mi(sual).com

“Hi Rahul, This is my new number. Sheela here.. how r u? Loooong time! ”

Rinmawia ka ni a, Rahul-a ka la ni chhin ngai lo. Mizoram sawrkar quota in, Tamil Nadu a engineering college tam tak zinga pakhatah ka zir ve a, ba nei ṭun chungin second year ka bei ve mek a ni. Hmeichhe lak aṭang hian sms hi ka dawng ngai lem lo a, vai hmeichhe lak aṭang phei chuan ka dawng khat lehzual. Sheela tih hmingpu hi kan class ah an awm lo a, sms chu a thawn tum loh zawkin ka dawng tih pawh ka hria. Engtinnge ka chhân ang tih ka ngaihtuah nghal chuk chuk a. Rahul-a ka ni lo tiin ka reply mai dawn em ni? Nge polite takin ka phone ang a, ka hrilh ang? Nge reply kher lo in ka dah mai mai dawn? Sheela hi a chhe lo viau angem le? A ngo angem le? tih vel ka ngaihtuah deuh duah hnu chuan chhân rih loh phawt ṭhain ka hre ta a, ka insum ṭang ṭang a, games ka khelhsan ta rih a.

A tukah chuan class aṭangin ka reply ta nge nge a. Vai ngaihzawng neih ve hrim hrim hi ka châkna a rei tawh a, tuna mi hi chance chu chhe viau mahse han bansan ngawt chu ka phal chiah lo a ni. “Hi Sheela.. sorry for the late reply.. had slept yesterday.. Im doin great.. wazzup?” tiin ka reply ta ngawt a, send ka hmeh rual chuan ka nui sak bawk a. A chhanna pawh ka hmu chawpchilh nghal deuh mai. “Hey! Im good 2…slept so soon?? I thot guys in IIT hostels dont sleep so early! Anyways, no problems..:).. where r u now? Bunked class? Its been ages since we spoke.. I guess we didnt talk after the school farewell??”

IIT? Ka phu deuh zawk mai. IIT-JEE kha chu ka ziak ve a, pakhatmah ka thiam lo kha a nia. Kha kha IIT ka luh teuh ber chu a ni. Sheela hian hunrei tak hnua Rahul-a a text leh chhan pawh a fiah nghal uar mai. IITian nih te chu kan chak a, zir peih chuang si lovin kan sawi kan sawi ania. A tak ni lo mahse IITian anga awm theihna hun a ni bawk a, inla confi zetin message dang ka type leh ta a.

“Yeah guys in IIT hostels dont sleep early. But you know Im not one of those nerds ;).. and yeah.. a looong time indeed..madam suddenly became super-busy after school :P”. Message ka type pah chuan keimah leh keimah chu i ti ṭha lutuk e ka inti mawlh mawlh bawk a.

“Ha ha! Me and busy? No way! And you not a nerd eh? Then how did u get to IIT in the first place :P?”

“Still trying to find out the answer. I actually asked my professor after I joined here. He said shit happens once in a while.. I guess that answers it ;)”

“HAHAHA. you r soooo funny :D”

“Chuck that. Hey btw..wazzup with u? What you doin these days?”

“Ah..Im like you.. in the process of wasting 4 years of my life.. I mean Im doing engineering..but not in the IIT! LOL”

“LOL. Yeah I guessed you would be doing engineering.. and Yeah not many people waste their lives in IITs Its reserved for the special (un)lucky ones!”

“Haha! You are in IIT and you are complaining? But its logical – guys in IIT are never satisfied.. thats why you end up in IIT in the first place!”

“Oh what a brainy girl..you deserve to be in the IIT :P”

IIT Campus hi ka la hmu miah lo a, IIT Madras campus chhungah ramhnuai a awm tih vel chu ka hriat ril pawl a ni. Mizoram quota ah pawh college chhe pawlah ka zir a, chuvangin IIT a lût anga han insawi vel kha a nuam ve laklawh tlat. Lecturer te hmuh loh laiin kan in text char char a, hriat loh karah chawhma a zo der mai.

