Mizo te hi kan tlem ang huin, khawvel hmun hrang hrang kan pal darh hneh tawh hle. Chutiang e tilo chuan, kan chapo vang nge nidawn, kan hriat chian lemloh pawh hi midang zawh hi kan hreh riau ni hian ka hre thin.
Table etiquette han tih hian chawei dawhkan a khawsak dan/chaweina hmanrua te hmandan te pawh a tih theih ang chu. Khawnge ka ngaimawh zual tlem kan sawi lang mai mai teh ang.
1. Mi tam takin, thirkutin thirfianah chaw an huilut a, thirfian chuan chaw an ei mai thin, hei hi a diklo a ni. Thirkut leh fian (fork & spoon) kan hmanin, thirfian kha soup lam chi hawp nan hman tur anih laiin, thirkut kha chaw eina tur zawk a ni. Thirkut leh fian pawh hi chihrang tamtak leh hmanna hrang a awm theuh a mahse, kan hman ang tlangpui hi ka sawi mai chauh a ni.
Mizo tawnga fork, ‘thirkut’ an lo phuah hi a fuh ka ti khawp mai, kut anga chaw ei nan hman tur a ni tlat. Thirfian erawh antui/soup innan hman tur a ni e.
2. Chi hi chaw thleng sirah bunin liah mai kan ching fo. Chi chu kan thil al belh turah khan phul sa mai hi a mawi thin. Mahni thleng ami pawh nise liah zuk zuk kha chin fo loh chi tak a ni.
3. Chawhmeh thak deuh emaw, rawt thak deuh emaw kan ei te hian kan in sut ri hruih hruih mai thin. Midang nen chawhlui kan kil ho laiin emaw, kan bul hnaiah mi awm an awm chuan khatiang tura thak khan ei loh mai a mawi. A thu hrimah insut ri hruih hruih kianga chaw ei hi hreawm ve thei tak a ni tih hriat atha awm e.
4. Kuta chaw kan ei anih ngawt loh chuan chaw kil pui te thawh/kham rual pui hi chezia mawi tak a ni.
5. Antui han hawp rik hruih hruih mai hi a nuamin a tui duh phian. Midang nen a chaw kan ei tlang anih chuan thingpui in rik hruih hruih nen hian sim tlak ah ka ngai.
Chawhlui kil ho naa chet dan mawi tam tak a awm mahse, heng tlemte te hi awlsam taka kan tih theih mai anih avangin ka han tarlang hmasa phawt a ni e.
Similar Posts:
- Tawng chungchang
- Aircraft atanga thil ruk
- Inkawm khawm naah!
- Milarte dinhmun (behind the scene)
- Hriat ve atan..
January 28th, 2011 at 10:59 pm
chhiar hma in soi ve reng reng ah kan hawng pop teh ang..
January 28th, 2011 at 11:06 pm
a belh nan : chawhlui kilho na a table han thut hual thap a chaw han thial rik hmuar hmuar te hi a tui hmel viau nangin thil chin mawi tak a ni lem lo khawp mai…Army officer Mess ah hian table etiquette dik tak chu an hmang a, en theih pawhin net ah hian a om ngei ka ring.. ka la en lo nangin…khawvel changkang zelah hriat zau ve deuh chu tha khawp mai…
January 28th, 2011 at 11:06 pm
Thil tangkai tak a ni (Y)
January 28th, 2011 at 11:13 pm
HV-a chu ron ti tha khop mai ! A dik ani, chaw eina bul chiah thute an lo hip rik hruih2 toh hi chuan…a buaithlak thin…hairehai….tin, ha siamchawp vuah tan, chaw ei hma a mahni bula dah mai loh tur…..hairehai 😀 (Y)
January 28th, 2011 at 11:15 pm
@H.Vangchhia nge nge i article post chhiar a nuam thin mai mai e… a pawimawhin a tangkai hle he thil hi…ka like pop pop eee (Y) kei mai te pawh hian ka tawng hnem toh khop mai,,nuihzatthlak deuh deuh…
January 28th, 2011 at 11:23 pm
Thirkut a chaw (buh) ei ai chuan spoon hian a rem riau zawk asin. Soup a hman tur bik spoon chu a awm hrang ve thin a.
