Thian dun pahnih ti ti khawchang sawi ka ngaithla fuh a, an ngaihdan hi a inpersan ngei mai, ka misual thian ten sawi tur an hre ve ngei ang tiin an thusawi tlem ka han post chawr e.
Mr.A : “Kei chu Kohhran lehkha Xerox (Photo Copier) tur lehkha tam tham deuh pawh nise, Office-ah (Sorkar Office) ka Xerox hmiah hmiah zel, a sualna ka hre lo hrim hrim engkim hi Pathian ta a ni a, Sorkar pawh a neitu chu Pathian a ni a, chuvangin a ta tho a ni a, ka hman avangin sual a ni lo hrim hrim a ti pang pang mai.
Mr.B : “Kei chu hei hi eirukna sual a ni a ti ve tlat thung a.”
Heti hian an sawi zawm ta zel a,
Mr.B : “Mi pakhat chuan, miin zan mut dawn ah zu tlem a in a, a inchhan chu damdawi a ni emaw ni lo emaw chak satliah avang emaw pawh nise, engmah dang ti tawh lovin a mu a, sual a nihna lai reng reng ka hre lo” a ti ve leh thung a.
Mr.A : “Zu tlem te a inkhan rui lo mahse a ngaihtuahna thluak fim kha a pawlh buai avangin sual a ni hrim hrim a ti ve ta tlat mai”.
Heti hian ka ngaituah zawm ta a,
Pathian in Mosia hnena Thusawm pek a pek bak kha chu (Ka huam a zim lutuk em ka hre lo) keimahni dan leh hrai siam avanga sual hi insiam chawp kan ni ta mai em aw ka ti. Entirnan, Football ngaina mi tak ka ni a, World Cup Football khelh dawn zan ah tak chuan tlachawp deuh in Kohhran Thalai pawl chuan Programme an rawn siam ta, rawngbawltu ka ni ve bawk si, mahse inkhel chu ka en ta daih a, thalai programme ah ka tel ta lo, rawngbawltu ni si ka tel lo chu ka tan sual a ni ta, mahse thalai programme chu siam lo se sual a ni lo mai ang.
Ka ngaihtuah tam tak zingah hei te hi a tawp nan kan belh leh hram teh ang,
Pathianni ah chauh hian inkhawm hi nei ta ila, mahni hna avanga buai em em, Pathianni baka inkhawm ve hman ngang lo inkhawm hman ve hunah pawh Kohhran inkhawm hun dang a inkhawm hman loh avanga inthlahrung (an awm em ka hre chiah lo) te leh inkhawm hun bi dang a peih lo vang leh hman loh avanga inkhawm lo thinte hi Pathianni chauh inkhawm a nih chuan kan ngai pawimawh in kan ngaihlu in ka ring tlat, chu mai ni lovin inkhawm thin te pawh hi kan tam phah mai lawng mo ?
Inkhawm hun dang a inkhawm loh avanga misual zinga chhiar tel (Mi tam tak thlirna,Pathian thlirna a ni ve em) kan nih te hi a bo daih dawn a ni. Keimahni inkhawm hun bi tuk (dan siam) hian sual lo tur sualah kan inchantir ni in ka hre ta tlat mai.
A sei ta hle mai duhtawk ang, ka han post hi ‘DIK MAW DIK LO MAW’, in ngaihdan han sawi ve teh u.
Similar Posts:
- Bangalore Titi
- UPC pawl pahnih an inkhawmho
- Puii zûna uai a na ṭhelh!
- Mizo Thalaite an sakhawmi lo
- Katholic Kohhran hi
(Y)
October 22nd, 2010 at 11:35 am
ka sual hmasa(1) ber
Report this comment
October 22nd, 2010 at 11:37 am
i badboy hmasa ber
Report this comment
October 22nd, 2010 at 11:39 am
Thiandun sawi dun atan chuan ava noi ve.NOI
Report this comment
October 22nd, 2010 at 11:40 am
comment hmasa thian dun te sawi dun pawh khi a ho ve khawp mai
Report this comment
October 22nd, 2010 at 11:45 am
Ngaihtuah a ti thui hle mai.
Report this comment
October 22nd, 2010 at 11:48 am
“Keimahni inkhawm hun bi tuk (dan siam) hian sual lo tur sualah kan inchantir ni in ka hre ta tlat mai.”
Ka thlawp e. “Moral/Spiritual police” hi kan lo awm leh pheuh pheuh thin a.
