuh!! 🙂
86
Sangpuiipa Says:
December 22nd, 2011 at 7:55 am
Vawiin chu a chakawm viau rualin a huphurhawm hle mai. Ka lung a chhe lawk tlat.
87
shailendra Says:
December 22nd, 2011 at 8:04 am
mi(sual) a hman hman chu i kal khawm ang u aw. Kan tel vek a ni tih kha hre thar leh ila.

Pawisa ka la thlak ve lo. A hawn dawnah ka thlak chawp ve mai teh ang.
88
Sangpuiipa Says:
December 22nd, 2011 at 8:18 am
Pu Kawlhawk birthday ani lehnghal. Tumah tah awih loh ti ang u, 😛
89
littlerascal Says:
December 22nd, 2011 at 8:18 am
Ka chhungte minlo thlaksak turin ka chah a, lo thlak tak maw, kei chu ka hman ngang lo a ni e
90
Kawlri Says:
December 22nd, 2011 at 9:12 am
‘midangte tan malsawmna ni ang che’ hethu hi A AW B remkhawmah chuan ka damchhunga nalh ka tih ber tur a n.. Misual nih hi a nuam.. Vawiin chu hman ve hram tum teh ang..
91
Asteric™ Says:
December 22nd, 2011 at 10:13 am
Mi rethei ngaihtuahtute chu an nihlawh e,
Mangan ni-ah LALPAN a chhanhim dâwn si a.
(Sam 41:1)
92
PKfanai Says:
December 22nd, 2011 at 10:23 am
Report kimchang leh Thlalak mawlh kha. Mahse, in tanpuite hming leh address lam kha chu tarlan chian vak loh pawh a tha zawk mai thei. An hmel te paw blurr a pawilo ang chu. Mahse, mahse,, Misual ho erawh chu, “hmel blurr awih miah loh” kan ti ang. Sheldy leh Mamboihi, boihapa leh Dolly te hmel pawh hmuh ngei kan lo in beisei ang.
93
DrAngel Says:
December 22nd, 2011 at 10:30 am
ka tello a inlo tih mai a ngai dawn anih hi…ka telve chak sinle aw….
94
shailendra Says:
December 22nd, 2011 at 10:32 am
Bawm hawnna a teltur, confirmed theih chin = sangpuiipa, vl chinzah, ralte, . As-k, kawlhawk, hiho, shailendra, pangtichawr, maisek, tetei, achangtunu, jewel.. Bakah rema vanphawng, zo sanga, mta chhakchhuak. Zoram Genesis, ozzy pachuau, hruaii vanlal. Mahruaii hrahsel.

Khawnge kan kal dawn tawh ang e.
95
Kawlri Says:
December 22nd, 2011 at 10:38 am
Hunserh chu rawn nan hman ka la tum ran e.. Hman teep.. Aizawl misual tumah ka la hrelo.. Ka rawn kal risk dawn… Tren tren
96
shailendra Says:
December 22nd, 2011 at 10:53 am
Kawlri hi ka hmu chak. Tuaisiala hi a hman ang em aw???
97
Kawlri Says:
December 22nd, 2011 at 11:03 am
Ka rawnchhuak dawn e… Tren tren..
98
Kawlri Says:
December 22nd, 2011 at 11:09 am
Boss ho khan min lo contact teh u… Ka bova, ka hawi hu hu loh nan.. 9862452629..
99
TuaiSialA Says:
December 22nd, 2011 at 11:12 am
@Pu Shai, a hmunah ka awm tawh e.
100
TuaiSialA Says:
December 22nd, 2011 at 11:13 am
Zet-a-Za.
101
TuaiSialA Says:
December 22nd, 2011 at 11:14 am
Zet-a-Za-Pakhat.
102
Asteric™ Says:
December 22nd, 2011 at 11:15 am
TuaiSialA hi a nung chungin ka hmu chak eeee 😀
103
DrAngel Says:
December 22nd, 2011 at 11:23 am
ka va han chak ve e….
104
TuaiSialA Says:
December 22nd, 2011 at 11:24 am
Kei pawh Asteric rek ruk hi ka hmu chak bawnn tawps.. Tunah hian ka bulah misual nula hmeltha pahnih an thu mek. :intithei:
105
shailendra Says:
December 22nd, 2011 at 11:29 am
kan ron thleng ve tep toh e. Ralte leh pangtichawr nen
106
shailendra Says:
December 22nd, 2011 at 11:31 am
Aduhi sum rawn thawn, Maawma hnen atangin kan lam e.
107
TuaiSialA Says:
December 22nd, 2011 at 11:36 am
Pu Shai, aduhi chuan ka hmingin ami a rawn thawn?