January 28th, 2011 at 11:27 pm
(Y)
January 28th, 2011 at 11:31 pm
@muante, it ti dik ! Rice kan ei chuan ‘spoon’ chuan a rem tlat lo, hnamdang/foreiner chaw eipui ve chang chuan ‘spoon’ pe mai….fork chuan a tih theih loh alom !
January 28th, 2011 at 11:38 pm
Ka thil vei te
1.Bowl hmang lo a chaw hmeh tui in hawp trawm luai2 naah chaw ka eiin vawi khat bak ka hawlh duh tawh lo.Ka kham daih zel
2.Adidas, Reebok,Nike, Levis a in thuam nalh tak2 te poh hian bowl chhawp reng hi hman na chang hre lo an tam. suah chhawnna tura fian lian deuh hlek daha hawp pup an hmang
3.Mizoram hmun hrang2 hotel ah chaw ka ei toh.Seling, Keifang, Kawlkulh, Khawzawl, Tlungvel,Khawruhlian,Rawpuichhip,Serchhip,Tawipui South,Kanhmun,Mamit,Sialsuk,Hnahthial ah te.Chaw hmeh min rawn chhawp hi kan hma a mi te ei bang min rawn chhawp fo.
4.Kanchanpur,Tripura ah leh Birpara thingtlang, West Bengal ah ka ei toh bok.Mahse an ni chuan kan ei khop in englai pohin, tuma suah pawlh lo in min pe thei.Chaw hmeh sa ver vawr Mizo hotel zawng2 in min pek theih loh hi min pe thei
5.Mizo hotel ah hian arsa leh vawksa bak ei tur a awm ngai lo.Ei leh in chungchangah Mizo ten hmasawnna tur kabn la ngah hle.
January 28th, 2011 at 11:39 pm
Ni e, India Dining etiquette atan hi chuan fork chaw ei nan a hman tih hi chu a rem loh chang chu a tam, indian reng reng kan chaw chawm lo a ei hi kan awm mang lo a, chaw tui deuh plate hlai deuh atanga han suah chu har deuh mai thei,mizopa duhdan tui deuh hlap phei kha chu…,Rice bowl te a chaw an rawn chhawp a nih lem loh chuan..mahse a dang khi chu a apply theih khawp mai…kan sira thu te cross zawnga chawhmeh ban te hi a tihloh theih…
January 28th, 2011 at 11:44 pm
Vai rice phei chu til ar ar thei chi ani bawk sia fork chuan a khirh deuh pu Hv! Post tangkai tak anih hi:like:
January 28th, 2011 at 11:44 pm
Antam kuang han zut dalh dalh mai hi thir-fian leh thir-kut chuan a har mai thei 😉 kan thil ei/ei puite a zir a hman tur hi chu a awm ve mai ang chu….!
‘Dialdawk Chengkawl’ chengkawl han hip rik hruih hruih ka va han chak ve le…!!!
Vawkvun kan puah han thial rik rup rup ka va chak ve..!!
Chakai bawp han seh keh rup rup pawh a chakawm hle…..
January 28th, 2011 at 11:45 pm
Post tha hle mai. Table manner a pawimawh rual hian eina hmun leh eipuite a zir a chaw ei thiam te hlei hlei a pawimawh. Kan nau pakhat a tetlai atanga thirfiana chaw ei thin kan nei a. Alo lian deuh a, Mizo ruai thehte, thalai thil tih leh khawmpui eng ilo velah a tel alo tul a, bul a mite a zirin thirfian a ei reng kha alo rem hauh lo. A tleirawl uaih tawh hnuah kut a bar ziritir chawp a ngai tlat. Vaihoin kut a chaw an ham leh, kut kara Dal tih vel lo sawr chhuak te, thleng a kut an sil leh leh kutphah sir an liak duai duaite hi an zinga kan ei zawk a nih chuan “do as the romans do” kan ti ve theilo a nih pawh in kan enthiam chu ngai.
January 28th, 2011 at 11:46 pm
A tha khawp mai.
Chaw ei lai ban lek chhuah fo ka hreh avangin chi an chhawp pawhin ka liak ngai lo.
Hmarcha hi ka ei hian ka irhfiak zel! Hmarcha ka ei loh phah hmak. Chawhmeha an thlak a nih ngawt loh chuan hmarcha rawt ka ban khât khawp mai.
Chaw hi kutin ka bar zel. Ka chawhlui kilpuite ka ngaichang a, an ei dan ang ang khan ka ei mai zel.
