(He thu hi May 26, 2011 khan Vanglaini-ah ka chhuah tawh a, ka rawn tarlang ve leh a ni)
Mizo hmeichhiate hian ei leh bar zawn kawngah, Kohhran leh khawtlângah leh kawng dang dangah pawimawhna an nei lian hle a. An thawh hah leh chhungkua leh hnam timawitu an nihna lam en chuan dinhmun, nihna, chanvo leh mawhphurhna langsar leh pawimawh chelha hmun pawimawh tak luah âwm an ni. Nimahsela, chutiang dinhmun leh nihna pawimawh erawh chu an luah ngai lêm lo.
Ṭawng tlânglâwnah pawh –
- Hmeichhia leh uipui chu lo rûm lungawi ve mai mai rawh se.
- Hmeichhe vau loh leh vau vai/sam loh chu an pâwng tual tual.
- Hmeichhe finin tuikhur râl a kai lo.
- Hmeichhia leh pal chhia chu thlâk theih alawm.
- Hmeichhe thu – thu ni suh, chakai sa – sa ni suh.
- Hmeichhia leh khuang chu vuak ngai a ni.
- Hmeichhia leh uite chuan a khâl peih apiang an lâwm.
- Hmeichhia leh chakaiin sakhua an nei lo.
Hêng ṭawngkamte hian Mizo society-a hmeichhiate dinhmun a târlang chiang hle.
Mizo hmeichhe zîngah rorêlna chang pha chin an tlêm hle. Chûng zîngah chuan Lalnu Ropuiliani, Vanpuilala (Vandula) nupui kha a ni. An pasalte hmun ruak luaha rorêlna chang midangte chu – khawchhak lama lal Vanhnuailiana nupui, kum 1871-a Mizote beih vak an nih ṭuma General Bourchier-an inremna a siampui tâk kha a ni. A dang leh chu Pibuki, khawthlang lama Lusei lal nupui kha a ni bawk. Rani Banai Thangpuii pawhin kum 1884 khan Major Boyd-a, khatih hun laia Deputy Commissioner of Cachar kha Zawlbûkah thupui a lo vaipui tawh bawk. Nimahsela, hêng Lalnute pawh hi an pasalte lalna zâra rorêlna kengkawh thei chauh an niin a lang.
India Danpui 73rd & 74th Constitutional Amendment Act chuan Panchayati raj (thingtlâng) leh Municipal (khawpui)-ah 33% reservation a siamsak a. Hetiang hi ni ta lo se, kan Mizo hmeichhiate hi an hmalam hun chu a thim ve viau mai thei. Khawvêl zau zâwk kan thlîr chuan, hmeichhe ropui tak tak hmuh tûr an kat nuk mai.
Margaret Thatcher – British Prime Minister (1970-1990), Condoleezza Rice – U.S. National Security Adviser, leh Hillary Clinton – US Senator, lawyer leh Secretary of State, adt. Hêng mite hi eng vanga hetiang dinhmun pawimawh lutuk luah thei nge an nih a, eng ang takin nge an thawhrim ang tih hi ngaihtuah tham tak a tling âwm e. An tumruhna, huaisenna leh inpêkna avang liau liaua hetiang dinhmun hi luah thei an ni.
India ramah chuan UDA Chairperson Sonia Gandhi a ni, President meuh pawh Pratibha Patil (hmeichhia) a ni. Parliament Speaker Meira Kumar (hmeichhia) a ni. Uttar Pradesh-ah Mayawati, Dalit (untouchable) pawh hmeichhia. Kan ram khawpui ber Delhi-a roreltu chu Sheila Dikshit (hmeichhia) tho a ni. Bengal lamah pawh Mamata Banerjee (hmeichhia) a awm bawk. India ram hmun pawimawh deuh deuhah hmeichhiaten dinhmun pawimawh an chang ta fur mai. Hêng mite nêna kan Mizo hmeichhiate ka’n khaikhin thin hian ka lung a awi thei thlâwt lo.
Mizo hmeichhe lâr leh hmingthang deuh deuhte han thlîr thuak thuak ila – Pi Saptawni (1929-1997), PC Girls School Headmistress a ni a. Kum 1972-a kan ram UT a nih khân politics ngaihven ngai hauh lo chu MLA ruat seat nominated-ah an dah a, amah pawhin MLA a ni ta mai chu mak a ti ve hle a ni awm e. Khawlkungi (1927-2004), Padma Shri Medal dawng tawh leh War Medal, Special Service Star Medal (Guide) leh Medal of Merit (Guide) pawh lo dawng tawh a ni. Lehkhabu pawh thahnem tak a letling nghe nghe. Lalsangzuali Sailo (1949-2006), Padma Shri Award dawng tawh a ni a, thu leh hla lama Mizo tihmingṭhatu a ni.