Kan in text ngun tawlh tawlh a, ka phone chu ka khawih deuh chawt a ni ta ber a. Zinga ka thawh ve leh phone ka en a, Sheela-i aṭangin good morning message a lo awm thei zel a. Class ka kal a, kan in message char char a, lunch ei lai leh dinner ei lai bakah ka inkhelh lai tih lohah chuan Sheela-i message thawn leh a message dawn chu ka hna ber a ni ta der mai. Kan thil inhrilh a ril tial tial a, kan thulak dan a dang tial tial a, fiamthu titakin kan in bêm ta zeuh zeuh a. Amah ka la hmuh hma hauhin ka ngaina ṭan chu a ni ta der mai.

Zanrei tak tak thleng kan in text fo a, phone-a games ho tak tak khelh ka hrat avangin ka ṭhiante pawhin min rinhlelh nachang an hre lem lo. Ka roommate Lalmama hian thil engemaw hriat deuh chu a nei niin ka hria a, “I chhas i message a ni maw” hi a ti leh ringawt ṭhin a. Ngaihsam hmel fe a games ka khel ka tih tlat ṭhin avangin min zawt thui ngai lem lo. Kan inkhelh hlanin ka inbox a lo en palh ang tih hlauhthawn thilthu ah erawh Sheela-i nen kan in text na chu ka delete vek ṭhin a ni. Kan college ah hian Mizo 19 kan awm a, mipa hi 17 awmin, nula 2 kan nei bawk a. MZP in Mizorama ‘intih Mizo’ an thupui lai a nih vang pawh aniang, ka Mizo ṭhiante hi Sheela-i chungchang ka la hrilh miah lo a, hrilh pawh ka tum rih lem lo.

Midang hrilh ngam rih lo mah ila, Sheela- i ka atchilhna chu a nitelin zual telh telh si. Lehkha zir ka ngaihtuah thei lo a, mut ka ngaihsak thei lo a, a message dawn kha ka thil thlakhlelh ber a ni. Ka phone ka atchilh ang chiahin ani pawhin a phone a atchilh ve tih ka hria a, a chanchin kimchang mai bakah an chhungkaw chanchin, a nu leh pa leh a unau, a ngaihzawng hlui te thlengin min hrilh ve kilh kelh a, keipawhin ka thinlung chhungril bera ka thil pai, ka ṭhiante leh Mizopuite laka ka hrilh ngai loh pawh a lakah chuan ka leihbaw ve ta fo mai. Kan inngaina telh telh a, mahse zawhna chhân theih loh engemawzat ka nei ta. Hei hi hmangaihna a ni thei angem? Sheela-i hian a takah eng ang hmel leh pian nge a put ang? Rahul-a ka ni lo tih hi engtikahnge ka hrilh ang a, engtinnge ka hrilh ang?

Ka atchilh hneh ve tawh em avangin a hmelṭhat leh ṭhat loh chu ka ‘care’ vak tawh lo a ni ber a. Ka buaina ber chu Rahul-a ka ni lo a, hnamdang daih ka ni a, a hriatchhuah hunah engtinnge a tih ang tih chu a ni. Min ngainat tawh em avangin ka hnam leh nihna pawh a pawisa lo ve thei tho angem? Nge thinrimin police te hial min mantir duh zawk ang? Kan inkara thil awm hi hmangaihna a ni tak tak angem? Hmangaihna a nih leh nih loh hre tur chuan, a tel lo in ka awm thei nge thei lo ka hriat a ngai a, chuvangin Sheela-i tel lova awm ka tum ta a. Hunin chhânna chu min pe ang tiin a text pawh ka reply ngai ta lo.

A tir ni hnih ni thum vel chu a harsa ngat ngat kher mai. Message min rawn thawn deuh reng a, ka reply loh chhan min zawt deuh reng bawk a. A rei tawlh tawlh a, hrehawm ka ti tawlh tawlh a ni ber.

“Hey.. wassup?,”

“Hey..too busy or what? showing off that you are an IIT-an to me eh?”

