Pasaltha Nih I Duh Em? Thisen Pe La…

June 14th, 2012 9:00 am by Dr Mahminga Sailo

(World Blood Donor Day pualin aw…)

Mizote leh Thisen pek
Mizo tlawmngaihna leh kan Kristianna nen inmil takin, thisen pek hian kan nunah hmun pawimawh tak a chang kan ti thei awm e. Tlawmngai pawl, zirlai, kohhran thalai pawl, leh mimal tlawmngai te’n thisen an pek avangin damlo tam tak te’n damna a chang thin. Thisen pek pawimawhna leh a tulzia kan hre tam tial tialin, thisen petu kan pung hi a lawmawm hlein ka hria. Hmanlai angin sa leh ral laka inchhan a ngai tawh lova, midangte nun kan chhan theihna kawngkhat chu, mamawhtu te tana thisen kan pek hi a ni awm e.

Thisen pek hi?
Thisen inpekchhawn tan hun hi chiang faka sawi tur a awm lo. Kum 1665 khan, Ui pahnih karah thisenpekchhawn hi tih chhin a ni a. Kum 1901-a Landsteener-a’n ABO blood group system a hmuh chhuah tak chinah, thisen pek a lo awlsam leh zual a. Mahse, Hepatitis leh natna dang inkaichhawn theih a nih an hriat hnuin; thisen pekchhawn hmain, natna kaichhawn theih a awm leh awm loh ngun takin an endik(test) hmasa phawt thin a ni.

Thisen chu?
Kan hriat theuh angin science thiamna hmangin thil tangkai leh hlu tak tak an hmuhchhuah reng laiin, thisen lem(synthetic blood) erawh an la siamchhuak thei lo. Mi thenkhat phei chuan thisen hi, nunnna atan thil bik liau liau (magic potion) ti hialin an sawi reng a ni. Chuvangin thisen hlutna hi chuan kian lam aiin hlutlam a pan zel zawk dawn niin a lang.

I pe ve thei
I duhthlanna ngeiin I pe thei; ama’rawhchu pe thei turin I taksa a hrisel a ngai thung. Kum 18-55 inkar, 50kg aia rit (hmeichhia tan 45kg), marphu, thisen luang (blood pressure) leh natna entirnan hepatitis, malaria, AIDS, adt vei lovin, a tlem berah ni 90 inkarah thisen an pe thei. Tin, thisen I pek dawna uluk taka I taksa dinhmun fimkhur enfiah hmasak a nih avangin, hlauthawn tur a awm lo.

Blood group leh mizia!
Japanese mithiam te’n an sawi hi dik tak maw? A dik vek lo a nih paw’n, kan nungchang leh mizia a insiamthat ngai kan neih insiamthat na’n hmang hlauh ila tiin ka’n tarlang mai mai ang e.

0 group:
Hruaitu ni turin theihna leh mahni inrintawkna an nei tlangpui. Thil thar hriain emaw ruahmanna thar nei se, tihhlawhtlin ngei tumin an bei fat fat thin. Thilthar emaw tihdan thar chingchhuak hmasatu, mi rinawm leh khawngaihna ngah mi an ni a. Duapkaina erawh an nei; hlawhchham hlauh luat avang midangte elin, itsikna rilru an pu fo thin.

A group:
Midangte nena thawhho nuam ti mi, remna leh muanna ngaina mi an ni a; hei vang hian an bula hnathawh a nuam thin. Tin lainatna leh khawngaihna an ngahin, an dawhthei viau. Luhlul deuh chang an nei zauh leh awmawl mai mai an thiam lo thin hi an bula awm tan hriatthiam a har fo.

B group:
Mahni chauhva awm reuh reuh nuam an ti a, an ngaihdan tea kal tawp chi an ni. Eng dinhmunah pawh an insiamtha zung zung thei a, ngaihdan tha leh entawntlak tak an chhawpchhuak fo thin. Mahni ngaihdan tea kal mi an nih avangin, anmahniin harsatna an insiam zauh zauh thung.