Misual zingah chaw eipui ka nei nual tawh a, chu’ngho chuan an hrechiang ngawt ang! 😀
January 28th, 2011 at 11:53 pm
Thu tangkai tak a ni. A ho lo hetiang lam hi. Chhianchhiah zel ila tha mai. Secondary leh Higher kan kal lai khan kan Mess Secretary khan thir fian hmang a chaw ei kha kar khat ah ni thum vel tal iti ang u tiin a propose a. Ho ka ti ang reng a. Warden hnenah te khan thlen a ngai vel a. Mahse e kum vekah ka zin chhuak a apawimawh zia ka hre leh hnu hnawh a. A awmzia a sin aw…Table manner te,Toilet hman dan te kan zir nasat zia kha….thu awih lo tak la awm zel.. 🙂
January 28th, 2011 at 11:55 pm
Thirkut hman rau rau chuan chaw/buh ei nan pawh alo har lo khawp mai. Mizo tawnga fork, “thirkut” ti a anlo vuah hi niawm reng alo ni. Kut hmang thang lo pawn kut lawnga ei tirh chuan harsa an ti reng asin, awlsam taka zir theih a ni ve ve.
Mahni inah erawh chuan duh duh hman a pawina ka hrelo mahse, hmundang, midang te nen han kil ho hian…ka tihna anih chu. Soup thirfian tak chu ni e, a dang hret alawm, Sawhchiar dawr a an hman ang hi soup hawpna tur chi hrim2 chu a ni.
Kan hman ber ang chi hi table spoon tih a ni a, thil serve nan hman tura siam a ni nangin, soup lam chi hawp/ei nan leh dessert ei nan hman a ni bawk. Soup leh dessert an serve kawpna chi, three course meal angah erawh chuan soup leh dessert spoon neih kawp i thlang zawk thung ang. Thirkut ah ngawt pawh hian chi thum vel a awm a chung chu ka sawi lovang, kan mamawh em em in ka hriat loh avangin.
Ka han ziah an te khi table etiquette ni em em hranlo, Mizo ten engemaw tih nikhuaa kan tih fo, mawi zawk leh khawthlang lama an tih dan ka sawi mai a ni e.
Chaw eipui kan neihin, phone lo ri sela va pickup thurh hi a hawihawm loh thlak, mikhual a inzah loh thlak tiin sawi a ni. Tin, cell phone phei chu off hmak hi a mawi ber, a lo ri palh a nih pawn, i off theihnghilh thu sawiin a ri ti reh la, ak tha leh mai rawh. Mi kianga (thiante emaw) phoen hman sek te hi thil mawilo leh kianga mi te tan ninawm tak ani tih hriat a pawimawh bawk.
Sawileh sawihnu, Thirkut hmang lova thirfian hmanga chaw/rice ei hi Asia ramah hian kan ching viau, a siam chhuak tu khawthlang lam chuan thirkut hmanga chaw ei hi an tihdan a ni si. Chop stick pawn rice an ei theih chuan fork chuan kan thei ve ngei tur ah ka ngai.
January 28th, 2011 at 11:57 pm
tin, chaw ei khawm naa kam thruahna pik vak vak te hi a mawi lo. chaw ei khamah tui thianghlim in a, lem mai hi a thra. kan thruah lo thei lo anih pohin kan kam thruahna kha pik vak vak lo in, kun hniam a, chhak mai tur a ni.
January 29th, 2011 at 12:01 am
Chaw ei rei deuh hleka, a kham hmasa ho an lo irh uak² hian a nuam chem² lo khawp mai! (N)
January 29th, 2011 at 12:02 am
@13 Ozima ka thlawp viau tho a che,eina hmun leh eipuite a zir chu a pawimawh khawp mai.. South ah khuan a bikin Chennai ah khuan fork leh spoon vel chu an ngaisang lo ve khop mai. an ministerin an traditional food lunch ah min eipui tawh a,,,fork leh spoon chu a lang vak lo…kutin kan bar pak pak hlom mai…
January 29th, 2011 at 12:10 am
chaw ei lakloah laia vai kam thruah lo uak pah hi huatthlala awm thei. 😉
January 29th, 2011 at 12:11 am
Kum 15 zet chu fork & Knife hmang in chaw ka lo ei ve ta reng mai, a chang a Mizorama chaw ei a hman tur a awm loh chang tih maiah loh chuan. Chuan rice hi ka ei reng bawk a, tih than chuan harsatna engah a awm lo. Chinese ho pawh in rice chopsticks hmang in rice an ei thei a nia 🙂
Kut a chaw ei hi chu kan culture a ni a, India a kan awm chhung chuan pawi ka ti lo, ka ngaimawh zawk chu belthleng pakhat a chawhmeh suah kan in hawp tawm hi a ni ber mai. Kuhva ei sen huam te, sahda hmuam, meizial zu, ha bal ve hrim hrim te nen chaw han ei ho va kan han in hawp tawm ngat mai hi chu zia lo tak leh thil mawi lo tawpkhawk ni in ka hria. Mitinin kan fian theuh kan ka chhungah, kan lei, kan hâ si in kan han hawp a, chuan chawhmeh kan zuk suak leh a…yaaaak!!!
