Flying Kiss pe tura thlawh kher a ngai lo tih ka hriat tluk zetin hmeichhe chungchang sawi tur hian nupui neih kher a ngai lo tih ka chiang a. Hmeichhe lawmna chu ho te nimahsela chu aia ho zawk vang pawh a an lo lungawi loh leh mai thia avangin eng ang chiah hi nge an nih i lothlir teh ang.
Hmeichhiate hi mahni zia thupthia tak an ni a. An duhzawngah chuan mipa aiin zah an tuar thei zawk a, an duh loh lamah chuan an mi zakaum tak an nih thu an sawi leh mai thin.Hmeichhia chuan amah chauha a awm laia a duhzawng chu a thiante zingah chuan a haw em em thei a. A huat thu i sawi palh a nih pawhin a hmelah a lang lovang a, chhungril a tap chunga i bula a nuih chang a tam ang a, chumi i hriatthiampui loh chuan pasal a` nih i hlawh leh mai ang.
Duat taka i enkal i nupui chuan i duatzia hre reng chungin i bulah i chhungte a rel fovang a, ‘Hmeichhia a nih hi maw’ ti a i hriatthiamna erawh a hrethiam duh ngai lovang. A hmeichhe awm nem zawkna tan chhanin tharum ngah zawk a tlawm fovang che a, chu chuan i khawvel tawp thlengin a thlah tawh ngai lovang che.
Hmeichhiate hian ‘Mittui’ hi hmanruaah hmangin mipate an bei let thin a, he mittui hi an hmanraw hman thiam ber a ni ta reng a nih hi. Mipa tap ri chuan pindan khat pawh a fan zo lova, hmeichhe tap ri erawh chuan kawtthler a fan chhuak thin.
He tih rual hian hmeichhiate hi in chhung khawsak ilo thilah an daihzai em em a. Hmeichhia chuan nau paw chungin eirawng a bawl ang a, a inleng kawm a thlah chuang lovang a, a bai chhuan a liam ngai chuang lovang. ‘In awm em?’ an tih apianga lo chhawntu pawh midang an ni chuang lovang. Chuti ang khawpa hmeichhe daihzai chuan a pasal hnathawk bang chu a lo lawm ang a, a buaina zawng zawng thupin hlim takin a lo chhawnchhaih ang che. Chu chu Mipa a hneh theihna a ni tih a hre si a.
Harsatna leh lungngaihna i tawh changin hmeichhe tangnem i thlahlel ang a, a ni’n beisei nei let ranin a lo hnem ang che. I tih sual avanga lungngai i nih pawhin i thiamlohna a hmuh hmaih der thei a. I lawmna a nih dan phawt chuan a twangkam tha a ui ngai lovang.
Thil te ber atanga hmangaihna khurpui thlenga i mamawh chu hmeichhiate an ni a, hlimna vawr tawp thlentu che pawh hmeichhia tho an ni. Hmeichhiate hi famkimlohna khawvel tifamkimtute an ni a, anni tello chuan khawvel hian ke a pen thei lo. Hmeichhe awmlohna chhungkua chu a ruak a, a ngui nghuai thin.
Similar Posts:
- Tu nge tha zawk?
- kan hmeichhiate..
- Mipa Vs Hmeichhia
- Mipa ṭhenkhat han nêpzia hi!!!
- Sam ve thung hi le..
February 22nd, 2011 at 2:37 pm
a ni viau mai, kan ‘Nu’ tihtauh lai tak a nia..
Report this comment
February 22nd, 2011 at 2:39 pm
hmeichhiate hi huizzz
Report this comment
February 22nd, 2011 at 2:47 pm
Nia hmeichhiate hi an hahthlakin an buaithlak ru takzet thin.Chutih rual erawh chuan hlimna nasa tak min pe tu tangkai ber ber te an ni lawi a,an tello chuan a kim thei thin lova,lungngaihna hmanrua atana an tangkai dan pawh zan khua a sawi tham a awm tho bawk ang.Tunge HMEICHHE nihna tak hi chiang taka hrethiam thei tehlul ang i ni? Oh hmeichhia,ka hlim leh lawmna te, ka lungngaihna chabi nen lam pawha kawltu chu nang ngei hi i lo nih thin kha le..huissssssssss
Report this comment
February 22nd, 2011 at 3:00 pm
Van dik tak em…Pathian hian mipate hi hmeichhe lak a an beiseinaah duhtawk hmuloturin a siam hi hmeichhe ropuina leh thiltihtheihna a ni.
Report this comment
February 22nd, 2011 at 3:02 pm
Nupui neih hnu hi chuan mipa zawk hi kan pangchang mah mah zawkin ka hria
Report this comment
February 22nd, 2011 at 3:10 pm
Ziak tha hle mai
Hmeichhe chanchin sawi hi a lo a nuam a nih hi, a ruk a star te chanchin ngat phei chu…:-P
Report this comment
February 22nd, 2011 at 3:17 pm
Report this comment
February 22nd, 2011 at 3:44 pm
Sawi dik FU ni….
