Ka thil hriatchak thenkhat (Part I)

June 21st, 2012 3:30 pm by saint sammoo

(Tunlai chu Part-a then a lar deuh tlat. Then ve ngawt teh ang.)

Pakhatna : He khawvel hmachhawn tura tap chunga ka pian chhuah laia min chhartu, ‘Veng sang Pitar’ an tih mai kha tunge ni ang le..? (A hrechiang tura ka ngaihte chung lama thawn chhoh an ni tawh hlawm si a.)

Pahnihna : Naupang sawngnawi tak ka ni chung khan ka nu duhtak khan min ‘Feh san’ lo thei si lova, ka tui a hal apiangin ka pi-in ‘Zéma’ (James?) nu hnute chhim turin min paw chho thin a ni awm e.. Tunge Zema Nu kha ni ta ang le..?

Pathumna : Sikul kal rual la ni lo mah i la, min awmtu mumal awm ta lo chu ka U-te sikul kal kha ka zui ve mai thin, ni vui zo ve hek lo, ka muhil ziah. kan khaw Zirtir, Sialhawk lam mi Pu Chuau-a khan min paw hawin an inah khan ka nu feh hawin min rawn lam mai thin, Pu Chuau-a an tih mai thin kha Tunge ka hrechiang chak ngawt mai.

Palina : Naupang tualchai rual ka ni ve ta. Kan khaw dai a Ram hâi (Theihai te chi ?) kan lawh tumin ka tla palh a lawm le.. ka ban ruh hi a tliak a, a ruh them te pawh vun pawnah a rawn pir chhuak a ni awm e. Ka U in min paw haw a. Ser tih tham leh ban kawi teng tung pawh awm hauh lova min siamrem saktu, Pa Kawla an tih mai thin kha tunge a nih ka hre chiang chak ngawt mai.

Pangana : ‘Inbual-ni’ a ni a. Kan inhnuaiah Motor kawng lem siamin ‘Chartin bung’ khalha kan thianpa nena kan vûû.. tui lai takin ka nu chawhmeh zuar zo lo haw chuan inbual turin min rawn kova, chhuanlam ka ngah kher mai… A hnu deuhah chuan, “… Lo chho vat rawh.. Sahbawn rimtui ka lo hawn a nia..”. Ka thian kawm leh ka motor lem pawh ngaisak hman miah lovin rang em emin ka tlan chho nghal a… kha ta Sahbawn rimtui kha eng sahbawn tak ni ang maw..?

Parukna : Pawl sarih ‘Board Exam’ ka hmachhawn ve ta. PC Girls School kha kan Centre a ni a, Kan hnung tlara thu (Saikhama-kawn naupang?) sam kir deuh hlek, samtawnna sena sam tawn thin, ka mitsira ka melh apianga lo nui sen sen thin, kan Exam chhung zawnga an hnung deuh a zui tih mai loh chu, tunge a nih ka zawt chhuah ngam tak loh kha… ka hrechiang chak ngawt mai.

Pasarihna : Ka nu hi ‘Mihlim’ an tih ang chi kha a nia. Mikhual thuhril leh veng mawng lama khuang ri kha kan chhungkua aia a ngaihpawimawh zawk thin vang te pawh a ni fahming. Ka rualpui ten mei an zuk hmain zu ka in tawh. Pawl kua ka nih kum khan school Form hrang hrang Pali ka ha hman. Ka hming leh Hnawhchhuah tih kha a inhmeh riau. Lehkhathawn tawi te, “… I chanchin chhe lam an sawi zawng zawng pawh hi dik vek mahse.. Ka hmangaih tho che..” (Fr. M) tih te mai min thawntu kha tun thleng pawh hian tunge a nih ka la hre chak.

Pariatna : Khawvela nupui fel ber ka nei a, Pathianin Fa duhawm tak min pe a, kan fatir pian zan a, “Hei le.. Baby of R*****, Female, kg 3.800.. hmuh theih maiah chuan pianken dik lo leh danglamna hmuh a ni lo..” kawngka a rawn dak a, khi thu rawn sawitu Nurse AW kha mawi ka va han tak em… Tunge a nih ka hre chak ngawt mai…

56 Responses to “Ka thil hriatchak thenkhat (Part I)”

1
Kingpin Says:
June 21st, 2012 at 3:38 pm
(Y)
2
Dr Mahminga Sailo Says:
June 21st, 2012 at 3:40 pm
Hringnun i va phawrh kim thiam tak. I chhawpchhuah dan lah a dangdai… (Y)

