Kan zia awm deuh ang em?

December 21st, 2011 4:00 pm by PKfanai

Kan zia awm deuh ang em?

Hman a Comment pakhat a ka rawn sawi lan zauh; Arshang English School Pasighat a kum 1994(kan din tirh kum) a Class-I zir tan, tuna lo tlangval ve ta pakhat Air Crew/host/hostess tura Dimapur-a training nei mek chu Christmas chawlh hmangin a rawn haw a.

A hmel a rawn no suk mai a, a rawn keu vuk mai a. mizote anga sam met kawlh anni ve si lo va, Korean Tlangval te pawh a rawn ang haw viau mai. Pawl 5/6 vel anih chhoh laia naupang sual ber anga kan neih kha a ni a, mi 500 vel atanga mi 10 vel thlan zinga tel nalh kha a nia, keimahni avang liau liau a, tun ang hi thleng niin a inhre ve tlat a, Lawmthu sawi turin min rawn pan vang vang a ni. A training dan a sawite hi a tha dawn riauin ka hria a, ka han share ve mai mai ang e. (Post a tam lem lo bawk a).

1. English leh Hindi Pronounciation an duh uluk em em. Hei hi a lawmna ber pakhat a ni. English Grammar kha ka zirtir thin kha a nia. Kan zirtir ang deuh vek kha an lo ngai pawimawh si a, ka chungah leh kan Hindi teacher Pu Rama Sipai bang Hindi pucca tak hmang pronounciation an lo nuih thin kha an hotute duh dan a lo ni ta zawk si a, kan chungah a lawm em em a ni. Tin, V leh B hi a ultra chiahin an lam a, F leh P hi a ultra chiahin an lam bawk a, an hmui te dawm/hmeh sak meuhva kan lo zirtir thin kha a lawm em em a ni.

2. Vun an uluk tak meuh a, Cosmetics man to ber ber an hman tir a, cheng sang riat vel a hman tawh thu a sawi a, “Nula ho phei chuan cheng sing chuang fe an hmang” a ti.

3. Zing thawh tlai an phal lo va, zan men rei an phal miah lo.

4. Zuk leh hmuam an khap bur a, khawl hmangin an check thin a ni awm e. Mei rim nam, Kuhva nawi ka a awm, Sahdah etc. rim nam ang chu an ban hmiah hmiah a ni awm e.

5. Zingah leh mut dawnah tui lum pip pepin hmai an phih tir ziah.

6. Zingah tulum litre chanve in ziah a ngai a, zan mut hma darkar khatah thingpui sen hang an intir ziah.

7. An chawlh chhunga an in control lohva, an thil tih tur (Home Assignment) te an tih that lohva, Arngeng(pimples) te an rawn neih haw chuan, ban theih an ni.

8. Tlangval a pumpa zing thawh hlim leh zan mut dawnah darthlalang hmaa dingin a in hnawih hliau hliau zel mai.

Cosmetics lam khi chu lo dahtha ta i la, kan tih ve theih mai hi a awm nual mai a, Mizote kan vun a thim tlat mai leh Arngeng kan ngah viau mai hi kan zuk leh hmuam tih nasat vang leh mut hunbi kan neih loh lutuk vang hi ani thei ang em? Tuilum in hi chu kei pawhin vun tan a that zia hi ka hrechiang khawp mai. A hang a hang hian ka hmai vun hi a mamin arngeng reng reng hi zuk nei ngai miah lo va. Zuk leh hmuam hi ka ti ngai lem lo bawk a.

Kan ngaihdan te I han thawh ho ang u hmiang. Hmasawn zel tur kan ni lawm ni?

Similar Posts:

Recent Posts:

45 Responses to “Kan zia awm deuh ang em?”

  1. 1
    chhangteval Says:

    Pu Pk tunlai thangthar ho, a bik takin 1993-4 hnu lama piang ho hi chu an vun a nalh tawh hlawm teh mai a nia, chu bakah an sang vah tawh mai a ni :-) Rilru hi an ti buai a nia.. hairehai Mahse zuk leh hmuam an ti tlat zel hi chu a HIT LO thei!!