Aduh, ka lawm e.
108
joseph sr Says:
December 22nd, 2011 at 11:47 am
Engzat vel nge awm tawh che u. Sangpuii pa a thleng tawh em?
109
shailendra Says:
December 22nd, 2011 at 11:49 am
kan thahnem tawh khawp mai. Sangpuiipa a awm tawh e.
110
hiho Says:
December 22nd, 2011 at 12:02 pm
Ka hman ve ta dawn lo a ni hmel. Ka nau puak a la mu tlat mai. 🙁
111
TuaiSialA Says:
December 22nd, 2011 at 12:05 pm
Tun dar 11:55am hian As_Khiangte dawrah Misual Charity Bawm hawn leh sem dan tur leh sem turin mi 18 kan thleng khawm ta..

1. As_Khiangte
2. Maisek
3. Lta Chhakchhuak
4. TS-a
5. Mapuii Chhakchhuak
6. Mahruaii Hrahsel
7. Nasty Cool
8. Kawlhawk
9. Sangpuii pa
10. pakak
11. Rosy
12. Levodopa
13. Pangtichawr
14. Kawlri
15. Shailendra
16. Shailendra Jr.
17. Rosanga D
18. Tetei
19. ^-||R@LtE||-^
112
shailendra Says:
December 22nd, 2011 at 12:06 pm
bawm chu hawn mek a ni a, sum kan chhiar mek e
113
TuaiSialA Says:
December 22nd, 2011 at 12:06 pm
Pawisa lut zat kan chhiar mek 😉
114
lrpa Says:
December 22nd, 2011 at 12:10 pm
In va thawk chhuak thahnem ve :kiss: :kiss: :kiss: vek u..
115
shailendra Says:
December 22nd, 2011 at 12:14 pm
Rs 37,874/- lai thawhlawm a tling khawm e. A va lawmawm tak em.
116
shailendra Says:
December 22nd, 2011 at 12:18 pm
Rs 37,974/- lai thawhlawm a tling khawm a, round figure tur in Rs 38,500/- vawm tlin a ni e. A va lawmawm tak em.
117
TuaiSialA Says:
December 22nd, 2011 at 12:21 pm
Ralte, ka account-in lo comment tawh suh!
118
shailendra Says:
December 22nd, 2011 at 12:25 pm
Rs 38, 500/- final count.
119
century child Says:
December 22nd, 2011 at 12:26 pm
a va ropui em.
chunglamin a let tam takin malsawm let che u rawh se.
120
TuaiSialA Says:
December 22nd, 2011 at 12:27 pm
Rs. 40,000/- chiah a ni taaaaaaa hurrayyyy
121
lrpa Says:
December 22nd, 2011 at 12:28 pm
A ropui hle mai.
122
^-||R@lT€||-^ Says:
December 22nd, 2011 at 12:32 pm
Thingpui in zawhah Civil Hospital, TB Hospital leh Damna In ah feh chhuah tan kan tum e
123
PKfanai Says:
December 22nd, 2011 at 12:34 pm
A va ropui em. Awmzia a neihtham dawn hle chu. Lalpan awmpuiin in kawng hruai zel che u rawh se.
124
TuaiSialA Says:
December 22nd, 2011 at 12:45 pm
Amennnn…heih jhich.
125
^-||R@lT€||-^ Says:
December 22nd, 2011 at 12:49 pm
misual member Mapuii Ralte leh Liando an rawn thlen belh e. Kan vaiin 22 kan ni ta e.
126
lrpa Says:
December 22nd, 2011 at 12:54 pm
^-||R@lT€||-^, 22 beautiful people on the 22 december! I like this :kiss: :kiss:
127
Phivawk Says:
December 22nd, 2011 at 12:58 pm
A van lawmawm tak em! Tha leh zung seng a fehchhuakte hlim takin hun lo hmang mawlh teh u.
128
Sangpuiipa Says:
December 22nd, 2011 at 1:00 pm
A nuam mup mup khawp mai. Alfred Ralte a lo thleng ve leh ta.
129
TuaiSialA Says:
December 22nd, 2011 at 1:11 pm
I. Hnamte a rawn thleng. 24.
130
shailendra Says:
December 22nd, 2011 at 1:22 pm
Rs 40, 500/- ani leh ta…
131
As_khiangte Says:
December 22nd, 2011 at 1:23 pm
A luh belh zel 40500/- a tling ta.
132
lrpa Says:
December 22nd, 2011 at 1:28 pm
A lawmawm zel e…tluang deuhin in vak chhuak dawn nia..report leh thlalak te kha in rawn ti chhuak chur chur dawn nia..mi 25 vel hnen atangin report beisei ila..
133
As_khiangte Says:
December 22nd, 2011 at 1:31 pm
Hei le grp thlalak, thingpui nghak chhungin kan la lawk.

