Eden natna

December 7th, 2011 10:30 pm by ltachhakchhuak

Chrismas vel a lungleng leh buai ve lo,mifir tak leh duhtui tak te tan lunglenna lam pawh fah lovin genesis atang bawk ka rawn tinawn leh sak e!Ka rilru ah naupiang chu awm reuh reuh mahse hei te hi ka rilru ah ka vei lian zawk tlat mai.ka bible ka keu a piang a ka hmuh a ni zel sia ,ka rawn thailang lo theilo a ni,min hrethiam te u,thlasik lunglen nei te u.

He ka thupui leh a thu a te hi tuemaw chuan alo ziak nual tawh emaw alo chai hrep tawh ang tih chu ka inring mai.Keichuan chu pawh chu hre ranin a chunga ka sawi ang khian lohtheihlohna in min tilui ni ber hian ka hria,ka rawn hung lut ve leh chawt mai.Ziak tawh anlo awm a nih pawh ka support-na ni pah fawmin min dem lo hram teh se.

HUAN LAI TAK A THING PAHNIH :

Tan nghal tawp mai ang aw.Gen bung 2 kan en chuan Eden huan chu lei ah a awm a,lei ah chuan Setana a awm tih kan hre bawk a,lei chu Pathian siam a nih a vangin Pathian pawh a awm a ni tih hriat nan Huan(Eden) lai tak ah chuan NUNNA THING leh CHHIA LEH THA HRIATNA THING a awm a.

He chhia leh tha hriatna thing hi Gen 3:3 ah kan en chuan THIHNA THING a tih theih bawk!Zawlnei tawngkam atang chuan thil reng reng entirna atang a sawi vek thin a ni a.Chumi tawngkam nen kan hmeh bel chuan NUNNA THING chu PATHIAN sawina alo ni ta a.CHHIA LEH THA HRIATNA THING chu SETANA sawina alo ni ve leh ta chiah a ni.

Engvang nge CHHIA LEH THA HRIATNA THING chu SETANA entirna a nih tih tifiah turin hei hi en leh ang aw;Pathianin tawh pawh intawk tur a nilo tia a hril diam kha Evi chuan Thei chu a la a,a ei ta a nih kha.Gen 3:7 ah chuan “thei an ei avangin saruak an ni tih anloin hre ta a” tih a ni ve thung!

Mahse bawhchhiat hma han bik kir lawk ang aw;Gen 1:28 ah chuan chi tam tak thlah a,leilung luahkhat turin mihring chu a ti a,sex chu an hmang ngei dawn a.Bubg 2:25 ah chuan saruakin an awm a,an zak lemlo tih a ni leh bawk.Bubg 3:16-ah hmeichhe naupai hrehawmna chu tihpun a nih thu alang leh bawk a,tihpun hma history ah chuan fa pawh an nei tawhin Evi hian hrehawm ve takin alo hring tawh thin tih a lang bawk!Mahse saruaka lo awm fo tawh,sex pawh lo hmang fo tawh chuan engvang nge saruak anni tih inhria a Pathian lak ata an tlan bo tak mai le!!!!!

EDEN NATNA:

Atir ber a kan sawi huan lai tak a thing Pahnih te kha ngaihtuah let ang le;Thei an ei tak avang khan saruak an ni tih an inhria a ni lo!Thei kha Setana, Evin thei a ei khan Setana nen sex an hmang ta a.Chumi hnu ah Evi chuan a pasal Adama chu sex a hmanpui ve leh ta a ni!!!Thihna thei(Chhia leh tha hriatna thei) Setana ni bawk nena SEX hmandun avang chuan ahma zawng a saruaka awm zak ngailo chu alo zak ta a,Pathian hmuh pawh anlo zak ta ni!

Hei mai hi thilpawi thleng ala nilo.Evin sex Setana(Rul) a hmanpui avang khan Setana thisen(natna) kai chu Evi serh chhungah a lut a,chu chu Adama kaichhawng ve lehin mihring thisen ah chuan chu natna sawithiam siloh chu alo intaidarh ta a,mihring chu THI THEI alo ni ta a ni(Chu chu Pathian thuin a let thawkin Nunna chu thisenah a awm alo tireng bawk a).

Chu thisen semkual tu kan taksa a awm chu thinlung(heart) a ni a,thinlung atang chuan natna danglam tak ngaihtuahna sual te,inngaihna te,rukrukna te,tualthahna te,hurna te,itsikna te,saichhiatna te,chapona te,atna te hi alo chhuak thin ta a ni(Marka7:21)!

Evi(mipakhat) avang chuan khawvel ah natna alo lut a,mihring piang tawh phawt chuan natna vei kan nei ta vek a,bang chuan reng reng kan awm lo.Nang leh kei pawn chu natna chu kan vei ve a ni!Chutichuan Mihring Pa chu Setana(Rul/Thing) a lo ni ta a ni(Mat 3:7).

THLIPNA:

Hemi avang hian a lawm Pathian chu TISA(THISEN) a alo chan ni.Adama pahnihna ang a lo changin Setana thisen rawngkai tawh chu kros lerah thisen bawlhhlawh(thihna) chu a chhuah tirah.Nunna alo awm leh ta a.Mihring taksa thithei chu thitheilo taksa vekin alo thlak ta a ni.Thihna chu a bo tawh a ni Isua tuarna avang chuan(1korinth 15:54-56).Kan lawm e Lalpa Yeshua.

116 Responses to “Eden natna”

1
TuaiSialA Says:
December 7th, 2011 at 10:38 pm
Post tha th1n nge1 ma1.
2
xotea Says:
December 7th, 2011 at 10:53 pm
That hmel riau, chhiar chhin teh ang 🙂
3
nastycool Says:
December 7th, 2011 at 10:58 pm
Good post..ngaihnawm hle mai (Y)
4
Mkhawla Says:
December 7th, 2011 at 11:06 pm
Pui hle mai. mahse Evi khian a hma a fa te a lo hrin tawh chuan, rul nen a sex an hman hma a nih bawk si chuan an fate ho chuan kai ve awm loh tak, nge an fate nen hian sex chu an hmang ho leh a an inkai darh ta?! :-S
5
Maya Says:
December 7th, 2011 at 11:08 pm
A awihawm viau mai a . a ngaihnawm e (Y)
6
Asteric™ Says:
December 7th, 2011 at 11:09 pm
KA AWIH LO

Sex hman avanga mihring thlah kal zela genetic evolvement awm anga sawi ah hian ka satisfy thei lo. Evi leh Adama bawh chhiatna thisena inthlah chhawn a nih avanga thilsiam dang zawng zawngin an lo tuar ve ngawt hi a kim lo a ni. Science anga sual inthlah chhawnna hi evolve tir kan tuma nature dang tuarna nen hian a in link leh tawh miah si lo.

