(Kar tawp lamah ka zinkual a, ka chauvin ka mut a chhuak hle mai a, Sunday Sermon tur a thupui ka rilrua awmsa pawh ka ngaihtuah ding hlei thei tlat lo. He thil lar tak hi ka rawn tarlang ve leh mai mai e. Kan tunlai dinhmunah hian a relevant riauvin ka hria).
Amah chu Professor thiam tak mai, Pathian awm ringlo leh chapo thar mai hi ani a, Pathian awm ring tlut mai ho te han hnial dan leh mi hmaa han tihzah vel hi nuam a ti thei hle mai a. A Class-ah pawh chuan naupang thenkhat Pathian a awm ngei nia ring tlat an awm nual tih a hria a; naupang zawng zawngte hriatlai ngeia han hnial dan a, tih zah a tum ta a. Hmeichhe naupang nungchang tha em em mai leh Pathian tih em em mai thin, class tan dawn leh Exam hall a tawngtai ching thin chu a han thlangchhuak ta chat mai a ni.
Professor : Ka fanu, Kristian i ni tiraw?
Hmeichhe naupang : Aw, ka pu.
Professor: Anih chuan, Pathian hi a awm i ring tiraw?
Hmeichhe naupang: Ring tehreng mai, ka pu.
Professor: Anih leh i Pathian chuan thil a tithei viauin i ring em?
Hmeichhe naupang: Aw.
Professor: Ka Unaupa chuan Cancer natna a vei a, Pathian hnenah a tawngtai nasa viau chung pawhin a thi ta tho a ni. Midang zawng chuan kan theih ang tawkin kan tanpui a, kan theihtawp kan chhuah a ni. Engatinge Pathian chuan a tawngtaina chhang lova, a puih duh miah loh le? He Pathian hi engtinnge a tha i tih theih. Hmm.
(Zirlai chuan sawitur a hrelo hle mai a, a ngawi reng a)
Professor: I chhang theilo maw!! Anih leh zawhna dang aw. Pathian hi a tha em?
Hmeichhe naupang:Aw
Professor:Anih, Setana hi a tha em?
Hmeichhe naupang: Tha lo.
Professor:Anih leh Setana hi engtia lo awm nge a nih?
Hmeichhe naupang: Pathian thilsiam pakhat a ni.
Professor: I tidik chiah mai. A nih leh he khawvelah hian thil thalo leh Sual hi a awm em?
Hmeichhe naupang: Aw.
Professor: Thil thalo chu hmun tinrengah a awm tiraw, ani lawm ni? Tin, thil engkim hi Pathian siam ani tiraw? A dik em?
Hmeichhe naupang:Aw.
Professor: Anih chuan, Sual chu tu siam nge ni ta le?
(Zirlai chuan sawi tur reng a hrelo nge ni, a ngawi reng a)
Professor: Natna te, Nun bawlhhlawh te, Huatna te, leh thil thalo tinreng hi Khawvelah hian a awm tiraw?
Hmeichhe naupang: Aw, Ka Pu.
Professor: Anih leh chung thil thalo tinreng chu tu siam nge le?
(Zirlai chu zak takin a ngawi reng a)
Professor:Science chuan Hriatna panga kan neih thu min hrilh a, chung hriatna pangate hmang chuan kan vela thil awmte kan thliar hrang thei thin a ni. Anih leh Pathian chu i hmu tawh reng reng a mi?
Hmeichhe naupang: Aih, ka pu.
Professor:Anih leh i Pathian chu a thawm i hre tawh ngai reng reng em? I thiante hi han hrilh teh.
Hmeichhe naupang: Ka pu, ka la hre ngai lo.
Professor: Anih leh, Pathian chu engemawti kawng talin i hriatna 5 te hmang chuan I hre thawh ngai reng reng em?
Hmeichhe naupang: Aih, Ka pu, chtiang tak chuan a hring ahranin ka la hre ngai lo.
Professor: Mahse, amah chu ila ring tlat si ani lawm ni?
Hmeichhe naupang: Aw, ka pu.
Professor: Empirical, Testable, Demonstrable, Protocol dan hmang chuan Science chuan, i Pathian hi, “thil awmlo ani” a ti tlat mai le. Enge i ngaihdan le?