http://i42.tinypic.com/312g4u8.jpg
134
PKfanai Says:
December 22nd, 2011 at 1:41 pm
@133. Tha tan dawn e. Misual zar a Ka hriat in awm ve ta nual mai a.
135
lrpa Says:
December 22nd, 2011 at 1:56 pm
In va hmeltha hlawm set set e, in vaiin :kiss: :kiss:
136
kawlhawk Says:
December 22nd, 2011 at 2:16 pm
Zemabawk TB hospital kan pan mek… misualho, in sum thawhkhawmte avangin mi harsa tam takte biangah lawmna mittui a luang leh ta!!! Lalpa ropui ber rawh se.
137
Sandman Says:
December 22nd, 2011 at 2:24 pm
Ropui tak a ni! Chuan thlalak te pawh a dang rawn upload zel u la…
138
mr.Duhlova Says:
December 22nd, 2011 at 2:30 pm
A Thawm ri te midel bengawng te hriat phak…an tia mi kha, nangni misual ho ngei hi in lo ni e. Tel ve phalo mah ila, kan lo thlir ve kiau a nia….

Lalpan malsawm theuh che u rawh se.
139
Chemtatrawta Says:
December 22nd, 2011 at 2:44 pm
A va han ropui tak em!!!! Hei chu ka like nawn awn awn e..

Account lama deposit theih emaw, money transfer in hmang tel em aw?..ka zawt ve mai mai… NRI hausa tak tak kan ngah sia, henghote hi kan chhawr tangkai angai lehzual tlat..

Dulkiar deuh pahnihte khi vawiin hian an hmel a va tha lehzual em..!!! Chutihkara, hmeithai zinga zang lo inzep ve kek lah khian a tikim fu lawi si… Ngalfim khupbihin dam ang che u, in inpekna a thlawn mawlh dawn si lo.. ( Tlai lamah hian in lo thli khawm kerh kerh leh ang tih erawh ka hlauhlel love.. 😀
140
littlerascal Says:
December 22nd, 2011 at 3:56 pm
As- khiangte ka thawh ve kha inlo hmu em? 😉
141
littlerascal Says:
December 22nd, 2011 at 3:57 pm
Khawnge pu mz a??
142
littlerascal Says:
December 22nd, 2011 at 4:00 pm
139 thli khawm mahse enge pawi, an hah dawn asin 🙂
143
Tete-i Says:
December 22nd, 2011 at 4:15 pm
Civil hospital lam kan pan mek e.. :kiss:
144
lrpa Says:
December 22nd, 2011 at 4:40 pm
:kiss: :kiss:
145
shailendra Says:
December 22nd, 2011 at 4:41 pm
@littlerascal, kan lo dawng e. Civil Hospital kan pan mek e. maiseki tiffin pai kan ei a, kan hlim zel e
146
sisen Says:
December 22nd, 2011 at 4:44 pm
Telve chak ee
147
Chemtatrawta Says:
December 22nd, 2011 at 4:48 pm
littlerascal…143, tetei hi dulkiar no 2 zawk hi em ni..
148
Chemtatrawta Says:
December 22nd, 2011 at 4:50 pm
Vawiin kawlhawka birthday in lawm nghal mai dawn em ni?? Party ngei chu a ngai ang.. 😀
149
ThaiBoy Says:
December 22nd, 2011 at 4:50 pm
Na kumah kan ti leh anih ngai chuan Kan nu hian kal a phallo leh anih chuan ka Ma tawh ang 🙁
150
As_khiangte Says:
December 22nd, 2011 at 4:52 pm
@lillterascal, kan lo dawn chiang e… tunah khan a lo luh belh leh Rs.1,000/-. Traffic a jam nasa ltk a Civil Hospital kan thleng thei rih lo tlat, khua a thim tran deuh tawh lehnghal…
151
Chemtatrawta Says:
December 22nd, 2011 at 4:55 pm
As_khiangte…Kawlhawka birthday anih mana special item neih tir teh ang che u.. 😆
152
littlerascal Says:
December 22nd, 2011 at 5:01 pm
As- khiangte, tlem hle mahse a lawmawm e, ka hman silo a keimah tih kawi nuaih a ngai ta a nih kha
Va zialo ve, hospital chu in thleng tluang thei em ang chu
153
littlerascal Says:
December 22nd, 2011 at 5:02 pm
147 chemte ka vahre biklo e aw, nakinah a hre deuh tur an lo online hunah lo zawt mai teh
154
As_khiangte Says:
December 22nd, 2011 at 5:05 pm
@Chemtatrawta, birthday ka hriat twh zawng zawngah chuan he pa birthday hi a la chiang lo ber awm e…. zai a thiam lo a, kan lo lam tir chiam dwn nia 😆
155
As_khiangte Says:
December 22nd, 2011 at 5:07 pm
Hospital kan la lut thei lo, 2wheeler a kalte an thlenna a rei tawh si, buaithalk fiiii ni… :undecided:
156
As_khiangte Says:
December 22nd, 2011 at 5:16 pm
TB Hospital kawtah, kan hmelthat dan te hi a in ang lo a nia, kan thinlung erwh a thuhmun, ehhh

