Khua a hnima lung erawh a zing kher lo. Khua a mawi dawn lo tih hre reng chungin Civil Hospital bulah phur takin kan innghak khawm a, Dortor 3 leh nurse 5 hmel kan han hmuh meuh chuan misual 8 thla a muang kher mai. Dan pangngai angin hunbi tiam zing dar 9 chu darkar khar zeta kan pelhsawlh hnuin 17kms a hla Thuampui chu car 5-in kan pan a, khaw awmdan chiang lo avang chuan kan motor awm nem chu kan sit ru viau thung si.
Thuampui kan thlenga YMA hruaituten min lo dawngsawngin an High School lamah kan bungruate phur chung ngeiin kan then chho ta a. Hmunhma buatsaih fel a nih hnuah tanna hun tawite kan hmanga tawngtainaa bul tan a nih hnuin kan thil tum, hlawhtling ngei se ti a Pathian hnena inhlan chunga kan thlir Free Clinic ngei mai chu kan tan ta! YMA Day lawmna hun an hman mek avanga thalai lam rawn lang rih lo leh, aw nem lam aia nu leh pa, pitar putar leh naupang rawn lang khup khup avanga @saitawk leh @ lr_hlonchhing te beidawng hmel erawh kan hai der hram hram rih a, beiseina thui tak kan neih vang a ni ber e.
Damdawi a thlawna sem tur hi Rs 8000 man vel kan keng thla a, kan dortor leh nurse-ten an lo lakkhawm sample ilo kan keng teuh bawk a inralring tha tawka inngaiin kan thla a muang nawn leh a. Male nurse 1 leh female nurse 4 te hian thil tihdan phung an lo hriat than tawh avangin an zarah kan thla a muang nawn leh pek bawk a ni.
NURSE ho hi an va fakawm em! Hlim hmel an pu reng a, an viak a thain damdawi sem, malaria test, BP test, Zunthlum en, registration zawng zawng an buaipui nghal char char a, duli tiata lo en phuau mai loh chu tih tur dang kan hre ve hauh lo.
DOCTOR-te taimakzia hi fak mawlh mawlh sen pawh a ni lo. Darkar 5 dawn chawl lovin damlo an en char char a, an thiamna an pe chhuak mawlh mawlh a, mamawhtute tan malsawmna an vawrh darh chuai chuai reng mai a ni. An va han hlu tak em. Khumchiktheia hian a thiante mi fel pahnih Dr. Mami Chawngthu leh Dr. Hriatpuia te a rawn sawm chhuak a, an thawkrim narawh e.
KEINI MISUAL, a phawvuaka lo phur ve em em te kha chuan inentir tan a nih chiahin kan thiam a tawp ve nghal 
Kan tih theih ve ni a ngaih inentir tur lo koh bak kha chu kan chenna ngai loh ran vek a ni. Chuvangin kan tih theih tawk ti turin inla chang sang takin doctor lo kawngkhar vengtuah kan tang nghal a. A tangkaina pawh hre miah lo leh a lar zawkna a nih beiseiin lr_hlonchhing chuan dortor bengbur (stethoscope an ti emaw ni?) chu dam lo ko chungin rinawm takin a han awrh ve ngawt a.
Thuampui nulate laka tlaktlum a beisei vang a nih ka ring ber. Midang zawng chu kuva ei leh mei zuk a ni ringawt, pawimawh hmel deuh deuhva veiin thla kan la mawlh mawlh ringawt mai a ni. Male nurse tura kan ruat @Ruatruatapa lah chu a sasehah meuh chuan a ‘tuai thi nei thut’ tlawk tlawk ta ngawt a, tih theih dang a nei lo tih inhriain an deptt. fakna a chhawm thlak chu a sem a sem ve ta ngawt a ni.
Extension Training Centre (SIRD) leh DRDA ten Rs 10,000 leh 5000 = Rs 15,000 in min sponsor a, kan tan zawng a lawmawm thlawt, an tan erawh kan tangkai tam lo thung.