Report this comment
October 22nd, 2010 at 12:07 pm
MrB ka thlop e…
Report this comment
October 22nd, 2010 at 12:08 pm
Hetiang thu khel khel hian tawpin tai a neilo. Thil thra i tih chuan mi zawng zawngin dem che mahse i thinlung chhungah thlamuanna mi hriathiam rualloh i nei ngei2 ang. Thil diklo i tih chuan tumahin hmulo leh hrelo che in dikawm takin lang mahse i nun chhungril ah thlamuan loh rukna/hlimlohna i pai ngei bawk ang. Chhungrila thlarau hnathawh sawi fiah phet kan tum thina, inhnialna atthlak tak takin kan tawp leh thin.
A chiang tawk em?
Report this comment
October 22nd, 2010 at 12:13 pm
No kawment
Report this comment
October 22nd, 2010 at 12:17 pm
Zu in a vanga sual, in loh vang a fel, hahahahahah ka awi leu.
Ka inkhawm dawn apaingin ka peg hlak zel thin.Biakin zu han rin ngawt hi chu a nuam ka ti lo deuh.
Nangni Mizoram a awm mek te tan chuan zuin, zawrh ,kawl etc kha sual according to MLTP Act
Pathian atang chuan sualna pakhatmah Bibbleah kan hmu lo.Amah erawhchu ZU in avanga chhiatna awm thin te kan hmu mai zawk ani.Chuvangin chhiatpui tur ang chi hi chuan in loh mai tur hahahahhahhhhhhhhhhhhhhhhh…..
Report this comment
October 22nd, 2010 at 12:37 pm
Ni lem lo ang!Tha awm tak, sual ni si hi a tam viau zawk ang!Zu in loh mai vang a tha ber lena lengte,Zu khap sawi mawi kristianna tha tak a ngai mibo te,Biakin a ngampa taka leng,hlepruk/ks kawp hreh miah lo ho te,Pawl ropuina hma chhuana ropuina lem thlahlel a phili chingte,mi thatchhe Gospel speaker te etc
Awm mai mai hi sual a ni lo ta ber mai awm e,Setana pawh hi awm vel mai2 se chu a sual lo a ni thei mahna,pawikhawih tur a a vir vel cheng hi abuaithlak lai leh sual intanna ber chu a niang, a tir a tang re re pawh khan.. :lol:
Report this comment
October 22nd, 2010 at 12:40 pm
Sual ni awm tak hi sual a ni em tih hi sual a ni em ?( sual chi hrang2…ngaihtuahna…)
Report this comment
October 22nd, 2010 at 1:07 pm
Ka vanram kawng zawhlai min tibuai theitu zawng zawng chu sualah ka ngai vek. Ka chhandamna chu kohhran mite hmuh a mawi ni lovin kei leh ka chhandamtu inkar thil a ni. Ka nuna miten eng(Krista) an hmuh theih nan lemchan in awmzia a neilo, miten hnunglamah min kawk zui tho tho.
Report this comment
October 22nd, 2010 at 1:27 pm
Engkim Pathian ta tih vang a office lehkha te kohhran thil atana hman chu a dik in ka hre lo. Chutiang ni dawn se la thawhlawm thawh te hi a ngai lo ang a, biakin sak dawn pawh in mamawh zawng zawng Pathian ta tiin dawr ami te lak mai tur a ni a.
Report this comment
October 22nd, 2010 at 1:32 pm
Mut dawn a zu in chu, a mut pah a rilru fim a ngaihtuah ngai a nei a nih chuan in lo mai se la. Kei chu zu vawi hnih khat ka tem ve a, ka mut a chhuak a, ka mu daih.
Report this comment
October 22nd, 2010 at 1:37 pm
Joyce Meyer in a sawi fo thrin “Sitting in church each Sunday doesn’t make you a Christian just like sitting in your garage doesn’t make you a car.” tih ang deuh khan Mizoten Kristian na kan kalpui dan hi kan inenfiah a hun tak meuh ani…
Report this comment
October 22nd, 2010 at 1:40 pm
lolzzzzzzzzz……….sual hi sual nge a nih ang aw sual???? lolzzzzz….