http://i39.tinypic.com/208tnhu.jpg
157
As_khiangte Says:
December 22nd, 2011 at 5:26 pm
TB Hospital ah………….
http://i42.tinypic.com/fyeusg.jpg
158
As_khiangte Says:
December 22nd, 2011 at 5:31 pm
Refreshment at Silver Moon Restaurant

http://i39.tinypic.com/2qv59np.jpg 😕
159
littlerascal Says:
December 22nd, 2011 at 5:40 pm
In phu e, ei treuh rawh u
160
mr.Duhlova Says:
December 22nd, 2011 at 5:46 pm
Misual ho chu rin aiin in lo hmeltha daih mai…a bik in a hma-phel ho kha.

Kris-mas chibai vek u
161
As_khiangte Says:
December 22nd, 2011 at 5:48 pm
Refreshment hi Kawlhawk leh Nastycool ten min treat….
162
As_khiangte Says:
December 22nd, 2011 at 5:51 pm
Civil Hospital Aizawl ah kan awm mek, kan zo trep e
163
hiho Says:
December 22nd, 2011 at 5:55 pm
Kawlhawk leh Nastycool ‘Dam reng roh se’ …. Ka ti mah mah em? 😕
164
ReMpYâ„ Says:
December 22nd, 2011 at 6:03 pm
A lawmawm e. Charity fund tu te zong zong hi misual.com member vek an nilo ang, an chungah lawmthu awm se.
165
littlerascal Says:
December 22nd, 2011 at 6:06 pm
Kawlhawk leh nastycool te chu an va ti tha ve
Rempy silent reader pawh an am nual ang, a contri tu ah khian
166
Guillermo endara Says:
December 22nd, 2011 at 6:25 pm
Inpeknakim ah lawm a kim thin tih hi chu a dik khawp mai.
167
VaiVa Says:
December 22nd, 2011 at 6:29 pm
A va ropui em ve le… Misual nichunga masi hman a nuam leh sawt dawn e. Hei kei pawh Kolkata thleng tep chungin ka rawn comment hrâm e. Report kimchang post lo nghak ang aw (Y)
168
ChhanaPa Says:
December 22nd, 2011 at 6:36 pm
Awm ve ka va chak tak em! Ka buai khat teh reng nen ,ka buai lai nen a in nang lutuk a.0T lok. Facebook a ka telna group 1 ah pawh vawiin khan hospital 2 ah tanpuina an pe. Chu pawh ka tel hman ta lo.
169
As_khiangte Says:
December 22nd, 2011 at 6:53 pm
Aizawl Civil Hsptal kan zawh hnuin kan RV ah kan lut khawm leh, kan thu khawmuang mek Dinner Aizawl Masala a nghah pah-in. Rs100000/- kan sem bang a, naktuka sem chhunzawm dan tur kan ngaihtuah mek e. member 11 kan la thu kual 😆
170
mamboihi Says:
December 22nd, 2011 at 6:58 pm
In inpekna a ropui. A dawngtu te leh a thawhtu, semtu te Pathian in malsawm rawh se..
171
Phivawk Says:
December 22nd, 2011 at 7:01 pm
Report kimchang hriat a chakawm tawh hle mai.
172
littlerascal Says:
December 22nd, 2011 at 7:05 pm
Rs 100000 maw in sem ban??
173
XaiA Says:
December 22nd, 2011 at 7:05 pm
#169,A va ropuiin a bang chu a tam hle mai…bawmrang 12 ang hial a ni e 😆
174
As_khiangte Says:
December 22nd, 2011 at 7:08 pm
Rs.1,00,000/- ni lovin Rs.10,000/- tihna a ni jawk e, just a typo… jishhhhhhhhh 😆
175
littlerascal Says:
December 22nd, 2011 at 7:09 pm
Hihi jishhh haha! Hriatthiam i ni e 🙂
176
As_khiangte Says:
December 22nd, 2011 at 7:10 pm
Hunin min daih lo a ni e, traffic jam hian hun a heh mah mah a ni e. ;lol: 😆 😆 :lo:
177
littlerascal Says:
December 22nd, 2011 at 7:11 pm
Hmm pic kan nghakhlel hle, kan demanding viau na chu minlo hrethiam a niang chu
178
littlerascal Says:
December 22nd, 2011 at 7:12 pm
As- khiangte, khawnge pu mz a hi??
179
Kawnga Says:
December 22nd, 2011 at 7:58 pm
Aizawl lam unaute nge nge, in ropui thin e. In insensona avangin mi tam tak lawm avangin an tap leh dawn a nih kha! Lalpa’n malsawm che u rawh se!
180
H.Vangchhia Says:
December 22nd, 2011 at 8:00 pm
Ka fanu skul kal ka thlah zo chiah. Nizan lam “The Adventure of Tintin” movie ka en avangin ka online talo.

