Vawiin chu kan hnathawh naah kan thawhpui pakhat hian ka nihna diktak nisi, lawmawm lo lam hian min kova; a hma pawn min ko zauh zauh tawh chutiang chuan. “Khatiang khan min ko tawh suh,” ka tia. A ni chuan, “Fiamthu a nih kha,” a ti ve mai a. Hetaṭang hian thil tamtak ka ngaihtuaha.
Nihlohna puia inpuh hi a na hle. Nihna diktak, a ṭhalo lam nisi phei chu a lo lawmawm lo lehchhawng tih ka hmuchhuak. Kan ṭhiana pawh hian a fiamthu tih chu a sawi hma pawh hian ka hre tawh. Ka ngaihtuaha, kei ngei pawh hian mi ka lo fiamin an tana rilru nat theih dan turin ka lo fiam fo in ka inhre ta.
‘Khawpui chu an fiamthu a sang’ kan ti fova; Khawpui mi kan niha kan fiamthu a sang a nih pawhin khawpui mi nge nge chuan fiamthu pawh a awm tawk kan hre ngei tur a ni.Kan fiamthu ah hian mi rilru a na theia; an thin ti urin an huat zawngah kan chang hlauh thei bawk.
Kan zingah fiamthu thiam tak tak pawh kan awmin kan thil post/comment velah pawh fiamthu rawlh kan ching hle. Hetiangah hian a chintawk i hria ang u, ka’n ti a ni e. Ka lawm e.
Similar Posts:
- Misual hi eng forum nge?
- YMA hnathawh that!
- Blog bo bonus
- Ka rilru a awm tlat hi…
- LPS Comedian Search 2011?
January 5th, 2012 at 12:30 pm
Post tha e. Fiamthu hian nun a tihlim a, fiamthu thiamte pawh an hlu khawp mai. Amaherawhchu, mite tlinlohna lam hawia in fiam/in kah hi chu midang tan hlimawm mahse, a tuartu tan a nuam lo thei khawp ang, thenkhat phei chu an nui duh lo lui ngat thin a, “Ka nuih a za lo” an ti mai thin.
Report this comment
January 5th, 2012 at 12:40 pm
Na deuh deuh a mi fiam hrat, fiam ve hlek a haw hle si te an awm. A hun leh hmun hriat leh, a tawk hriat hi kan xir a tul khawp mai
Report this comment
January 5th, 2012 at 12:46 pm
Hahahahaha..
Report this comment
January 5th, 2012 at 12:47 pm
Post tha lutuk.
Midang fiam ching tak, fiam let dawl miah lo te hi an awm chawk. A hun leh a hmun, chintawk kan hriat hi a tul tak zet a ni.
Pawl sawm ka zir kumin, thingtlang naupang ka nih bakah, hostel-ah ka lut tlai bawk nen. A lian leh huai deuh te’n kut inthlak (in-shock an ti thin) an ching a. Ka luh tirh in min ti ve ngei a. Ka thin a rim ta mai a, anni chuan, ‘fiam i va dawl lo ve’ min ti a . Khatiang a min fiam dawn ai chuan min fiam lo mah ula ka pawi ti lo ka ti. An fiamthu a dangdai khawp mai. Pathian zarah exam hmasa bera pakhatna ka nih tak ah chuan min ti zui ta bik lo (insawitheihna ah min lo ngaih sak lo hram ula…)
Report this comment
January 5th, 2012 at 1:10 pm
Ka vei zawng tak a ni hei hi! A tha hle mai.
Fiamthu chu mihring ten kan mamawh a, mahse kan fiamthu hi engnge tih zirchian a ngai khawp mai.#2 leh #4 sawi ang chiah hian mi na taka fiam ching hian an dawl lo duh khawp mai. Ka tawng nual. Miin min fiam anga ka tihlet ve a thinrim ta hi ka tawng fo mai.
kan fiamthu hi midang ‘expense’ a nih hian an thinrim bakah mi ho takah kan siam thei tlat. Bawl at lek lek pawh in hre ve teuh ang chu mawle!
Report this comment
January 5th, 2012 at 1:20 pm
@ Raldawna… “Bawl at lek lek pawh in hre ve teuh ang chu mawle!” tih hi ka rilru a awm chiah a ni, ka comment a thui ta si a. A dik chiah, ka hre nual mai…
Report this comment
January 5th, 2012 at 1:47 pm
nia.
Report this comment
January 5th, 2012 at 1:49 pm
wow! Lut ve leh thei chiah e..ka va nghei rei deuh ve..
Report this comment
January 5th, 2012 at 2:14 pm
Engkimah hian fimkhur a ngai a ni. TSA Jan 2012 Fiamthu nghakhlelh awm tawh ve..
Report this comment
January 5th, 2012 at 3:25 pm
Fiamthu a a subject nih hian, a nawm leh nawm loh chin hi a awm ve tlat nia…
Report this comment
January 5th, 2012 at 3:47 pm
A dik khawp mai, fiamthu hian hun leh hmun a nei a chu pawh chu kan hriat a ngai a ni. Uan hun loa uang tlat mihring hi kan tam khawp mai, commedian search ah pawh an sawi kha “Miin fiamthu a thawh avangin amah kha engtiklai pawhin kan hmu nuihzathlak ve tawp mai.” Fiamthu thawh ṭhin mi pawh nise, an damlo ve thei a, lu an sûn ve thei a, rilru hahna an nei ve thei a ni tih hriat tur.
Uan chintawk hi hriat tur, a dawngsawng tu rilru awmdan tur hriat thiam tum bawk tur. Mahni thu tak avanga mi fiamthu thawh huat ve vak pawh hi mawlna chi khat a ni bawk.
Report this comment
January 5th, 2012 at 4:21 pm
Asteric comment hi ka LIKE puar pawp.
Phivawk, monthly ang chi fiamthu chu rawn tih ka tum tawh lo. Mahse, a khât tawkin fiamthu chu ka la rawn post tho ang.
Chhana, i post khi a tha khawp mai. Fiamthu avanga tuar, deu, hmuhsit, nuihzat, chhaih leh a dang dangte hi misualdotcommer zingah kei anga tawk hnem an awm ka ring lo va, Mizo society-a fiamthuin hmun a luah dan te, mipuite’n fiamthu kan lak dan leh dawnsawn dan pawh kei tluka hrechiang an awm ka ring lo! Fiamthu hi engtiang fakauva hlu nge tih erawh kan hre vek ang. Mi ka fiam ngam a, ka fiamthu pawh a sang, ka fiam ngamte-ah chuan. Mahse, a nazawngin mi ka fiam ngai lo reng reng, hriatchian loh ngat phei chu. Fiam hi ka dawl ve tawk a, nuihsawh erawh ka dawl lo ve thlawt.
Mi hi – min fiama kan huat loh tur tawk ang hlirin i fiam thin ang u.
Ka lawm e.
I tan chauh,
TuaiSialA.
Report this comment
January 5th, 2012 at 10:17 pm
Mi an huat loh tur tawk a fiam pawh hi thil harsa deuh tur chu a ni ve tho mai. Fiamthu kan duh kan ti ve nih chuan eng pawh nise ka atanga chhuak, fiamthu anih chhung chu huat tur a ni lo, inhmuhsitna leh in diriamna tawngkam anih ngawt loh chuan.
Chumi case bikah chuan ka sensitive ania tih ang chi te hi chuan mi hi va fiam va fiam ve lo se ka lo ti ve thin khawp mai.
Report this comment
January 5th, 2012 at 10:24 pm
A hun leh hmun hi a pawimawh ka ti a, engatinge Ṭhalai inkhawm ah te Sharing naa ding tur kan hmuh ṭhin loh? Pathianin a pawldan sawi châk em em an din hreh tlat? A chhan lian tak pakhat chu in bawl zui kan chin vang a ni. Thu tak hun leh hmun kan thliar hran loh avangin mi in a nih tur ang a dinchhuahpui ngam lova, talent tam tak pawh kan up bet ṭhin a ni.
Thu uanpui tur leh tur loh chi kan hre lo hle in ka hria. Hmandeuha kan ṭhianpa chu mittui tla zawih zawiha a thu sawi kha uan pui nan an hmanga a ding ngam tawh miahlo….! pawi ka ti khawp mai, fiamthu na awm leh awm lo hi hriat tur. Fiamdawl tak niin ka inhriaa, amaherawh chu Mizo zing ah chuan zahawmna vawn him hi a ngai tlat ṭhin a ni, fiamthuna lo tura in bawl zui zel kan chin avangin. >:<
Report this comment
January 5th, 2012 at 10:37 pm
Ka thlawp zawng tak post a ni e. Mi ka fiam ve ngai lova; mite pawhin min fiam ngai bik lo.
Report this comment
January 5th, 2012 at 10:39 pm
@12 TS a sawi..mi nuihsawh chi a fiam hi chu ka duhlo chi tak ani. Mizote hi infiam hrat tak hnam kan ni in ka hria a, infiam pawhin positive lam zawnga infiam a tha… Ka nel fe loh chu ka fiam ngam lo! Ka fiam ngam tawh chuan ka nel fe tihna..
Report this comment
April 25th, 2013 at 12:06 pm
Ka rilruah a awm a; ka keu let leh mai mai.
Report this comment