January 29th, 2011 at 12:11 am
herc, thirkut leh thirfian hman rau rau chuan… tih lam biahthu a ni e 🙂
burgerstud2005 sawi leh blackmagicwoman sawi, #17 leh #18 te khi hriat reng a tha ka ti khawp mai. Chaw ei laia insut rik hrup2 te hi :-S
elcee sawi, “belthleng pakhat a chawhmeh suah kan in hawp tawm hi a ni ber mai,” pawh hi a chi loh khawpin ka hria, hrisel nan pawh a thalo tawp ang. Mizoram chaw dawr a han ei te hian mi ei bang (Bai ilo) bel lianah an chhung lut leh ka hmu zeuh2, tenchhiat leh chhiat loh lam pawh a nilo, a tih chi loh hrim2.
January 29th, 2011 at 12:24 am
@H.vangchhia, ka pawm thlap.. ka support ve bok che khi..mahse eipuite leh eina hmun te pawh a ni ve thin bok tih biahthu kan rawlh ve zauh nih kha.. 😉
January 29th, 2011 at 12:29 am
#23 nia 🙂 (Y)
January 29th, 2011 at 12:33 am
HV post hi oppose chi miah lo a nia aw!!! 🙂
January 29th, 2011 at 12:33 am
Fork hman thiam hi a har hle. Zir a pawimawh khawp mai. A hman hun tur chungchangah chuan kan eipuite a zir hi a fuh mai.
Chuan, in diet duh chuan fork hman hi a tha hle.
January 29th, 2011 at 12:35 am
Breaking news: helam pang.
Fonz a cousin te khua/vengah nichin mai khan misualin bank a rawk a. A thawk hmeichhia chu hostage ah la in pawnah a chhuahpui. Chutah chuan tlemin vur nalah a tawlh thlu tep tihah hmeichhia chu a tlan chhe ta a, police ten an kaphlum nghal.
An kap dawn tep/hma lawk pic:
http://media.bonnint.net/wtop/20/2076/207691.jpg
Chhiar chiang duh tan, video nen:
http://wtop.com/?nid=25&sid=2251873
January 29th, 2011 at 12:36 am
Thawk khatlai khan fork-a rice ei zu ka zir ve tawh lawm. Mahse, ka bansan! Kei ve chu ka thiam loh lampangah chuan nep tak mai hi ka nia.
@ pu HV, (Y) , a tangkai khawp mai. Tin, mi inah emaw, hmun dang kan hriat than vak lova chaw kan ei in, kha hmunah khan tihdan bikte an lo nei thei. Chutiang hunah chuan midang ngaihchan a, an tihdan en hmasak a tha fo. Kan mualpho lohnan.
OT ZUAI ; Kan pu pakhat (fiamthu thiam lar ve deuh) hi kan ina chaw a rawn ei chang hian sa thau suah nawlh paha mi thlenga chaw nen hmeh pawlh a ching reuh va, zia lo thei khupz mai. (Mahse kan unau bulah lo chuan a ti ngai lo)
January 29th, 2011 at 12:38 am
@Ozima chu lehlam zawnga ngaihtuah chuan i zul deuh riau mai… 🙂 HV a post hi a dik vang leh poimoh vangin ka respect a oppose tur ka hmu lo kei chu..a post hrim hrim oppose chi loh vang nilo in..NOI
January 29th, 2011 at 12:40 am
Ozima#25 chutiang lam ani leu. 😛 😉
January 29th, 2011 at 12:42 am
@ TSa, kan inang chiah. Keipawh hmarcha ka ei chuan ka irhfiak zel. Mahse, chawhmeha an telh hi chuan engtin mah ka awm leh chuang lo. Mak tak a ni.
