Tawng chungchang

June 18th, 2012 10:31 am by Sangpuiipa

Mizo tawng hi har tak ani. Kan hriat dan, kan lam dan leh kan ziah dan pawh a inanglo hlawm viau maithei.

Internet khawvel a ka vahvaih vel na lamah he thu hi ka chhar a, pakhat zawk hi lehkhabu khawi emaw ah ka chhar bawk a. A ziaktu leh a post tu hi ka hre thei ta chiah lova. Engpawh nise mi(sual).com ah hian sawiho ve reng reng ka chak avangin ka rawn chhawp chhuak ve a ni e. Ka rawn post avang hian ka ngaihdan chiah ani e ka tihna pawh a ni chuang law’.

1. Puan ven leh bih chungchang:-

Hmanlai chuan hmeichhia hian puan hi an awm ah, an hnute khuh in an bih thin a, mipa in an kawng ah an veng thin a. Tunlai hian hmeichhia hi an kawng ah puan kan bih tir ta tlat mai a. Kawng ah puan an bih ngailo, an veng thin zawk ani. Puan bih anih chuan awm ah, hnute khuh in bih tur a ni. Hmeichhia an nih avanga bih tur ni tlat a kan ngai anih chuan, kan tawngkam lar tak pakhat,”Kan puanven te sawichhing in,” kan tih fo thin hian hmeichhia a huam velo tihna a ni ang.

2. Antui hawp leh in chungchang:-

Antui hi fian in kan hawp thin a, tui te, thingpui te hi no in kan in thin. Tunlai ah hian bowl te, no te hian antui kan hawp ta tlat mai. No kan hmang a nih chuan kan in tih tur a ni. Kut in chaw kan bar a, fian a kan ei chuan Fian in chaw ka bar kan ti ngai lo. Ruai theh leh eng ilo nikhua ah ‘Antui hawp nan chuan no hmang mai ang’ tih fo hi chin tawhloh a tha ang. Fian in antui kan hawp a, no kan hman chuan kan in a ni.

Le, he thu hi enge kan ngaih ve dan i sawiho teh ang u.

29 Responses to “Tawng chungchang”

1
Lersia Says:
June 18th, 2012 at 10:40 am
1 van ti tha ve … hans awi phawt tehse…
Report this comment
2
bbney Says:
June 18th, 2012 at 10:47 am
Nih duh hmel thlup thlup hle mai a.
Report this comment
3
chhangteval Says:
June 18th, 2012 at 10:48 am
han hnial ngaihna reng reng ka hre lo, i tan fung khi a dik em em vek in ka hria sangpuiipa nge nge
Report this comment
4
sheldon Says:
June 18th, 2012 at 10:55 am
2-na khi chu a dik hmel ka tia, ka support thlap

1-na erawh hi chu inhnial theih tak ani dawn tlat. Hmeichhia chuan zak ah ani emaw kawngah ani emaw puan kan bih kan ti mai chu ania. In sawi takah chuan anih hmel viau si, han sawi ve teh u.
Report this comment
5
Lersia Says:
June 18th, 2012 at 10:58 am
1. Nia, Puanven sawichhing thin ho chu mipa te kan ni tlat, hmeichhia a huam lo..
Report this comment
6
Dr Mahminga Sailo Says:
June 18th, 2012 at 11:00 am
Ka ngaihdan leh hriatdan a ni ve ve…
Report this comment
7
badboy Says:
June 18th, 2012 at 11:05 am
Lersia pawh khian a silai chu, ramsa leh sava te kah nan ahmang tawh dawnlo a.. chumi a sawinan chuan a silai kha a tlu in emaw, akhamphei zawng a adah pawn … mizingah chuan ka silai ka tung tawh ati vetho lawm kur2
Report this comment
8
CyberThug Says:
June 18th, 2012 at 11:24 am
#1-na khi chu a dik hle mai a, han hnial vak ngaihna che pawh ka hrelo.
#2-na erawh khi chuh…..aaaaaaaa, a dik leh viau tho si mai aa..
Report this comment
9
Chhuaklinga Says:
June 18th, 2012 at 11:26 am
Mipain puan an veng a, hmeichhiain puan an bih thin.