Hmeichhe naupang: Sawitur ka hre lo, ka rinna (faith) mai hi a ni e.
Professor chuan tifuh inti fahranin a nui vur vur a, a han hawikual a. “Science zirlai inni a, Science hmanga finfiah theihloh Pathian hi in la ring tlut dawn em ni?” a ti ta piap piap mai a, Class Room chu a reh ta thiap mai le. Chutah, beiseiloh takin, tlarhnung lama thu mipa naupang pakhat chu a lo dingchhuak a, a rawn tawngchhuak ve ta a.
Mipa Naupang: Professor, lumna hi thil awm ani reng em?
Professor: Teh reng e le.
Mipa Naupang: Anih leh, Vawt hi a awm bawk em?
Professor: Aw, awm e.
Mipa Naupang: Ka pu, I sawi diklo ta tlat mai, Vawt hi a awm lo reng reng.
(Chutia Zirlai pakhatin ngam tak maia an Professor zah em em mai, a rawn cho ta mai chu mak tiin, an reh ta thuap mai le).
Ka Pu, Thil lum leh sat theih dan hi a in anglo nasa khawp mai. Sa tak te, sa em em, sa vawt vawt te, Sa huam huam te, Sa chung chuang, mega heat leh White heat thleng pawhin a awm thei a ni. Tin, sa chang chang te, lum ve pip pep te, satna neilo thleng pawhin a awm thei a, Mahse, Vawt hi chu a hranpain zuk awm hauh lo va. 0 degree hnuailam degree 458 thleng pawh a awm a, chu aia lumna la nei tlem chu’ Lumna awmlo’ ani tawp tawh mai a, mahse chu aia hnuai chu a awm thei tawh lo a ni. Vawt hi a awm hran lova, Lumna pakhatmah a awm loh khan, a sawifiah nan ‘Vawt’ kan ti ta mai thin zawk a ni. Vawt hrim hrim hi a hranpain a awm lova, kan teh thei hek lo. Lumna hi chuan thiltihtheihna a nei a, Vawt kan tih hi chumi lumna kan tih opposite chu ani hek lo, Lumna awmlohna hi vawt chu ani mai a ni.
(Chu Class Room chu Khuavang kallai ang maiin a reh thiap mai a)
Chu zirlai chuan a sawizawm zel a. “Professor, Thim ve thung hi le!! Thimna hi a awm reng em?
Professor: Thimna awmlo se Zan te hi a awm thei dawn em ni?
Zirlai: Ka pu, I sawi diklo leh ta. Thimna kan tih hi a hranpain a awm lo, thil engemaw a awmlo mai chauh a ni. Eng chang chang, eng ri riai, eng tak leh eng nasa lutuk te pawh a awm thei ngei mai a, Mahse, enna chu a awmloh chang chuan, “a thim” kan ti mai chauh thin a ni. Thimna hi thil awm ani lo, thil awm ni sela chuan, Thim deuh, thim tak, thim leh zual, chutiang zelin I siam thei tur a ni. Ani lawm ni?
Professor: Tlangval i sawi dik e. Enge min hrilh i tum chiah le?
Zirlai: Ka pu, sawi ka tum ber chu, Pathian awm loh dan i sawi kha a dik theih loh zia hrilh che ka tum mai a ni.
Professor: Chuti maw? Ka diklo tih chu, chiang taka i finfiah theih a ngai ang.
Zirlai: Ka Pu, thil pahnih inkungkaih dan i man thiam lo a ni. Nunna a awm i ti a, thihna a awm i ti bawk a, Pathian tha leh Pathian thalo chung chang i sawi bawk a. Pathian hi thil teh theih, hmuh theih, khawih theih leh sawifiah theih tur angah i beisei ringawt a, Ka Pu, Science hian ngaihtuahna pawh a hrilhfiah thei tak tak lova, kawlphetha leh thirhipthei te a hmang tangkai hle mai a, mahse, a khawihin a hmuh theih tak tak ngai loh a, kan hrethiam pumhlum tak tak ngailo a ni. Thihna hi Nunna opposite anga sawi leh ngaih hi, Thihna hi thil khawih theih leh hmuh theih anih loh zia hriatthiam loh vang mai mai a ni. Nunna a awmloh hian Thihna chu ani mai a, a hranpa takin a awm hlei nem. Ka Pu, i zirlaite hi zawng thlah kal zel an ni ang tein I zirtir thin em?