    Report this comment

  2. 2
    littlerascal Says:

    Tha e

    Report this comment

  3. 3
    Jacka Pi Says:

    Kzp

    Report this comment

  4. 4
    chhangteval Says:

    Korean film kan sawisel kan sawisel a, mahse faina lam kawng ah chuan min influence dan hi a tha ka ti ve tlat, thil dangah chuan ka hre law.. Tleirawl te hian korean an chakin an in tih fai puak puak thin hi! Mahse mipa ve lem, inla korean a an han meng please ve ngei thin hi chu. …uaaakkk hi ni tawp! :lol:

    Report this comment

  5. 5
    zualbonez Says:

    cosmetics a….a metrosexual emai,,,no way..hairehai :)

    Report this comment

  6. 6
    Dr Mahminga Sailo Says:

    Pu PKfanai… I thuziak hian zirtir a nei tha thin khawp mai.

    Faina leh hmelthatna chungchang khi chu sawi lo mai ila (ka hmel a that sa avangin… :lol: :D ) I zirtir chhuah ngei in, a zirtirtu hlutna chang a hria khi a fing ka ti a. Chutih rualin, zirlaite hlut leh faktlak i nih avangin i ngaihsanawm ka ti. I chhuanawm e.

    Report this comment

  7. 7
    Thara Chhangte Says:

    zualbona chuan branded tanakha a hmang :D

    Report this comment

  8. 8
    PKfanai Says:

    @1.Chhangteval, a lawmawm nasa anih chu. 4 a i rawn sawi anga Korean influence tha chi ani chuan a tha ka ti reng mai. Mahse hmelthat leh vun nalhna tura zuk leh hmuam tih loh phah hial te hi awm se ka tia.
    Kan Footballer hmasa ho promising tak tak Ruihtheihthil avanga an nih tur ang thleng pha ta lo te kha ka ui thin lutuk a, JeJe-a hi hetiang lama in thiarfihim niin an sawi a,a thlen san zel pawh ka ring.

    Report this comment

  9. 9
    DXBFreak Says:

    Jet airways ah ni khat chiah ka thlawk ve hman, management ka training lai in, ka taksa in a tuar a vang in, ka chhun zawm lo, ka in chhir em em chuang lo, tuna ka hna hi ka lawm tawk em em…hmeichhe tan kum 4 a zawna i thlawh chuan, 90% fa neih thei lo in i awm thei..

    Report this comment

  10. 10
    PKfanai Says:

    26.Dr.Maminga Sailo, Phar 10 tihdam zinga 1 chiah Lawmthu sawi nachang hria ang deuh kha ania. Ani hi chu a Sual fal deuh bik avang khan, a Lawm zual bik niin a lang. Midang ho, a nungchang tha ho hi chu MA, Doctor, Engeneer te pawh a awm ve tawh a, han inhmuh hian min zah chuih zel. Ani hi chu, min zah lo ni si lo hian, min nel em em bik mai a ni. A hna tur tak pawh anih ka ring, Communication lamah a tha em mai.

    Report this comment

  11. 11
    Dr Mahminga Sailo Says:

    Pu PKfanai… A lawmawm e, a tan i hlu em a nih chu.

    Nikum ka haw khan, Primary Sikul kan kal lai a, kan zirtirtu pakhat chuan kuhva min lei tir ngat!! Ani’n nuam a ti, kei lah ka lawm. A chhan chu, midangte nen a inkhaikhin rual ka nilo na’ng in; ani kha chuan, “Veterinary Doctor mai nilo, Post graduate zirchhuak thei kha, ka zirtir chhuak i ni tlat ” a ti a. Ziritirtu te hi in ngaihsanawm tak zet (a bik takin ka tan ngat phei chuan…)
    Ka OT lutuk em aw.., min lo hrethiam teh u’n. Zirtirtute hlutna ka sawi alng duh si.