Chawhnu dar 2:45 vel khan mi 190 chiah enin kan duh tawk thawkhat ta. Ruah a sur reng a, keinin kan tih tur kan ti ve mawp mawp bawk a. Damdawi pawh Rs 7500 man vel kan sem zo thei a, Malaria PF vei 2 leh zunthlum pakhat hmuh chhuah a ni a, inentir dangdai deuhah chuan beng chhunga khuai lut Dr. Hriatpuian a lak chhuahsak hi a ni deuh awm e. Kan insensona leh dortor leh nurse-te tha man kha a sum zawng chuan chhut ila cheng tam man a ni ngei ang, mahse, malsawmna min petu tana tuisik no khat lek pawh kan nih ve theihna nia ngaiin kan insengso thei hi kan lawm takzet a ni.
Ruah sur bur bur karah kan haw chho va, Vanhne khua pelh hnuah leiminin min dang ta! A dul kiar leh kiar lo pawh chirh kai luaiin kan inhai hnuah hur hnuang chungin Circuit house-ah kan lut tlang ve ngawt a, chaw ei tur kan order vek tawh avangin kan inthlahrung chuang hauh lo. Puar hnep hnawpin kan ei a, hun danga tih leh ngei tumna nei khawpa a zawngchhangthlakzia inhrilh pahin kan haw ta mai.
(NOTE: Pics-te hi mobile cam-a lak a nih avangin a fiah tha tawk lo, min hrethiam mai teh u kei kisual hi)
Similar Posts:
- Lunglei mi(sual) Free Medical Clinic
- Lunglei Civil Hospital-a thil thleng
- Lunglei Misual Charity sem Report (with pics)
- Catherine Lalpuii psychiatry ward-ah
- Zoramah Mi Turu(Kut Thiltithei )
Kan OT hle mai. 
June 16th, 2012 at 9:39 am
A nuam e
Report this comment
June 16th, 2012 at 9:40 am
tel ve theih a chakawm hle mai
Report this comment
June 16th, 2012 at 9:40 am
‘In va ti tha em’ ti nawn ti nawn mai teh ang. ‘Nang malsawmna ni ang che’ tih a taka chantirtu in ni e.
Report this comment
June 16th, 2012 at 9:47 am
Ka rin aiin ka lo hmeltha
an nu in a chaw kawng (chi kawng ani lo) ah nau a pai vangin nula bulah bak a then peih thlawt lo.
@Saitawk khi ka ten tawp
Report this comment
June 16th, 2012 at 9:50 am
Tinge hur hnuang chunga circuit house a in luh ve ngawt?
Tak taka… in ti tha lutuk… in chhuanawm e… Lunglei ho Misual nge nge… kan tluk lo che u ani… 
Report this comment
June 16th, 2012 at 9:55 am
A ngaihnawm e. A tawpa belh khi mobile atanga type a ang. Pu muantea hi kisual a lo ni reng alawm le! Nurse zingah khan nula an awm em? Lra ka duhsakpui viau e.
Report this comment
June 16th, 2012 at 9:56 am
A ropui hle mai.
Report this comment
June 16th, 2012 at 10:02 am
Ts, nurse ho chu zun hing rual vek an ni tawh
An khaw nula hmel keu awmchhun khan ka lung min len tep
Report this comment
June 16th, 2012 at 10:14 am
Vawiin chu Inkhelh a ngai tlat! hman zen zawn ah a chuang bang pic ka rawn vawm bei leh ang!
Report this comment
June 16th, 2012 at 10:30 am
Khawnge, Ku Muanga tih takah sipel chawpin muangchangin comment ve boh boh teh ang.
Thiam nei ve lova hmel chauh thawh thei keini ngiang pawhin nuam kan tiin tanpui ngai zawkte hlim hmel khan min muan veng veng mai.
