Kum 1818-ah khan British doctor Dr. James Blundell chuan a vawi khatna atan mihring atangin mihringah thisen hlawhtling takin a pe chhâwng hmasa ber a. Nu nau neih avanga thi put nasa lutuk nun chhan nan a pasal thisen chu syringe-a la chhuakin a nupui thisenzam-ah a thun a ni. Mizoram-ah hian kum 1974-a Aizawl Civil Hospital-a Pathologist dah a nih hnuin blood transfusion tlem tlem tih tan a ni.
Chuta tang chuan sikul te, pawl leh kohhran angtein thisen pe an pung chho zel a. Thisen mamawhtu pawh an tam chho telh telh a. Aizawl Civil Hospital hian a tlangpuiin nitin thisen unit 30 an mamawh a. Presbyterian Hospital, Durtlang-ah pawh nitin thisen unit 15 vel an mamawh reng bawk a. District leh Sub Division Hospital leh private hospital hrang hrang te nen nitin thisen unit 100 vel lai mamawh reng a ni.
Damlovin thisen unit khat a dawn hian sawrkar chuan blood bag leh test-na chi hrang hrangah pawisa cheng 700 vel a sêng thin a. Heti chung hian tlawmngaia thisen pete thisen hi damlote a thlâwn veka pêk an ni. Sawrkar damdawiinah man neia hralh a awm ngai lo. Damlo thisen mamawhte hi an milen leh hausak avangin tumah duhsak bik an awm ngai lo a ni.
Thisen pêk hian a tlangpuiin 350ml-450ml lakchhuah a ni a, thisen peka kan hloh hi ei in pangngaiah a tam lam (volume) hi rei lo te, darkar 24-ah kan nei kir leh vek a, a tak lam pawhin kar 6-8 ah ngai a awh leh zãn, hb pawhin thla khat chhûngin ngai a awh a ni; eitui bik pawh a ngai chuang lo. Puitling hian thisen hi 4000-6000ml (4-6 litres) kan nei a, chuta 300ml emaw lek lakchhuah kha hriselna atan a hlauhawm loh va. RBC hi engtik lai pawha kehchhia leh insiam reng a ni a, ni 120 bak an dam thei lo. Thisen pe lo mah ila an keh chhe zel tho va, chuvangin a lo thlawna riral mai mai aia a mamawh ngawih ngawihte pek hi a tha zawk em em a ni.
Thisen hi a pe duh nazawngin an pe ngawt thei lo. Thisen petu chu mi hrisel pangngai, kum 18-60 inkar, kg 45 chin chung lamin an pe thei a; kg 45-55 in 350ml an pe thei a, kg 55 chung lamin 450ml an pe thei thung. Thisen pe tur chu a BP a sang tur a ni lo va, a hb pawh 12.5 gm % chin chung lam a ni tur a ni. Hriau vihna lai tur vun hrisel, drugs inchiuna hnuhma a awm tur a ni lo. Mipa hian thla 3 dan aia zingin a pe tur a ni lo va, hmeichhia hi a tlem berah thla 4 danah a ni tur a ni.
Thisen pêktir loh tur te: Nau tihtlak atanga thla ruk chhung, thisen dawn atanga kum khat chhung, zai tenau tawh atanga thla thum chhung, zaipui tawh atanga kum khat chhung, malaria vei atanga thla 6 chhung, typhoid atanga kum khat chhung, nau neih atanga kum khat chhung, TB dam chian hnu kum nga hnuah chauh, vaccine hrang hrang la te, tattoo nei te… Tin, dam chhunga thisen pe thei lo turte chu, lung natna nei te, cancer te, thisen that loh avanga thi chhuak reh har te, chhan hriat lohva rihna tlahniam vak te, zunthlum leh Hepatitis B/C vei tawh te, kal natna benvawn leh HIV/AIDS vei te, thin natna benvawn nei te, polycythemia (hb sang lutuk) leh asthma te, seizure disorders (kaih) leh phar natna vei te, schizophrenia (rilru buai) leh endoctrine disorder bakah thi-a luakte hian engti kawng zawng mahin an pe thei lo.