Evi chu Setanan a pawla, a thisen ah chuan sual alo kai taa. Evi chu Adama’n a pawl leha Adama pawh chuan sual thisen chu a lo kaia. Adama chuan ramsa zawng zawng sex a hmanpui a, ramsa zawng zawng pawh chuan sual thisen an lo kaia, sakei ten sa an seha, survival of the fittest alo awm a. Adama chuan ni leh thla leh arsi te a pawl leh a, chung tepawh chu ni hnuhnungah Pathianin ala ti chhe vek dawn a tih ni sela chu ka awih ang. Species awm zawng2 te hi han pawl bawk sela maw 😀

Thilsiam dang tuarna nen hian a in link lo tlat alawm. Chuvangin kan bawhchhiatna hi command zawm loh vang a ni. Command ang bawkin ani ransa tepawhin an tuar ni.
7
ninja Says:
December 7th, 2011 at 11:20 pm
Pi pu te pawh khan Evi kha an lo hre ve ngei a, Chawngchilhi tiin an sawi thin i tih duh hmel
8
upsilon Says:
December 7th, 2011 at 11:25 pm
#6 (Y)
9
feeder Says:
December 7th, 2011 at 11:47 pm
Chhia leh tha hriatna thing anilo.
A chhia leh a tha hriatna thing zawk ani e.
10
Mama_B Says:
December 7th, 2011 at 11:50 pm
Hei chu ka pawm zawng a ni lo tawp mai! A ”risk huaithlak” ka ti deuh! Pathian thu an pawt fan nasa mah mah a ni e!
11
lrpa Says:
December 7th, 2011 at 11:52 pm
He thil hi misual ka nih hnu chauh hian ka hre ve pek a. Zoho a te pawn heti rawt rawt lo deuh hian an rawn ziak tawh a. Thil ni thei chiah chuan a lang lo deuh a ‘Rul thlah te U’ tih kha khawi laiah emaw a awmin ka hria, mahse he mi meaning chu sual bawih kan nihna sawina mai tur ah ka ngai deuh a, Bumtu/sual chu setana rul anga rawn inlar kha ani si a.
Rul a hauh leh theipui kung a hauh te kha chhut zawm ila!
Evi leh setanan sex a hman hi chu ka ring lo tlat! kan chhunzawm zel dawn nia..
12
kawlhawk Says:
December 8th, 2011 at 12:17 am
Hmmm… ngaihdan a tam, pawmdan a tam! 😮
gud pos , ngaihnawm hrim2 e. (Y)
13
H.Vangchhia Says:
December 8th, 2011 at 12:28 am
#12 hi ka tawmpui mai ange hairehai 🙂

Tuna ka natna chu (a hming mai a ni):
http://i39.tinypic.com/ff8zys.jpg
14
kawlhawk Says:
December 8th, 2011 at 12:33 am
Hets! HV, engtizia nge ti ta… nang meuh?
15
H.Vangchhia Says:
December 8th, 2011 at 12:52 am
#14 a tliak keuh anh chu mawle. November ni 21 khan ka tipalh a, dam leh mai turah ka ngai a, a vung a reh tha duhlo riau a ka entir ta a… tunah mai khan in ka thleng chiah. An cher-na (cast) hi Aizawl a ka hmuh thi nen a danglam khawp mai. Duh2 rawng (color) a thlan theih a, tin, bandage angin synthetic fiberglass hmangin an tuam mai. Thlakhat tur ania, a ninawm dawn khawp mai… fracture mai2 mawle..no big deal
16
Asteric™ Says:
December 8th, 2011 at 12:55 am
Pu Hv chu…Hmannna kolkata a bang emawni i hnek thi na lai kha a ruhseh a chhuak aniang 😀 :tîk:
17
kawlhawk Says:
December 8th, 2011 at 12:56 am
kei pawh, hei GMI a ka kutzunhte-u ka nem ulh sual kha tun thlengin a la vung a, ka char ngil thei lo a, ka thlep thei hek lo, ka tuar/palzam vel mai2. zunglai aia lian mahin a vung luk reng mai… 🙁
18
lrpa Says:
December 8th, 2011 at 12:56 am
Ban elh tuina tawk vel chauh ani kha 😀 tuam lo pawh nila thliin a chhem dam hrim hrim 😛
19
lrpa Says:
December 8th, 2011 at 1:11 am
serious deuh hlek in..ngaihruatna/ logic hman angai a hetiang inhnialna ah hi chuan..Evi leh setana te hi an in ‘kherawlai’ kher hi chu ka ring lo deuh a..logic zelin Kaina leh Abela kha, adama fa lo nita se..khami hnu ami kha setana nena anin ‘kherawlai’ hnua evi fahrin lo ni ta se…engvanga Jada hnam hi Pathian fate an lo nih bik te pawh hi a chhuizawm theih mai theih e..
20
zualbonez Says:
December 8th, 2011 at 1:18 am
#19 chu i va serious ve…vawkte i hem kang leh tawh ami 😉
21
lrpa Says:
December 8th, 2011 at 1:23 am
@ 20, teuh lo mai..tunzan chu ka vawkte loh zan..i dam tha maw? i reh vung vung a..thiante chaw bar liam hi chan loh tur ani aw..mate.. 😛
22
CFL Says:
December 8th, 2011 at 1:37 am
He post chu ka awih zâwng a ni hauh lo. Nuih a tiza mange. Engpawh nise, thil thlir dân thleng hian phâk zâwng te te hi a awm ve a.
23
sheldon Says:
December 8th, 2011 at 7:10 am
Kei chu ka hrethiam ve mang hlek lo :-O
24
lr hlonchhing Says:
December 8th, 2011 at 7:16 am
THLIPNA ni lovin TLIPNA ni zawk awm tak a ni. :-O
Anyway, (Y)
25
PKfanai Says:
December 8th, 2011 at 12:29 pm
Hetiang lampang post te, Pu Hnam sakhuaa post ang te hi ka hnial vak vak duh tawh lo rih teh ang. Tunlai post a tam loh thin em hi a. Han ti zel hlawm teh u. Pu Zohoa pawhin a rawn tih ngial thin tawh kha.
26
Huau2 Says:
December 8th, 2011 at 1:13 pm
Tlai khaw hnuah kan comment ve teh ang..
Hmai chhan a han sawi dun ka chak khawp mai, I pathian thu lak dan hi mak ka ti tawp thei lo.. Evi leh Setan-a sex hmang a I hriat chhan hi khawngaih in han sawi fiah tak tak teh,a bung leh chang felfai fek fawk in, eng kohhran ho emaw (1-3 a buai ho) tih ang a dik tir phet tum a Bible chang hran hran a mi daih in relate tak tak lo atang a sawi kual vak vak lovin.
Ka awih lo! (N) :-[
27
Msi Says:
December 8th, 2011 at 1:52 pm
I ngaihtuahna i seng hnem hle ang ka ti…hetiang taka i hriatthiam tirh hian i lawm viau ka ring ka lawmpui che 🙂

Thil reng reng hi..a tawngtu tak kan nih loh chuan a awmzia dik tak hi hriat theih a ni meuhlo in ka hria..

Kei chu Pathian in mihring a siam a, DUHTHLANNA a pe a. Chu duhthlanna kan hman dan chu kan thu thu a nia, mahse min HMANGAIH em avang hian kan thatna tur lo chuan ro a rel thei chuang lo a, a FAPA min pe a, chu chu kan rin a, A lam kan hawi chuan kan sualna a hre reng tawhlo tihah hian ka lungawi viau ni.. 🙂

Sakhaw lehkhabu reng reng chip chip hi chuan bo tulh tulh a awl..
28
ltachhakchhuak Says:
December 8th, 2011 at 2:58 pm
La publish loh a maw ka tia,hnuailam ah publish alo ni daih mai a.ka rawn lut tlai ta a ni.

Thei ei avanga saruaka awm thinin saruak a awm an han zak ta thut maina sensitive leh nerves kha mak tak mai chu a ni.Keichuan thei mai ai chuan SEX a nih ka ringmah zawk a ni.

Mahse BIBLE chhui tum ber erawh a nilo a,ADama te nupa fa pawh a sawi tum ber a nih loh a vangin mention loh mai zawk a ni.
29
ltachhakchhuak Says:
December 8th, 2011 at 3:06 pm
#19
lrpa

Kaina leh abela pian hnu,Abraaham pian hma khan PATHIAN FATE anlo awm ve daih tawh bawk a sin(Gen 6)
30
ltachhakchhuak Says:
December 8th, 2011 at 3:09 pm
#24,ka lawm lutuk e.Ka blog lama ka dah chu ka siam tha nghal e
31
Asteric™ Says:
December 8th, 2011 at 3:10 pm
The Giant (Nefilim), Fallen angels te thlah ho an awm 🙂
32
ltachhakchhuak Says:
December 8th, 2011 at 3:32 pm
Giant ho hi thlirdan te :

1.”Sons of God” refers to fallen angels who lived on earth and married human women. The Nephilim are giants of extra-human strength who were the offspring of these marriages.

