Kan hriat theuh ka ring a, Mizoramah hian a khat tawkin, “Chumi veng luikawrah naute pianghlim thi a chhar a ni,” tih thawm hi a ri leh zeuh zeuh thin. Hetiang a thlen thin chhan nia ka rin chu, nuin sawn a pai a, a chhungte hriat lovin a pian veleh a paih ani thei.
Raipuar hian tui an pai hnem loh chuan an rai lian vek chuang lova, an thuamhnaw avangin an thup thei viau thin reng a ni. Chutiang emaw, chawm zolo tur a inhria ten an fa chu mi hmuh theih tura dahin emaw, luikawrah an paih mai thin pawh a ni maithei. Chhan tam tak a awm ngei anga, a chhan diktak hriat a harsa tawh thin a mahse, pawiber zawk chu mihring nunna nei kan that thin hi a ni.
Hetiang a nau paih thenkhatte chu mithenkhatin la dam an hmuh chang a awm thin a. Chutiang anih chuan khawngaihna nen lain an enkawl fo tawh thin a. Pu Sangthankima (TNT) te pawh entirnan a hman theih ang chu. Chutiang a chhan chhuahte awm ve thin mahse, naute paih tam zawk chu an damchhuak kher lovang. Pian tirh atanga nu leh pa hmangaihna leh duat beisei a rawn “aw-ngek” hawm hawm chuan nulat tlangval pawh hre hman lovin mual an liam mai thin a ni si a.
A pic hi hmuh a hrehawm deuh avangin hetah hian fiah lutuk lovin ka rawn dah a, a aia fiah zawk en hreh lo tan click here
Hetiang naute pianghlim, hmeichhia in emaw nu leh pa ten an enkawl thei dawn lova an hriatte hi sawrkar hian enkawl dan feltak siam ve sela ka ti hle mai. Ram dangah pawh hian chutiang chuan dan fumfe tak naute nu mualpho miahlohna tur siin an duang thin a ni.
United States te angin tih ve theih kher chu tumlo mah ila, chutiang riruang chuan tumna awmse, tihve theih dan a awmin ka ring tlat pek a!
Engpawh nise, United States lamah chuan hetiang deuh hian an ti a, Texas ah kum 1999 atanga khan hmang tanin a hmingah ” “Baby Moses laws” emaw, infant safe haven laws tih niin, state tam takah dan-ah an nemnghet nghe nghe a ni.
State tinin dan hrang nei thliah mahse, an tum chu a inang tlang vek a. Chumi chu naute pianghlim, paih a thi maiturin nunna a chan lohna tur a duan a ni ber a. Nu-in, nau hring sela, enkawl zo dawn lova a inhriat emaw chuan “Safe-haven“, damdawinah emaw, police station-ah emaw, biakin-ah emaw nau piang chu hrisel tha a nih chuan an dah thiang a.
Naute nu hming erawh tuma hnenah tlangzarh a nilova, hremna lakah dan-in a chhan bawk. Tichuan, a lo dawngsawngtute chuan a rang thei ang berin an hriselna an enfel sak a, local child welfare department ah chanchin an thlen nghal vat thin.
Maryland state bikah chuan naute a pian atanga ni 10 a upa a nih thleng ‘safe-haven’ hian an pawm thiang a, state dangah chuan ni 7 a upa thleng a pawm te pawh an awm bawk.
Khitiang ang kilh kelh lo deuh te pawhin, Mizoramah hian naute luikawr a paih ngawt ai chuan an hming thup saka, an naute lo dawngsawngtu turin eng welfare emaw ber hi inhawng sela ka van ti tak em. Hmangaihna leh duat mamawh em em tu naute pianghlim “Aw-ngek” chuai riai riai thin tur ka mitthla hian ana ka ti em asin. Inti ve tho em, lehkha ziakin hming tam tak ziahhnanin sawrkarah hian thlen hial a tha lawm ni?
US Safe-haven laws chanchin tlem:
http://www.childwelfare.gov/systemwide/laws_policies/statutes/safehaven.cfm
Similar Posts:
- NGO te hian dan/law siam thei turin thu an nei reng em ?
- Agatha Sangma
- KA HRIAT THIAM LOH
- Dumb, Dumb, Dumb
- Ramngaw YMA
January 18th, 2012 at 9:38 pm
(Y)
January 18th, 2012 at 9:38 pm
Inthlahrung takin
January 18th, 2012 at 9:42 pm
Hmanah kan kawmthlangah kawngpui sir luikawrah an lo paih tawh. A boruak hrim hrim khan chaw ei a ti tui lo vek thei. Hmanah tho Mizoram House-ah mi pakhat, inkhuh deuh tut tut hi boys dorm-ah a rawn lut a, hriat loh laiin a chhuak leh a, a hnu ah naute a lo hnutchhiah reng chu niin.