Report this comment
February 22nd, 2011 at 3:45 pm
Khai a….. i va hre dik em em ve.
Report this comment
February 22nd, 2011 at 3:45 pm
@ 2..badboy deuh vel pap pap chu..Nupui neih hmain hmeichhe duh deuh, hluah deuh i nei a va ang ve…
“Behind every successfulman, there is a woman”
Mittui tla thuai chi ka ni ngailo a, mahse, lunglam thalo ka neih hnu hi chuan, ho te a tah zawih zawih hi ka nei ta fo mai. Mahse mipa thinlung hneh tum ran a tah ka neih ka la hre ve miah lo.Rilru a nat tak tak chuan tah hi a har khawp mai nia.
Post tupa, Nupui neilo ah chuan i thlir ulukin, i thlir fim reuh khawp mai..I nupui neih hunah Theory hi Practical a a chan chhoh ngei ka beisei e.
Report this comment
February 22nd, 2011 at 4:00 pm
#10: an hahthlak em a ni
Report this comment
February 22nd, 2011 at 4:06 pm
Hmeichhia te hrethiam tura tan han lak chiam pawh hian kan hrethiam tak tak chuang meuh lo chu a ni e. Hriatthiam an harzia hi a sawi tlawr thiam deuhin ngaihnawm fe-in an sawi chhuak thiam chauh a nih hi maw.
Hriatthiam hi tum lo law law ila a hahdamthlak phian zawk!
Report this comment
February 22nd, 2011 at 5:03 pm
dik fu ni!
Report this comment
February 22nd, 2011 at 5:09 pm
Nupui te mahni chhungte rel thin i tih hi keini chhungkuaah chuan ka la hriat ngailoh thil a ni tlat.
a buaina zawng zawng thupin hlim takin a lo chhawnchhaih ang che. Chu chu Mipa a hneh theihna a ni tih a hre si a. i tih hi hmeichhe felna a ni zawkin ka hria. An chhel zia hi ka ngaihtuah fo thin. An hah zia ka ngaihtuah hian nui sangin min la be peih fo hi a lawmawm ka ti.
Report this comment
February 22nd, 2011 at 5:17 pm
I huatthu ni suh se, i ziak ka chhiar nawn leh ngat. Nangmahin engemaw tawh i nei tawh emaw, in chhungte ah hmeichhe thiamloh chanchin rilruk i nei anih ngawt loh chuan he thu hi i ziah ka ring lem lo (tih palh)
Hmeichhe vervek tak 1 emaw, chhiar tham lek chanchin i sawi anih ngawt loh chuan khitiang khi hmeichhe rilru niin ka hre ve ngai tlat lo. tlat mai a
Report this comment
February 22nd, 2011 at 5:18 pm
Hmeichhiate han tih ngawt chuan hmeichhe mak tak tak te pawh an tam ve tho ania aw…
Mahse, i rawn sawi tum leh i sawi awmzia ka hrethiam a, i ziak thiam ka ti. A dik hle mai
Report this comment
February 22nd, 2011 at 5:25 pm
Yesssss hmeichhia
Report this comment
February 22nd, 2011 at 5:42 pm
A huat thu i sawi palh a nih pawhin a hmelah a lang lovang a, chhungril a tap chunga i bula a nuih chang a tam ang a, chumi i hriatthiampui loh chuan pasal a` nih i hlawh leh mai ang.
Ngaihtuah chian a tul hle mai.
Report this comment
February 22nd, 2011 at 6:20 pm
Tha thawkhat e. Spelling chhiar har a awm lek lek thin!
Mittui lai tak khi a dik ka ti. Pawl sawm kan nih laiin kan pawl ami in min lo * ve a, kei lah la naupan nen, mawl nen, lo intihtheih khum vel- a tap ta! Ka khawngaihin kan nih pui tak vel kha. Awmzia pawh ka hre chuang lo, class lak laiin kan innuih vur vur bak kha.!
Behind every successful man, there is a woman. But, the true fact is WOMAN CHOSE ONLY SUCCESSFUL MAN.
Report this comment
February 22nd, 2011 at 6:22 pm
@HV ka la naupan deuh avangte pawh a ni mahna..nia..’rel’ tih ai hian thumal dang, a awmzia dang chuang si lo chu awm se ka hmang ngei ang le. Ka la tawn loh thil a ni a, ngaihdan vak paw ka nei lo. In chhungkua in ni ve lo erawh ka lawmpui che a. Ka kuthlei thil tih ah min lo pawmsak dawn nia. Mi tam zawkah chuan a dikin ka la hre tho…
Report this comment
February 22nd, 2011 at 6:25 pm
nia, hmeichhia te hi chu hriatthiam an har alawm, an chanchin pawh hi chhiarthiam a va har ve, spelling diklo a tam ka ti dawn nge spelling dik a tlem ka ti zawk dawn?…. Huat tura sawi ka ni lo a nia, hma i sawn zel theihna tura sawi ka ni zawk e!