Parukna khi ka hre chak ber. A mawrantik hmel riau.. (Y) 🙂
3
ÉªÌ£uÉªÌ£pnoÉ¥ Says:
June 21st, 2012 at 3:40 pm
(Y)
4
saint sammoo Says:
June 21st, 2012 at 3:46 pm
a lo chhuak a ni maw..
ka van vil hneh dawn rua em….!!!
5
TuaiSialA Says:
June 21st, 2012 at 3:46 pm
Post dangdai tak a ni phawt, a ngaihnawm em em a. I rawn phawrh chhuah dan hian mi a hîp duak duak thei mai. Request, misual.com-ah hian ‘Bawihte’ tih kha i rawn post tawh em? Lengzem-ah pawh an chhuah tawh kha. Kha kha i la post loh chuan lo post la ka ti khawp mai. Thuchah ropui tak a keng si a.
6
century child Says:
June 21st, 2012 at 3:49 pm
(Y)
7
TuaiSialA Says:
June 21st, 2012 at 3:53 pm
Pakhatna : Kum 1996-a ka pute khuaa ka awm laia kan kawmchhak kawngpuia ka hahmai hnek baltu kha tunah khawiah nge a awm ang le?

Pahnihna : Kum 1995 kuma kan sikula Nepali naupang a hnar ka vawm thî-saka kha a la dam ang em le?

Pathumna : Saint Sammoo hi khawiah nge a awm ang le?
8
TuaiSialA Says:
June 21st, 2012 at 3:58 pm
Rosicky nupui hi a chhe lo asin awww… OT chiang rem rem.
9
saint sammoo Says:
June 21st, 2012 at 3:58 pm
ts : ka roh ve fu nangin post a ni tawh e…
ka MP-a ka chhal ve a nia.. MBSE hian zirlaibu a telh min dil ve a, ka phal lo.. kei, misual, ka thil tih tawh a inchhir duh ngai miah lo hi ka inchhir ve khawp mai..haha.. leh pek a la awm em ang chu..
10
badboy Says:
June 21st, 2012 at 4:00 pm
Pakhatna : Ka Zu in hmasak ber kha engtik kum nge niang le 😀

Pahnihna : Ka Zu nghei ni kha tunkum engtik ni leh thla nge niang le 😀

Pathumna : Vawiin hi Lalmanga Nu lawm rawih Ni 🙂
11
TuaiSialA Says:
June 21st, 2012 at 4:03 pm
Khawngaihin a link min pe theih em? Ka’n search chhin ang e. I han sawi takah chuan ka comment pawh a awm ka ring. Zirlaibu pawha i telh phal loh heta i rawn post hi a ropui ka ti khawp mai. I chance tha lutuk i hlohah ka ngai. A chhan chu zirlaibu-a telh reng reng chu naupang thinlungah a phuahtu nen lam a châm reng thin a, an thanlen hnu thleng pawhin an theihnghilh ngai lo. Chumi i hnâwl chu a uiawm ka ti lutuk. Mahse, next a la awm ngei ang.
12
lrpa Says:
June 21st, 2012 at 4:07 pm
Hrilh thei che ni ta ila…ka sawi peih kher lo awm e..
13
saint sammoo Says:
June 21st, 2012 at 4:09 pm
ts: ka inchhir vawi khatna..hehe..
14
sisen Says:
June 21st, 2012 at 4:11 pm
chhiar a nuam dap dap e, parukna khi keipawh ka hre chak (Y) (Y)
15
Dr Mahminga Sailo Says:
June 21st, 2012 at 4:13 pm
Pakhatna: Pawl 8 ka zir kuma, pawl sawm zirlaiin; a kut no taka ka kokia min vuan chungin, ‘awi ka va’n duh reuh tak, i va’n hmeltha ve’ min titu, kha khawiah nge a awm tak ang le?

Pahnihna: Ka bialnu neih ve chhun khan nau a pai tawh ang em le? 😛 (pasal a nei tawh tih chu tlangkam atangin ka hria a.. 😉 )

Pathumna: Nula ka * em em mai, ka bem ngam bawk si loh hian; min duh ve mial tawh lo’ng maw? 🙂
16
chhangteval Says:
June 21st, 2012 at 4:19 pm
A hre tur berin i hriat loh te chu keini tan chuan hriat ngaihna va awm suh 😛 (H) 😀
17
saint sammoo Says:
June 21st, 2012 at 4:23 pm
chhangte : in hria em ka tih loh khi…haha..
kan hriat chak te i sawi khawm mai² ang u..
vawiin (Vawiin ni ni lovin) chu kan chawl calender a sen bawk a ka HO ngei mai..haha..
18
H.Vangchhia Says:
June 21st, 2012 at 4:26 pm
In veng (Vengsang) mite a zawh chi ber ang. Keini misual ho chuan kan naute kan chhar ngai meuhlo hairehai 😛
19
PKfanai Says:
June 21st, 2012 at 4:43 pm
1. Pi Tialpari(Pi Zawlneii an ti bawk thin)
2. Pu Vanzema
3. Pu Chuauhranga
4. Pu Kawlkhuma
5. Lifebouy
6. Partei
7. Mapuii
8. Aduhi
a dik vek em aw?
20
Dr Mahminga Sailo Says:
June 21st, 2012 at 4:55 pm
Ka thil hriat chak te (chhunzawmna… 😉 )(Ka ho hot lawk, post-tupa… 🙂 )