Hêng zawng zawng ka han sawi deuh duah nachhan chu, Mizo hmeichhiate hian lâr, hmingthan leh thiltihtheih hi an harsat lo. Kan sawite pawh khi eng vanga lâr a, ngaisâng ta viau nge kan nih? Ka ṭawng huatthu suhah, Pi Lalsangzuali Sailo-te kha mipa lo ni ta se, tûn ang êm êm hian a lârin a hmingthang ang em? Hmeichhia chu hmeichhia nên vêk kan khaikhin a, midang el tûr awm ta lo chu an heti leh hluai ṭhin a nih hi (Pi Zualbawihi ka ngaihnêp vang ni lovin).
Anmahnia theihna leh thiamna awm hi hmang chhuak thiam se. Mahni indah hniam lutuk lovin ṭan la se hma an sâwn ngei ang. Intihsiakna, thluak leh ngaihtuahna sên ngaihna ang chi rêng rêngah mipa leh hmeichhia thliar hranna (category) hi awm lo se, hmeichhiate paw’n ṭan an la ve thei deuh mah na.
Khawtlâng, Kohhran, Economics leh Politics lamah pawh hmeichhiate dinhmun sawh ngheha a awm a, chanvo sâng zâwk an neih zêl hi a la ṭul tulh tulh dâwn. Khawtlânga an dihmun chu a tîr lamah kan târlang tawh a, tunlai hmeichhia te hi kawng ṭhenkhatah phei chuan mipa ai mahin an thawhhlâwk zâwk mah awm e.
Kohhran lamah chuan BCM-in Dr. RL. Hnuni Minister atan a nemnghet dâwn a, Kohhran dang erawh chuan an la ti ve lêm lo. Economically chuan eizawnna kawng hrang hrangah hmeichhia an tam tawh viau a, mahse mipa erawh an la hen pha lo. Politically chuan reservation siamsak an ni a, he reservation chauh lo pawh hian an tumna leh theihna hmangin han fight ngam tawh se ka ti ve hle ṭhin.
Similar Posts:
- Tu nge tha zawk?
- Pastor atan Hmeichhia ?
- Presbyterian Kohhran Hmeichhia ten Hmeichhe Ordain Minister neih an duh
- Tunlai Mizo Mipa leh Hmeichhe Dinhmun Hi
- Hmeichhiate hi
February 17th, 2012 at 7:30 am
Report this comment
February 17th, 2012 at 7:30 am
Ka hawng e..
Report this comment
February 17th, 2012 at 7:32 am
Het shala, leh lo. Tlan bo nghal, awi ka nu ka zak lutuk
Report this comment
February 17th, 2012 at 7:43 am
Tlan bo suh #3
Report this comment
February 17th, 2012 at 7:43 am
Mizo hmeichhiate hi an nep bik lovin ka hria.I mi tarlante phei khi chu mipa tam takin kan tluk loh an ni. Vawiin thlengin, i sawi ang khian constitutional provisions hmangin humhalh leh chawisan an la ni zel a, a mamawhtu pawh an tam khawp mai. A lehlamah erawh chuan kan mizo hmeichhiate hi an inluling ta lutuk deuh emaw tih tur hi a tam ta hle mai a, beng hniam mamawh tawh zawk pawh an tam khawp awm asin mawle !!!
Report this comment
February 17th, 2012 at 7:44 am
Nia, reservation tel lovin kan State CM te hi rawn ni luah mai se….
Report this comment
February 17th, 2012 at 7:45 am
Nia, an nep bik lo.
Report this comment
February 17th, 2012 at 7:46 am
#5 Ka thlawp tiah tiah khawp mai che.
Report this comment
February 17th, 2012 at 8:03 am
Mizo hmeichhiate hi an nêp bik reng reng lo. Mipa chungah an inluling tan tawh zawk a ni.
Sport lamah pawh a nihna takah chuan, Jenny pawh hi mipa tam takin kan tluk lo chu a nih hi. Mi bik chhui dawn ila, field hrang hrangah pawh Mizo hmeichhe advance tak tak leh mipa tluk loh an tam khawp ang le.
Report this comment
February 17th, 2012 at 8:08 am
hetia sawi mawi a ngaih deuh hi chuan tlem chuan an nep deuh alom! Ka lawm e
mahse an nep e ka ti miah lo ania 
Report this comment
February 17th, 2012 at 8:29 am
Fel tak tak leh pui tak tak mipa tam zawk ten kan tluk loh tur an thahnem khawp ang. Chutih rual chuan nep tak tak leh hmusit awm tak tak pawh an awm teuh!! Nula fel awm tak tak leh nutling ni awm tak te pawh ofis picnic/inthlah tih vel mai mai a riak chhuak a hruai mai theih te pawh ka hre teuh mai. kan society hi siam that a nih vat loah chuan AIDS hian min tuam chhuak rang dawn khawp mai
Report this comment
February 17th, 2012 at 8:52 am
Ka thianpa chuan ‘Hmeichhe finin tuikhur râl a kai lo’ tih hi mizo mipa ten hmeichhia an duat vang a ni e a ti tlat.
