…Saruaka Han Awm Ngawt Mai chu! An Va Zak Thei Lo Ve?
Gen.2:25-ah chuan, “Tin, Adama leh a nupui chu an pahnihin saruakin an awm a, an zak lem lova” tih ziak kan hmu a, a mak zawnga thlir chuan, a mak a, a zahthlak bawkin a lang. Adama leh Evi-te hi silhfen engmah inbel lovin, saruakin an awm a, an zak lo nia! An va han zak thei lo ve aw! Zahna chang an hre thlawt lo emaw ni le!? tiin ka lo ngaihtuah mek a…
…Saruaka Awm leh Awm Loh Chu Sawi Loh, “Zah” Tih Awmzia Pawh An Hre Lo!
Saruaka an awm kha zahna chhan tur awm hek lo mawle! Hetih hunlai hian khawvelah sual a la lut lova, sual awmzia an la hre lo hrim hrim a, sual sual zia pawh an la hre lova, zah zahthlakzia pawh an la hrechuang lova, an taksa peng pakhat te pawh kha dik lo tak leh sual tak leh zahthlak takin an la hmang tlat lo a ni!
Chuvangin, saruaka an awm kha zahna tur a awm lova, zahna chhan tur an nei thlawt lo alawm! Sual tih tawngkam hrim hrim pawh hi ala piang lova, an la hre lo. Rilru leh taksaah thianghlim an nih avangin silhfen kim tak leh mawi taka inbel angah an inngai tlat zu nia!
Adama leh Evi-te hi Pathian rorelna fel leh dik tak hnuaiah sual reng reng tellohna hunah an awm avangin, nawmchenna duh avanga midangte itna chu an tan mikhual a ni. Mihring han it tur pawh an awm lo hrim hrim alawm maw le! Sual hi sual kan “tih” atang leh sual kan ti tih kan “inhriatna” atanga “inthiamlohna” chauhvin a kaitho thin (Gen.3:7-10, 9:21-27, Thup.3:17, etc). A nihna takah chuan, mihring hi saruaka awm turin Pathianin min siam a, silhfen lam a lang lo. Pathian thuawihlohna (bawhchhiatna) avangin saruaka awm hi kan zah a, kan zak ta a ni. Adma leh Evi khan Pathian thupek kha lo awih sela chuan, zah lo leh zak miah lovin, thianghlim takin saruakin kan leng dial dial dawn niin a lang!?
…Engtinnge Saruakin An Awm Theih? A Vawt Viau Lawmni Le?
Tunlai hun anga chhut chuan, Adama leh Evi-te kha engtin nge saruak-ngal-ngatin an awm mai theih chu le!? Thlasik-ah a vawt viau ang a, nipui lai lah-in a sa viau awm si a? an ti. Mahse, Bible scholar-te chuan, “Adama-te hunlai hian sik leh sa hi duhthusam (weather was perfectly temperate) a ni e” an ti. Chuvangin, silhfen (thuamhnaw) an mamawh lova, sik leh sa leh an taksa lum leh vawt zawng kha a inmilh chiah an ti! (the circumambient air being of the same temperature with their bodies). Chuvangin, saruaka an awm khan vawt an ti lova, lum pawh an ti lem lo bawk a ni.
…Saruak Tih Hi Engnge A Awmzia?
“Saruak” tih lam hawi tawngkam hi Bible-ah vawi 120 (102+18) zet a chuang a. Saruak tih hi Heb.”erwah”(noun), Grk.”gumnotes”(noun), Eng.“nudity” a ni a, a awmzia chu “saruak ngalngat, silhfen engmah inbel lo” (absolute nakedness/without clothing) tihna a ni (ref. Job 1:21; Eccl 5:15; Amos 2:16; Mic 1:8). Hebrai “erwah” hian “hmuh theiha mipa/hmeichhe zahmawh lang” (the uncovered male or female sexual organs) hi a sawi tum ber a ni. Bible-ah Nova zuruiin a zahmawh lang veka a mut chungchangah khan Heb.”erwah” hi hman a ni (Gen.9:22-23).
Bible hian “Saruak” (nudity/naked) tih hi “tehkhinna tawngkam” (figurative/metaphor) atan a hmang nual a – Pathian hmaah kan (mimal & kohhran) sualna-te thup theih a nih lohzia sawi nan,“Kan chanchin kan thlenna tura mithmuhah chuan engkim saruak leh inhawng sain a awm zawk a ni” (Heb.4:13, cf. 2Cor 5:3, Thup.3:17, 16:15, etc). Hmelma-ten ram an tihchhiat thu sawi nan,‘Esauva ka tisaruak’ (Edom tihchhiat, Jer.49:10). Jerusalem tihchhiat chu, hmeichhia, zahmawh lang veka tihmualpho angin (Tah hla.1:8).