AB group:
Mi zaidam leh inthunun thei tak an niin, an bula awm a nuam tlangpui. Midang chawhlim leh han fuihphur vel thiam em em a, dikna an ngaina bawk. Mahse thinbutut chhuah zauh an ching leh tih nghet nghet an nei thin. Tin, thutlukna siam mai an harsat bawk.

“Thisen pe la, nun chhanhim rawh”

26 Responses to “Pasaltha Nih I Duh Em? Thisen Pe La…”

1
H.Vangchhia Says:
June 14th, 2012 at 9:04 am
Yup
Awm ila kan peve tur a
Report this comment
2
Sheldon Says:
June 14th, 2012 at 9:11 am
Tukchhuah nuam vek u le
Report this comment
3
chhangteval Says:
June 14th, 2012 at 9:12 am

Tukin hi misual.com fonts hi ka hmu te riau mai, te tak tak ni maw?
Report this comment
4
tribepower Says:
June 14th, 2012 at 10:10 am
I am walking on my own
as the sun is shining
But a message on my phone
Makes my thoughts colliding…
Report this comment
5
saint sammoo Says:
June 14th, 2012 at 10:18 am
Kei leh ka chhungte hi chuan a theih hram hram chuan Thisen hi dawn loh hram hram kan duh. Thenkhatin Damlo na deuh leh chau deuh ..”Thisen pe mai ang u. a harh deuh mai ang.ldt.” ti a Doctor request ching an awm. an va hre lo em….
Blood Bank Lab. thawk te hi mihring ve tho an ni tih hrit reng tur, an ti sual ve palh thei.. tin, HIV te ngat phei hi chu an test laiin a lan chhuah loh lai/ lanchhuah hma (Window period) a lo ni thei tih hriat tur. +ve lo anga lang hi a lo +ve keuh thei a ni a aw.. fimkhur…
Chutih rualin, a dawngtu tur lam ngaihtuah miah lovin i donate miah miah ang u. Kei aiin kan nu hian a donate tam tawh zawk..haha..
Report this comment
6
Dr Mahminga Sailo Says:
June 14th, 2012 at 10:22 am
#5…
Report this comment
7
sheldon Says:
June 14th, 2012 at 10:42 am
Thisen pek hi a tha a, kan hriselna in a tlin anih phawt chuan tute tan emaw damkhawchhuahna a ni a, thisen pe tute hi ka ngaihlu hle. Kei erawh hi chuan vawikhatmah ka la pe lo, pek a hnekin pek ngai zawk dinhmunah ka din zawk tawh.

OT chuang lo ang chu maw – Thisen sawi takah chuan thisen dawn hi fimkhur a ngai khawp mai. Hman kumah min zai dawnin thisen pek ka ngai si a, OT ah min nawr lut tawh, thisen kha minute 2 vel chiah ka la dawng hman, ka thawk a rawn hnawh a ka thaw theilo ta mai a, ‘Ka thaw theilo’ tih chiah ka sawi hman, rang takin thisen kha an titawp a, Betnasol rang takin min pe a, ka thaw thei ve leh ta mai. A hnu ah ka doctor kha ka zawh leh pawhin a chhan sawitur a hre mumal biklo.

Chuan Saint #5 sawi ang khian lohtheihloh anih loh chuan keipawh thisen dawn hi ka hreh ta khawp mai. A chhan chu tamtak a awm khi.
Report this comment
8
Dr Mahminga Sailo Says:
June 14th, 2012 at 10:56 am
# K’u sheldon, i OT miah lo a nia Hetiang hi ka hriat chak vang a nia post ka siam ni.