2″Sons of God” refers to descendents of Seth, who were godly men who sinned by marrying descendents of Cain, who would have been pagans. The Nephilim were simply “heroes”, not giants, and may or may not have been the offspring of the mixed marriages.

3.”Sons of God” is better translated as “kings” or “sons of nobles” and “Nephilim” is best translated as “princes” or “great men.” That is, the “sons of God” were royalty or aristocrats who were generally immoral and married common women, possibly against their will or despite their already being married.
33
Seether Says:
December 8th, 2011 at 5:56 pm
I ziak thra thin hle mei (Y) ka van contact duh che,engtin nge kanin contact ang?
34
Seether Says:
December 8th, 2011 at 6:00 pm
Isua chhandamna kan chan toh hnu hian, Sual DNA kha keimahni ah ala om a,mahse Chhandamna thiltihtheihna khan sual TI tohlo turin min hum bet ta ni in ka hria,insumtheihna te,a thratloh zia hriatna te kan lo nei ta a, ni em?
35
PKfanai Says:
December 8th, 2011 at 7:02 pm
Han ngaihthah deuh tum pawh hian, a kan hian min kang ta thin a, kan tawng chhuak leh nge nge ang e:-
1. History Record na bu te zinga kan Bible danglam bik em em na chu, Lalte thil ti dik loh leh nalh lo deuh te pawh, pehhel awm miah lovin an ziak lang kilh kelh hi a ni. Lal dang te chuan, ziaktu bik neiin an thil ropui tih leh an hnehna chan deuh chauh ziakin, a funkim lo deuh thin a ni. Kan bible-ah erawh chuan, Evi leh Adama te bawhchitna te, Kaina sualna te, Abrahaman a bawihnu a mutpui dan te,Lotan a fanu te a mutpui dan chanchin te, Juda’n a mo (a fapate nupui) nawhchizuar amaw ti a a mutpui dan te, Samsona te, Ahaba te, Davida uire thu te, an nupuite an pawl chanchin te, pawngsual chanchinte kim takin zep nei lovin an sawi lang pawp pawp mai a ni. Setana hian Evi hi ‘pawl’ ni ta se, “Setana chuan Evi chu a pawl a, tin, a lo rai ta a tih a inziak em em ang.
2.Pathianin a duh ber chu ‘a thu awih’ hi a nia. a huat ber pawh, a thu zawm loh leh hnial kalh hi a nia. a thu ai a Setana thu dik zawk leh tha zawk anga ngaih ngat phei chu, Pathian han ngaihzam theih mai mai chi a ni lo.
Engpawhnise, hetiang ang, tunlai theology thar eng eng emaw in rawn phochhuak thin hi a tha phian tho e. mahse, tute emaw rinna chaklo deuh a huai sual palh ang ti hi ka lo hlau deuh thin a.
36
ltachhakchhuak Says:
December 8th, 2011 at 8:54 pm
#35
PKfanai

Pathian hian a hmangaih ber a ka hriat chu A THU hi kei ni ta berin ka hria.

Eden huan atanga mihring hnawhchhuah an nih tak chhan pawh kha ei thianglo NUNNA THING ami thei chu lo a an ei a,mahni a intidam anlo nih a hlauh leh zel vang ala ni cheu(gen 3:22-23).
37
ltachhakchhuak Says:
December 8th, 2011 at 8:58 pm
#34
Seether

Inhmuh ava chakawm ve le.Ka rilru pu ang ti ti pui hi nuam ka ti a sin.Ka facebook username hi ka sawi chuan min hria an tam lutuk ang tih ka hlau deuh bawk sia.Han inkawm te te phawt ang aw. (C)
38
PKfanai Says:
December 8th, 2011 at 9:02 pm
@36,lta, a dik a lawm. Lal Saula paihthlak anih chhan te kha a ho amaw kan ti thin a, a ho lo teh mai a nia. A thupek ang thlap thlap a, chet kha a duh a ni. Mahni ngaihdan leh duh dan anga lo modify ve ngawt chu a chi miah loh. Jona te kha ngaihtuah teh, a thupek ang chiah a a tih hma kha chu a umzui ngat ngat peih kha. Setana hian a kalh char char bawk a. Ramhuai man ho pawh hi, an thusawi hi engkhaw sawilova kalh char char mai hi a dik an ti thin. Pathian an/tluk kha Setana chak ber a nia. Chu rlru chu mihringah khan a tuh ta chiah a ni.
39
sheldon Says:
December 8th, 2011 at 9:05 pm
A bul atangin ka chhiarchuak leh vek a, mahse, ka hrethiam pha ve meuhlo tak tak ani e. Thei rah ei leh sex tihlai tak khi – ‘Theirah ei thianglo ti a Pathianin a hrilh kha rul in Evi kha eitura a thlemthluk avangin Evi khan a ei a, Adama a eitir ve leh a…’ tih ang zawng hi kan Bible in min hrilh dan a ni mai a. Kei chu ka ngaihtuah ve a, ka buai nuaih, hrethiamlo :-O
40
ltachhakchhuak Says:
December 8th, 2011 at 9:16 pm
#39
sheldon

Asteric post a i tih ang deuhin i chhaih peih tawhlo a niang 😉
41
sheldon Says:
December 8th, 2011 at 9:20 pm
@ltachhakchhuak, Asteric nen in post a inanglo. Ka thuk lo lutuk, in han sawi a, ka rawn ‘interest’ ve leh hluai a, ka chhiarnawn leh a, ka hrethiam pha lo aniang :-O
42
ltachhakchhuak Says:
December 8th, 2011 at 9:28 pm
#38
PKfanai

Ni e,PATHIAN AN DUHNA tih hi LUCIFER MANIFESTATION tih ka post a ka ziah chhan ber kha a nia.Setana chungchang ah khan kan inhnial ta vak hlawm a,a MANIFESTO lai te a hi a pawimawh ka tih leh ka thlur lai tak chu a ni.

PATHIAN ANPUIIN MIHRING A SIAM A(GEN 1:26)

PATHIAN ANG INLO NI MIAL DAH LO MAW(GEN 3:4)

Khi ta tanga lo lang ta chu Pathian ang tawh sa mihring chu
Pathian la ang ngai miahlo angin PATHIAN ANG INLO NI MIAL DAH LO MAW tiin a thlem a,mihring chuan a nihna dik(pathian anna0 chu a ring hlel a,diklo takin(chapona) pathian chu an alo tum ta zar zar a ni.

ANG/An(IMAGE/PHANTOM) pawh sawi tur ala tam khawp mai.

Pathian kan anna chu ruach(spirit/ghost/thlarau) ah te chauh hian a nia,Setana’n mihring Pathian an tir a tumna kha chu pskhe(soul/taksa/tisa) lam daih hi a ni cheu bawk!!!!
43
PKfanai Says:
December 8th, 2011 at 9:30 pm
Leh lawks: Mari khan, “Lalpa bawihnu ka ni, i thu ang zelin ka chungah thleng rawh se” ti thei lo ta se, Van Lal Fapa lo pianna tur kha a buai nuaih thei dawn a. Lal Isua khan, “Nimahsela keima thu ni lovin, Nangma thu ni zawk rawh se” ti thlap thei lo ta se, Pathianin Mihringte min Chhandamna tur atana a kawng buatsaih kha a buai vek thei dawn a ni. Lal Isua ngei pawhi, “Lalpa Lalpa, min ti nazawng chu Vanramah an lut tawp lovang, Ka Pa van ami duhzawng titute chauh an lut ang” a tih bawk kha.
44
PKfanai Says:
December 8th, 2011 at 9:31 pm
@ 42, kan thu a inhmu ta viau e.
45
ltachhakchhuak Says:
December 8th, 2011 at 9:36 pm
#41
sheldon

I tan,Eden natna chu sex avangin alo awm tih te hian ka tlip nawn mai ang.Chu thisen chu a chhuah vekloh chuan NUNNA a awm thei lo a,NUNNA chu THISEN ah a awm tih leh THINLUN HI BUMHMANG,CHHELAI LET DER A NI tih te nen hian a dik zual deuh deuh!