January 18th, 2012 at 9:43 pm
A thlalak hmuh hrehawm deuh zawk khi en vek teh u. Rilru a khawih ril ngaih ngaih hle mai. I rawtna hi a tha satliah a ni lova, a tulin a tul a nih hi.
January 18th, 2012 at 9:47 pm
(Y) (Y)
January 18th, 2012 at 9:47 pm
I rawtna hi keipawh atakin thleng se ka ti. Pawisawilo in an tawrh nasat tawh zia hi. Thenkhat enkawl zui duh hle mahse retheihna leh harsatna dang avanga rilru na ngawih ngawih chunga hetiang thil hi ti an awm ka ring tlat.
I pic dah khian rilru a khawih ;-(
January 18th, 2012 at 9:51 pm
thlalak ka en a ka khawngaih lutuk, nu tamtak mahni rilarah ve theilo awt em em antam awm si a,eng pawl emaw,nu in nau a pai le hrinchhung awm theihna ang chi te a ngai a ni
pai puitling duh ngawih2 tan pawh chhungkaw dinhmun etc a in anglova sawn pawm dawn chuan mahniin a trang a hnawhchhuah tawk thei dinhmunpawh an awm fur ang
hmeichhe bum tawk naute pa in a duh leh siloh thinur te pawh an awmthei ‘hell hath no fury..like a woman scorned’ antia lawmle
January 18th, 2012 at 9:55 pm
Kan la naupan deuh lai khan kan vengah naute pianghlim an paih, buara bag(ip) chhunga khung hi naupang hovin lui kawrah an chhar a, en a nuam lo hle. A rimchhe deuh tawh a, a rawng pawh a hring deuh nghulh tawh. A serh zawn hi chemtea zai chhiat ni awm tak hian a hek deuh huam bawk.
January 18th, 2012 at 10:07 pm
Fa kan nei duh lo nih chuan sex hman chungchang ah fimkhur mai tur, condom a awm a, in venna damdawi pawh a awm, hetiang a paih leh mai mai tur hi chuan pai lo mai ang u. Nunna hi Pathian ta a ni si a, kan phur rit ltk ang.
January 18th, 2012 at 10:12 pm
Rawtna tha tak a niin ka hria. (Y)
January 18th, 2012 at 10:13 pm
Kohhran hnuchhham chawmna ho hian an la thei lo maw? Baptist chuan BCO an tiin ka hria, Serkawnah a awm. Lawngtlaiah hian Lairam Motherless Babies Home a awm bawk a, SA te pawh hian an nei tho in ka hria. Khatla a Mizo Hmeichhe Tangrual pawl tih pawh sawn hnuchham enkawlna chu an neih hi..
January 18th, 2012 at 10:15 pm
Nau paih hi chu a rapthlak em a ni. ;-(
January 18th, 2012 at 10:17 pm
Rawtna tha tak anih hi.
…khrum
January 18th, 2012 at 10:22 pm
Good post. Good advice. Sorkar, kohhran leh YMA ten hma la se ka va ti tak em. Hmangaihtu thlahlel ngawìh ngawìh leh nu tangnem amawh em em chungin khawvel eng an rawn hmu ve dek dek a, a thlakhlelh leh a innghahna neih chhun a chunnu lahin lainatna nei hauh lovin a tihlum mai si.
January 18th, 2012 at 10:32 pm
o my god
January 18th, 2012 at 10:36 pm
Sawrkarah hetiang hum theihna dan te, naute nuin heta ava dah a, a chung a action lak lohna tur dan te, an hming thup tlat a nih theihna dan te tha takin neih avan chakawm tak em. Tin, an dah theihna hmun tur sawrkar pawm (govt’ recognized) chinte pek a, thil kal zel dan tur ruahmanna fel a awh awm hlein ka hria. :-S
January 18th, 2012 at 10:53 pm
Good post (Y) mahse picture fiah zawk ka en ngam lo!! Hetiang Safe Haven bakah hian Mizoram in kan mamawh pakhat a ka hriat chu Suicide Hotline. Pathian min pek nunna hlu tak hi kan hlut lo hlawm ta em mai. A pawi ani. 🙁
January 18th, 2012 at 11:18 pm
Hmeichhe ho hi a!