4-na. Married Lady hian pasal a nei tawh tak tak ang em?
5-na. aduhi hi nula hnahkhat nge nula hnahhnih? 😀
6-na. Chhuaklinga hian, gas cylinder engzat nge a put tawh?
7-na. no_nick hming hi tunge hria?
8-na. chemtatrawta hian chem a tat thiam tak tak ang em?
21
saint sammoo Says:
June 21st, 2012 at 5:13 pm
Pk a dik vek….haha..
22
saint sammoo Says:
June 21st, 2012 at 5:14 pm
mitthi kan nei, kan out loksss
23
chhiartu Says:
June 21st, 2012 at 5:22 pm
1.Internet hi awm lo ta se misualdotcom a thu thra tak tak te hi engtin nge ka chhiar ang le.
2.Aizawl ka zin hmasak ber tuma silailem ka leina te khan anla zuar angem le?
Post tha tak ani.
24
chhiartu Says:
June 21st, 2012 at 5:23 pm
1.Internet hi awm lo ta se misualdotcom a thu thra tak tak te hi engtin nge ka chhiar ang le.
2.Aizawl ka zin hmasak ber tuma silailem ka leina te khan anla zuar angem le?
Post tha tak ani.
25
ahooma_ Says:
June 21st, 2012 at 5:31 pm
Tha lehpek (Y)
Ka comment zak
Ka orkut passwod kha e’nge ni ta kha le… :-S
26
ÉªÌ£uÉªÌ£pnoÉ¥ Says:
June 21st, 2012 at 5:47 pm
Sawizui ve hrim hrim ang. A á¹ha tlat.
27
ÉªÌ£uÉªÌ£pnoÉ¥ Says:
June 21st, 2012 at 5:50 pm
KhÃÌÌtah khian ka lo sawi tawh reng a nih khi. Pawi chuang lo ve.
28
doc_lib Says:
June 21st, 2012 at 6:05 pm
1993 December ni 20 zana MST bus Aizawl to Lunglei, tlar hnung bera ka thut pui nu, ‘Leitlang Dingdi’kha tu tak ni ang maw? Misual.com kal tlanga article post meuh a ka zawn pawn ka la zawng chhuak thei ta si lo chu ania.. 🙂
29
century child Says:
June 21st, 2012 at 6:25 pm
Ruhtliak, bilh, pelh tih vel siam thiamtha thiam (ti mai ang) hi an vang hmel tawh ka ti, an lo hlu ngawt mai.
30
Chhuaklinga Says:
June 21st, 2012 at 6:43 pm
A va dangdai ve le. (Y)

tren tren
31
saint sammoo Says:
June 21st, 2012 at 7:35 pm
komen chur² teh u.. mitthi inah ka kal a ngai tlats.. i’ll be back (thum tawkin).. 😛
32
saint sammoo Says:
June 21st, 2012 at 7:53 pm
Thingtlang damdawiin tih takah Chaplain te nei ve hek lo… mitthi an awm apiangin damdawiin hnaih ber quqrters tih takah min rawn ko ziah sia.. khi lama thawn chhoh tumin tawngtainain ka’n thlah ve thin chu a nia.. an ngaihtuahawm thin ngawt mai..haha..
33
mamboihi Says:
June 21st, 2012 at 8:02 pm
Saint hi tunlai chu a hman riau a, a khawlo tan tlat in ka hria.. 😛
34
ninja Says:
June 21st, 2012 at 8:28 pm
Ka lem duak duak a ni ber e. Hringnun tawn i ngah bik nge i thil tawn i sawichhuak thiam bik?
35
lushai_er Says:
June 21st, 2012 at 8:45 pm
Hei hi a lawm Mizote kan buaina chu “Run” lui bak kan chhui pel thei lo hi a mangan thlak ngawt mai.

