Val Namai_a

February 4th, 2012 2:00 am by Mr. Ced

1. A pan ve lai hun chuan lung lem nei lovin,

Chun leh Zua hmangaihna ringa khawsa in;

Chunnu nghahfak; Zuapa thlirruk

Khup dursuih thin e chini bar ruk.

2. Chutin thanglian zelin vangkhaw tualan,

Thiamrun kai ve e beidawnthlakan;

Thlunglu lian thluak thawl hnap tawlh

A hlau thin ngei theikum mu dawlh.

3. Thiam nei si lo, hmabak nei hawt si lo hian,

Thiamrun banin a zut mulh mulh Japan-thian;

Lengi’n a nuih poh et awt a mawng

An hlau thin ngei chhuntu a sam khawng.

4. Biak In lam hawiin a paipawn ve lehkhabute,

Lamtualah a vir chui chui e, a tum ber lengi hnute;

Thusawi a dawng fuh ngei mittui leh hnaptui nen

Zak suh sela a chang ve ngei ang ” Haleluiah Amen”.

5. A daih rei lo, thlekpui chhur e hmeithai zu,

A chunnu a tawng a rang ngei a lungphu;

An inbakkaih laitual pawisa lovin

A tum tau hmuk e zilhna anka pawisa lovin.

1
Chhuaklinga Says:
February 4th, 2012 at 2:02 am
A fel lo lai zawng teng

tren tren.
Report this comment
2
Chhuaklinga Says:
February 4th, 2012 at 2:10 am
Hahaha…. khawngaihthlakin

Phuah thiam khawp mai.

‘thlirruk’ tih hi chu ‘thlir ruk’ tih tur a nih ka ring deuh, hehe

tren tren.
Report this comment
3
Chhuaklinga Says:
February 4th, 2012 at 2:23 am
Val namai-a mut a hun tlat, mangust vek ule.

tren tren
Report this comment
4
sheldon170 Says:
February 4th, 2012 at 7:56 am
A that hi ti ve ngawt teh ang
Report this comment
5
saint sammoo Says:
February 4th, 2012 at 9:50 am
Wow.. Tats cool. Sawi pawr lo mai ang. A dang ka beisei e.
Report this comment
6
PKfanai Says:
February 4th, 2012 at 2:38 pm
A hlimawm reuh le mai. I thiam ka ti.
Report this comment
7
chawnghilh Says:
February 4th, 2012 at 4:14 pm
Ka chanchin phuah kimchang thiam ber i la ni awm e.
Report this comment
8
Lamji Says:
February 4th, 2012 at 7:17 pm
Tha hle mai.
Report this comment
9
Awmtea Khiangte Says:
February 4th, 2012 at 9:59 pm
Dik fu ni…
Report this comment
10
Kawnga Says:
February 4th, 2012 at 10:44 pm
A tha khawp mai. He tlar erawh ka man fuh thei chiah lo :

Thiamrun banin a zut mulh mulh Japan-thian

Enge Japan-thian hi le?
Report this comment
11
Mr. Ced Says:
February 6th, 2012 at 9:35 pm
Japan Hlo hi themkhat chuan Japan thian an ti tho a@Kawnga!!!!!
Report this comment