Hmeichhia chu tui chawi thin (hna nem zawk) an ni a, khami bak ram lam (hna rum zawk)chu mipa chan a nih avangin, hmeichhia chuan a hahthlak lam chu mipa ngaihtuahah an dah a ni, a ti ve tlat
Report this comment
February 17th, 2012 at 8:55 am
Post tha tak a ni e, hmeichhe hniam/duapna thenkhat i sawi rualin a duai bik lohzia i sawi nghal a…
Hmeichhia hi zawng an pawimawh a ni e, an chanchin sawi tawh chuan kan duhthawh hlarh hlarh thei phian mai..
@ tepuia… Hmeichhe office-a thawk picnic-na vela hruaikawi awlsam thenkhat hruaikawitu kha MIPA an ni a. Tunge thiam lo hmasa le?
Ka ti leh pek thin ang…
‘Bible-ah pawh a in ziak…’ tih avanga khawsak dinhmun a mipa aia hmeichhia hniam bik tura kan ngai reng hi kei chuan ka pawm lem lo. A taima, mi bik leh thawkrim chu an dingchang tho. God hleps those who help themsleves an tih kha maw.
Hmeichhe chanchin kan sawi a, an chhiatna kan sawi chamchi a, mipa pawh laktlak loh hi kan tam ve em asin
Englekhawle, ngaihdan tha zawk he post hian phuh chhuak ngei teh se..
Report this comment
February 17th, 2012 at 9:27 am
Assembly Hall a mipa hlang hlak thu dul thin hi kei chuan thil zahthlak tawk ah ka ngai. India ram state dangte kan tluk lohna langsar tak a tling. Mizo hmeichhiate dinhmun la that loh zia a chiang hle. Minister ni se mipa hlang hlak. IAS lamah te an lo tel hlauh va. Nilo phei se chuan Mizoramah hmeichhia an awm ta lo emaw tih mai a awl ta ve ang.
Report this comment
February 17th, 2012 at 9:40 am
Nep bik turin tumah hi Pathianin mi siam lovin ka hria
Report this comment
February 17th, 2012 at 10:13 am
Q : Mizo Hmeichhia te an nep bik em?
A : Nep bik lo.
Report this comment
February 17th, 2012 at 10:23 am
An neplo lutuk mah mah
Report this comment
February 17th, 2012 at 10:38 am
Ka’n tlak leh duah te’ng. Post-tupa paw’n thu lai a la tawk in ka hria…
Ka NU (fam) nep lohzia ka hriain ka hmu a; ka nau nulain kawngdik ka zawh theih na’na Bible bung leh chang sms min thawn thlap te, ka u (hmeichhia) min tawngtaipuina te, sawi tur a va’n tam em! Ka unau mipa te’n min fuihin min tawngtaipui lo ka tihna a ni hek lo. Bialnu (girl friends, not a girlfriend..
)ni lem lo, nula (Mizo leh hnamdang pawh) ka tana tangkai, khawsak leh nunphunga ka tluk loh hial hi ka tawng tam em mai a. Hmeichhia hi an nep bikin ka hre thei lo.
An nemna (nepna?) hmang thiam an nih phei chuan tharum a hneh ngawt chi lah an ni hek lo…
Khai mah aw… Evi angin an sual duh chuan mipa an hruai sual thei a, Lalnu Estheri huaisenna entawnin khawtlang leh chhungkaw damchhuahna an thlen thei. Lalnu Jezebel-i iangin, an pasalte sualrawng an bawl tir thiam angin, Ruthi hnungzuiin an rinawmna rah kal zelin Isua Krista tana mi tangkai tam tak an hring thei bawk si. Mari anga an nunin Lalpa chawimawi a, ‘i thu ang zel ni rawh se Lalpa’ ti thei hmeichhia ngat phei chu an tam lo mai thei tih mai a nia.
Englekhawle, a bik taka Pathianin duh taka a siamte kan ni. Mimal a zirin duap leh nep deuh chu an awm ngei ang tih erawh phat rual a ni lo..