Report this comment
February 22nd, 2011 at 6:50 pm
Hmeichhia mittui tla hmuh a tihngaihna hriatvakloh chuan emaw an thil kar kha tih duh loh zawng tak a nih chuan a aia nasa a mittui tihtlak ve mai tur… purunsen a tam a lawm hman trangkai tur..
Report this comment
February 22nd, 2011 at 9:01 pm
Hmani a Post i submit zawh hnu khan ziak ah hian i la fimkhur duh ta chuanglo tihna a nia… i thu thu le..
Report this comment
February 22nd, 2011 at 9:08 pm
Ka rilru a awm mai mai, “vau titih, tlawn titih, thlem titih, hau titih…”
Report this comment
February 22nd, 2011 at 9:17 pm
#15 H.Vangchhia…..Bu nghat nghat chungin ka lo chhiar ve em em a!!! A dik thei a, a dik lo thei tho bawk. H
meichhe tamtak ah a dik laiin tamtak ah a dik leh chuang lovang. Ka pawm dan chu ” Hmeichhe mizia hi tumahin an hre dik ziktluak tak tak chuang lovang” tih hi ani e!!!
Report this comment
February 22nd, 2011 at 9:20 pm
Putar #25 zia a hrang vek mahse a tlangpui chu a awm. Hmeichhia hi an hmel atangin an zahmawh pian a hriat theih, chutiang vel chu a ni e.
Report this comment
February 22nd, 2011 at 9:30 pm
Pu H.V nge nge…Lo va han hre ril angreng ve!!! ka thingpui in lai ka phuh dawn lawm!!! Underline chak deuh ka nei mawle!! Monitor ah tal hian ka rin hram dawn mawni le!hehehe!!!
Report this comment
February 22nd, 2011 at 9:30 pm
Pu H.V….A dang han sawi zel teh..
Report this comment
February 22nd, 2011 at 9:39 pm
Putar keimah ngei pawhin ka ziak khi ka chhiar a ka nui vun vun tho ania.
Hmeichhia hi dawhtheih naah te, tuarchhel naah te leh hreawm tawrhah te thleng mai hian mipa hian kan tluklo tlangpui.
Hmeichhe lunglengin “Riang vawng2” hla a phuah khat khawp mai. Alangapau nilo ah pawh kan hlathu atang te hian kan zuau zia ahriat. Hmeichhia te hi kan hrelo hle mai, ka ti fo reng a ni. Tam mai sawi tur… The King and I movie a Yul Brynner in, “Etcetera, etcetera, etcetera” a tih te pawh ka hre chhuak e hairehai
Report this comment
February 22nd, 2011 at 9:44 pm
haha Pu HV chu(h).. chu nang chuan hmeichhia i hriat chian khop chu maw?? NOI.
i ril thei hle mai. Ka nui i ti za. ( ka nuihzat lo che mahse)
Report this comment
February 22nd, 2011 at 9:54 pm
Kan kum ang zata hmeichhia la hriat chian loh chuan mipa puitling kan ni nang mawle
Report this comment
February 22nd, 2011 at 10:45 pm
e he! Pu H.V…va confi ve..hahaha #26 ,#31 na khi min ti khi vun reng mai..
Report this comment
February 22nd, 2011 at 11:20 pm
Mittui tihtlak avang hian mipate beisei letna ka la nei ngai lo a, ka ril ru a tih nat em em a.. Ka mittui a tlak hial pawhin a hriat ka hlau thin a sin aw kei chu.
Tin,ho te ah ka mittui a tla zawih zawih tih hi ka sawi ngai lem lo.
Report this comment
February 22nd, 2011 at 11:46 pm
mipa will power te chu hmeichhe water power in a tizawp vek thei, i tih deuh a ni maw?
Report this comment
February 23rd, 2011 at 3:42 am
A ropui e..A thu tlangpui chu hmeichhe selna lam thu a ang mah mah deuh veka,an pawimawhna leh an thatzia leh an hlutzia hrechunga sawiselna deuh anih ber hi a..a chhungthu hi chu.:P..A tha chu ka tihran lemloa ziaktu in haw lo sela,amaherawhchu ngaituah chu a titam in a ti kal thui thei khop ang…suangtuahna ah pawh…Tin,tluk loh leh phak loh sawiselna ang lam pon a thlir duh tan chuan a thlir theih ngei ang…
Report this comment
February 23rd, 2011 at 10:34 am
Tha hle mai. Mipa hi hmeichhia an awmloh chuan in ah an awm tha peihlo an leng an leng mai an tih hi dik ve riau ani..
Report this comment
February 23rd, 2011 at 9:50 pm
A sual hi chu tlem te an ni, mahse fing lo an tam!
Report this comment