Gen.42:9-a “ram ruah zia en turin in lo kal” tih chu, hmelma-te hneh-lak mai theih tura an awm thu sawi nan. Thup awm lova pholan vek a nihzia sawi nan (Job.26:6, Ezek.16:36-39, Heb.4:13, Thup.3:18). Pathian mit-tlunlohna sual sawi nan (Gen.3:7, Ex.32:25, Deu.23:14, Chro.28:19, Ezek.16:362,etc). Zahmawh lang leh hetiang lam thil tih chu Pathian duhlohzawng a nih thu sawi nan (Deu.24:1, Nah.3:5, etc).
…Pathianin Nudity Hi A Pawm Tihna Emni?
Judate chuan Thuthlung Hlui zirtirna an zawm tlat avangin, rilru leh taksaa thianghlimna an ngai pawimawh em em a. Saruaka awm chu thil zahthlak tawp khawkah leh mualphona vawrhtawpah an ngai (cf. Isai.20:2-4, Tah hla.1:8, Hos.2:3, Nah.3:5, etc.).
Tun hma Makabia-te hunlai phei kha chuan Sports laiah takngial pawh taksa khuh tam thei ang ber thuamhnaw inbel lo chu tel an phal lo (cf. 2 Macc.4:12,13). Tun thlengin Judaten hei hi an la ngai pawimawh hle a, Orthodox Jews-te phei chuan Sports tak ngial pawh a ‘sexy lutuk’ an ti a, telh ve an awih lo hial a ni awm e.
Tunlaiah chuan Nudity hi an uar tawh hle a (porn lam phei hi chu kan sawi thleng lo zawk), “Nudity hi Pathian tih-chhuah a ni a, thianghlim taka Nudity hman hi a pawi lo, nudity leh nature hi a inzawm tlat a ni” an ti. Nudity ngaisang pawl chuan, hmangaihna lungawi taka chen turin, nupa-ah pawh nudity hi a tul alawm an ti ve tlat thung!
Nudity ah pawh hian Adam suite ni em em lo, taksa tam tak pholan ang chi te, Amul-bawm thui tak lang te, Saisu-kung thui tak tihlan ang chi te hian itna leh chakna leh beiseina siamin, sual lian zawk a hring thin a, Pathian duhloh zawng a ni kan ti dawn nge?
Rilru lam a thianghlim phawt chuan, pian nalh leh taksa a nihna ang anga pholan chu Siamtu Pathian fakna leh chawimawina a ni zawk alawm kan ti zawk dawn? Nudity chungchangah hian Rev.Dr.Billy Graham te, C.S. Lewis te, Gospel singer Amy Grant te leh US President Lyndon Johnson te pawhin “ngaihdan positive tak” an nei ve niin an sawi nia mawle!?
…Awi Karei! Ka Nu Lucknow…A Sang Lutuk!
Thenkhat thung chuan, Eden huanah khan Pathianin nudity hi a pawm a, tunah erawhchuan innei si lova nudity chiam emaw, nudity lam rilru hrim hrim hi Pathianin a pawm lo nia ngai an awm bawk. Leviticus 18-ah chuan, “chhung bulte (blood relative), same-sex, animal sex (suahsualna uchuak)” te phei chu sual buru lutuk a ni a, Pathian huat ber, ram tibawlhlawhtu a ni a, hawisan hmiah turin a ti hial. Fakna Hla-in “a sang lutuk a, ka phak lo a ni” a tih ang khan, tuna thupui kan khel mek-ah hi chuan Lev.18-na leh nudity piah lam hi chu ka sawi chak lova, ka sawi thleng lo ni.
…Khai le…Engnge i Ngaih Ve Dan Le?
Chhiar belh duh tan, https://www.masterstouchmassage.com/god_andnudity.htm
Similar Posts:
- Saruakna hi sual a ni em?
- Lungngai suh ang che!
- Eden natna
- Hmeltha
- Sual ni awm tak hi Sual a ni em ? (Mahni insiam chawp sual?)