Professor: Natural evolutionary process hi i sawi anih chuan, Aw, zirtir thin e.
Zirlai: Anih ka pu, zawng mihringa an chang lai chu i mit ngeiin i hmu tawh em?
(Professor chuan a lu a thing mut mut a, a tan a phet tan tih leh chu zirlai chu a hneh dawn lo tih a hrechiang ta kher mai)
Zirlai: Ka pu, anih leh evolution process chu i la hmu ngai reng reng lo va, zawng mihringa chang ta pakhat pawh i la hmuh loh laiin, i zirlaite i zirtir ve hmiah hmiah bawk si a, professor pawh nilovin, thuhriltu i nih ber chu a!!!.
(Tunah zet chuan, Zirlai zawng zawng chu insumkar lovin an nui ta hluah hluah mai le.)
Zirlai: A nih leh he classroom a awm te zingah hian kan professor THLUAK hi hmu tawh kan awm reng em? (An zavaiin an nui leh ta dur dur a)
Zirlai: Anih leh kan zingah kan professor thluak rim hria emaw, a chevel hmu tawh emaw, khawih tawh emaw, a hnathawh dan hmu tawh ka awm reng reng em? (An ngawi thuap a). Tumah kan awmlo maw!!! Anih chuan Empirical, Stable, Demonstration Protocol dan dinglai ang chuan, Science chuan, ‘Kan professor hian thluak a nei lo a ti a nih chu. Ka zah hle na che a, ka pu, engtinnge thluak neilo zirtirna chu kan rin theih ang ni?” a ti ta a.
(Professor chu a sen tawn tawn a, a dang leh bawm bawm bawk a)
Professor: Tlangval, rinna (faith) in hmang mai tur anih ka ring.
Zirlai: Chu chiah chu a lawm ka pu, mihringte leh Pathian inzawmna hi RINNA hi a ni e. Chu thil ngei chu a lawm thil tinreng awmtir a, chettir tu chu. a ti ta a.
He zirlai bright zet hi tunge anih inhriat vek kha. Chuvangin, i RING tlut mai ang u.
“Nang chuan mi hmuh avangin i ring a ni; hmu lova ring apiang te chu an eng a thawl e” (Johana 20:29)
Sunday hman nuam vek u le.
Similar Posts:
- Rinna.
- “I âw-ah a âw ka hre thei asin!”
- Lak aiin pekin Lukhawng a nei.
- Politics leh zirlai pawl.
- Hremhmun hi engtia hla nge? (Sunday Pual)
(Y) 
February 19th, 2012 at 12:19 pm
Albert Einstein?.:Sd
Report this comment
February 19th, 2012 at 12:20 pm
He thu hi mahni tawng ngei a chhiar ka chakna a rei tawh, ka va lawm em, Min ti chak sawt in ka hria.
Report this comment
February 19th, 2012 at 12:27 pm
A ngaihnawm hle mai.
Report this comment
February 19th, 2012 at 12:36 pm
Pu pkfanai, i Sunday pual post ka hmu lawk lo a, ka rawn chhuahchhal hman tep che alawm le.
He naupang hi ka hre miah lo mai. Mahse, evolution theory a zawhfiahna chiah hi keipawh ka tetlai atang tawha evolution ka rinlohna chhan ber. Mihring hi zawng atanga evolve kan nih chuan engati nge zawng hi an la awm theih??
Report this comment
February 19th, 2012 at 12:47 pm
A ngaihnawmin a chhiar man a hla hle mai
Report this comment
February 19th, 2012 at 12:55 pm
Report this comment
February 19th, 2012 at 12:55 pm
A va tha em,
kan Sir pakhat sawi a dik thei nia ka hriat hi kan sawi lok. Pathian a awm, Mihring a siam. Evolutionary theory pawh hi a awm theilo maw? Mahse a process nan kum maktaduai a duh a, Pathian laka chuan mitkhapkar pawh kum sang tamtak ang ani si a. Evolution pawh hi Pathian remruat hnuaia awm, mihring chhiara kum tam mamawh ani thei angem..