January 18th, 2012 at 11:25 pm
Pic fiah zawk ka en a, rilru a van khawih ve le….He thu ziak hian Sawrkar beng thleng se ka van ti em!
January 18th, 2012 at 11:27 pm
@lrpa: An duhna ah chuan hmeichhe ho hi an huai asin. Mipa ngam miah loh tur an ti ngam fo.
January 18th, 2012 at 11:29 pm
Larpa hmeichhia hi a tha lam ah chuan hei pastor ordain te pawh an awm tel hi!!..
January 18th, 2012 at 11:31 pm
mipa thiam loh bawk a tawpah chuan …hmeichhia tih ringawt pawh ani chuang lo
January 18th, 2012 at 11:34 pm
soundtrack pe lawk teh ang:
http://www.youtube.com/watch?v=ks_qOI0lzho&feature=related
January 18th, 2012 at 11:48 pm
Pic. fiah zawk khi :’-(
January 19th, 2012 at 12:11 am
Rilru ngaihtuahna a thui duh hle mai. Kan ram ah chuan “riangvaite thlan mual, ‘polythene'” te pawh an tih kha. kei chu engkim hi chhungkua ah,chaw ei dawhkan kil tlan na a tang a in tan tur ni in ka hria…
Hman ah chuan, ‘ler chu ler tur, mahse hur loh tur’ an tia
A hnu ah chuan, ‘hur chu hur tur mahse rai loh tur’..
A hnu leh ah, ‘rai chu rai tur, mahse hrin loh tur’..
Chuan… ‘hrin chu hrin tur, mahse fawr san loh tur’… 😛
January 19th, 2012 at 12:13 am
Pic. fiah zawk khi chu ka en lo mai ang e, thinlung a zing chuai mai.
January 19th, 2012 at 1:16 am
Mizo hi kan la tlem em a, Aizawlah hian a del dul ve deuh tawh a ni deuh mai a. A bak District dang ho-ah hi chuan a thup theih tak tak vak loh mai theih. Eng pawh nise, hmeichhia duh reng vang ni lova lo rai palh te pan tur leh kawng ruahmanpui tu tur rintlak tak hi kan mamawh ta niin a lang e. Hotline te pawh heti lam pual biak atan liau liau hian siam nise, hma chu kan sawn phah ngei ang.
January 19th, 2012 at 1:22 am
(Y)
January 19th, 2012 at 1:23 am
Dar a char kha apply hlawm se 🙂
January 19th, 2012 at 1:37 am
Kawnga #27 dan (law) siam a kan kenkawh that chuan theih lohna chhan tur ka hre miahlo asin. Mitin hian dan kan zah a pawimawh a, chumi tur chuan a kengkawhtute hi entawn tlakin an nun angai bawk.
January 19th, 2012 at 1:53 am
LArki hoin an va kawmen duh lo ve Pu HV..? 🙂
January 19th, 2012 at 1:58 am
hello..mamboih !! i office bang tawh em? 🙂
January 19th, 2012 at 2:02 am
awmta lo..chikauh chi kauh..eirawngbawl daih teh ang! 😀
January 19th, 2012 at 2:07 am
lrp, awm e, ka fanu skul bang kava lam lawk alawm. Ni e tiraw, hmeichhe tan a thahnem ngaihna niin ka hria asin mawle :-S
January 19th, 2012 at 2:19 am
Pu Hv,,a dik a lawm..desperate larki, mahni fate pawh paih duh khawp a mahni hmasial ti ila..greece a an economy chhe lutuk ten orphanage a an fate an dah luh tawp tawp thu ka chhiar a, mahse hei hi chu fa paih an ni lo a..
Fa hring a, paih ho hi chu an rai lai pawh inthup char char..mahni hmasial tawp ah ka ngai..mahni inthup duh si..i sawi ang pawh haven pawh khi awm teuh mahse an dah duh chuang lo ang..identity problem an nei tho ang!
