Ni3-6.March.2011 chhung khan Presbyterian Kohhran Hmeichhia te chuan Kawnpuiah Inkhawmpui Lian vawi 44-na an hmang a. Ni 6.march.2011 (Sunday)zan khan a tiak.
He Inkhawmpui Lian Committee hi Ni 4.March.2011 (Ningani) zing dar 6 atang khan Kawnpui Hmarveng Kohhran Biak In ah an thu a. Rorel palai 386 te chuan Hmeichhe Ordain Minister neih ve an duh. Ramhlun ‘N’ Bial atang thu lut “ Presbyterian Church Of India hnauaiah lo hian Hmeichhe Theology Degree nei, a awm leh phute chu Pastor/Minister atan nemngheh (Ordain) theih ni ve rawh se” tih agenda chu sawiho a ni a. Rorel palaite hian hethu hi lungrual takin an pawm tlang a. Senod Executive Committee-ah thlen turin an pawm.
Hemi chungchang sawihona lamah Central Kohhran Hmeichhe hruaitu pakhat chuan, “Mizo hmeichhia zingah mithiam tak tak, rawngbawlna pawimawh taka hman an tam tawh a; kan rawngbawlpui Kohhran ten Nemngheh an neih theih tawh laiin Presbyterian Kohhran hian Hmeichhia kan nemnghet ngai lova; Nemngheh leh nemngheh loh hi Kohhran danga rawng kan bawlpui ten an ngaihdan a danglam thin a; kan Kohhran ah pawh hian a tul tawh a ni” a ti.
Hmeichhiate dinhmun hi chawikan chhoh mek zel a ni a, kawng hrang hrangah an dinhmun pawh a tha chho zel. Hmeichhiate hi Nemngheh niin, engtikah emaw minister nih mai duh tawklo a, Bial vawn ve ngei duh hun an nei leh ang a, chutih hun chuan kan Bial vawng turin Hmeichhia kan duh ang em. Hmeichhe Ordain Minister neih hi kan thatpui ang nge chhiatpui ang tih hi ngaihtuah tham a tling.
Kum 2011-20112 atana thlan chhuah Hruaitu tharte:
Central Hmeichhe hruaitu
Chairman : Pi Laltlanmawii Chanmari Bial, (Synod ruat)
Vice Chairman :Pi Khawlvuani, Hlimen Bial
Gen Secretary : H Lalpianthangi Asst Co-ordinator, (Synod ruat)
Asst Secretary : Pi Laldawnkimi Ramhlun Bial
Treasurer : Pi Lalsawmliani Bawngkawn Bial
Fin Secy : Pi Liankimi Missionveng Bial
Mikhual zat
Reception lamin an chhinchhiah danin, vawiin Dar 2:00pm thleng khan palai 40000 an tling tawh a ni.
Sunday zan khan Inkhawmpui palai riak lut zawng zawng hi 4500 vel ni a hriat a ni a. Lang a lokal hi m i 500 vel an tlin beisei a ni. Recieption lamah palai lokalte in report lo an tam avangin mikhual zat hi hriat chian theih a ni ta lo a ni.
Similar Posts:
- Presbyterian Kohhran Hmeichhe Inkhawmpui Lian hman tan a ni
- Hmeichhe Pastor neih a hun tawh
- Presbyterian Church USA-in kohhran hruaitu atan mawngkawhur pawm
- Prof. RL Hnuni Ordain A Ni Dawn Ta
- Bible-ah i kir leh ang u
March 8th, 2011 at 12:41 pm
@ Zero (#99), Mipa ProPastor leh Rev te pawh nula rim thrin te, nula hnute khawih ching te, uire ching te, mawngkawhur te, hnathawh peih lo te, kohhran sum eiru ching te, etc, etc, an awm ve tho.
Report this comment
March 8th, 2011 at 1:40 pm
pu HV: hahaha, ka rawn in la pawr vel anih kha.
Report this comment
March 8th, 2011 at 6:04 pm
Anmahni ni ah nge hian kanlo tar keuh teh ang.
Vawiin March 8, 2011 chhuak Times of India-in a chhuah danin Presbyterian Kohhran Hmeichhe Pawl Bi-annual Meeting, Kawnpuia neihah chuan Dr. R.L.Hnuni, AICS Principal chu Pastor atan ordain ni rawh se tiin resolution an pass a, Synod-ah ngaihtuah a ni dawn ta. Synod-in rem a tih chuan, Mizoram chhunga hmeichhe Pastor ordain hmasa ber a ni dawn a, Mizoram Kohhran History-ah thil chhinchhiahtlak tak a thleng mai thei a ni.
Report this comment
March 8th, 2011 at 6:07 pm
Anmahni ni ah nge hian kanlo tar keuh teh ang.
Vawiin March 8, 2011 chhuak Times of India-in a chhuah danin Presbyterian Kohhran Hmeichhe Pawl Bi-annual Meeting, Kawnpuia neihah chuan Dr. R.L.Hnuni, AICS Principal chu Pastor atan ordain ni rawh se tiin resolution an pass a, Synod-ah ngaihtuah a ni dawn ta. Synod-in rem a tih chuan, Mizoram chhunga hmeichhe Pastor ordain hmasa ber a ni dawn a, Mizoram Kohhran History-ah thil chhinchhiahtlak tak a thleng mai thei a ni, i lo thlir teh ang u.(Secondary source-MDE)
Report this comment