Antui kan hawp thin, antui in ka la hre lo. Zu te, thingpui te, theitui te leh tui te kan in thin, heng ho hi a hawp a hawp chi an ni lo.
( ka ngaihdan leh ka pawm dan a ni bur mai, hehe…)

tren tren.
Report this comment
10
CyberThug Says:
June 18th, 2012 at 11:38 am
@9, zu an hawp thin khaaaaa, Sikri Nite ah pawh…
Report this comment
11
Lersia Says:
June 18th, 2012 at 12:10 pm
@badboy, hian Zû hi tung ve tawh tehse…
Report this comment
12
Master Kim Says:
June 18th, 2012 at 12:13 pm
1-naa ‘puanven sawichhing khi chuan mipa chauh a huam thin niin ka hria. Infuihna tawngkam a nia mipa ho hi khawtlang siam tha tu leh humhim tu tura ngaih an nih deuh bik thin avang a niang he tawngkam hmanga infuihna chuan mipa a kawk bik thin.
2-na khi chu adik viau. Chawi kang lova a intu zawk zu kun hniama thil in hi ‘dawt/dut’ an ti bawk.
Report this comment
13
malsta27 Says:
June 18th, 2012 at 12:24 pm
I thil ziah ang hi a that viau rual in, puan bih/veng tihna hi synonym ang in a dah theih mai dawn lo vem ni? chuti a nih loh chuan puan bih hi an awm tawh si lova, nakin hnu zel ah pawh hetiang a bih hi chu an awm a rinawm tawh lem loh. Kekawr leh adangte a lansarh tawh zawk a vang leh hmeichhia ten a puan chauh bih lova a chungam khuh nan kawr te an hak tak bawk avang in. Tawng dik hi a that rual hian fimkhur leh dik duh luat ah hian thuml tamtak kan neih tawh hi in ti boral thei tlat tih hi hre tel teh u. A chhan chu,tunlaiah tumah in puan hi an bih tawh mang dawn toh loh avangin, chumi a nih chuan diktak a an tawng dawn a nih chuan BIH hmanna tur hi a awm tawh mang dawn lo tihna a ni a, boral chu a ni chho mai ang.