Report this comment
February 19th, 2012 at 1:02 pm
@chemtatrawta, comment 1 naah el an a sawi tawh khi. Tin, han chhiar chiang ula, a argument hi a fing hle tih in hre thei ang. Evolution process hi a paihthla ani lova, Faith sawifiah nan a hmang mai anih khi.
Report this comment
February 19th, 2012 at 1:05 pm
Facebook group-ah hian God & Science tih group a awm a, Mizo zingah pawh atheist(inti) an lo awm ve nual tawh mai, he post hi rawn chhiar ve se ka ti ngei mai. Inhnial lah chu an thei duh phian a.
Report this comment
February 19th, 2012 at 1:14 pm
Pu.PK, 7 khi enge i ngaihdan
Report this comment
February 19th, 2012 at 1:16 pm
Sakhua hrang hrangin Pathian kan nei vek si a..
Report this comment
February 19th, 2012 at 1:18 pm
Lamea, khawvel hmasa tihchhiata awm ta an sawi thin nen hian i sawi pawh hi a inmil fu thei asin.
Report this comment
February 19th, 2012 at 1:21 pm
Zero, chuvang tak chuan a ni, Isua’n khawvel zawng zawngah kal a, Chanchintha hril turin min tih..
Report this comment
February 19th, 2012 at 1:37 pm
@Lamea, Bible ring bur mai ka ni a, bible in a sawi bak thilah hi chuan ngaihdan huai takin ka sawi ngam lo. Mihringte hi Pathianin lei vaivut (hlum) atanga mihring nihphung pangai anga a din kan ni tih hi ka pawm hmiah. Zawng atanga rawn in evolve kan nih thu hi chu ka pawm thei lo.
Report this comment
February 19th, 2012 at 1:44 pm
A va fiah tha khel khawl ve.
tren tren
Report this comment
February 19th, 2012 at 1:47 pm
E khai a, a ngaihnawm hle mai a, hei hi ka hre ngai miah lo kei chu….
Report this comment
February 19th, 2012 at 1:55 pm
Report this comment
February 19th, 2012 at 1:56 pm
Ngaihnawm piap piap ve leh
Report this comment
February 19th, 2012 at 2:14 pm
Pa pakhat, sarep, chawhmeh tur a chhu karh karh kan hriat chhuah zawk chu a. A bulah a fapa a lo kal a. “A pa, sa kan hmeh dawn em ni? Pathian min pek ti raw sa hi?” a ti teh chhen a. A pa ning ta deuh chuan, “Pathian min pek ti raw? lo ti lo ti suh. Ka lei anih hi” tih pah in a tuboh chuan sa chu a chhu pial palh hlauh a, a per nawlh chu a bul a uipui bawk chuan a lo chhar vat a, a tlanbo pui ta nal nal a…
Good Post
Report this comment
February 19th, 2012 at 2:14 pm
@Pu PKfanai, Mihring siam thuah hian Gen 1:27″Tichuan Pathianin ama anpuiin mihring a siam a, Pathian anpui ngeiin a ni a siam ni; mipaah leh hmeichhiaah a siam ni” hetah hian mipa leh hmeichhia a siam tih a ni si a. bung 2:18-ah “Mihring amah chauhva awm hi a tha lo ve: amah tanpuitu tur a kawppui awm mi ka siamsak teh ang”…. Adama tui takin a mutthilh tira a nakru la chhuakin hmeichhia a siam thu kan hmu leh a……..heihi enge i ngaih dan, mihring vawihnih siam a ni reng nge, Bible hian a thusawi a sawi nawn? (OT ta deuh em aw!!)
Report this comment
February 19th, 2012 at 2:28 pm
Chu zirlai tlangval chuan professor in tihzah atum hmeichhe naupang chu a star ni hrim hrim
Ahooma post ka chhiar hmasa a,ka dik lo vek
Report this comment
February 19th, 2012 at 2:29 pm
Ka zirlai leh professor hriat nen an va in anglo ve.
https://zogag.wordpress.com/201.....-question/
Report this comment
February 19th, 2012 at 2:50 pm
A tha hle mai. Piangtharna tlak hial a ni. Pathian hi a awm a ni tih ka chian ve na chu KA awm avang hian a awm a ni tih hi ka fiah dan chikhat a ni.