Thisen pek tumte tan pek hma zanah mut that tur, a tam thei ang ber mut tur. Riltam laiin pek loh tur, thil ei thata tuiril in tam tur. Zu, kuhva leh vaihlo tih loh tur. Thisen pek zawhah tuiril in tam tur. Pek zawh atanga darkar chanve chhung chu mei zuk loh tur, thisen pek atanga chaw ei leh hma chu zu in loh tur, darkar 24 chhung chu hahdam taka awm tur. Band-aid hi darkar 5-6 hnuah chauh phelh tur a ni bawk.
Eng blood group pawh ni ila, thisen a pek theih reng a ni. Kan pek tuma te blood group nena a inmil lo a nih pawhin damdawiina an dahkhawl sa, a milin an lo thleng mai dawn a ni. Thisen i pek chuan i chhungte emaw, nang emawin thisen i mamawh hunah a thlawn liau liauvin i dawng thei dawn a ni. Tin, thisen pek hian rilru a nuam em em a, RBC chhe mai mai tur a mamawh ngawih ngawihte tana pek tluka mihring thil pek hlu a awm dawn em ni?
Thisen pe la, nun chhanhim rawh.
Similar Posts:
- Emergency blood donation lampang
- Chanmari West Br YMA in NGO Thisen pe tam Record siam
- Damloten a thlawnin Thisen an dawng thei dawn?
- Thisen Hlu!
- Ka lo vei ve thin
June 14th, 2012 at 6:13 am
Ṭha hle mai, ( ve teh mial a)
Report this comment
June 14th, 2012 at 7:10 am
Report this comment
June 14th, 2012 at 7:24 am
Report this comment
June 14th, 2012 at 7:48 am
Tukchhuah nuam vek u le..,
i sual ve tehreng nen vawiin ni thar hmu thei tura Pathianin a han kaitho ve leh ngawt mai che kha Lawmthu han sawi ve hrim hrim teh..haha..
Report this comment
June 14th, 2012 at 9:08 am
Vaiho hi chu ka pe mai mai dawn lo
Report this comment
June 14th, 2012 at 10:54 am
Vawi 15 chuang ka pe tawh a,ka la inchhir lo. Tanpui ngai te tanpui chu a hlawk
Report this comment
June 14th, 2012 at 10:55 am
Nakinah pawh ‘Thisen hlu thisen hlu’ tiin kan zai dawn a, tunah pawh ‘Thisen hlu thisen hlu’ kan ti tho chu anih hi.
Pek let phut miahlo in a mamawh te tan a thlawn liau liau in an thisen hlu tak an han pe hi chu a ropui ani.
Report this comment
June 14th, 2012 at 10:59 am
@Lame, i va ti tha ve. Chutihrualin midangte thisen pe thei tura hriselna Pathian in a pe che a, i vannei teh e.
Report this comment
June 14th, 2012 at 1:06 pm
Very good post
Report this comment
June 14th, 2012 at 1:51 pm
Thisen.
Report this comment
June 14th, 2012 at 2:43 pm
LaMea chu hrisel hmel ve…bravo
ziak ngaihnawm hle mai, chhiar zawh rual ruala pek nghal mai ka duh rum rum hman tep alawm 
Report this comment
June 14th, 2012 at 3:03 pm
Tlawmngaiin Thisen kan donate ve a, pek ngaia kan awm ve thung hian Private Hospital, eg. durtlang..etc ho hian Bill-ah an telh leh zel sia.. nuam lo e… mahni pek ngei han lei leh chu ka tlawmngai teh mai a nia..
Ka complaint chiam twh a.. I donor card rawn keng la.. kan lo ti tha dawn a nia… an tia, Thingtlang a card la leh tur chuan Transport_n cost nen a in ang reng thovin ka hria a, ka ngawi ta mai mai a. Tunlai hian a la ni em phei chu ka hre law…
Report this comment
June 14th, 2012 at 4:55 pm
#11 Uar bon bottle top top!
Report this comment
June 14th, 2012 at 5:32 pm
Tuaisial, i comment nasat teh reng nen arsi i la kai thei chuang na nge?
Ka awih em em tawh lo…ka vui pui deuh tlat che!!! LOL
Report this comment
June 14th, 2012 at 5:42 pm
# 13… Thisen a pek leh pek loh ngaihchan chi…
# 14… Arsi pakhat a bel hman tihin sazai an pe a, arsi an hlehthlak sak zui…
Report this comment
June 14th, 2012 at 5:59 pm
@Pi BMW (ka Pi chuam :)) Tun thlengin arsi ngaiin ka la vai a nih hi. Ṭan i lakpui ka ngai a ni.
Report this comment