In hnungzuia han pen chhuah ve chhak chhak a chakawm hle mai aw. Mahni tul theuh kalsan a khatianga in hun in zuah lui hram hram thei kha a ropui. Ku shai-a pawh i fapa a lian tawh hle mai. In vai mai khan chibai mawlh mawlh ule. Ka ka atanga chhuak khat tak….”Pathian-in malsawm che u rawh se. Thinlung hahdam leh hlim takin Pathian fapa, kan tan a a pian, kan lawmna ni hmang theuh rawh u.”
181
shailendra Says:
December 22nd, 2011 at 8:01 pm
@littlerascal, programme poimawh a nei a, a lo tel hman lo a ni

@kawnga, kan la ti ho ngei dawn nia.
182
littlerascal Says:
December 22nd, 2011 at 8:02 pm
Pu vangchhia ka ka atranga chhuak khat tak nagpawh le
183
ruatruatapa Says:
December 22nd, 2011 at 8:20 pm
In titha hle mai. Tunlai chu ka Misual khat ta deuhva. Ka hriat loh hlanin in lo che ropui khawp mai. Vawiin kha chu ka hman tur tur asin mawle anih, ka lo hre lo a ni.

In ti tha tlang hlawm hle mai. Ka hmelhriat in awm tam hle mai…
184
mamboihi Says:
December 22nd, 2011 at 8:42 pm
Tumah khi a takin ka la hmu ve lo!! 😛 In zinga awmve a va chakawm em… Report puitling kan lo nghak reng e..
185
lrpa Says:
December 22nd, 2011 at 8:45 pm
ruatruatapa, nikum lam i che nasa deuh a, tun kum chu kan thiam a che :kiss:
186
sheldon Says:
December 22nd, 2011 at 8:51 pm
A va nawm hmelin a va ropui em! Misualte mite tan malsawmna kan ni leh ta…

Tunah tak hian Tsa kan bulah a rawn leng a, nihawichi kan chip ve mai mai. Vawiin Charity chungchang te kan sawi a, a nuam ve khawp mai.

Tsa te naktuk an discharge dawn bik. In mi tawngtai puina ah kan lawm takzet.
187
shailendra Says:
December 22nd, 2011 at 9:16 pm
sheldon, naktukah a hman hman in rawn tlawh che kan tum a nia.
188
PKfanai Says:
December 22nd, 2011 at 9:27 pm
Sheldon, Dam tak a Damdawiin in chhuahsan theih ngei na turin Pathian engkim titheia hnenah ka lo dil pui ve ang che u.
189
joseph sr Says:
December 22nd, 2011 at 9:37 pm
Tluangtakin inti zo thei a, a lawmawm hle mai.
Kristmas leh Kumthar chibai vek ule. 😆
190
sheldon Says:
December 22nd, 2011 at 9:41 pm
@shailendra, a va ropui dawn ve aw. Dam anga lang dam silo, mahni a che theilo ania, a buaithlak riau a. Masi a hnai tawh si, hun in neih dawn loh nen.