Report this comment
October 22nd, 2010 at 1:43 pm
Khawvel pian tirh ata khawvel tawp thleng aa sual ni reng tur,entirnan tualthah leh uire hi chu sual ani reng ang…amaherawh chu Zu in,corruption (biakin atan a office xerox hman etc)te hi chu a hun , a hmun ,a mihring a zir in sual a niin a nilo theiin ka hria..Pathian leh keimahni in kar ani ee..Mi pakhat tan a sual hi midang tan sual alo ni vek kher lo thei hle mai..sawi zel a chakawm ka ti..
Report this comment
October 22nd, 2010 at 1:43 pm
Inkhawmna hun hi, ka sawi ve phak leh ka rel ve phak chu a ni hauh lo a, mahse, kar khat chhung inkhawm kim thlap thlap tur chuan ka hun neih dan nen hian a theih loh.
Report this comment
October 22nd, 2010 at 2:24 pm
Inkhawm hi chu a peih leh hman te tan chuan sunday lo a inkhawm pawh a tha ka ti a. Hman lo leh peih lo na na na chu inkhawm loh mai tur. Kar laihawl nkhawm hun a inkhawm loh avanga sunday inkhawm han in thlahrun phah pawh a dik ber chuang lo. Tin, sunday ni lova inkhawm hun a inkhawm loh hi a sualna ka hre hran lo bawk….. (peih lo nilova hman lo ngat ta phei chuan sual lo lehzual ang chu)
Post tupa sawi ang hian sual kan tih tam tak hi chu keimahni in kan in siam chawp sual a kan ngaih te an ni tih khi ka pawm dan thlap a ni………
Report this comment
October 22nd, 2010 at 5:35 pm
In thu hi a ….????… thin em mai. P-thian thu, a chawh Dan dik , a FORMULA dika in chawh hma chuan sual chungchang mai maiah pawh in buai nak mai ang. ( Ka inti hre zuah zuah lawk dawn, hrethiamsss,… in lak hotu hle thin tur…. :lol: :lol: :lol: )
Tiang hian ka’n hrilhfiah ve lawk teh ang. P-thian thu chu Hmawngkung – Zung ngah tak nei, a zung thenkhat leia in phum, a thente erawh lang deuh kek kuk, thenkhat tlum thuk deuh, thenkhat erawh pawnlang deuh ang hi a ni. Thenkhatin a lang choh chu P-thian thu dik ber an tia, a thenleh ten leia in phum an hai chhuah fuh choh chu an ring thunga, a thenkhat chuan hmawng zung lo lang lian deuh leh rawn pawng chhuak deuh bik te chu P-thian thudik leh pawm tlak ber niin an hre thung bawka …etc. Mahsela Pa Pakhat erawh chuan chung zawng zawng chu chu laia Hmawngkung lianpui mai atanga chhuak vek chu ani tih a hre kar thunga…. a hmawng zung lan danah a buai ve tawh lo,. a thui dawn duhtawk phawt teh ang,…. a tawp nan; P-thian thu dikah chuan in hnial tak takna tur a awm lo, sawikhawm bak tih tur vak a awm lo, a hrelo te in hrilh belh zel nen ani mai…. !!!!!! ‘Sual’ i rawn ti hluai sia, P-thian tihte pawh ka sawi tel ta nual a nih hi lo hrethiam mai,…. !!!!!!
Report this comment
October 22nd, 2010 at 5:52 pm
ka lo ngaihtuah ngai miah lo a.. I han sawi takah chuan a dikna chin te pawh awm ta in ka hre ve tlat.. Kan lo thlawp phawt mai ang che..
Report this comment
October 22nd, 2010 at 6:39 pm
Fimkhur tak a nung tur kan nih rual hian he khawvel ah hian SUAL hi kan lo teh nasa ve lutuk mah mah ka ti thrin, kan judgement hi MISUAL hrem thrin tu hian a pawm ve em.. tihlam pawh kan ngaihtuah ta mang lo.
Pu J.Buana khan Biak In ah seki a keng lut a, Upa ho khan ken luh an phalsak ta lo a, ani lah chuan”A vun a Pathian fak chu in duh a, a Ki chuan induhlo a nih hi” a ti sam et.
Report this comment
October 22nd, 2010 at 10:00 pm
A nih khi.
Kohhran lehkha ilo vel buaipuina tur hi budget head hran awmsa thlap a ni. chu chu hmang mai sela a fel a ni mai. In justify a tumna lamah a insawh sil mai dawn a nih khi.
Zu lampang chu inhnialna tawp thei lo a ni. ka sawi peih lo.
Report this comment