Chutih rual chuan tawng in chher tur in dal bawk ang. Tawng in siam tamtak zinga kan hriatlar ber a chu, CHHASS tih hi a ni, kan u te hunlai atanga in chher ni in ka hria a, CHHAI tih ziah danglam emaw, lam danglam atanga lo chhuak a nih hmel e. Hengte hi mizo tawng a in pawm thei lova, dik lova in ngai a nih chuan thu hran. HManlai kan pi leh pu te hunah khan Chhas an neih ngai kan hre lo mahse thlai te tawngkam hman atanga rawn in chher a ni tih hi hre tel teh u.
Report this comment
14
chhingdailova Says:
June 18th, 2012 at 12:50 pm
A nih chuan infuihna ah “Hawh u kan puanven te sawi chhing in tan ila thar leh teh ang u” kan tih hian mipa chauh in tan kan la dawn tihna a ni maw ? HAHAHAHAHA
Report this comment
15
Lamji Says:
June 18th, 2012 at 1:15 pm
Rual ute sawifiahna lo chang ang.
Report this comment
16
hlatekhua Says:
June 18th, 2012 at 1:24 pm
Puan ven/bih chungchangah hian a mipa a hmeichhia-in puan ‘veng’ ti vek tawh mai ila a awlsam zawkin ka hria. Mipain veng, hmeichhia-in bih tih kher hi a tangkaina ka hre lem lo.
Report this comment
17
Kawhterenga Says:
June 18th, 2012 at 2:03 pm
Fianin antui kan hawp a, Bowl-in antui kan in! Zu hi antui atan ka hmang fo a,chaw ei lai hian antui hawp ang deuh hian noin ka in thin Ka inbual hma leh inbual zawhah Hrukpuan ka veng thin.
Report this comment
18
chhiartu Says:
June 18th, 2012 at 2:48 pm
A dik viau…chutih rualin 2na khi chu hnial thyh ve tak tur ani…in leh hawp ngawr2 leh in/hawpna atana kan hmanraw hman lam ai chuan eng thil nge kan ina kan hawp tih zawkin a hrilin ka hria…mahse ka tang bur lem lo,ka sawi an hriatthiam chuan ka duh tawk hle.
Report this comment
19
Sangpuiipa Says:
June 18th, 2012 at 3:02 pm
Uai, opposition in va tlem ve. Kei chu ka post hi a diklo ka ti ve ve thung asin.
Report this comment
20
sisen Says:
June 18th, 2012 at 3:52 pm
a tha khawp mai
Report this comment
21
lrpa Says:
June 18th, 2012 at 4:02 pm
Nih viau chu ani viau mai a
Report this comment
22
lrpa Says:
June 18th, 2012 at 4:05 pm
engtizia nge smiley hi ka tih theih miah loh a!!!
Report this comment
23
bucko Says:
June 18th, 2012 at 4:07 pm
Awmah hnute khuh in emaw kawng ah emaw pawh nise, hmeichhia in puan an veng tiin sawi a ni ngai lova, hmeichhia chuan puan an bih thin. Tin,ka puan ven te sawichhing in tih ah hian hmeichhia hi sawi tel anni lo tih a hriat reng bawk.
#9 sawi ang khian no a ni emaw, fian a ni emaw antui hi kan hawp thin a, tui leh thil tui lam chi hi kan in thin. Antui in ka hre ngai lo kei chuan. Tin, kan in dan leh kan hawp dan hi ngaihtuah chiang ula, ka a ti lut a ni mai a, mahse antui kan tih luh dan leh thingpui leh adt kan tih luh dan (System) hi a in ang lo hrim hrim bawk.No pawh in nise antui hi chu kan hawp deuh nge nge a, tui dang hi chu no a nih chuan kan in thin a, fian erawh chuan kan hawp ve tho maithei le.
Hei hi ka ngaihdan leh pawm dan a ni e.
Report this comment
24
Jacka Pi Says:
June 18th, 2012 at 6:18 pm
Dik ka va ti dun em!
Report this comment
25
Sangpuiipa Says:
June 18th, 2012 at 6:22 pm
Han sawi zel teh u.
Kan infuihna tawngkam lar ‘Kan puanven te sawi chhing in’ tih hian hmeichhia a huam tel loh chuan kan thusawi thiam tak tak te hian tawngkam dang an chherchhuah mai a ngai angem?
Report this comment
26
lr hlonchhing Says:
June 18th, 2012 at 6:31 pm
Ka pawm zawng tak leh ka ngaihdan ve ve a ni. Good post
Report this comment
27
muantea Says:
June 18th, 2012 at 7:18 pm
Ka pawm lo ve ve ka han ti nghal tawng teh ang, a chhan chu

1. Hmanlaiin hmeichhiain an hnute khuhin puan an bih thin a, mipain an veng tih hi a dik chiah. Mahse hmeichhiain hnute an khuh ngai tak loh avang leh kawng thleng chauh an tuam tak avanga mipa va tawm kher kha tul ka ti lo. An kawngah pawh nise hmeichhia chuan la bih zel se mipain la veng zel ila tawng kalphung fel zawk leh hmeichhia leh mipa thiltih sawina hrang kan nei kha a thain tawng hausak nan pawh a thlanawm zawk hrim hrim. Chutiang ni lo ta se ‘bih’ tih tawngkam chu a thi thawthang a ni mai dawn asin.

2. Antui bik hi chu ‘hawp’ tih nen hian a kal dun tlat a, a eiinna hmanrua chu eng pawh nise ‘hawp’ tih tawngkam kan hman zel si loh chuan #1 ka sawi an thovin kan hmanrua kan thlak avangin tawngkam pakhat chu a thi a ni leh thawthang mai dawn a ni. Chuvangin antui hi chu eng hmanrua hmang pawhin tui ti taka hawp kuah kuah ka la thlang e.
Report this comment
28
Sangpuiipa Says:
June 18th, 2012 at 8:20 pm
Pu Muantea, vai ho pawh hian tui in nan kut tih khawr a in an ching thin.
Report this comment
29
Awmtea Khiangte Says:
June 19th, 2012 at 6:31 am
Ngaihtuahna tha tak zawng a ni e. Mahse kei chuan tunhmaa kan lo hman thin dan hi, tun thlengin ka la chhawm a, a mawi ka tiin a inhmeh ka la ti reng a, a dik lohna em em pawh ka hre lo. Kan tawng hausakna lai ve tak pawh niin ka hria.
Report this comment