THISEN chhunga CELLS,cells chhunga CHROMOSOMES,chumi chhunga GENES,chumi chhunga DNA,charecter carrier avang chuan mihringah ngaihtuahna sual te,inngaihna te,rukrukna te,tualthahna te,hurna te,itsikna te,saichhiatna te,chapona te,atna te hi alo chhuak thin ta a ni(Marka7:21)!
46
ltachhakchhuak Says:
December 8th, 2011 at 9:41 pm
Sex cells chhungah DNA chu XX leh XY combination atang Offspring,chu chu generation tharlam,RUL THLAH TE CHU AN(MIHRING) NI(mat 3:7)
47
ltachhakchhuak Says:
December 8th, 2011 at 9:42 pm
#44
PKfanai

Kan vei a in ang a ni mahna le. (C)
48
sheldon Says:
December 8th, 2011 at 9:45 pm
@ltachhakchuak, a dik alawm. Mihringa sualna bet tlat hi mihrinna chauh chuan kan paihbo theilo chu anih hi. I post a tha in a ril ka ti.
49
lrpa Says:
December 8th, 2011 at 9:50 pm
@ltachhakchuak,
I thil post hi i rin tak tak ka ring lo. Nunna thing khan awmzia a nei nang le ti ngawt te chuan.
Thingrah kha hmeichhia khan mipa kha a eitir ve ngei ani. 🙁
I rindan ang hi thluak vaivir nasa deuh ho in an rinthu a an lo sawi thin ang tho ani. Pathian in huat ber chu ‘TI SUH U’ a tih an ti lui kha ani ber awm e.
50
Eve Says:
December 8th, 2011 at 10:03 pm
Eden natna hriat dan theuh theuh a va in ang lo ve le…!!!

Aw nang Eden natna veitu kha, lokalin va in thuai la….kalvari tuifim tak chu….i thinlungah a luang ang tih hi ka hriat ve a ni mai a….

Kei chu Bible chiah hi a nih danin ka pawm top.. Apokrypha pawh hi ka ring lo.a ngaihnawm ve e ka ti mai…

Lta thuziak pawh hi thawnthu ngaihnawm ve deuh chu anih hi….Ei a har talh talh hle mai,a khal tlat

51
ltachhakchhuak Says:
December 8th, 2011 at 10:04 pm
Nuna thing hian awmzia nei teh meuh mai.Kei chuan Pathian hi Vantirhkoh/Elohim avanga Omnipresent ah ka ngai a,kha nunna thei kha Pathian chu ni tho mahse kha YHWH taka chu ka ti theilo.

Chutiang chiah chuan A CHHIA LEH A THA HRIATNA THEI hi chu Setana ni chiang bal biklo,mahse a domain chinah chuan amah ang tlukin kha THEI kha a hmang thei tlat tih hi 100% velin a chiang kawp mai.

Logic tak mai pawn kha Thei pahnih kha Pathian leh Setana a tih theih ta a nih chu.

NUNNA THING HLUTNA:

pathianin mihring a hnawhchhuah chhan chu Nunna thei an EI a hlauh vangin,a awmzia chu Pathian leh mihring karah COMPETITION a awm dawn tihna a nia.

SETANA TUM:

Thei ei tir ringawt kha a tum hauh lo,Nunna thing kha ei tir leh sak a tum a,Mahse Pathianin an ei loh nan a hnawtchhuak hman a ni.(gen 3:222-23)
52
lrpa Says:
December 8th, 2011 at 10:09 pm
An lo ei nange? Nunna thing ka tih chu Chhia leh tha hriatna thing kha ani! An in ang reng lo mi?
53
ltachhakchhuak Says:
December 8th, 2011 at 10:17 pm
Ang reng e,an ei avang a an saruak zah pui kha a logic lo ltuk lo maw,universal truth tur pawh a past history nen compare-in thil ni theilo hul hual a ni a sin.
54
lrpa Says:
December 8th, 2011 at 10:22 pm
Saruak hi mak ve deuh asin..porn star kan tihte hian an zak miah lo a, mahse enganga hnam mawl, ziak leh chhiar pawh thiam lo, mawl em em, lo neihna chang hre lo te pawh hian ruak ngalngat hi chuan an awm lo khawp mai!
Mihringin ruak a awm kan zah loh lai chu chhia leh tha kan hriat hma, kan nausen lai hi ni ve tlat asin..
Tin, ramsa te hian ruaka awm hi an pawisa map lo bawk..haha
55
ltachhakchhuak Says:
December 8th, 2011 at 10:31 pm
Hahaha,ramsa te leh lei hi mipakhat avanga an chhe dawng a nihna hi kei chuan tihian ngaihdan ka lo zam daih a sin.

Eden natna chu mihring taksa(psykhi) ah a nia,Hremna chu surrounding atanga lo kal a nia.

Hremna chu thilsiam engkim mai atang mihring hian a dawng ta zel a,a chhan chu an domain tur ah an hmabak an hlenloh vang a ni!!!! (H)
56
PKfanai Says:
December 8th, 2011 at 10:36 pm
@53,’Chhia leh Tha hriatna thei an ei avanga an saruak an lo zahpui tak kha, a Logic lo niin in hre tlat mai hi in buaina tak chu ani reng a ni.
Gen.2:25 kha en la, “Tn, Adama leh a nupui chu an pahnihin saruakin an awm a, an zak lem lo va” tih a inziak kalh a. Ramsa leh rante hi Saruakin an awm a, an zak hauh lo mai.Chia leh tha an hriat hma kha chuan saruaka an awm kha ramsate an zaklo ang thovin an zak hauh lo tih a hriat theih a. Amaherawhchu, Chhia leh tha hriatna thei an lo ei tak hnu khan, zah nachang an lo hre ta a ni.
Tin, Sex an hman tak avanga lo zak thar ta tht ang hian in ngai thin a. Ramsa leh kan ranvulhte hian sex an hman hian an zak ngai lo. Tin, Gen.1:28 ah khan, Pathian khan inthlah punga,leilung lo luah khat tura a tih tlat avangin, Sex an hman loh kha a rinawm lem loh. Mihring hmasaber nupa te kha Ramsa angmai a chak tak a inthlahpung tura duan leh Pathian malsawm dawng anni tlat.
57
ltachhakchhuak Says:
December 8th, 2011 at 10:36 pm
Sarauk chungchang ilo zeh khi chu a huam zaulo mah mah ka lo ti mai mai.Ramsa te hian an inpawl lai te hi hmuh an zak ve reng thin tih chu nang pawn i hriat ka ring.Saruak zahpui tak tak mihring erawh chuan a rukte a an siam hnu mipui zinga tlanzarh chu an tihdan fo a nia lawm.Mahse mipui tak tak zinga saruaka tlankual nul nul tur chuan”ka habit a lawm’ an tih chu ka ring hauhlo mai!!!
58
lrpa Says:
December 8th, 2011 at 10:42 pm
Eden natna kan tih thin, sualna neilo atanga sual a kan pakai lai vel hi hriatthiam a har khawp mai. Pathianin mihring min siam khan tuna kan rilru, ramsa te aiia chungnunna hi kan nei sa anih hmel a. Pathian ‘Image’ a siam kan nih avangin. Pathian hi ‘thlarau’, mihring mit a hmuh theih loh anih avangin kei ni pianphung ‘zawng’ nena danglamna nei vak lo hi Pathian ‘image’ anih hmel loh a. Pathian image chu ‘kan thlarau’ zawk a hi anih hmel!
Carl sagan chuan ‘we are star stuff’ ati, awmzia chu kan taksa hi he lei leh arsi te siamna hmanrua vek ani. Kan taksa hlut zawng hi 5 dollar vel lek ani awm e..
Tlem a ka ngaihtuah chang hian setana hi a awm tak tak angem? ti zawk hi ani. Engkim hian opoosite a nei a, entirnan kan universe ah pawh hian black hole te a awm a, heng hi thil awmsa opposite an ni mai a, physics ah chuan anti matter te an ti leh a.
Pathian in Chhia leh tha hriatna thing a tih kha mihring tan a chhia hriat hma ami ani tlat mai..ngaihtuah thui deuh chu angai awm e :-S
59
ltachhakchhuak Says:
December 8th, 2011 at 10:43 pm
#56
PKfanai