Engpawhnise, in rawn kal dawn chuan min rawn hriattir ang a. In rawn kal theilo anih pawhin ka vuilo reng reng ania. Min ngaihtuaha min tawngtaipui na te pawh a hlu kan ti teh ania.
191
Saitawk Says:
December 22nd, 2011 at 9:43 pm
Post tupa, hetah pawh Piancham chibai le. 🙂
192
kawlhawk Says:
December 22nd, 2011 at 9:50 pm
Mahni sum pai teuhte vawmkhawmin, dawrah zanriah kan kilho hnuah naktuk lama kan fehchhuah lehna tur te sawihovin kan tin ta. Dam lo – mi harsate hmelah, an rin loh lutuka tanpuitu kut an han chibai, mak ti hmel taka min han en haw haw han hmuh zet chuan hnuk a tiulh thei ngei mai. In sum thawhkhawmte avangin mi lungngai tam tak an lawm e.

Kumin hi ka piancham azawnga ka hman that ber tum a ni… tih te mai hi ka’n sawi lang ve mai2 ang e.
193
aduhi Says:
December 22nd, 2011 at 9:57 pm
Report kimchang hriat a chakawm tawh hle mai. Naktuk zanah chuan chhiar theih lo inbeisei ta ila.
194
kawlhawk Says:
December 22nd, 2011 at 10:03 pm
aduh, Pu As_K an thlalak nen a rawn submit dawn e.
195
levodopa Says:
December 22nd, 2011 at 10:04 pm
nuam asin a kal theilote ka khawngaih ngawih ngawih
196
sheldon Says:
December 22nd, 2011 at 10:06 pm
@saitawk, engmah ka hre ve lo. Tunge birthday neitupa? Comment pawh ka chhiar kim hman lo
197
muantea Says:
December 22nd, 2011 at 10:12 pm
Thinlung takin ka lo zawm ve mawlh mawlh a che u
198
sheldon Says:
December 22nd, 2011 at 10:15 pm
A va mawl theih ve aw!! Comment ah a lo tlar tuarh a, bakah ‘post tupa’ ti na reng a…a zo tawh..haha