    Report this comment

  12. 12
    PKfanai Says:

    Dr.Mahminga, Thlaraubo zawngtute tan Thlaraubo zawnhmuha awmte hi an Lawmman ani ang chiah hian, Zirtirtute Ropuina leh an Lallukhum chu nangmahni ang a inzir puitling chhuakte hi an ni. Thinlung taka thikna tel hauh lova Lawmpui thei tu tur chu nangmahni zirtirtute hi an ni ngei ang.

    Report this comment

  13. 13
    Hermitz Says:

    Mipa hi chu han retro viau mai ila te ka ti mai mai a…mahse khitiang ang em em a han in uluk chu kan hnathawh leh eizawn nana a pawimawh anih hranloh chuan a tul teh chiam ka ti love..hriselna leh faina chu kan vawng tur alawm..mahse khitiang tur khi keini ang eikhawp hmuzo ve tawk tan chuan a hautak deuh ani e

    Report this comment

  14. 14
    mamboihi Says:

    Pu PK te chu in thawhrimna rah he tlangval ah hian a hmuhtheih a, in va chhuanawm em.. :happy:

    Primary School a ka teacher te kha tunthleng hian ka rilru ah an thi thei lo. Hmu khat hle mah ila hmuh chhun chuan present te ka la pe tawk tawk thin.

    Hmeichhia mah ni ila darthlalang hma ah hun ka hmang tam lo khawp mai haha :P

    Report this comment

  15. 15
    H.Vangchhia Says:

    Tha vele

    Report this comment

  16. 16
    bk Says:

    Ni khawp mai

    Report this comment

  17. 17
    Phivawk Says:

    An inhrual dan a va hautak rem rem ve! Ni e, cosmetic lam khi chu ngaihtuah lo ta ila, tuilum in, zan men reiloh, adt. khi taima takin zawm ila chuan kan zia awm ngei ang. Tin, hmeichhia te hian nasa lutuk lo leh a tawk chauh a cosmetic/make up an hman hian an mawipui ka ti. I hnaah hlawhtlinna a taka i hmu chu ka lawmpui hle mai che. :)

    Report this comment

  18. 18
    PKfanai Says:

    Mizote hi North East ho zingah chuan kan hmaithlak hi a tha ber hian ka hre thin a. Mahse, kan ti/vun thim bul mai hi mak ka tiin ka lo vei thin a. Ngo deuh pawh hi, ‘dam behlawi’ ang mai hian an dang dul mai thin a, kan ei leh in,kan in enkawl dan vel hi uluk deuh hi chu angai ni hian ka hre thin. Hang ngaihno bei kan tih ho pawh hi, vun mam leh nung/hrisel tha an ni deuh zel.
    Ka tum oh lam daih a, min Lawmpuitute chungah ka lawm takmeuh e.@mamboihi, i fakawm hle mai. Primary sikul a kan Headmaster te kha chu ka damchhungin ka zah lo thei dawn lo anih hi.

    Report this comment

  19. 19
    century child Says:

    Zia awm deuh ngei chuan ka ring. mahse mut hma hi chu har ka ti.

    Report this comment

  20. 20
    La-me-a 25 Says:

    Min ban hma awm

    Report this comment

  21. 21
    Saitawk Says:

    @PK chu, zirtirtu tha tak i ni ngei ang.

    Hmani chu High School a ka thawhlai a kan naupang pakhat hi ka hmu nawlh mai a, Kawr tial suit, hnah lem chuang vek chi hi a lo ha a, Silai a lo pai trung mai bawk a, ka nui suk!

    Report this comment

  22. 22
    CFL Says:

    Mut hma hi chu a hrisel tur chu a ni. Mahse ka thei der lo mai a.