January 19th, 2012 at 2:23 am
lrp #35 khitiang khi chu an la dam tal a awmzia ala awm alawm. Paih aia pek luh duh tur ten an tih ngam theihna tur chuan a thawk ate an rinawm bakah dan (law) a khauh angai ang. Leak out a awm chuan chhui sela dan anga hrem vak theihna awm sela… hairehai a ni mai 🙂
January 19th, 2012 at 2:29 am
Pu HV, a dik chiah..nunna engting nge kan chhanhim ang tih kha!! hei hi a pawimawh ber zawk e
January 19th, 2012 at 2:32 am
lrp, ka ngaihtuah chang hi chuan a hreawm ka ti ngawih ngawih zel. Engpawh nise, rei vaklo pawn kan chhuak lawk teh ang. Tunah thli vawh lam -9.C (15.F) brrrr
January 19th, 2012 at 2:34 am
Heti lai chu Pu H.V-a leh lrpa an lo CK ni maw?? 😛
January 19th, 2012 at 2:34 am
Nep thlerh thlerh em mai..a vawh lo chu!..nitin minus 78 ah hna ka thawk reng..hehe
January 19th, 2012 at 2:37 am
Alejendro ..lo tel ve rawh 😛
January 19th, 2012 at 2:39 am
Ka duhlo, ka rai ang.. luikawr a paih ve a ngai palh ang… 😛
January 19th, 2012 at 2:49 am
😛
January 19th, 2012 at 2:54 am
Ka vanneih zia min hriat chhuah tir.. Pu Hv, helamah pawh vur a tla asin!
Fridge chhungah chuan!
January 19th, 2012 at 4:33 am
Ngaihtuah tam leh thinlung a zing nasa ting mai si ale!
January 19th, 2012 at 6:24 am
Hmaaanah ka nutei in kawng sir kawrh ah nausen an dah awngek tuar2 chu tuman chhar tum lem lova an lo en luai2 lai chuan a khawngaih lutuka keiman ka la dawn atia a hawn ta a. Theihtawpin a enkawl chho a tunah chuan tlangval hmeltha tak, lehkha thiam turu lutuk, bright top….very2 extra ordinary person a ni hial mawle!
January 19th, 2012 at 7:33 am
Mihring hi kan lo pian chhuah atang reng hian kan va inthlau sa teh reng em.
Ka pian hlima lui kawr a min paih ve lova, a theihna zawng zawng seng a, hmangaih leh duat taka min chawi liantu ka nu ropui zia min hriat thar tir e. Post tha tak a ni. (Y)
tren tren.
January 19th, 2012 at 7:49 am
Hmeichhiate dinhmin chawisan kan ti fo a, awm mai mai te dinhmun chawisan ai chuan heti lam hi a tangkai zawk daih ang mawle. Rawtna tha lutuk tih ngei ngei chi a ni! ‘mahse’ tihna tur awm teuh mahse Ka thlawp thlap e. Damdawiina nau ti tla tur an lo kal te hian a chhan eng vang pawh ni rawh se ka na vawng vawng thin! A va rapthlak em!
January 19th, 2012 at 4:16 am
Zualbonez rilru pawh a khawih hle a nih dawn hi, music alo siam vel.
Vaibuh an ei ve dawnlo a ni mai lawm le. Hairehai
January 19th, 2012 at 6:23 am
A rapthlak ngawt mai. Mahni hrin ngei hetia tiduh an lo awm leh thin chu. Thenkhat fa neih duh em em nei theilo te an awm laiin mihring kan inanglo a ni e. Post tha ka ti. Engemaw chu ngaihtuah a ngai ani. Kristiante tih atana mawilo hi tih in a awm leh thin a.
January 19th, 2012 at 12:06 pm
Ka lo chhiar lawk lo a, he post chu a tha hle mai..
Evangelist pakhat thusawi hian ngaihtuah a ti thui asin:
An nute hming, an paihna hmun thlengin min hrilh thin a, an lainatawm lutuk a ti 
Heng nau tih tlak thenkhat hi ka hnenah awn rawn inlar thin a
Rorelna ni ah, mawhphurtute chungpik tur zia hi aw…
sheldon sawi ang khian, thenkhat in fa nei thei loin, an awt em em a… Khawvel tak hi chu aww… 
January 19th, 2012 at 1:01 pm
Good Advice, hetiang ka hriat ri ngawt pawh hian ka lo mur thin, ka lainat ngawt mai, rawt na tha tak ani
January 19th, 2012 at 6:36 pm
@37
… Ngaihtuahna ti thui tak ani…
January 25th, 2012 at 10:41 pm
Hetiang tehi an lainatawm asin:
http://i42.tinypic.com/m8nz0z.jpg
January 25th, 2012 at 10:44 pm
SELFISHNESS…you did nnot have a choice so you won’t give a f****** choice
January 25th, 2012 at 10:55 pm
https://www.youtube.com/watch?v.....&NR=1
January 25th, 2012 at 10:57 pm
https://www.youtube.com/watch?v.....re=related
January 25th, 2012 at 10:58 pm
https://www.youtube.com/watch?v=TVDo-WuS_p8