@kawlhawk, tlai tawh takah ‘happy birthday’ le.
199
kawlhawk Says:
December 22nd, 2011 at 10:18 pm
Kan veivahna tura motor thawhtu : As_K, ^||RaLtE||^, Maisek, kawlri leh scooty/bike thawhtu zawng2te chungah lawmthu awm rawh se. An tel lo chuan eng kan tithei si lo…
200
As_khiangte Says:
December 22nd, 2011 at 10:19 pm
Ka pute thu ka hnial ngam si lo a, vawiin misual.commer te in rawngbawlna chanchin thiam ang tawkin post kan submit dawn ange.@ littlerascal, Pu Mza hi a hna lamah a trul deuh a niang a ngaihpawimawh tehreng nen a rawn lang hman tlat lo mai.
201
Saitawk Says:
December 22nd, 2011 at 10:25 pm
@Sheldon, ka thiam lutuk che! kan chhangchhiat zuallai chuan kan ni ve thin! :lol:
202
dolly dollz Says:
December 22nd, 2011 at 10:37 pm
Vawiin kan hun hman danin a zir bawk a, zanin chu ka nuam veng veng mai. Naktuk lam chu ka hman hmel dawn tawh lo…. tel tluan ve law2 ka chak nen :undecided:
203
kawlhawk Says:
December 22nd, 2011 at 10:40 pm
dolly, mhip lam in pha ta vek si a, naktuk chu paho rual kan han chhe chhuk ang e. Nia, hun i hmang tha bawka lo nuam veng2 rawh
204
levodopa Says:
December 22nd, 2011 at 10:41 pm
#202 nuam hi iti thei hrim hrim tren tren
205
bk Says:
December 22nd, 2011 at 10:42 pm
KZP
206
Sãñgpüîípã Says:
December 22nd, 2011 at 11:31 pm
Kan pawl hming min zawh apiang a MISUAL HO kan ti thin kha chu mak ti in an hawi heu zel in ka hria. Kan fiamthu mai maia ngai te pawh an awm in ka ring tlat,
207
RosangaD Says:
December 22nd, 2011 at 11:54 pm
Vawiin chu kava tel ve a. Hmuh chak tak tak te kava hmu in kava chibai nual a… thil ṭha kan va ti bawk nen… nuam ngei mai….
208
keimah Says:
December 22nd, 2011 at 11:56 pm
In va tiropui tak em! “Lalpa malsawm rim” in nam veng veng e! Ralkhat atangin theihtawpin kan lo thlawp ve che u a nia!
209
lrpa Says:
December 23rd, 2011 at 1:11 am
Misual charity hi kumtluanin hung ta ila, khawiah emaw. Misual home page ah pawh hian ziak deuh khulh ila..te ka ti rilru mai mai a..ni 365 hi a rei lo ania..tiila full-time misual kan awm bawk si lo a..
A ropui ani, a tlem emaw a tam emaw, kan mihringpuite tanpui thei kan ni hi..kan malsawmna dawn, nunna ringawt pawh hi!!
Pathian, engkim ti thei, engkim hmutu leh engkim hretu chuan he in thil tih hi a hre reng ngei ang.
210
VaiVa Says:
December 23rd, 2011 at 1:17 am
Naktukah ka rawn chibai vek ang che u. In fel hlawm e mai. OT, Kolkata Ballygunge Mizoram House dorm ah ka thleng a. Vanduaithlak takin ka lo reserved lawk lo a (angai tih ka lo hre lo a). Dan leh hraite kan ngaihthlak hnuah min thlen tir hram e. Mahse, “Sipai i ni em?” ti a min zawhna “aw” ka ti kha chu, thleng leh lo mai rawh min ti tepin ka hria.
211
mr.Duhlova Says:
December 23rd, 2011 at 8:26 am
Sum tlingkhawm te, a mamawh zualin an chan kim theihnan, Chhangper panga leh Sangha pahnih mipui sang-nga tan a tipung theitu Pathian hnenah kan lo tawngtai ve reng e…thian te u, in ti ropui lutuk.
212
RosangaD Says:
December 23rd, 2011 at 9:28 am
Kan camera men te ve thung

https://i40.tinypic.com/210yc6t.jpg
213
kawlhawk Says:
December 23rd, 2011 at 9:56 am
Khai le! Mi hausa leh rethei pawh thliar lo cancer-in a suasam mek te hnen lam panin mahni hna te kalsanin thei2 i fehchhuak leh hram ang u le.
Vawiina fehchhuak thei tura in-report :
Shailendra
^||RaLtE||`^
pakak
levodopa
kawlri
As_K
kawlhawk
Pangtichawr
Sangpuiipa
hei zawng hi la hria… midang tel thei tur kan awm em? Pu As_K dawr i pan ang u le.
214
H.Vangchhia Says:
December 23rd, 2011 at 10:33 am
#213 KZP em em, in hnunga han pen ve chhek chhek avan chakawm vele. :rolleyes: :rolleyes:
215
kawlhawk Says:
December 23rd, 2011 at 10:37 am
HV, i tel veah kan ngai e. Nasticool pawh tel dawn e.
216
littlerascal Says:
December 23rd, 2011 at 10:39 am
Ka tel ve duh chak
217
Sãñgpüîípã Says:
December 23rd, 2011 at 10:50 am
Ka rawn chhuak phei dawn chiah e.
218
doc_lib Says:
December 23rd, 2011 at 10:55 am
Hei enge awm zia. Sangpuiipa an sem tawh nge la sem lo.Nimin tlaiah Zawlkhawpui ka rawn lut ve chiah.
219
H.Vangchhia Says:
December 23rd, 2011 at 10:57 am
doc_lib, #213 khi :wink: A detective ber si tet tawt che chuan hairehai
220
doc_lib Says:
December 23rd, 2011 at 11:00 am
ku HV kan he ti zo tawh..Zawlkhawpui han rah leh meuh chuan, detective pawh a detective hleithei lo..hehehe..A eng kan ti zo ta nge pawh ka hriatthiam loh hi.. :lol:
221
kawlhawk Says:
December 23rd, 2011 at 11:01 am
doc_lib, niminah tb hospital, civil hospital, damna in (home) ah kan sem a, tunah hian zemabawk cencer hemna hmunah Rs10000 kan han pe leh dawn. Azl i awm chuan rawn tel ve teh, hei pu sama dawrah kan innghak khawm mek.
222
H.Vangchhia Says:
December 23rd, 2011 at 11:03 am
#220, i chhaw haw chhuih ani maw hairehai :lol:
223
doc_lib Says:
December 23rd, 2011 at 11:04 am
Kawlhawk, Family standing comittee neih that leh vek a ngai dawn.Nizan lam ka rawn misual lo kher kher chu. Eng pawh ni se, tumemaw ber kha chu cell phone a tang pawhin lo miual zel teh u..ka rawn contact theih nan che u.
224
kawlhawk Says:
December 23rd, 2011 at 11:19 am
Levodopa a rawn thlenga hmingthup hnen atangin cheng 1500 a rawn hum lut e. a va lawmawm e.