    Report this comment

  23. 23
    Asteric Says:

    Ava ṭha ve…. mut hma leh thawh hma hian hmel ah a lang khawp in ka hria, tho hma ṭhang hi chu mitmeng a fiaha alo mawi zawk bawka, mitmu varlai sen/eng lek lek hi chu men rei vang te a ni duh chawk a ni …. arngeng chu ka nei vaklo :D

    Report this comment

  24. 24
    lrpa Says:

    Ekhai, I thawk ropui e. Pu PKa chu ilo va thawk rei tawh awm ve? Mipa hmai hnawih tih lai vel bak khi chu a tha khawp mai.

    Report this comment

  25. 25
    Asteric Says:

    Pu PKa nge nge hi chu fakawm deuh ania :happy:

    Report this comment

  26. 26
    savate Says:

    Pawstupa ngaihsanawm ka ti.
    Hriselna leh zuk leh hmuam hi inkalh tlat lo sela, zan men leh zing mut hi in zawm tlat lo bawk sela chuan, mi te hian sawiselna na tur reng min hre lo ang.

    Report this comment

  27. 27
    johnny_ralte Says:

    a ni @@[1:[0:1: khawp mai ]]

    Report this comment

  28. 28
    PKfanai Says:

    Nimin lam kha post submit a awmlo riau a, hetiang hun a rawn che vat thin Tsa lah Damdawiin lamah a lo buai phili daih si, Pu Hva a ngawi daih bawk si a, ka rawn post ve mai mai anih hi. In ti lawmawm liam liam e.

    Report this comment

  29. 29
    caribou Says:

    Keini chu ei leh inah kan fimkhur lovin kan duhtui lova, sa ah pawh a tawphnawk apiang kan duh emaw tih mai tur a ni. Thil tha lo, kuhva, sahdah, khaini, meizial, tuibur kan uar hle. Kei ngei pawh kuhva Rs 10 man lei nana pawisa ui miah si lo hian bubble gum lei nan chuan Rs 5 bak ka phal reng reng hleinem. Anni te chuan an taksa an ulukin an duat a, tha awm reng pawh an ni e. Kan hmai a bawl thliah thluah lo te hi a mak viau zawk alawm le.

    Report this comment

  30. 30
    PKfanai Says:

    Zuk leh hmuam hi ka insum pawh ani hran lo; ka thei lo ve hrim hrim a ni. Vaihlo chi reng reng hi hrehawm khawpin ka rui tlat zel a, ka rim tih tui nan kuhva te pawh hi ka han ei ve thin a, ka ei tam deuh chuan ka pumpuihnun a na zel a, ka ei zui tak tak ngam lo. Zu erawh hi chu tui ka ti reng, mahse kan rawngbawlna hian a phal miau lova, ka tum buai ta lo mai a ni.

    Report this comment

  31. 31
    Dr Mahminga Sailo Says:

    Zuk leh hmuam leh adt., kan sawi ta sa sa. Hei hi ka’n sawi ve mai mai. Enge in ngaihdan ni ve reng reng? (Mimal intihmualphona tur a sawi ka ni lo e)

    Internship kan tih laiin, Department pakhat an pu ber chuan Doctor hna pakhat a ruak thu min hrilh a. A hnuai a thawk tur a duhthusam a sawilai chuan ka lo ip chawih chawih. Ti hian a sawi…

    “Ka hnuaia thawk tur chuan ruihtheihthil ti ngailo, tleirawl sual pawh nei miah lo chu ka duh lo, an rilru a te, thawhpui an hrehawm” a ti ta zek mai a nih chu! Kha hna dil tur khan Educational qualification ah chuan ka tling ngei a; mahse, pu ber criteria ah erawh ka tla chiang hle :D A hna min hrilh atangin min hnar ti tih tlat a :happy:

    Ka ngaihdan: Zu in leh ruihtheihthil ti, mifel an awm phawt chuan, heng thil tha lo laka insum leh inthunun thei mifel tak an awm loh bik ka ring lo. Officer ve si, khatiang a professional-mate zinga a tawng kha chu, ama mawng a hlim chiang khawp in ka hria. A pawnga pui a thil sawi puat puat (generalized) hi a tha lo khawp mai.