Thisen hi nunna hnar a nih avangin blood trsnfusion pawh hi fimkhur taka tih a tulin, tih a ni thin bawk a, adverse reaction/hypersensitivity a awm leh zauh zauh bawk. Fimkhur tluk a awm lo, chutih rualin thisen kan mamawh dawn em? tih erawh tuma’n kan hre si lo…

Thisen pek loh paw’n, mahni blood group tal hriat erawh a tha…

Blood group leh mizia ka tarlan khi engnge in ngaihdan le?
Report this comment
9
sheldon Says:
June 14th, 2012 at 11:32 am
@ Dr Mahminga, keipawh hetiang lam hi ka vei zawng ania. Similar post a ‘Ka lo vei ve thin’ tih pawh khi nikum a ka post tawh kha a nia. Han chhiar ve teh mah. Ka rilru chu i hrethiam ang. Thisen pek a ropui rualin a dawn danah kan fimkhur a tul takmeuh.
Report this comment
10
LaMea CâcTùs FLh Says:
June 14th, 2012 at 11:42 am
Vawi 15 chuang kape tawh a,kala inchhirlo.. Mahse,an thi thei ltk
Report this comment
11
Dr Mahminga Sailo Says:
June 14th, 2012 at 11:46 am
@ sheldon… I post chu ka’n en a, ka comment sei erh leh nghal…

Nia, thisen pek dawna fimkhur hi a tul tak zet. Thisen thianghlim lo dawng i sawi kha a lainatawm ngawt mai..

Thudang daih, k’u sheldon, i va’n young sawt em em…

K’u LaMea, i titha hle mai. Pathian zarah thisen ka pek te chu an la damchhuak zel (Mamuani, kar hmasaa ka post phei kha chu kan lawm leh zual…) Voluntary-a vawi 12 ka pek tawh erawh an damchhuah leh chhuah loh ka hre lo…
Report this comment
12
sheldon Says:
June 14th, 2012 at 11:48 am
Haha…@Mahminga ka fanu alawm
Report this comment
13
Mama_B Says:
June 14th, 2012 at 1:05 pm
Thisen pek ve hi chuan a dawngtu lam ai mahin a petu te hi kan lawm zawk ve mai thei a ni. Mi kan tanpuina avangin rilruah hlimna leh lungawina a awm a, thisen pe thei tur khawpa taksa hrisel leh fit tha kan neih avangin a nuamin a lawmawm bawk a, chutah a dawngtute an lo lawm em em bawk a. Voluntary-a peka a dawngtu tur hriat kher loh paw’n thisen pek hi chu a tih zel chi a ni e.

Good post.

Report this comment
14
Lamji Says:
June 14th, 2012 at 1:48 pm
AB – Tin, thutlukna siam mai an harsat bawk…ka harsat lo nasa… Kan kawmchhakpa hi negative blood group (AB- ?ka chiang lo)nei an tia,tak tak ni maw,a awm theih reng em ni?
Report this comment
15
malsta27 Says:
June 14th, 2012 at 1:49 pm
ka pek lohna chin hi a rei ve ta viau mai. Hmanlai ang deuh va YMA, damlo chhungte’n a pe tur in zawn ang kha a ni ta lem lo bawk a niang……
Report this comment
16
saint sammoo Says:
June 14th, 2012 at 2:01 pm
LJ : awm thei e.. mahse kan ram angah hi chuan care hleihtheih pwh a ni lo.. Neg leh Pos pawh an pe miah miah mai lo thei lo a nih hi.. adverse reaction/hypersensitivity a awm hma bik.
Report this comment
17
Dr Mahminga Sailo Says:
June 14th, 2012 at 2:04 pm
#14… Japanese mithiamte tihdik loh liau liau a nih chu…

Positive leh Negative hi rhesus factor a zir a ni a. Blood group tinah hian Negative hi a awm thei vek a, an tlem thung.