March 1st, 2012 at 8:32 pm
Ka lo ngaihtuah ve reuh reuh lai tak ani. Ka ngaihtuah zawk chu Pathian khan Adama leh Evi kha sexually mature sa in a siam nge? tih lam ania..a inzawm deuh tho mai.
Report this comment
March 1st, 2012 at 8:35 pm
mature sa chuan a siam ka ring lo…nangpawh i la mature loh hi @ lrpa
Report this comment
March 1st, 2012 at 9:06 pm
E khai thuziak, save tur chi a ni leh tlat mai a. Nakin huna la chhiar nawn leh fo tur thuziak hi chu a tha dangdai thin a ni!
Sawi theih tak, inhnial bawl bawl theih a ni ang. CS Lewis-a paw’n a pawm deuh phei chuan kan hawi vawl vawl mai dawn a nih chu mawle.
Report this comment
March 1st, 2012 at 9:12 pm
Siamtu ropuizia phochhuahnan an taksa mawi tak hmang ta se siamtu ropuizia lam ai chuan ‘thildang’ kan ngaihtuah daih a rinawm.
‘in taksa mawina te khan siamtu chawimawi rawh u’ tih lampang bible-ah pawh a awm ka ring law (lo awm ta anih leh thudang).
Report this comment
March 1st, 2012 at 9:19 pm
Saruaka awm hi Mipa tan hian a buaithlak deuh bik riaua hriatna ka neih chu mawle ..
Report this comment
March 1st, 2012 at 9:25 pm
Post tha tak a ni…Dr.John nge nge i ziak tha thei khawp mai
Report this comment
March 1st, 2012 at 9:45 pm
Post ropui thei khawp mai. I post tha thin e
Report this comment
March 1st, 2012 at 10:09 pm
Hei chu Pu Zohoa sawi zauvah ka khek mai.
Report this comment
March 1st, 2012 at 10:30 pm
Eden huan kha Khawvelah hian a awm tak tak dawn a mawnile tih ngaituahna mai maiin a la tihbuai chin tan chuan thawnthu ngaihnawm deuh te pawh a ang zawk a lawm le.
Report this comment
March 1st, 2012 at 11:01 pm
Saruak a awm tulna hmunah chuan ka awm fo mai.
Report this comment
March 1st, 2012 at 11:15 pm
Pu Hv, Pu Buangthanga Fapa Rev.KD Siamliana nupui Pi Lianngengi khan Bhutana an awmlai chanchin a ziahnaah, ‘Sap Missionary ho nen an chengho a, Common Bath-ah an inbualho thin a, Saruak ngalngatin an nbual tlang ho thin thu a sawi a. A tirah chua an khawr viau mai a, mahse a hnu lamah chuan Bra lo hak bik tut emaw, underpant lo hak bik tat emaw kha amian loh thlak ta bik riau a, Saruak ngalngatin an inbual ho thin’ thu a ziak ka chhiar tawh a, hetiang hi an ching thin reng a mi?
Report this comment
March 1st, 2012 at 11:23 pm
PK #11, Ka hriatchian-ah chuan, Japan-ah khian “sento” an tih public bath emaw, hotel angah pawh mikhualte inbualho theihna a awm thin. Chutiangah chuan mipa leh hmeichhiate awmna a hrang hlak thung. Ruak vekin ni e, mahse Mizo emaw vaingalsin-te angin hawkdak a thlek kual zek zuk an awm ngai pawh ka hrelo.
Report this comment
March 1st, 2012 at 11:27 pm
Hv, a dik ka ring. Mipa leh hmeichhia saruaka inbualho chu a tihchi tehchiam hmel loh tlat. Mahse same sex ah chuan inha tit chunga lo telve chu ‘a mawl thlak’ ka ring.
Report this comment
March 1st, 2012 at 11:34 pm
#13 a dik
Report this comment
March 1st, 2012 at 11:41 pm
A ril reih ruih khawp mai. Engvangin nge Adama leh Evi khan sex instinct an neih kha an thup tak mai tih hi mak ka ti thin. Pathian khan chi tam tak thlaha punga leilung luah khat tur khan an ni pahnih kha mal a lo sawm tawh a, an bawh chhiat tak a vanga chi thlahna hmanrua thup lo tul ta mai hi Bible a lang bak ah hian setana leh a hote sualna pakhat a ni thei a ngem( ka zeldinna). Isua khan diabola in pa tiin pharisai te kha a lo address tawh a nih kha. Ramsa leh ran vulh ah te thleng pawn a lang, a nu hur inchuh vanga a pa rual insual buai ta vak mai te hi. Bible hian sex hman khaw loh hi a haw hle mai bawk a.