    Report this comment

  32. 32
    PKfanai Says:

    @31 Mahminga, In Pu chu a chiang chiah lo anih loh pawhin a mi lo tawn tawh chhunte an fuh lo anih dawn chu. “Thlangsuali” an sawi ang maiin, “Thlangsuala” anih ve dawn chu. :? Rawngbawlna angah ngat phei hi chuan, “Tleirawl sual neilo leh, chhungkaw background tha ho hi chu an dang zak” ka lo ti ve thin a sin. Tleirawl laia sual kawng lo dai thuk tak te, Family background tha lo tak te hi chu han chenho rei hian ip chawih chawih ngai leh neuh neuh hi a tam duh a nia. Misual zingah pawh hian, Asteric te, Ignatia te, nang te, Lrpa leh midang thenkhat ho hi tleirawl sual pawh nei lo in nih hmel ka lo ti mai mai thin. :P

    Report this comment

  33. 33
    Dr Mahminga Sailo Says:

    @ Pu PK… I ti lawmawm e :happy:

    Ka thianpa pakhatin a sawi, dik ka tih leh deuh si chu:

    Pathian khawngaihna azara tleirawl sual nei miah lo, zuk leh hmuam leh ruitheihthil a kan lo buai lo hi a lawmawm ngawt mai. THLEMNA A TLEM BIK a ti. A chhan chu, meizial zu tawh chuan, meizial zuk kha sim a har em em a. Meizial zu ngailo tan chuan kha thlemna kha kan tuar ve lo. Chutiang zelin thil dang pawh… a ti a. Mimal zirin chaklohna leh duapna zawng kan nei teh meuh na’ngin, a pawmawm riau in ka hria.

    Report this comment

  34. 34
    chemtatrawta Says:

    Nula tantir, sang zet zawt, mawng sang lah mai, inkhaithli thlerh thlawrh pakhat air hostess nih tum pawh hman zanah Raldawna nen hian kan thulh tir thak e. Keichu, ka chhungte thawh atan hetiang hna hi ka it lem miah lo mai, a hlawh tha mahse, an status a hniam em mai.. Ka ngaihdan dik tak ka sawi a, posttupa hian min haw em lo ang chu. Mahse, khitiang khawpa in train chhuak hi a ropui ka ti hle mai.

    Report this comment

  35. 35
    PKfanai Says:

    @34, Chema, Duhthlang thei dinhmunah an ding anih chuan a tha vek a lawm. Mahse profession hi midang lo inrawlh viau chi ani dawn em ni? Hlawh a that a, hna zahawm pangai anih te chuan. Nupui pasal chungchangah pawh a ni tho.

    Report this comment

  36. 36
    Jacka Pi Says:

    Air hostess nih ka chak thei raapss..mahse keipoh trawt te ang deuh khian ka cousin in min counselling thulh thak 8)

    Report this comment

  37. 37
    PKfanai Says:

    Jack-a pi, mi counselling avang a thawh emaw thulh emaw chu duh dan ala nep deuh anih dawn chu. Nupui/pasal tur leh profession lam hi chu Conviction nghet tak nen a thlan fel a chutah chuan ngheh tlat chi a ni. Hna hi chu a thawktu a zir a zahawm leh zahawm lo mai a ni e. Air lampang hi accident a tlem ber zuk ti teh tlat a.