January 29th, 2011 at 12:45 am
Nie thirfian ang chi tho chaw emaw thil sakhat eina tur, soup dawng tur chi ni lemlo hi a awm tho 😀 :hnial ve hrim hrim:
January 29th, 2011 at 12:48 am
Hmanah PG hostel ah hian kan warden ber hi a hnar a phit nghek nghek zel a, a tuiawmloh thei asin aw.. han sawi ngam ni si lo. A them alo thlawkchhuak ang tih kan hlau thei lutuk mawle dawhkan khatah kan ei vek mai sia.
January 29th, 2011 at 12:50 am
cotdarz #16 leh #21 khi chhiar mai teh hairehai 😉
#33 a i sawi ang hi Shillong – Ghy Rd, kan chaw ei naah khawngaih taka ti tawh lo turin ka hrilh tawh asin 😛
January 29th, 2011 at 12:55 am
@herc #29 Ka sawi i man lo, ka tih te te chuan a hre rin ran siah…hehehe (OT thui lutuk lovang chu maw!! 🙂 )
January 29th, 2011 at 12:56 am
H.Vangchhia@ i breaking news hi ka lo ena; i ti tha e.
January 29th, 2011 at 1:19 am
Thingpui dawra chawlha a thawktute’n kutzungpui van kawk vah chunga hnarkua an han kawm ngawng ngawng hi chuan han luak sawk sawka barh ngheng an châkawm.
January 29th, 2011 at 1:33 am
ruaithehna emaw hostel ah te hian ke bal deuha chaw ei hian a hmutu te tan a nuam vak lo.
chuan vai thenkhat hian thleng pakhat ami chaw inbartawm an ching reuh a(1plate=5 vai) hmuh a nuam lo takzet a ni. (^)
January 29th, 2011 at 1:46 am
A thu chhiar hlek lovin comment ang reng deuh si in ka lo ziak ve leh ang..Pu H.V’n lo hrtym my^s,k lut kht ltk a.. thu post dan tih ah khian ‘tr’ hi hman loh ni se tih khi, thralo ka ti tralh teng.. Tingtang perh ai chuan Tringtrang pawm hlu hlu pawh ka thlang zawk a,’tr’ angai tlat si a..Computer ah chuan ‘tri’ kha a chhut theih twh kha maw…Å£ ?? mobile hmang tan chuan ..
Chaw ei dan ah hian changkan a Å£ha khwp my…!!
January 29th, 2011 at 1:50 am
kut a chaw ei ka zei lo lutuk, huan riak leh lo vat a kan kal pawn sipoon hlir in chaw ka ei …zahthlak zawk asin.
January 29th, 2011 at 2:39 am
#21 (Y) sawi khi kei poh ka vei ber a ni. Chawhmeh tinah fian dah ila, bowl nei hran vek bawk ila, chutah chuan chawhmeh (Antui nei chi)chu suak ila, a tha ber. Inhawptawm luih luih hi chu a tihchi tawh vak lo tlats
January 29th, 2011 at 2:44 am
chawei kham hmasa ten kan la ei lai renga meizial an lo zuk hi ka haw tawp
January 29th, 2011 at 2:52 am
eheu…an va lo tawp ve…keichu chopstick nen ka ei thin….ka suah tawm ngailo….
January 29th, 2011 at 7:22 am
Zualbon, kei pawh chopstick hman hi kar khat chhung kan practice a, tih ve theih mai. Nui ti za deuh chu, mizo nula pakhat nen dinner kan ei lai in finger bowl a tui a lo in a, hrilh hman a ni tawh si lo. Zahthlak duh rem rem tak a ni. Lemon slice finger bowl ami kha a la sawr zui. Huihz
January 29th, 2011 at 7:25 am
Kut emaw thirfian emaw hman lampang pawh anilo. Hnamdang anglo takin Mizote hian inkhamsan chu sawiloh a lum midangte kham ve hma a vei suau suau kan ching lutuk ringawt.
Antui hawp rik…he he he….Bowl a inchhawp mai tur 😀
January 29th, 2011 at 7:37 am
Thirfiana chaw ei hi intihhmuh chi tak niin ka hria :-S Kut berh lam ngei maia chawhmeh han lak/ban te hi tih chi miah lo.