Report this comment
February 19th, 2012 at 3:28 pm
@Shailendra, hahaha, tha ka va ti em.
@Lamea, Bible in “Pathian tan chuan kum khat hi kum sangkhat ang a ni a, kum sangkhat pawh nikhat ang a ni” a ti a, Universe a siam hun chhung ni 6 hi Mihringte kum chhiar dan a kum sang tam tak pawh ani thei tho tih hi chu ka hnial tun lem lo.
@Ruata Pachuau, Genesis Lehkhabu ziah dan hian kalphungbik a nei a, Tunhma lama Drama an chan dan leh James bond Film ang deuh anih na laite pawh a awm.
Bung khatna hian THILSIAM chung chang arawn sawi thuak a, Bung hnihna hian, Mihring siam chung chang chipchiar(Detail) deuhvin a rawn sawi chiang ta a ni. Bung thumnaah Mihringte Suala an tluk thu a rawn chhui leh a, chutiang zelin bung linaah Adama leh Evi te fa tam tak zinga Kaina leh Abela te a rawn thlur fal leh a, chutiang zelin…
Bible thiam chung chuang hovin Mosia Lehkhabu 5 te(he Pentateuch)ziaktu hi Group 4 (JEDP) awm anga an sawi chung changte hi chu comment a han sawi vek sen a ni lo. The Yahwists(J), The Elohists(E), The Deuteronomists(D), leh The Priestly(P), te. An Thuziak kalphung, tawngkam bungrua leh an thu thlur bik te a hrang theuh niin an hria. Mahse, a khaikhawm nan Mosia Lehkhabu te tih hi kan pawm tlan dan chu ni.
Report this comment
February 19th, 2012 at 3:34 pm
Ring tawp mai ang.
Report this comment
February 19th, 2012 at 3:39 pm
professor pawh chu a va dang hma ve aw..
post tha khawp mai. kan rinna ah hian chak leh zual nan thu tha infah tawn hi a tha ani
Report this comment
February 19th, 2012 at 3:57 pm
ka chhiar zo vek maw le,tha kher mai.Inkhawmna a thu engmah zawm tur haw pui si loh ai chuan thu tha chhiar a zawm hi ka mamawh zawk ta in ka hria.!
Report this comment
February 19th, 2012 at 4:43 pm
A va tha tehlul em! Thawnthu angin hria in chhiar mah ila,heti’ang fiahna hi ringtu te hian kan tawk vek thei. Lo rin bur ringawt a,midang te tana chhandamna tling tura hrilhfiah thiam loh hi a hlauhawm thin. A dang pawh han ti zel rawh.
Report this comment
February 19th, 2012 at 5:05 pm
A van tha tehlul em! Zirlai tha tak min pe leh ta!!!!
Report this comment
February 19th, 2012 at 5:09 pm
Thu, ngaihnawm ka tih ber pawl a ni. Good post
Report this comment
February 19th, 2012 at 5:50 pm
Post tha mang e! Ka la hmiah. Ka chhiar leh thin ang. Let nalh khawp lehnghal
Funny link khi!!
Report this comment
February 19th, 2012 at 5:53 pm
Tha khawp mai kan hma lawka kan sawi tam ber tur leh kan debate na tur chu existence of God hiva la ni dawn, mizo zingah pawh.
Rinna hi a tul ber a, kan rin hrethiam tura ngaihtuahna sen a tul, Augustinea chuan faith seeking understanding hi a championpui reng a ni.
Rinna dah uchuak( fideism) hi a tha ber lo va, rinna siam nghet tura reason kan hman thiam a tul. Faith and reason hi tluang taka kan kaldun tir chuan kan argument a dik ang.
Hmeichhe naupang hi fideist a ni a, mipa naupang hi rinna leh ngaihtuahna(rational) hmang kawp thiam a ni thung.