“Thought you were not one of those nerds? , This is why I HATE IIT!. ”

Kar khat vel a message reply lo a ka insum hnu chuan thil pahnih ka hrechhuak ta. A tel loin ka awm thei lo a, hmangaihna a ni emaw, inṭhianṭhatna a ni emaw, engpawhnise, a tel lo chuan ka kim tawh lo a ni. Tin, ka be chhunzawm leh dawn a nih chuan thudik ka hrilh a ngai a, hriatchhuah hun a la neih dawn tho avangin a hma thei ang berin ka hrilh tur a ni. A nih nih kan ni tawh mai ang. Ka rilru ka siamfel hnu lawkah ka phone a rawn ri a, Sheela-i message a lo ni a.

“Hi.. look I dont know what happened to you all of a sudden.. its been a while since you contacted me.. I dont understand why you are avoiding me..but let me tell you one thing.. I dont think I can be normal without messaging you..I dont know what else to say.. all I can say is plzzz reply! Miss u “

Ka chhiar zo a, hlimna leh hrehawm tihna in ka khat a. Min ngaih avangin ka lawm a, keimah vanga hetiang teh hrep a paltlang avangin hrehawm ka ti bawk. Engpawhnise, thil pakhat chu a chiang. A laka ka rilru put ang bawk hi ka laka a rilru put dan a ni. Ka rilru chuan Rahul-a angin la awm rih rawh a ti a, ka thinlung chuan thudik hrilh turin min ti thung a. Ka inngaihtuah rei poh leh ka buai dawn tih ka hria a, ka phone chu ka la a, ka rilrua awm ang ang chu ka type pawp pawp a, ka rilru a inthlak hmain send button chu ka hmet nghal a. Ka message thawn chu hei hi a ni.

“Look Sheela.. I have a confession to make.. I dont know how to say this. I am not the guy who you think I am. I am not Rahul. My name is Rinmawia. I do not study in IIT. I am just another engineering student in just another engineering college like you. I realised the very first day you messaged me that I was not the intended recipient but decided to carry on. I know I was being cheap, but I didnt think it was wrong. It started as a timepass thing but it became much more than that over the weeks.. I dunno if you are fair. I dunno if u r fat. I dunno if u r good looking. I dunno if u r ugly. But I do know that I dont care. All I care about is YOU. And yes, I do know that I love you. You can choose to swear at me. You can choose to reject me. You can choose to accept me. But please do not choose to ignore me.”

Ka message chu chhiar pawh ka chhiar nawn lo. Ka maimitchhing ringawt a, a rawn reply theih dan chi hrang hrang chu ka lu chhûngah ka ngaihtuah kim thawkhat hman tihah ka message tone a rawn ri a. Beiseina leh hlauhthawnna-a khat chungin ka chhiar a, kha text tluka chhiar hrehawm tih kha ka la nei ngai lo a, ka nei tawh ngai hek lo ang.

“Look Rin. I too have a confession to make.. I dont know how to say this. I am not the girl who you think I am. I am not Sheela. I am Ramenga (huhui) from room number 234. Please come immediately to the room.. Mizo ho chu kan awmkim deuh ṭhap tawh hahaha :D”

(Email-a ka dawn a nia, ka phuah belh ta ṭeuh a ni).

Similar Posts:

• SMS addict te tan thu lawmawm lo
• Phone thar ka lei ve a
• Free SMS to any mobile
• How to get back your stolen phone
• Lerh vang vek..

Recent Posts:

• ZU HI SUAL A NI LO, A IN A TE PAWH AN SUAL HEK LO
• Like!
• LUNGHNUR
• SADHU SUNDER SINGH-A CHANCHIN ROPUI CHU:
• KA ṬAHPUI LEH SI ṬHIN

This entry was posted on Saturday, June 9th, 2012 at 9:27 am and is filed under HAHAHA, More than words. You can follow any responses to this entry through the RSS 2.0 feed. You can leave a response, or trackback from your own site.