    Report this comment

  38. 38
    chemtatrawta Says:

    Pkfanai, i sawi khi kei ka pawm zawng tak a ni a. Amaherawhchu, air hostess hna hi hna zahawm a ni lo tih hi kan hriat a pawimawhin ka hria. Ka sawi thui lo mai ang. Hmeichhe tan hian hna zahawm a ni lo tih te mai chauh hi kan sawi ang a, tichuan a lakdan tur kan thiam tlan a thain ka hria.

    Amaherawhchu, AIr India ah an lut anih chuan a zia deuh pawh a la awm, mahse ka farnu ka tirhliamna tur atan ka duh lo. Chuai chuan puanthui zir se ka duhpui zawk..

    Report this comment

  39. 39
    PKfanai Says:

    @39. Nia, kei aiin i hriatchian zawk ka ring e. Ka hnial lovang che. Amaherawhchu, Naupanlai a Ka thian tha ber ni thin hi, Tleirawl sual pawh nei miah lo,HSLC exam ah pawh Mizorama pakhatna ni nalh thei kha ania. PU Sc. kha First Division ah a pass bawk a. Engeneer zir a tum deuh uk a, a nu u fa, College Principal(Private) atanga bang a Evangelist ni ta khan, Engeneer hi hna zahawm ani lo a, Thlemna a chak lutuk a, mihring tan hneh chi a ni lo ang; chuvangin Doctor emaw, thil dang emaw zir zawk rawh” tiin a counsel a. A thu chu a zawm ta a. B.Sc. a zir zawm ta a ni. Lehkha thiam ta ngang chu tunah chuan Physics ah Doctorate degree chu a nei ta tho a. Mahse, he amah counsel tu (ka cousin brother a nia) pianpui unau hian B.E. chu a zir leh tho si a. Tunah chuan E.E.(PWD) a ni tawh. Pawi a tih hmel leh lem si lo a. Tin, Mihring zingah Engeneer hna corrupt miahlo a thawk thei an awm ngai anih cuan,he ka thianpa hi a nih ngei ka ring bawk.

    Report this comment

  40. 40
    PKfanai Says:

    Sorry 38 not 39. Engineer not Engeneer

    Report this comment

  41. 41
    chemtatrawta Says:

    Pkfanai, chuvang tak chuan alawm private airlines leh govt airlines tlemin distinction ka rawn siamna chhan zawk a chu. Tin, Air Hostess hi an fin vang leh an that vanga tling hi a tlem zawk an ni a, an hmel leh pianziain a zir avanga tling hi an tam zawk kan ti thei ang. Chuvangin, taksa mawina hmanga eizawng leh thluak finna leh remhriatna themthiamna hmanga eizawng nen hian tehkhin chi a ni angem tih hi kan hriatfiah a tul deuhin ka hria.

    Model zinga nupui zawng nulh nulh kan van fu hi maw?? :lol:

    Report this comment

  42. 42
    PKfanai Says:

    41. Khawvela ‘kei ka ni’ tichin deuhte hi chuan Model ho hi an ngaizawngin an nei nulh nulh amaw ka lo ti mai asin. :rolleyes: Top Model ho Nupuia nei nalh nalh thei te chu Vantlang chunglam, mi hausa tawntaw leh Infiamna lama hlawhtlin avanga hausa tak takte hi an ni thinin ka lo hria a sin. :P ka veng leh ta uar e.

    Report this comment

  43. 43
    chemtatrawta Says:

    42, mi hausa tawntaw leh infiamna lama hlawhtling model nupui nei nalh nalhte hi chu mi awhawm tak an vang riau ania.. Tin, model zingah hian heng chang pha leh top ni pha chin hi chu mizo nula chawntawi tirh terh zing atang hi chuan kan la hlat deuhin a rinawm.. :P

    Report this comment

  44. 44
    PKfanai Says:

    @43 Ni e. :P

    Report this comment

  45. 45
    dahminglem Says:

    Mihring chu an sual4

    Report this comment

Leave a Reply

You must be logged in to post a comment.