mi(sual).com

Mihring vawih – Pum chhungah thil paitawih pahin gas a lo insiam ve reng a, vawih thei lo ila chuan kan ek a uih viau loh pawhin kan thawuih viau ta ve ang. Kan vawih paha ri lo insiam hi a tangkai tak zet a, kan bula midang awmten kan taksa atangin boruak chhia a rawn chhuak a ni tih an hriat theih phaha, warning tangkai tak a ni. A rawn chhuahna hi thawl tha tak ni sela chuan ri miah lo tur hi a ni, mahse chep tak kara inthlahrung tak chunga speed sang taka rawn chhuak a nih avangin a lo ri ta thin a ni. Ri lo se chuan thianho zingah pawh inhnialna tam tak a tichhuak ngei ang. Vawiha inpuh avanga insualna rapthlak tak tak thlengin kan chanchinbu vel a tial chiai chuai loving tih a sawi lawk theih loh.

Ti leh ta thin ila vawih hi silai mu, silai atanga kawh taka rawn chhuak ang a ni lo hlauh bawk a. A rawn chhuahna bulah mawng tam mual pawng pahnihin a karcheh avangin a mual han tuam tawk an awm lo thei lova, chu chuan vawih kalbing lutuk tur a veng a, thui lo teah a insim darh deuh vek thei phah ta thin a ni. Hei hian boruakah vawi density nasa taka tihniamin a tuartu tur tan pawh hahdam zawkin a tawrh theih phah a ni. Chuti ni lo se chuan tute ka emaw hnar emaw hla deuh zawk atanga invawih khum case a awm zauh zauh mai thei bawk.

Kan vawih hi boruak pangngai aiin a lo zang hlauh mai pawh hi thil tha tak a va ni em! RCC in pakhatah puitling 5 rual vawih ta sela, naute bawkvak thei chauh nei bawk sela, vawih hi boruak pangngai aiin lo rit zawk bawk si sela, chu naute chan tur chu ngaihtuahawm tak a ni. A sawi chhuak thiam dawn si lo, han let vel vak vak mah sela a awmna a hniam poh leh a uih tial tial mai dawn bawk si, boruak tha thawk tur nei lovin a thi lovang tih pawh sawilawk har tak a ni. Siamtu hian kan vawih pawh hi ropui takin a lo duang reng mai a lo ni.

Tips :

1) Vawih hi kan thianten sarangin an pack a, freezerah an dah khal a, ek them tlem a lo awm tih an hmuchhuak. Chuvangin a theih chen chenah vawih hi hip luh tam loh a tha.

2) Sumo chuan nikhuain vawih a inthlahrunawm loh. A bikin a hnunga thutin vawih mah ila, sumo chhung boruak vir velin thutna hnuai lamah keng kualin tlar hmasa bera thu Driver leh a bula kuhva siamsaktute a va ur ta thin zawk a ni. Hei hi vawi 2/3 lai proved a ni tawh nghe nghe!

3) Vawih ri(low or high tone) hi a lo control theih reng alawm le! Vawih ri Basic kan hriat a ngai. Mawngkaw tlang inhawng leh inkhar tawnsek paltlanga pum atanga boruak lo chhuakin a siam a ni. Mawngkaw tlang  hi second khata vawi 256 vel a inhawna a inkhar hman(inkharphui hmak hmak tihna a ni kher lo, tlema inhawng zau leh inhawng zim deuh tihna a ni mai) leh hman chuan C key-in kan vawih a lo ri ang. Chutiang deuh bawk chuan second khata vawi 440  vel a awm hman chuan A key-in kan vawih ri ret ret dawn a ni.  Heta tang hian vawi ri  a key ngai reng a nih theih lohna chhan a hriat tawh awm e. Puma boruak chhia  a lo tlem tial tial avang te, a nawrtu lam a lo chak lo tial tial avang te a ni thei. Tin, a vawihtu inthlahrungin a kua tizimin a kaw kotlang  tithen tam lehzualin ri zawi zawk(low intensity) mahse key sang zawk si a siam thei bawk tih kan hriat tel a tha awm e.

Similar Posts:

• Talent Hunt ka en ve
• Mimal holam
• Tial Tial
• Vawih Thawnthu
• Vawih

Recent Posts:

• Tu nge/Eng nge?
• KAN HLIAM CHHAR KHA AW!!!
• January 2013, Mizo(ram) Diary
• EIZAWNNA
• Pherh Fesawn

This entry was posted on Sunday, June 3rd, 2012 at 5:30 pm and is filed under Health.