Doctor-te leh Nurse-te inpekna leh insenna a chhuanawmin a fakawm takzet a, a hlim lah kan hlim narawh. Kan zawngchhang chhunzawm zel thei turah ngai ang.
Thlalak ka nei ve tlat lo.
Report this comment
June 16th, 2012 at 10:52 am
A ropui e.
Report this comment
June 16th, 2012 at 11:15 am
In thawm hriat in, chhaktiang atang pawh hian, mahni awmhmunah, mi(sual) ho kan lo hlim ve veng veng mai.
Ruatruatapa leh Saitawk chu thutpui an va han nei inanglo deuh ve. hahaha…
Report this comment
June 16th, 2012 at 11:26 am
Report this comment
June 16th, 2012 at 11:30 am
Report this comment
June 16th, 2012 at 11:34 am
thllak hmuhnawm hlawm khawp mai…………….
Report this comment
June 16th, 2012 at 11:38 am
Hlonchhing a chu, condom a free a sem tu ah inruatlo nia
intitha e;-)
Report this comment
June 16th, 2012 at 11:39 am
YMA Day hi thingtlang lamah chuan an hun pawimawh, an intihhlimna ni ve a nia. Thalai thaza rual lek lek tan chuan a hlimawm hle. “YMA Day kher khera inentirna hun rawn siam reng reng te chu a….” thalai zingah lo ti tawk an awm te pawh kha, ngun zawka ngaihtuah chuan a awm ve reng mai.
Nimin khan kawng lakah Ku Muanga nen inkhel turin kan incho va, tukin zingah kan inchona chu kan zuk tihlawhtling ta hram anih kha. Min sawp nek mai. Mahse ka thlan a tla nasa, ka lawm tho. Coach atana Muantea ka lo hmang thin kha a pawi a ni…….
Report this comment
June 16th, 2012 at 11:47 am
Midangte tana chanchintha thlentute ke chu a eng a va mawi em !
Report this comment
June 16th, 2012 at 12:11 pm
khumchikthei ka hmuh vawi 1-na… khrum.
SIRD leh DRDA, in ti lawmawm e. A hotute’n an zir a niang
Report this comment
June 16th, 2012 at 12:31 pm
Caribou inkhelhpui chu “Pachuau sual laklawh” an sawi ang deuh a ni a, a fit ropui si, a thiam fu bawk si, chaurau ek kan thai nasa mai mawle; ropui loh theih hnuang hnuang tak mai a ni. Fans te an zahawm duh khawp mai.
Thlalak hi a hmuhnawm khawp hlawm mai, a hunlai boruakah kan cheng leh a ni ngawt alawm le.
Report this comment
June 16th, 2012 at 12:47 pm
kei chu doc. mami khian ka taksa mai ni lo, ka thlarau (tlem deuh) pawh a chhandam theih mai ka va ring e
Report this comment
June 16th, 2012 at 2:05 pm
A ropui hle mai
Report this comment
June 16th, 2012 at 2:16 pm
A va ropui em.
Report this comment
June 16th, 2012 at 2:54 pm
Thu maia ”midang ka hmangaih…..zoram ka hmangaih…Christian ka ni” ti zawt² ringawt lova a taka in han lantir hi ropui ka ti hle mai.
Report this comment
June 16th, 2012 at 3:04 pm
Lunglei ho lah hi midang post-a comment tum reng reng lo mai, thep thup hlawm cheu chuan. NOI
Report this comment
June 16th, 2012 at 3:34 pm
Kan hman lo alawm. Tun tumah pawh VAUNA avangin kan rawn comment mai mai a nih hi.
Report this comment
June 16th, 2012 at 3:38 pm
Ropui rapthla eltiang!