FYI

Blood group ___ % of People
O+ ___________40
O- ___________7
A+ ___________34
A- ___________ 6
B+____________8
B- ____________1
AB+___________3
AB- ___________1
Table ka siam a, veilamah an insawn vek, ti hian ti mai ang…
Report this comment
18
Charice_mizo Says:
June 14th, 2012 at 2:32 pm
Yes, kei chu O+ ka ni, chuan description pawh khi keimahah a dik khawpin ka hria, nuam e

Chuan tunlai chu ka cher lutuka, emergency thilah erawh chuan ka pe ve thei chiah chiah a nih khi, tihzia e
Report this comment
19
Dr Mahminga Sailo Says:
June 14th, 2012 at 2:55 pm
Sawi tel leh hram ang, hriatzau nan…

Bloog group-a rhesus factor inmil loh avang natna thleng thei Erythroblastosis fetalis hi a ni. Mipa blood group (+) leh Hmeichhia blood group (-) an inneihin, an naute piang hmasa berin he natna hi veiin, naute a pianchhuahin thisen a nei lova (anemic). Tin, hepatitis veiin an thih loh vek paw’n, thisen thlak (exchange transfusion) emaw enkawl hautak deuhin an awm thei. Mahse, thiamna a sang zel hian, he natna hi a titlem ve tial tial awm e..
Report this comment
20
saint sammoo Says:
June 14th, 2012 at 3:07 pm
ka tum lohna zawkah kan komen pejk a.. ka ti leh tho vang
Tlawmngaiin Thisen kan donate ve a, pek ngaia kan awm ve thung hian Private Hospital, eg. durtlang..etc ho hian Bill-ah an telh leh zel sia.. nuam lo e… mahni pek ngei han lei leh chu ka tlawmngai teh mai a nia..
Ka complaint chiam twh a.. I donor card rawn keng la.. kan lo ti tha dawn a nia… an tia, Thingtlang a card la leh tur chuan Transport_n cost nen a in ang reng thovin ka hria a, ka ngawi ta mai mai a. Tunlai hian a la ni em phei chu ka hre law…
Report this comment
21
Dr Mahminga Sailo Says:
June 14th, 2012 at 3:30 pm
# 20… Post pahnih thiltum hi a inan vang a ni ngei ang..
@ Saint.. Nia ti raw, tihdan (system) a mumal lo hi chu a pawi. Donor’s Card keng kher lo mah ila, Donor’s list-te chu an kawl vek awm si a. An ti ho ka ti hle mai..
Report this comment
22
Mx Says:
June 14th, 2012 at 3:49 pm
Paws tha tak ani
#19,
Report this comment
23
sheldon Says:
June 14th, 2012 at 4:16 pm
Saint@20, i thilsawi khi ka vei ve thin, sawichhuah ka hreh si ania. Kan sawi ang a, nikum khan ka pa u Greenwood ah kan awmpui a, thisen a mamawh ta si a. Lehkha min siamsak a Durtlang hospital a la turin min ti a.

A thlawna han lak mai tur emaw ka ti pek a, durtlang hospitala ka hmelhriat ka han bia a, Rs.500 per unit a ngaih thu a lo sawi a mak ka ti. Han ngaih mai chuan mi tlawmngai in a thlawn in an pe a, an lo hralh leh si tih mai a awl khawp.

Ka zawhna min chhanna – mi in thisen an rawn pe tawp a, a thianghlim em, damlo te pek tlak ani em? Heng zawng zawng process nana senso cover nan hralh a ngai an ti!!!
Report this comment
24
son of God Says:
June 14th, 2012 at 4:18 pm
Thisen pein ‘Thang i chhuah’ zel ang u.
Report this comment
25
Dr Mahminga Sailo Says:
June 14th, 2012 at 4:22 pm
#23.. Khai aw… Pathian zarah thisen hi ka pe thin a, thisen pek tur ka la buaipui ngai lo thung a. Thisen an hralh thin erawh ka lo hre miah lo Tlawmngaia thisen petu an hmuh remchan loh paw’n, an puk (replace turin) mai thin emaw ka ti asin.. Hriatchian theih ngei ni se ka ti hle mai. Volunatary-a kan pek a mamawhte hnena an hralh leh si chuan awmzia a awm awm lo… Heng enchhinna (test) sumsen tur te chu sawrkarin sum a pe vek turah ka lo ngai mai asin.
Report this comment
26
TuaiSialA Says:
June 14th, 2012 at 4:51 pm

Report this comment