Report this comment
February 17th, 2012 at 11:58 am
#18 A ngaihnawm dap2 hle mai. Mizo hmeichhiate hi an nep bik kan ti lo viau a, an ropuina kawngah chuan mipate hian tluk lohna tam tak kan nei. Tun political status-ah hi chuan duhthusam an la pha lo mang e ka ti thin. Reservation chauh hmachhuan kan nih chuan hmasawnna a awm thei ngai lo vang. Tin, mipate hian dik tak chuan hmeichhe dinhmun chawikanna tur hi kan dang bet char2 ni te hian ka hre thin. An theihna inphum ru hi a ropui thei teh mai a nia…
Report this comment
February 17th, 2012 at 12:15 pm
a tha e, ngaihnom hle mai. Mahse, hei “Ṭawng tlânglâwnah pawh –’ points ho hi ka pomkim thei bik lo e,a out of context deuh in ka hria, fiamthu ang a an soi ve mai mai nizok lo mo? Kan mizo society a hmeiche dinmun hi i ron ziah ai in a sang fu zok in ka hria. Entirna’n 95% percent vel inchhung a thu ber khi kan hmeiche ho ani tlats mai, duh le duhloh thu nilo in
Report this comment
February 17th, 2012 at 12:16 pm
An nep lo mah mah tawh zawk anih hi. Hmeichhia tih pawh duh tawk lova ‘minu’ an han intih ngam viau chinah phei chuan mipa hi kan nep tawh zawk a ni em aw….ka ti tep.
Report this comment
February 17th, 2012 at 12:54 pm
Q:Mizo hmeichhiate an nep bik em?
- Tu te aiin?
Ka lo ngaih ve dan thin leh ka ngaihdan la ni reng chu hmeichhia leh mipa hi khaikhin tur niin ka hre lo ve tlat. Kan pianzia te,thil kan ngaihtuah dan kal hmangte pawh inanglo tura Pathianin a siam kan ni a,chuvang chuan mipa aiin an nep bik lo tih lam ang chi hi chu keimahah chuan mute point ka ti tawp
Report this comment
February 17th, 2012 at 1:25 pm
Mipa aia tehkhin a nih rual2in, kan point ber tur chu hnam dang hmeichhiate nen ni ta se, sawi tur a tam ngawtin ka ring. Ka tarlan ang khian…
Report this comment
February 17th, 2012 at 1:33 pm
Post thil tum hi a that viau rualin thil thenkhat dik lo deuh leh uar deuh a omin ka hria..
Mizo society a hmeichhiate dinhmun hniam zia i rawn sawi a. Hmanlai chuan a dik viau mai, mahse tunlai dinhmun kan thlir eroh chuan thil a danglam toh hle. Hmeichhiate dinhmun hniam zawkna ka hmu tlat lo. Thil engkimah equal opportunity kan nei a. State.dang te nen i ron tehkhin a, mizo hmeichhia te dinhmun a hniam bik i ron tia, mahse hei hi chu thu dik lo a ni.. India ram state dang nena khaikhin chuan kan mizo hmeichhia te hi sang tak an ni. Female infanticide, child marriage adt vel hi a om ve lo tlat. Zirna leh hriselna lamah pawh hmeichhiate hi khuahkhirh an ni bik lo.
Socially leh politically cuan mizo.hmeichhiate leh mipate hi kan intluktlang a, hmeichhiate.dinhmun chhiat.bikna a om lo, an dinhmun hi a tha zok.mah, reservation te an la neih avangin.. Kohhran lamah erawh dinhmun hniam bik vang ni lovin kan Bible in a zirtir a nih avangin hmeichiate hi kohhran hruaituah dah an ni lo mai mai a ni…
Report this comment
February 17th, 2012 at 2:03 pm
#22, Jacka Pi sawi hi ka thlawp. Mipa leh hmeichhia khaikhin chi a ni lo. Pathianin talent hran min pe. Kan tih theih zawng leh kan hlutna a inang lo a ni.
Mizo hmeichhiate hi hnamdang hmeichhia ka hmuh ve tawh ho aiin an nep lo.
Report this comment
February 17th, 2012 at 3:05 pm
Paragraph tawp bera “Kohhran lamah chuan BCM-in Dr. RL. Hnuni Minister atan a nemnghet dâwn a, Kohhran dang erawh chuan an la ti ve lêm lo” tih hi a diklo deuh ani, Salvation Army Hmeichhe Officer te hi puithiam ve tho an nia. Tuna Mizoram puma a lu ber pawh hmeichhia Col. Lalngaihawmi ania.Puithiam ve tho an ni e. Inneih, Mithi vui, ceremony engkim an ti ve thei vek e.
Report this comment
February 17th, 2012 at 3:51 pm
Mipa leh hmeichhia hi khaikhin fo loh hi a finthlak viau awm e.. Mipa tih chi leh hmeichhe tih chi te hi a awm ve ania.
General knowledge tha tak anih hi a.
Report this comment
February 17th, 2012 at 4:10 pm
An lo la sawi ka ti! Tunge an nep bik ti re re??
Report this comment
February 17th, 2012 at 4:48 pm
Thahnem ngaihna rilru vek anih hi….
Report this comment
February 17th, 2012 at 8:02 pm
Chung lam leh hnuai lam indona a chhuak leh dawn e.
Report this comment