Saruak a awm hi chu nupa leh same sex thenkhat tan chuan a pawi anti lo maithei, mahse mipa (gay ni lo) in a mipat pui saruak mawi a ti lo a, hmeichhe saruak erawh mawi a ti hle thei. Chutiang bawk in hmeichhe tan pawh a nih ka ring. Hetianga gender vanga mawi leh mawi lo thliarna lo hrang ta te hi a mak phian mai ( mistar ang zawng chu thu hran ni se.) Luhkhat man ah kan tih nghek chu…
Report this comment
March 2nd, 2012 at 12:01 am
Post ril tak ani. Pu Pk, Chawnghilh leh Zoho te khan han sawizau teh u.
Report this comment
March 2nd, 2012 at 12:14 am
A ni tak maw, hetiang zawng hian ngaihtuahna ka lo la seng ngai hauh lo mai. Comment ngaihnawm leh hlawkthlak tak lo beisei ve ngawt teh ang.
tren tren
Report this comment
March 2nd, 2012 at 12:25 am
Saruaka awm hi zahthlak vak pawn ka hrelo e a, mahse a hmun leh a hun a zir ani mai in ka hria.
Report this comment
March 2nd, 2012 at 1:29 am
Kan naupan lai pawh khan saruak in kan awm a, kan zak lemlo!
Report this comment
March 2nd, 2012 at 2:02 am
Ngaihtuah neuh neuh chuan a buaithlak ve riau!
Pathian in mihring a ‘image’ in a siam a! Hei ringawt pawh hi enge a awmzia tih hi a hriat tak tak lo. Physical appearance chu a ni thei lo a! A chhan chu Pathian kha hmuh theih anih lo a. Enge ‘anpui/hlimthla’ tih kha awmzia ni ta ang le?
Mihringte ti mihringtu ber ‘thlarau’ kha…Zohoa te ‘nephesh/ruach’ kha ni ta se, anih chuan thlarau khan ‘chhia leh tha’ a hre lo tihna em ni lawi si?
Buaithlak..ngaihtuah lo mai teh zawk ang!
Report this comment
March 2nd, 2012 at 7:38 am
בּוּשׁ (bosh) ASHAMED
Hebrai tawng atang hian ABASH tih hi an chhawm a ni hial ang em aw?
Grik lamah chuan κατησχύμενος, εντρεπόμενος, ντροπιασμένος
ZAK (shy), zakzum (bashful) tih ai mah hian ZAHPUI/INZAHPUI sawina a ni. Saruakin kan awm lo thei lo. Mahniin pindanah pawh saruak kungin kan awm fo ang. Kan inzahpui lo. Darthlalang hmaah pawh kan ding zak chuang lo vang. Tute emaw hmachhawn kan nih erawh chuan kan tihngam chi a ni ngut lo mai thei, kan zak mai ni lovin, kan inzahpui ang.
“Unaute tih a zak (ashamed) lo ve,” tih pawh hi Unaute tia min koh/pawm hi Tholeh Yeshuan a inzahpui hauh lo ani zawk. Zak leh zakzum rawngkai lam a ni lo. Pa hmaa min zahpui lotu, min sawipuitu leh kan aiawha puithiam lalber ni tawh miau hek!
Adama leh Chavvah-te pawh kha Eden Huan pawna siam an ni a, Eden Huan-a khawsa ve zawr, chuta tanga hnawhchhuah leh an ni a. Eden Huan chu a awm chiang hle tih awh huan chawmtu lui an hming ziaka awmte pawh tun thlengin a la luang a.
Chhia leh tha hriatna (conscience) hi ‘a tha leh a chhia/sual (good and bad)’ tih nen a danglam fe bawk.
Nupa, saruak ngalngata kan awm dunin kan la inzahpui lo kal zel chu a la ni. Adama leh Chavvah (Evi) pawh INZAHPUI hauh lo khan an innocent dun hle. Suala an tluk hnu khan anpuia siam an lo nihna Elohim hmaah chuan inzahpui emaw zah emaw chu a ngai ve kher ang le.
POST BENGVARTHLAK leh TREASURE tlak a ni. Dr John hi Thlarau lam ANTI-SEPTIC damdawi keng tel Physician, Dr Luka younger brother a ni thlawt e.