Gen 1:28 ah chuan chi tam tak thlah a,leilung luahkhat turin mihring chu a ti a,sex chu an hmang ngei dawn a.

Bung 2:25 ah chuan saruakin an awm a,an zak lemlo tih a ni leh bawk.

Bung 3:16-ah hmeichhe naupai hrehawmna chu tihpun a nih thu alang leh bawk a,tihpun hma history ah chuan fa pawh an nei tawhin Evi hian hrehawm ve takin alo hring tawh thin tih a lang bawk!Mahse saruaka lo awm fo tawh,sex pawh lo hmang fo tawh.

Mhase Thei an ei hnu khan an saruak an zahpuina chhan khan sex diklo taka hman a nih loh chuan eng dang vak ni turin ka hrelo.

Ramsa ten an tawrh ve zelna hi chu a chunga ka sawi ang deuh khian an domain an tlinloh avangin hremna anni ve mai!

Thilsiam zawng zawng nu chu Evi a nia,SIAM awmchhun lo lang chu Mihring chiah hi a ni.
60
PKfanai Says:
December 8th, 2011 at 10:43 pm
57, Ramsa leh Ran ten Sex an hmanin an zak thin tih ka lo hre ngai reng reng hlei nem. Tihbuai erawh chu an hlau ve khawp. Zalen tak leh rilru ngaihngam taka sex hman te chu an duh ve ni chuan a lang An zah ngai chu ka hre lem lo.
61
ltachhakchhuak Says:
December 8th, 2011 at 10:47 pm
#60

hahaha,ani tho mai (Y)
62
ltachhakchhuak Says:
December 8th, 2011 at 10:51 pm
58
lrpa

Kha thei kha kei chuan Dualism awm tir kan tum ta rau rau a nih chuan hebrai 10;22 a mi kha ka pawm tel.

CHHIA LEH THA HRIATNA THALO/CHHIA LEH THA HRIATNA THA
63
PKfanai Says:
December 8th, 2011 at 10:56 pm
59. Tichuan, ‘Chhia leh Tha hriatna thei’ chu Sex hman dikloh tihna angah i lo ngai ta mai tihna ani maw!!. Setana bumna ‘Thi teh suh e’ a tih rim kha a nam rem rem deuh lo maw?. Bible in huan lai takah a chhia leh a tha hriatna thei a awm a, chu thei chu Pathianin, “In ei tur a ni lo, tawh pawh in tawk tur a ni lo, chuti lo chuan in thi ang” a tih kha, awih tlang mai lovin, Setanan “Thi teh su e” a rawn tih kha an awih zawk ta tlat a, Pathian khan a BUM niin an ngai a, Pathian khan DAWT a hrilh niin an ngai zawk ta tlat mai kha ani SUAL tak mai chu.
Gen 3:7 ah Thei an ei veleh khan, an mit a lo var a, Saruak anni tih an lo inhre ta a, an zahmawhte kha khuh mawi nan Theipui hnah an lo feng ta mai a nih kha. A hma pawha Sex lo hmang fo tawhin an zah thar thut nachhan tur a awm lo. A chhia leh a tha hriatna thei Pathianin ei a phalloh ngei mai kha an lo ei a, saruak anni tih an lo inhre ta mai zawk anih kha.
64
zoho Says:
December 8th, 2011 at 11:01 pm
A thulaimu chu ka pawmdan kha a ni a, i interpretation thenkhat erawh chu pawmloh ka nei thung. I tlipna kher kher khi…. pro-Oneness leh kher zel a…. 😀
Kan thisen(genetic, DNA) lo mutate tak avangin pure blood chu kan mamawh alawm, chu chu Isua kha perfect Adam ang chiah chiah a lo nihna chhan pawh a ni, mahse engvang a Pathian YHWH thisen kher kher a tlan chu han demand lui tlat nge maw i nih le? Evi te khan an bawhchhiat hma khan sex lo hmang in fetus lo insiam hman se, pure blood a lo awm tawh dawn tihna asin. Chuti a nih chuan cchu pawh chuan min chhandam thei nghal der.
65
ltachhakchhuak Says:
December 8th, 2011 at 11:05 pm
Kei chuan an thuawilohna kha sualah chuan ka puh a lawm,mahse an natna(thihna/taksa natna/taksa hrehawmna) kha sex tello hi chuan a fuh ka ti thei thlawtlo.
66
ltachhakchhuak Says:
December 8th, 2011 at 11:08 pm
#64
U zoho

Sim teh khai 😛

An rawn kuai lut ang tih ka la hlau teh a nia khi tiang zawng khian
67
Asteric™ Says:
December 8th, 2011 at 11:10 pm
Command disobey a ni tih pawm hi a harsa vak in kei ka hre lo. Setana leh Evi conversation zawng zawng kha chhut nawn leh ula, Setana dai theu tumna chu Pathian dan engmah lova chantir a ni. Sex lam aiin Pathian zahawmna paihthlak tumna lam zawk a ni.
Thuthlung tharah Isuan Evi leh Adama bawh chhiatna ngaihdam leh theihna tura hna a rawn thawh pawh khan “Thu pek zawm” a ni a thupui ber. Setanana’n Isua chhandamna hna thawh tur ti á¹huanawp tura hna a thawh á¹uma thlalera Isua a thlem pawh khan “Thupek” tlansan tur bawk a ni.

Salvation hi Sex nen a in relate lo Law & Order ah zawk a ni a in nghah ni.

Sual zawng zawng Pathianin a rawn reveal khan, sex aiin Law a hmasa daih. Sual bul pawh dan bawhchhiatna atanga lo in tan a ni. Chutiang chiahin mihring sualna bul pawh dan bawhchhiatna ni.
68
PKfanai Says:
December 8th, 2011 at 11:11 pm
Good night phawt u. Naktuk zing lamah lo chhunzawm leh ka tum ang.
69
ltachhakchhuak Says:
December 8th, 2011 at 11:11 pm
Sex kher lo a natna inkai dan hi tam tak mawle.Sex zel nise felhlel tur a awm dawn tlat.Thisen chu a tel ngei mai.Mahse Sex avanga inhabitat vek tur chuan a ni thei dawnlo,chulo chance chu a tam khawp mai.
70
zoho Says:
December 8th, 2011 at 11:13 pm
Inherited sin kan pawm a, genetic engineering kan pawm bawk si chuan, original sin hi sex related anih kan pawmlo leh si a nih chuan keimahni leh keimahni kan inkalh tihna a ni tlat alawm.
Pathian in sexual perversion a huatzia te, Ramhuai leh sakhaw diklo reng reng biakna a sexual perversion nasat zia leh compulsive sexual behaviour leh thlarau sual inzawm zia te hi chik chuan a dik lo theilo a ni.
Blind Faith lutuk a, Bible ah a inziaklo tih leh rikngawt, thildang a Bible a inziaklo pawm kan ngah khawp tho si hi maw.
Inherited sin sawifiah dawn chuan hei hi hriatthiam a ngai, thuisawilohna ringawt a inherit theihloh, inherit lo lo ni ta se, Pathian in an fate zel thleng a a hrem a thiang leh si lo bawk.
71
ltachhakchhuak Says:
December 8th, 2011 at 11:14 pm
#68
PKfanai

Gudnyte,cherub ho chuan veng che rawh se (*)
72
ltachhakchhuak Says:
December 8th, 2011 at 11:21 pm
Corrupted DNA-in a pawlh ve loh chu an awm ngei tih kei chuan mihring zingah an awm tih ka ring khawp mai.