sangpuiipa a rawn thleng… ||RaLtE|| a rawn kal mek bawk.
225
sheldon Says:
December 23rd, 2011 at 11:20 am
Hman i la, thei i la, in hnung rawn zui ve a chakawm mange. Tluang takin tanpui ngaite tanpui hna chu han thawk leh teh u. Mahni hna tul kalsan a hetia in han penchhuak hi a va ropui em!
226
littlerascal Says:
December 23rd, 2011 at 11:25 am
Inti ropui hle mai
227
Maisek Says:
December 23rd, 2011 at 11:30 am
Nuam kan ti tlang hle mai…. :lol:
228
shailendra Says:
December 23rd, 2011 at 11:37 am
doc-lib kha lo man bet roh uuuu…. Chawhnu herah ka lo tel ve ang…
229
Kawlri Says:
December 23rd, 2011 at 12:45 pm
Ka hman veleh chiah… A tlai tawh emai.. Sorry bosss..
230
TuaiSialA Says:
December 23rd, 2011 at 1:19 pm
Lalpa’n malsawm cheu rawh se. Amen.
231
chhangteval Says:
December 23rd, 2011 at 1:24 pm
sangpuiipa hi ka hmu chak ee..
232
sheldon Says:
December 23rd, 2011 at 2:24 pm
Misual ho thiltih a va ropui tehlul em! Misual zar kan zo leh ta. A ‘live’ a inhmuh chu a nuam ngei mai.

Tun mai khan Durtlang Hospital an rawn chhuahsan chiah e. Mimal pawimawh leh an hun te midang tan an hlan hi a ropui thlawt ani.
233
sheldon Says:
December 23rd, 2011 at 2:30 pm
@chhangteval, hei Sangpuiipa chu ka chibai zo chauh asin! Pu As, Ralte, Kawlhawk, Levodopa(he pa avatar hi!!), Alfred te pawh kan in chibai zan e.
234
kawlhawk Says:
December 23rd, 2011 at 2:41 pm
Nimin lamah Civil leh TB hospital, damna in lama kan sem bang cheng 12500 chu Durtlang damdawi inah sem zawh a ni ta. Damlo harsa, intuamlumna leh inenkawlna pawh nei lo ten misualte sum thawhkhawm an han dawng zet chu lawma vanga mitui tla te, haleluiah pe tuarh2 te, mak tia min en haw ringawtte an va tam em! Hnuak a ulh thei hial nia!! Damlo harsa zual tak2, nurse te pawhin an manganpui leh an lainat mm mi 12 te hnenah cheng 1000 theuhin, keimahniin damlo kut ngeia hlanin kumin misual charity chu sem zawh a ni ta.

Thlalak leh report kimchang zaninah rawn submit a ni ang.
235
ruatruatapa Says:
December 23rd, 2011 at 6:44 pm
Kan lo ngaichang reng cheu a nia…
236
xotea Says:
December 23rd, 2011 at 6:52 pm
A va ropui em, nizanah ka hna avangin ka haw tlai a, ka lut ta miah lova, vawiin chu ka hman ve teh reng nen, sem leh a ni dawn tih ka lo hre lova, pawi hle mai.
237
levodopa Says:
December 23rd, 2011 at 7:39 pm
damlote leh an chhungte thlipek hlan laia lungchhe taka an awm leh an hnuk ulh hmuhte khan rilru a khawih takzet, Pathian hi a lo va tha em.
238
levodopa Says:
December 23rd, 2011 at 7:40 pm
Sheldon ka chibaina kut ka la sil lo…ka chibai lai khan ka mur chuai mai :wink: