Khawnge, post leh mai mai teh ang. Facebook lampang hi kan sawi fo va, sawi tham a ni rëng bawk a. A ṭhen chuan ho in ti viau maithei a, mahse, post ruak hnawhkhahna mai maiah ngai ila. Tunah hian group 100 velah ka awm mek a, ka leave tawh zat a tam zawk mah awm e. Group ho tak tak an tam rualin group ṭangkai tak tak an tam em em a. He’ng ka telna group-te pawh hi group ṭha tak tak an ni hlawm a, chu’ng zingah ṭha zuala ka hriat 10 ka’n tarlang teh ang. A ṭhat dan indawt a ni lem lo.
1. Mizo I.T. HelpLine: He group hi misualdotcommer, ^-||R@lT€||-^ group siam a ni a, tunah hian member 4150 an awm mek. A hming ang ang hian IT lampang harsatna neite’n an hmang ṭangkai hle. Kei ngei pawh hian ka hmang ṭangkai khawp mai. Tin, he group lo pawh IT lampang group chu IT for Share te, INFORMATION TECHNOLOGY(Zofate kan lo fin leh zual theih nan) te, Mizo I.T. Helpline Remixxxxxx te, Mobile Phone(s) hi a lar zual te an ni.
2. CHANCHINTHAR (Zofate chanchinthar inhriat tawnna): He group hi a siamtu ka hre mai lo va, Mizo journalist lar tak takte’n an vil reng a, a update khawp mai. Tunah hian member 13175 an awm mek a, tualchhung chanchinbute’n thu lak nan an hmang ṭangkai hle a, misual.com ngei ngei pawhin thu lak nan a lo hmang tawh ṭhin a ni. Tin, hei lo pawh hi ZORAM KHAWVEL : CHANCHINTHAR pawh hi a lûn khawp mai, member pawh 13195 lai an awm mek a ni.
3. Zoram Thlirtu: Hei hi Mizoram chungchang sawihona a ni ber mai a, tualchhung chanchinbu-ah te pawh a hming kan hmu zeuh zeuh tawh awm e. Kan Minister, Pu Zodintluanga pawh member pawimawh takah a awm ve! Tunah hian member 4614 an awm mek a, charity lamah an hming a ṭha hle.
Tin, anni bakah hian Zoram Tân pawh hi a larin a ṭha khawp mai a, Zoram Thlirtu nen hian unau an ni te ti ila, a sual lovang. Member 5423 an awm mek. Anni bakah, ZORAM THALAI te, misualdotcommer Zoho group siam AREIOS PAGOS(Mizo ram leh hnam hnuk khawih thil sawihona) te, THO LA DING TA CHE, I HLIAM A DAM E.. te hi a lar zualte an ni.
4. Fiamthu Hriselna: Fiamthu group hi group ṭha zinga telh loh phal chi a ni lo. A hit hlawm teh a nia! He group-ah hian member 5597 an awm mek a, nitin zantin fiamthu tharlam a awm reng a ni. Fiamthu group dangte chu Huapzo Fiamthu te, Fiamthu Huang (har har har!) te, Chet Chhiat Sawina Bâwm te hi a lar zualte an ni.
5. Buy & Sale (new and used) within Mizoram: Hei hi thil lei leh hralh duh tan a ṭangkai ngang mai. Kei ngei pawhin ka hmang ṭangkai a, secondhand vel duh ka neih chuan hetah ka post tawp mai zel a. A nei a mual mual chu an lo awm ve zel! Member 1626 an awm mek. Hei bakah hian Buy & Sell te, Mizo Second Hand te pawh hi group ṭangkai tak an ni.
6. Hriselna Huang: Hei pawh hi ^-||R@lT€||-^ siam tho a ni a. Doctor eng emaw zatin an awmchilh a, hmang ṭangkai tak tak an tam a, kei ngei ngei pawh hian ka tlawh zing hle. A bikin damdawiin pan thei remchang lote’n an hmang ṭangkai khawp mai. Tunah hian member 1619 an awm mek. Hemi lo hi hriselna lampang hawi group telna ka nei lo a ni awm e.
7. THU NGAIHNAWM HUANG: Hei hi thu ngaihnawma khat group a ni. Administrator-te hi mi thil hre tak tak an ni a, member-te’n an ṭawiawm ṭha a, an group a nung hle. Tunah hian member 8457 an awm mek.
8. MIZO NATURE WATCH: Hei hi thlalak mawi tak tak an post-na a ni. Ka lut ngai em em lo va, member 693 an awm mek. Hemi lovah chuan Mizo Photographers pawh a awm a, hetah erawh chuan ka tel lo.
9. Beidawngte Puitu: He group hi mi tam takin an hmang ṭangkai tawh a, an hmang ṭangkai mek. He group hi Counsellor siam a ni a, a vil reng a. Pathian mamawh ngawih ngawihtu te, mi beidawng ngawih ngawihte tan chuan group hlu tak a ni. Member 310 an awm mek. Hemi bakah hian Tanpuitu te, FACEBOOK 4 JESUS te, Krista vanga ka thu leh hlate te, christian HOLY Bible te pawh an awm a. Trinity Vrs Oneness pawh a awm a, hemi erawh chu a inhnialna group deuh, ka tel lo.
10. A dang te:: Thu leh hla lampang hawi, Thü leh Hlâ leh MIZO POETRY te, Vodafone hmangtute tan, Vodafone Subscriber Helpline te, Mizo history-a tuite tan Khawlhring history chhuina group, Khawlhring Historical Society te, Consumer-te tana group ṭangkai, State Consumer Helpline (Mizoram) te, music leh sound lam hawi, Music & Sound Helpline te, CAREER GUIDE leh a dang tam tak te.
BONUS: Misualdotcommer tan Misual.com Lovers a awm tih hria ila, member la ni lo tan a join theih e. Misual.com admin-te pawh he group-ah hian kohchhuah reng theihin an awm a ni.
Similar Posts:
- Nokia Mobile Community!!!
- Blog bo bonus
- Chennai Mizo Yahoo group
- Mamit chhiat tâwkte tân Mizo Comedian-te
- Aw nangni tidamtute u!
(Y)
January 12th, 2012 at 5:48 am
^…… A chung a coment ho deuh2 zawng hi LawiLoBawm members te.
Report this comment
January 12th, 2012 at 8:25 am
Tsa, Paranormal ah chuan nick dang hmangin kan va phuah sak vak zawk dawn a mawni le? Anni ai chuan kan phuah hlauhawmin kan phuah awm ang thiam zawk fe awm si a tiraw. hehe.
Report this comment
January 12th, 2012 at 8:59 am
@Pu Pk, va ti tak rawh! A ngaihnawm an ti ve em em tho zel a, hlau chung chungin an chhiar zel tho…haha. Dawt ni ve lem si, a tak ang chiaha an han sawi thei hi chu a milem zia em mai.
Lawilo Bawm ho tluka ‘ho’ hi ka hre lo..haha.
Report this comment
January 13th, 2012 at 3:17 pm
Hmanni chu ka thianpa in group tha deuh pathum ah ka add che a ti a kan lut chhin chu rin phakbak ani, an group hming tang reng poh in zahpuiawm tawh naklai in an pic. pose leh comment chu a entu/chhiartu nih pawh zahthlak zawk. Mizo thlalak ngei chu a nih hmel hlawmsi a ngialangan in an pose bak ah an coment na tawngkam hurherh lutuk kha mipangai tan chuan tih chi anilo, ka leave rang nasa. Mak ka la ti Mizo thalai ngei an nisi a
Report this comment
January 24th, 2012 at 9:39 pm
Tunlai Chanchinthar lam Mizo group zawng zawng a post ho in tan dan tlangpui chu: “Chanchinthar a ni chiahlo na a…”
Report this comment