Mahse Mihring tlan tur hian a chhuah tir phal hi kei chuan ka zu ring tawh hauhlo,eg.ka fanu phairamah pawngsualin a thi a,ka fanu dang te chu phaia kal tir ka phal tawh aw zawnglo ang vel hian ka ngai.

Mahse chu chu Pathian tum a ni lo a,bible sawi tum pawh a nilo bawk. Sex avanga tlu tawh daitheu turin chuan Pathian lo chu a awm ngang lo a,chhinchhiahna phelh zo reng an awm heklo(rev).
73
Asteric™ Says:
December 8th, 2011 at 11:25 pm
Sual hi inherit a ni lo, “As a whole” in lo la piang lo leh piang tawh zawng zawng pawh kha Pathian mithmuh ah Dan avangin misual vek kan ni. Science dan anga thisenzama fan nilo in, Law avanga engtiklai maha mifel anga chhiar theih tawhloh kan ni zawk, chuvang tak chuan a ni Isua chhandam tawh hnu pawha rorelna kan la hmachhawn a ngaih.
Isua chu Mari lai hrui ah a rawn pianga, Mari hnute tuia chawm niin Mari thisen zawmpui a ni….mahse Pathian thu chuan “sual pu taksa reng reng nei lo, mithianghlim leh bawlhlawh kai lo” a ti. Mari thisenin a zawm avang khan a inherit lo nasa nih chu.
74
ltachhakchhuak Says:
December 8th, 2011 at 11:30 pm
#73
Asteric

Dan bawhchhiat kha sual a nih chuan Isua khan a bawhchhe nasa khawp mai OT dan,torah kha.A sual ngun hle dawn a nih chu a?!!!!!!!
75
lrpa Says:
December 8th, 2011 at 11:32 pm
kan ngaihdan a in persan deuh a, inhnial a har khawp mai..mahse DNA chuti kha ti tih vel hi chu tlem chuan thu puarpawleng deuh chu ani..
Asteric a sawi hi ka ring khawp mai..
76
Asteric™ Says:
December 8th, 2011 at 11:34 pm
#74
Isua khan Dan pakhatmah a bawhchhe lo, “Dan ti bang tura lo kal ka nilova, tifamkim tura lokal ka ni zawk” a tih te. Baptisma a chan dawna “Dan zawhfamkim hi ka tan a mawi a ni” a tih te kha i chhiar lovem ni.
Pharisai te khan Dan kha engvanga lo piang leh Dan khan enge a phut ber an chiang hlawl lova, Action kha dan zawmna emaw antia Pathian a lungawi der silo. Thinlung lamah Pa dan chu a innghat zawka chu chu action in a zui mai chauh zawk ani tih Isua khan a rawn lan tir a ni.
Uire lunga denhlum tihte kha a deng tu tur te thinlung a zawh letna kha i chhiar telo em ni, kha a zawhna kha ni nei tura min duh chu. Denhlum ngawr2 kha a phut avanga kha dan kha siam a nilova Thianghlimna kan tawmpuina tura ti a ni zawka, mahse kan kalpel ta zawk a ni. Deng tu tur an thianghlim leh si loh chuan kha dan pawh kha engmah a nilo tihna nih chu.
77
ltachhakchhuak Says:
December 8th, 2011 at 11:39 pm
Tihian tichhin ang aw..Action(chawlhnia buh ei) tih vel kha chu i rawn hrut tawh a.Mahse Kross a thihna hi DAN TIHFAMKIMNA a nih dan hi e nge ni ta ang le.OT dan zawng zawng pawh huap zo DAN thar chu englai ber kha nge aw tih hriat ve ava chakawm em….
78
zoho Says:
December 8th, 2011 at 11:39 pm
Hairehai… ka connection han muan zia hiii….@Asteric@73- chuvang tak chuan alawm, Virgin birth hi ka support em em nachhan, Isua hi mihring gene leh DNA a siam a ni ve thianglo ta chiah reng a ni.
79
VaiVa Says:
December 8th, 2011 at 11:44 pm
He post comments chu saruak leh sex a va tam ve. A logic/rational zawnga chhût vak vak chu rinna chak lo, ngaihdan mumal nei lo, a sawi thiam a piang dik leh rau ber a ngai te pawh rinna chak lo, pluralism/ liberal lam hawi te phei chu vanram kai lo tur. Heng mite sawisel ching chu mi famkim lo te …. kan ti ni ber hian ka hria!

Eden natna chu eng ber maw?
80
zoho Says:
December 8th, 2011 at 11:47 pm
Lta@72- re”Corrupted DNA-in a pawlh ve loh chu an awm ngei tih kei chuan mihring zingah an awm tih ka ring khawp mai.”

Bible i kalh alawm le – Tumah mifel tak reng an awmlo, pakhatmah an awm hauhlo…….. Rom 3:9…..>> pure blood in fellohna kawng a zawh theilo, a zawh a nih chuan a DNA coding a bum thei tihna a ni mai…….
81
ltachhakchhuak Says:
December 8th, 2011 at 11:58 pm
#80

Zoho

Keichuan rom 3:9 hi chu mihring zawng zawng,pure blood leh corrupted blood ho kawk vekin ka hre lo tlat.
82
Asteric™ Says:
December 9th, 2011 at 12:00 am
Getsemani huana Isua tuar kha tumahin an hre lova, Bible pawhin a ziah chin chu a tlem khawp mai. “He no hi a theih hram chuan mi lak sawn sak rawh….” tih deuh zawng mai hi a ni a, a á¹awngá¹aina thuchham pawh a zirtirte khan an lo hre hlawm lo a ni awm e. A thlan thisena a far thu kan hmu a, vantirhkohin a hnem thu kan hmu bawk, kha kha tu in lar naa hriat tir nge ni ang? a hun lai khan a zirtir te kha an muhil deuhvek si a.

Khata Isua tuar kha tumahin an hriatpui lo. khata Isua tuarna kha Eden huan sual kha anih ka ring tlata. Mel-Gibson chuan The Passion ah khan (ama suangtuahna a ni mai ang chu) Eden hha thlan thisen anga lianpuia far leh thihna khawp hial ani a tih avang khan, Eden huan natna kha nih ngei ka ringa Pathian pawhin Isua kha a chhang lo chiang kher mai.
Ti chuan chhandamna chu a thawk taa, eng anga nasa in nge a tawrh Paula pawhin a hre lo. Isua tuarna ah chuan Pa a lungawia mihring ah hian a lungawi ta e tih sawina ka la hre lo, Isua rinchhan ah chauh a lungawi thu ka hria.

Chuvangin mihring te hi kan inthlah emaw thlahpung lo emaw Dan bawh chhiat avanga Pathian hawi san, Setana thlemthluk vantirhkoh 1/3 te a hawisan ang thova hawisan kn ni. Mahse sawi tawh angin Isua kan neia chu chiah chu kan danglamna.

Setana leh a hote hi an piang emaw piang lo emaw, an inthlahpung emaw pung lo emaw lamah Pathian a buai lo, hawi san an nia. An inthlah dana thisen zungzam lamah Pathianin a chhui sak vak ka ring lo. A tira dan an bawh chhiat kha an tuar a nimai.
83
Asteric™ Says:
December 9th, 2011 at 12:08 am
Edit: sentence kimlo belhna….

*Mel-Gibson chuan The Passion ah khan (ama suangtuahna a ni mai ang chu) Eden sualna nena in relate takin rul a rawn kal tir leh a, Setana a rawn thlem tir leh ta chiah a nih.
84
Asteric™ Says:
December 9th, 2011 at 12:17 am
Sawi peih tawh hrihlo, ka rilrua chian dan hi sawi tawi dan ka thiam lo 😀 mihring tawng chuan a har emai, vantirhkoh tawng a ngai 😉 Tin, a ngaithla tu thinlung pawh a in hawn dan a zir a ni leh a, chuvangin sawi tawh hrihlo mai ang.
85
zoho Says:
December 9th, 2011 at 12:18 am
@Asteric – Pathian thu sawi lai a, Mel Gibson 3:16 lo refer leh daih chu a…. hahaha…. fth.. 😀

Life-science leh bio-chemical engineering lam hi i thlauthla mah mah lo maw, mathematics leh physics hi i uar leh lutuk a, thil thenkhat ah hian blind deuh hian i ring leh tlat thin. 😀
86
ltachhakchhuak Says:
December 9th, 2011 at 12:18 am
“Thisen chu nunna”

“Nunna chu thisen ah”

A thu hi a danglam lo reng reng.Thisen ah khan natna(thihna) a awm a,chu chu kros lera a thisen chhuak kha chu mihring zingah a danglam zak mai
Tui leh Thisen

“Min hriat reng nan ti thin rawh u(Uaiin_thisen ai ah)”
“Taksa ai ah Chhang”

Thisen chuan explicit meaning leh thuruk chu a nei chiang a lawm.
87
Asteric™ Says:
December 9th, 2011 at 12:22 am
#85 zoho…chu chu nia, ka comment ka edit lai khian ka enter sual nuaih alawm. Mel gibson khi pawimawh hmel ta lutuk a, haha…The Passion of Christ a Getsemani Scene ah khan kn rilru in an teuh em avanga example a set mai ka nia 😀

A chhan chu Getsemani huan ah khan Eden huan sualna kha a rawn reveal leh chiaha kha film ah tê khan 🙂
88
zoho Says:
December 9th, 2011 at 12:24 am
Isua Gethsemani huan a a thlan thisen ang a far kha life-science chuan a sawifiah nalh em em tho na a, mi thenkhat in an han spiritualize chho a, lei anchhe lawh pawh chu thisen thinghlim hmang a tlan a lo ngaih tho zia an an han sawi te pawh hi a ngaihnawm in hnawl ngat chu har deuh asin. June Baron – ramhuai hmei nen khan hmaichhan ah kan titi ve hrep tawh a, a sawi nasa mai.Ramhuai inthawi dan chi hrang hrang te.
89
zoho Says:
December 9th, 2011 at 12:28 am
Ramhuai sawi ang u…. draft a ka dah saw ka puitlin thei reng reng lo mai….. 😉 an phallo a niang… hahaha
90
ltachhakchhuak Says:
December 9th, 2011 at 12:29 am
#86

Mi ang khian THISEN hi corrupted chu alo ni ta a,DAN chu material leh action ai mah chuan thisen ber a kha a laimu chu a ni.

Thisen fimtha tak avangin sual chu kan pumpelh mai zawk a ni.

Davida inchhir tawngtaina hi aw…

“O Pathian,keimah ah hian thinlung thianghlim tak siam thar leh ang che”Psalm 51:10
91
ltachhakchhuak Says:
December 9th, 2011 at 12:33 am
Zoho

Ramhuai sawi al hunlo,zan a rei ve tawh em hi :-[ (O)
92
zoho Says:
December 9th, 2011 at 12:41 am
ka sawi dawn tho tho…. hehe…..
ramhuai aka evil spirit, disembodied spirit, thlarau sual te hian kawng 7 in min access thei, see, hear, smell, skin, taste & mind ….a pawimah ber chu smell aka breathe atangin a ni, ka sawi tum chu oxygen atom atangin a ni.
An access tum ber chu kan gene/DNA a an milpui code zuk trigger a ni, chu chu mizo in tleirawl sual kan tih hi a ni. Chu an milpui code chu Eden huan an khan an phumru daih tawh.
93
lrpa Says:
December 9th, 2011 at 12:42 am
😛 😛
94
zoho Says:
December 9th, 2011 at 12:49 am
^lo nui ringawt teh suh…. DNA an trigger chuan kan gland 5 te an thunun thei ta a, chu chuan emotion hi a control ta tlat a ni.
95
lrpa Says:
December 9th, 2011 at 12:49 am
😛 😉
96
ltachhakchhuak Says:
December 9th, 2011 at 12:54 am
Zoho (Y)

Ka support che.Mahse disembodied hi ka la chai miahlo mai .Sawi tur chu ka hre em em lo,mahse Mihringa Pathian an pui(phantom) hi chu ruach(spirit) a ni tlat a,evil ho hi chuan khawih ngam rua an ni lo tih hi chu a chiang khawp mai.

Mahse pathian anglo lam psykhi(soul) hi an bei ta chiah a,Hidden DNA ho chu generate turin evil ho hian eng emaw materials an nei ve tlat tih chu a chiang sa ah ka ngai hmiah mai.
97
lrpa Says:
December 9th, 2011 at 12:55 am
Zoho, i thil thlir dan hi ka hre thiam ve deuh rek ruak choh a, mahse pawngpaw ril lutuk hi a hlauhawm a, a chhan chu mihring leh science in a hriat phak hi a tlem si a…Pathian ropui zia hi kan hriat threlh hlauh chuan kan bo nasa ngawt ang..
98
zoho Says:
December 9th, 2011 at 12:59 am
huizzz… sawi dawn tawh biklo… nui thaw ringawt mai…. misual lutuk mai…. 😀 😉 😛
99
ltachhakchhuak Says:
December 9th, 2011 at 1:00 am
Lrpa , kan pawl ah lo tel ami rawh,thingpui ka lo inpui ang che (C)
100
ltachhakchhuak Says:
December 9th, 2011 at 1:03 am
Asteric hi khawnge a,a reh tak daih?A ngaihdan hriat ka chak a sin le.
101
mamboihi Says:
December 9th, 2011 at 1:07 am
Eden natna hi in va vei rei tawh e aw!! hei phekthar kan kai hial mai!
102
zoho Says:
December 9th, 2011 at 1:07 am
Lt… disembodied cc chu i hriat duh chuan gap theory lam i pawm ve pawh a ngai ang chu. Hmanlai chuan embodied anni thin .
lrpa… kan fiah em em mai hi a hlauawm na lai tak a nih chuan kirleh ngaihna a awm tawh silo a ni….ABC theihngilh luih leh tum ang vel a ni..
103
lrpa Says:
December 9th, 2011 at 1:15 am
enge maw kan sawi tak ber pawh ka hre tawh lo
104
zoho Says:
December 9th, 2011 at 1:24 am
He eden natna hrefiah te hian an sualzia, an tenawmzia, an nihna thatlohzia, Thlarau Thianghlim tello chuan penkhat pawh pen dik a harzia, pawnlam ah lang tha vur mahse an chhunglam a tenawmzia an hrefiah em em alawm. Kan thlahtu bul ten hmanlai in Pathian DAN an lo bawkchhia tih lam daih a ni lo, kan lo piangchhuak hi kan tenawm nghal hrim hrim,HIV+ te hi thihna ngei ngei tur natna pai ah kan han ruat a, kan han thinhrik deuh a, mihring lo piangchhuak hian a tih a tihdam rualloh NATNA a rawn kai ngal tih hi hrefiah ila, han inchhuang tur hi kanlo awmlo ngei mai………
105
century child Says:
December 9th, 2011 at 1:33 am
ka chhiar hlanin a lo tam hman phian mai,chhiar zel ang
106
Asteric Says:
December 9th, 2011 at 1:48 am
He Eden huan sual hi keichu a them ka hmu phak ruau ruau in ka hria a, mahse ka la hre tlem hle a ni. Hmanni chu ka hma ah India millionaire Building ka hmu a, chutih lai mek chuan ka ke bul lawkah Homeless child ka hmu a. Ka ngaihtuaha Same family kan ni a, same father kan nei a, minhringtu Adama pa chu Pathian a ni. Engtinnge he dinhmun in anglo lutuk hi kan chung ah a thlen theih? Ka chhui zela Eden bawhchhiatna lo chu dem theih ka nei lo. Eng ang takin nge an lo tihsuala Pathian hian min lo hawisana, a hrin a fate ngei dinhmun in thlau lutuka awm te hi a en reng theih le? ka ti a, fapa pahnih nei angin dinhmun inthlau lutuka an awm angten ka han mitthlaa…ana duh kher mai. Chu Eden bawhchhiatna chu eng ang taka thin ur thlak nge ni ang le? tiin ka in zawt fova, Bible-a inziah dan ringawt awih loh chang ka neia. Science anga chhui dik theih pawh niin ka hre lova, Pathian thin a ur thawkhat hle ang tih rinna ka neia, chu ti thinur tu ber thu in a thinlunga hna a thawhdan tur chu ka hre chuang silo. Ka awih loh ngawt dawnin Isua’n kha ti khawp khan a thluak/thinlung ah a tuara, thlan thisen far ang leh thihna khawpa rilru tina thei hialin a vei a ni si a. Mihring hriatthiam phak china he sual lo awmdan Pathian thirnurna in ṭan dan hi chhui chhuah mai mai theih niin ka hre lo. A effect hi a na em a sin.
107
TuaiSialA Says:
December 9th, 2011 at 2:45 am
Eden sual hi chu a hahthlak a nia.
108
zoho Says:
December 9th, 2011 at 3:27 am
Misual tharlam deuh tan hei post hlui ka rawn chhawp chhuak ve hrim hrim e……zzzzzzzzz
https://misual.life/2011/03/.....na-ani-em/
109
TuaiSialA Says:
December 9th, 2011 at 3:32 am
Ka tharlam bawk a, ka’n lut te’ng.
110
Asteric Says:
December 9th, 2011 at 4:19 am
Inchhuina hi a zahawm ka ti, mahse DNA corrupt ang hi chuan ka la hmin thei chiah lo a ni. THU PEK zawm loh hi nih ka la ring lian zawka. Thu pek zawm loh tih chuan an bawh chhiatna kha sex pawh nise thupek zawmloh vang chu ni tho tho tih chu ka hre tho a. Mahse he sual inthlachhawn zel hi tisaa thisen zawm vang nilovin, thu peka dan awm kan phatsan tawh avang zawka suala chhiar lo ni a, chu suala puhna chu nei ta reng ni ah ka ngai lian zawk tihna nih chu.
Pathian hawisan kan nih avanga thil tha hre lo ah ka ngai bawk a ni. Anihna takah chuan that hi kan tum asin mihring te hian, hnamtinin Pathian an zawnga an hmu lova mahse that an duh avangin pathian insiamchawp lo hnam kan awm lo.

Sual hrim hrim thisena hrin avanga kai nilovin, hawisan avanga thatna awmzia hre lova sual nita hian ka hria, kan zingah setana alo cheng tam ta zawk bawk si nen. Mahse Setana hian Pathianin min awmpui lo mahse direct in kan power/willingness erawh hi chu a khawih chhe thei chuang lo a ni, mahse Pathian a awmloh nanana chuan a thlem thiam thung.
111
Asteric Says:
December 9th, 2011 at 4:46 am
Pathianin Adama hnenah chuan “Tunge saruak i ni tih hrilh che…..Thei ei loh tur ka tih kha i ei a nimaw!” a ti a, Adama chuan “Hmeichhia mi awmpui tura i tih khan ei turin mi ti a ni” a ti leh a, Evi chuan “Rul in min tih der a ka ei ta mai a ni” a ti leh ta a. An inpuh kual chho ta mai mai a ni

An vai chuan Pathianin anchhia a lawh ta a. Pathian chu a thinur tak em avangin Adama a siam hmaa a thil siam dang zawng zawng pawh chu anchhia a lawh ta vek a, “Nangmah avangin khawvel hi anchhedawngin a awm a ni” tiin.

Sex nen chuan hmehbel thiam har ka ti khawp maia, Pathian thinurna nasa tak khi hriatthiam har ka ti zawk a ni. A nasa lutuka ka awih chiah lo nghe nghe a, mahse Isuan a tuar dan ka ngaihtuah hian awihloh ngawt chu har ka ti leh bawk sia. Chuvangin Isua tuarna hi hre lo ila chu ka awih lovang. Sual hnathawh avanga inherit hi mihring ah chauh a thawk lo, thilsiam zawng zawng ah thawk vek a ni.
112
Asteric Says:
December 9th, 2011 at 5:12 am
Thlarauthianghlimin Mari chhul ah khan eng sperm nge a zuk thun ang, Mari chi nen a in fertilize a ngem? Lo in fertilize lo ta se Mari ril nen a in zawm dawnlo tihna ni anga,(mahse i rila rah tiin an sawia). Mari ril nen a in zawm chuan Mari kha DNA corrupt nei a nih dawn avangin Isua kha pure blood a ni thei dawn lo a ni, Tin, Mari hnute tui ringa a awm avangin DNA corrupt chu a kai ve hrim hrim dawn tihna a ni. Chuti anih chuan Isua DNA pawh chu corrupt a lo ni dawna Holy Christ, sual reng reng pu lo taksa a ni dawn ta lo tihna nih chu. Mahse a ni tlat si a.
113
PKfanai Says:
December 9th, 2011 at 8:20 am
@112 . Pu Zohoa leh lta te Logic ang hi chuan, Isua kha mihring (Hmeichhia) atang ni loa a lo pian a ngai ang a,(Mari DNA kha a corrupt tawh awm si a) Pure blood bawk nupui nei a, an inthlah pun a ngai ngei ang.
114
ltachhakchhuak Says:
December 9th, 2011 at 12:24 pm
#106
Asteric

Kei chuan THISEN hi ka ring bur mai hidden ah chuan.Pure blood hi chu an awm ngei ka ring bur bawk a,chuan Corrupted DNA chu an awm ngei ka ring bawk.Lalpa zanriah atang hian a chiang khawpin ka hria.DAN chu nise DAn tih tur a tuk sak tur a nia,mahse a ni lo,An hriat reng nan THISEN kha an follow turin a dah thlap a ni.
115
Bawngtlaia Says:
December 9th, 2011 at 1:06 pm
Kawmen 73-na leh 112-na khi a va fuh leu leu ve !
Kawmen 104-na pawh khi law law teh ang ! !
116
ltachhakchhuak Says:
December 9th, 2011 at 2:25 pm
#115
Bawngtlaia

I rawn hrut thla nasa hle mai

Eden natna ah hian heng natna zawng zawng hi alo chhuak a ni ti ila ka sawi sual ka inringlo.

Helix DNA ah codon mumal lo tak leh a milhpui tur inphum ru chu demons leh evils ho te hian an lo carrier ve reng ang tih hi corrupted DNA rin chuan a fiah uarh mai mawle.

Heta tang hian mihringa sualna tam tak chu a chhan hriat theihna awlsam tak alo ni ta a ni.