Report this comment
June 16th, 2012 at 5:06 pm
Lunglei lam misualho in van ti tha em….Pathianin a let tamtakin mal a sawm ngei ang cheu
Report this comment
June 16th, 2012 at 5:47 pm
Lunglei lam misual in thawk ropui rem rem hle mai. In daktawrte leh nurse te an fakawm hle bawk mai… hlim hmel pu sarh a an han thawk vel phei chu Mizoram daktawr leh nurse nen an inhmehlo lek lek zawk alawm… daktawr/nurse dangte entawn tlak annih chu! Ka chhuang che u
Sangtea hi i sawi angin a beidawng hma roh ngawtin ka ring a hmel han en reng reng hian a hriat mai hairehai
Zawhna: ‘hur hnuang chungin’ circuit house inlut a maw?
(pil bo daih)
Report this comment
June 16th, 2012 at 6:01 pm
@28. Princess…… tih lampang hi chu ka hlau viau zel… kei street urchin hian
Report this comment
June 16th, 2012 at 6:07 pm
Free clinic tih tawngkam ringawt pawh hi ‘samari mitha’ tih nen rilrua a thawh dan a inang reng alawm mawle
Report this comment
June 16th, 2012 at 6:12 pm
Thlalak te khi ka hmu ve thei chiaha, hnuk te pawh a ti ulh tep zawk alawm mawle..
Report this comment
June 16th, 2012 at 6:54 pm
Ka lang ve lo a ni maw, a zawnhchhang thlak khawp mai kan la ti leh ngei ang ku TSa te an lo tel ve tawh ngei ang chu
…Khrum
Report this comment
June 16th, 2012 at 7:39 pm
Thuampui hi Vanhne piah lawk a ni em kha? In che ropui khawp mai
Report this comment
June 16th, 2012 at 8:00 pm
Thuampui awmna lai tak hi keipawh ka hrechiang miahlo
Report this comment
June 16th, 2012 at 8:30 pm
Thuampui chu vanhne thlang, lungdai leh vanhne inkar, vanhne tlangdungah chuan khaw hniam ber, tlem a biru deuh a awm, lunglei atang phei chuan a lang det det thei chauh. Lum pawh lum tak a ni. A ram leilung a tha a a huan pawh an nei tha phian!
…Khrum
Report this comment
June 16th, 2012 at 9:39 pm
aw haw.. kan Pu Kta chu tum ang nula hmuh leh tak siloh vanga thu ngui nghuai va nih duh hmel leh si ve aw..
Report this comment
June 16th, 2012 at 10:09 pm
@aduhi style kan copy lawk:
VCP:”E, in lo thleng ta maw? in rawn tluang em?”
khumchikthei: “Pathian zarah kan rawn tluang e, hall ah hian a mi innghah tur? khrum!!”
VCP: “Nilo e, M/S ah khian ania, in bungruate kan lo kenpui ang che u”
Khunchikthei: ‘A ngailo e ka pu, khrum’
Report this comment
June 16th, 2012 at 11:12 pm
Khrum tih hi enge a awmzia, khrum
Report this comment
June 17th, 2012 at 9:39 am
‘hur(huh), kisual(misual)’ te hi tihzual luih an ni, i rawn hmu chat a in chhiar chian leh chian loh a hriat e. Kei zawng @CFL te khuaah ka awm leh veng veng tawh mai
Report this comment
June 17th, 2012 at 9:48 am
*tihzual- tihsual, ka va han chiang lo deuh ve
Report this comment
June 17th, 2012 at 9:57 am
#40 i sahaw lutuk anih kha hairehai
Report this comment
June 17th, 2012 at 6:32 pm
Misual nih a nuam thin e
Report this comment
June 18th, 2012 at 10:25 pm
MOTOR NAM LAI THLALAK A AWM LO AMI
Report this comment
June 19th, 2012 at 3:47 pm
Motor nawr lai thlalak chu awm teh meuh mai.
…Khrum
Report this comment
June 19th, 2012 at 4:04 pm
Ka online ve leh thei chiah sia,tlai khaw hnuah kzp lo chhuang ve leh hnuhnawh teh ang..chuan lra inti pawimawh lai hmel tak khi kan arsi chuai chuai bawk ang e
Report this comment