Chaw thleng sira chi inchhawp hi chu chin loh atan a á¹ha khawp mai. Ka ti ngai á¹hak lo.
Post á¹ha tak a ni
January 29th, 2011 at 2:08 am
#39 sipel dan khi puanchhia anga hnawl a ni hairehai
Cell phone te chu kan hmang ve tho
chhangte_ll “midangte kham ve hma a vei suau suau kan ching lutuk ringawt.” a dik hmel lutuk.
January 29th, 2011 at 2:31 am
HV, Ani tlat alawm. Hnamdang fatu te chuan chawei tur tawk an bituk zel a, hneh taka an vil hnuah a rualin an kham a. Indawt zat in an in ei chhawka, la eilo te an lo vei suau suau lova, a eikham tawhte pawhin an va tibuai tawh lova. Mizote chu a hman apiangin chaw kan dawh a, a kham hmasa leh la eilo te nen kan insulpel suau suau alawm…
January 29th, 2011 at 2:31 am
Chaw rum ngaina mi tan chuan thirkuta chaw ei chu puar a va har dawn em!
Aia upa ten min khamsan hian a zahthlak ka ti thin.
January 29th, 2011 at 2:45 am
a bar a bar ngei ka la duh e
January 29th, 2011 at 11:54 am
A hun leh a hmun ang zela in adjust thiam hi a finthlakin a tha ka ti. Mahse a hunah khan Thirkut hmanna turah fian kan hman tah kha chuan a dik zan lo tlats. Chutiang lam biahthu chu a ni e.
chhangte_ll #48 mak awm siau suau mange tiraw hairehai
January 29th, 2011 at 12:06 pm
HV, i thil post hi a tha ka ti khop mai…PU KC Lalvunga khan a novel, Ralkapzauva tih ni tain ka hria, khatah khan a telh nghe nghe asin…chaw ei dan pawimawh zia hi ! Amaherawh chu mizoramahhi chuan kei chu thingtlanga han zinni khua a, an lo in hawp tawm anih pawhin k ahawp hmiah2 ve thei tho. Changelhnaha in bar tawm pawh ka thei tho.
College kallai khan ka tenchhe deuh hlek thin a, meitei ho bulah ka ei thei thin lo…an dal chawm hi an kut kar atang hian alo chhuak teuh thin a, an leh liah thul…ka ti thei lo khop mai…an ei ban hun ka nghak phot a, ka ei chauh thin….
January 29th, 2011 at 12:58 pm
mi ramah hi chuan mi tihdan anga tih ve tum zel hi a tha, ngawi reng hian mi tih dan hi entawn ila, thil hi zawt vak2 kher lo ila, rual kan pawl a ni mai. kan tihdan an mak an ti a, an sawi leh ‘i like it this way’ tih leh mai tur
mizoramah erawh kan tih dan ang ngei hi a la tha hrih e ti teng… tu te emaw sap mikhual neiin sap chaw ei pui kher an tum a, sap tih dan a ei pui kher an tum te hi a tul ka ti lem lo… hnam 1 phei chuan kut 2 a chaw ei kher turah an ngai a, an bula chaw kan kilin kut 2 a kan ei loh chuan an ngaihdan a ni lo thin.. a tam ang chu sawi tur
January 29th, 2011 at 1:04 pm
Rk #53 “tu te emaw sap mikhual neiin sap chaw ei pui kher an tum a, sap tih dan a ei pui kher an tum te hi a tul ka ti lem lo…” a dik ka ti, kan ei dan ang pangaiin kan eipui mai kha kan zahawmna zawk a ni.
A hmun a zir hian in adjust thiam a pawimawh, hnamdang/khawthlang lam hi chu an in adjust thiam tlangpui. Mahse, tul hun a awmin thirkut hmanna turah thirfian kan hum tut khan a dik dawn lova, a tlangpui hriat hi a tha ka ti
January 29th, 2011 at 10:03 pm
Thitkut hi chawi ei nan ka hmang thin thirfian erawh chawhmeh etc suah nan hahaha
thirke hi mite han pet nan a tha
Good post ah ka dah HV a post ani bawk a .
No hi zu in nan ka hmang thin
January 30th, 2011 at 2:02 am
Ka hriat ve loh lam tak a nia, comment ve vak lo mai teh ang