Report this comment
March 2nd, 2012 at 9:38 am
E..khai Chawnghilh, min fakna hi tak tak emaw tiin ka inchhuan-phah lutuk mai ava hlauhawm em! Million Thanks! PKfanai sawi angin, Pathian thu bika i comment ka chhiar hian tluk loh rim i nam tak zet zet e. Nickname thar “Dr Luka…” min pe lehnghal a, min fiam nan tak an hmang ang tih ka va hlau ve!
Ni e, Chawngchilh, i sawi dik chiah. I rawn tuihnih hi he Post ti phuisuitu ber a ni. Ka hriatna a tlem bakah, tawngkam thiam loh a lei-ah ka Post reng reng hi a sei thin a, a phuai bawk nen, ka “IN ZAHPUI” ngawih ngawih thin.
I sawi ang hian a root hi chu “Yitboshaashuw”/”buwsh” (boosh/bosh) a ni a. Tawngtial hian a chiang deuh mai thei – “primitive root meaning is to pale, i.e. by implication to be ashamed; to be disappointed or delayed; be, make, bring to, cause, put to, with shamed; be put to confounded (fusion), become dry, delay, be long (KJV).
Zir chhunzawm duh tan Bible ref. Gen 2:25, Ex 32:1, Judg 3:25, 5:28, 2 Kings 2:17, 8:11, 19:26, Ezra 8:22, 9:6, Job 6:20, 19:3, Ps 6:10, 14:6, 22:5, 25:2, 25:3, 25:20, 31:1, 17, 35:4, 26, 37:19, 40:14, 44:7, 53:5, 69:6, 70:2, 71:1, 13,24, 83:17, 86:17, 97:7, 109:28, 119:6, 31, 46, 78, 80, 116, 127:5, 129:5, Prov 10:5, 12:4, 14:35, 17:2, 19:26, 29:15, Isa 1:29, 19:9, 20:5, 23:4, 24:23, 26:11, 29:22, 37:27, 41:11, 42:17, 44:9, 11, 45:16, 17, 24, 49:23, 50:7, 54:4, 65:13, 66:5, Jer 2:26, 36, 6:15, 8:9, 12, 9:19, 12:13, 14:3, 4, 15:9, 17:13, 18, 20:11, 22:22, 31:19, 48:13, 39, 49:23, 50:12, 51:47, 51, Ezek 16:52, 63, 32:30, 36:32, Hos 4:19, 10:6, 13:15, Joel 1:11, 2:26, 27, Mic 3:7, Mic 7:16, Zeph 3:11, Zech 9:5, 13:4, etc.
In comment-te khi Post belh-chhahtu a ni zel a, han hnial tur leh paih tur reng reng ka hre lo ve. Ka Lawm E.
Report this comment
March 2nd, 2012 at 12:21 pm
Dr John, i ziak chiang thiam riau mai a, i hming ka thlirin Hlychho i dah bawk si. Mizo tawng pawh hi i thiam takzet a, clarity and brevity i thiam riau mai. Entawntlak tak i ni.
MDC lama an hotu ni ve thin ‘Ka U Vadyeu’ ka tih kumkhua thin saw i hriat ve ngei ka ring. Zirlai a nih laia kan ina khawsa ve thin, ka farnu naupang lam pahnihte phei chu a lo awihtleite an ni hial asin!
Tin, Election Office, Saiha saw ka pa hi a rawn hawngtu leh thawk zui nghal, Saiha atanga bawmrang leh nghawngkawla darkhuang rawn phur haw ve ngat, chutih laia kea la kal ngai thin a ni.
I post hi ka ngaina thei tak tak a nia!
Report this comment
March 2nd, 2012 at 1:30 pm
He Site atang hian Zofa ten tisa leh thlarauva hma kan sawn zel theih nan i bei tlang zel ang aw…
Report this comment
March 2nd, 2012 at 5:33 pm
#11 PKfanai & #12 HV te Comment a bengthlak khawp mai, Thanks!
Report this comment
March 2nd, 2012 at 5:51 pm
Niminah ka buai deuh avangin ka chhiar hman lo va. I ziak tha hle mai. I inchhiar zau, behchhan i nei thlap bawk si…
Report this comment
March 2nd, 2012 at 7:48 pm
Post ngaihnawm tak a ni.
Report this comment
March 2nd, 2012 at 11:27 pm
Dr.John-a chu i blog atang i nihna(positive) ka hmu theiin ka hria.
Report this comment
March 2nd, 2012 at 11:53 pm
#28 vakul, Ok…? Thanks!
Report this comment