Report this comment
February 19th, 2012 at 6:04 pm
A tha hle mai. Ka chhiar tawh a, tha ka ti a, chhiartur ka hmuh leh tawh siloh ania, i rawn chhawpchhuak hlauh mai a ka lawm hle mai. Save hmak ang. I letling thiam phian lehnghal. English bakah Mizo tawng thiam tel ngai hi ania, a tha takzet e
Mizo zingah chuan ‘existence of God’ chauh na na hi chu ringhlel an tam lovang chu maw?
Report this comment
February 19th, 2012 at 6:15 pm
Sheldon, an la tam lo, an awm tan. Atheism hi fashiona ngai pawh an awm. Rei loteah min run dawn khawp mai, tunlai new atheism philosophy phei chu engemaw ti takin a interesting ve a, ‘ rinna chu dawihzep leh innghahna nei lote, mi ril lo leh ngaihtuahna seng lote neih awm tawkah an dah mek a nih hi. Intifing taka zui an awm mek zel.
Report this comment
February 19th, 2012 at 6:22 pm
@vakul, a va pawi tak. Pathian awm ringlo hi hnamdang, changkang zawka kan ngaih te zingah an tam si a, i sawi ang khian fashion ang deuha hmang, intichangkang, atheist han nih vel duh kha an awm thei ang. A pawi takzet ani.
Mihring nun hi ‘rinna’ leh ‘beiseina’ a bo chuan a laktlak loh khawpin kei ka ring.
Report this comment
February 19th, 2012 at 6:36 pm
Sheldy, amak khawp asin!!! Fb group thenkhatah hian, Abdul te, Singh tih vel ten Pathian thu(Bible verse) tha tak tak an rawn post a, a lo hnialtu leh deusawhtu te hi John,tih leh Mizo tawng thiam tak tak hi an ni tlat thin a nia.
Report this comment
February 19th, 2012 at 7:03 pm
A ngaihnawm e. Evolution hi chu Bible pawm lo te thil ngaihtuah dan tur tawk velah ka ngai ve hmiah. Genesis bung 1 ah Pathianin thil a siam khan ‘anmahni chi awmdan tur theuhin a siam’( according to their own kind) tih kan hmu a, chuvangin zawng atangin emaw, organism mawl ber atanga evolve chu kan ni lo tih hi ka chiang bur.
Hmanni lawka science thiamna hmanga an proof,zawhna ho te’artui nge upa arpui?’Tih zawhna pawh hi kei chuan hman atang tawh khan Genesis bung 1 na atang hian he zawhna chhanna hi ‘arpui’tih ah hian ka lo chiang ve em em thin…ka OT ta duah em aw?
Report this comment
February 19th, 2012 at 11:11 pm
Kha maw, ka ti reng kha, Mizote hi rinna ah hian kan va la nghet teh lul em, comment tute zing ah hnialkalhtu an awm miahlo…in rin aiin heihi tunlai khawvel chhe tawh ah a la hlu ang, lunghlu mantam aiin a let sing in a hlu zawk ang.. in RINNA hi. Mizo society ah, internet access thei tlente zing ah, thiamna leh exposure tha chang thei bik mizo tlemte zing a mi hawizau leh mi puitling rual misual.commers te hi in chhe lo ve. Mizo hnam hi a hnam ang a lak chuan khawvel ah hian RINNA ah hian kan la dingnghet ber mai awm mang e,(nunpui lam ah a chhan engemaw avangin hniam hrih mah ila) Pathian thiltih ropui a lo thleng thut theiin ka hria…chu chu kan nghak reng a nia…
PK-a chu i let mam dak nalh zarh mai a…
Report this comment
February 19th, 2012 at 11:42 pm
Pu Zoho, i Group (God & Science) lam kha chu ka kian deuh ta mai che. Tanrual aiin I tha ka lo chhat then palh dawn tlatin ka inhre deuh a, Puih i ngai ni a ka hriat hunah kalo pui leh zauh thin ang che. Apostle lam pawh Pu Chawnghilha ka papek ta deuh, Support a ngaih hunah ka lo support leh zauh thin chauh ang.
Scientific Term ho hi ka letling buai duh ta lo a ni, a nuihzat thlak ka hlau deuh a, hehe.
Report this comment