Part-2 lamah chuan @PKF-a chhanna hi i rawn correct vek tawh ka beisei 😀
36
Rokob Says:
June 21st, 2012 at 9:12 pm
Thian ho in ramhlun ‘n’ a ka * kan rim a, inti tlangnel takin meizial ka tan, astray hmu mai lo chuan a bawk chu a bawmah ka zuk dah leh, chutah a lo la thi tha lo chu lo niin, voi leh khatah a rawn puak pup a, a rualin a rawn alh ta hluai mai, keia phu chiang lutuk hrilhai bawk chuan an carpet chhuatah ngei nawhalh bawm chu ka zuk paih ta anih kha, an carpet la thar tha chu a kang dum ta hnuang mai, inthlahrung ve pangngai takin a tuk zanah keimahin ka va leng leh a, ka * nau ngei mai chuan,’ A uuu, nizana kan carpet tikang tupa kha alo leng leh tawh niaaa..’ titu te kha a nula ve tawh angem tih hriat ka chak ngawt mai.. 😛

Zonet kan pawt velo avangin mizo idol 2007 final kha kan thenawma inthlarung taka ka va en a, an naute kum 7 mi lek ka bulah alo kal phei torh2 a, ka hma chiahin lo dingin chiang leng lawngin ka hnar chu a kutzungchal ngei mai chuan kawkin,’ I HNAR A VA LIAN VE,’ min rawn ti ta mai, a nu leh pa, a ute ho nui za lutuk ka zah an hlauh avanga insum si kha, ka haw hnu khan an la nui tha leh angem le ti poh kha tun thleng hian ka la hre chak(zawt ngam tawh hek lo i haha).. 😛

Post thil tamtak mi ti hrechhuak tu tak ani.. (Y)
37
ninja Says:
June 21st, 2012 at 9:14 pm
Zanin chu inkhel thlir lawkna post/scheduled a awm miah lo
38
sheldon Says:
June 21st, 2012 at 9:14 pm
Hei chuh a haw vanglai in ka lo lut lo pek ani maw. Keipawh mitthi in ka kal vang ania. Post dangdai hle mai. Chunglama i han hlan te thlarau chu a ngaihtuahawm em lawng chu maw!
39
mamboihi Says:
June 21st, 2012 at 9:29 pm
Sheldie ka lo ngaihtuah ve chiah!!
40
Dr Mahminga Sailo Says:
June 21st, 2012 at 10:11 pm
# 36… 😀 (Y)
41
sheldon Says:
June 21st, 2012 at 10:16 pm
Mamboih, mahminga tiamin, inkhel en in tum ngei ka ring..hairehai.
42
Charice_mizo Says:
June 21st, 2012 at 10:32 pm
Part II chhiar van chakawm tawh ve (H) …chuan ‘Bawihte’ tih chu ka chhiar chak bon 🙂

Khing i thil hriat chakte khi damchhungin i hre tawh kher awm si lova..sad (W)
43
Sasaks Says:
June 21st, 2012 at 10:38 pm
(Y) Thil i hriat rei kir ker danah i fel hle loh vek chuan i sual thiam viau ta ve ang…em le? 😛
44
saint sammoo Says:
June 21st, 2012 at 10:47 pm
A then an inkhel ang a, a then in kan lo in khelh khelh ang a.. then khat a goal avangin an au ang a, a thenin tingtang nen nun hlui kan lo au ve thung a nga..
45
lr hlonchhing Says:
June 21st, 2012 at 11:08 pm
Mithi chu mithi-in vui rawh se. (W)
46
Lamji Says:
June 21st, 2012 at 11:19 pm
Chhiar a nuam khawp mai a.. (Y)
47
Kher Kher Says:
June 22nd, 2012 at 12:28 am
He post hi schedule a awm lai kha ka hmu a, ka chhiar chak reuh kher kher lutuk.
Beisei a phak khawp mai, chhiar a nuam. (Y)
48
Lamji Says:
June 22nd, 2012 at 1:41 am
Ka hriatchak te hi chu hriat ngei ka tum thin. Ka pa’n a awh em em inverter a lei ve tum paw’n pahnih ka tihchhiat sak nghal. 🙂
49
saint sammoo Says:
June 22nd, 2012 at 1:43 am
half time lai khan ko lo chhing sek a lawm le..
50
saint sammoo Says:
June 22nd, 2012 at 1:47 am
haf senchiurii
51
Lamji Says:
June 22nd, 2012 at 1:50 am
Phek thar aw. Pu samoo pawh inkhel en turin mitthi lumen i tlanbo nge? Inpuang mai rawh.
52
saint sammoo Says:
June 22nd, 2012 at 2:18 am
khawnge.. Kan zai leh tawh ang e..
53
Awmtea Khiangte Says:
June 22nd, 2012 at 7:11 am
Han hrilh teh u a hriat chak chu…. Kei chuan ka hre hlawm tlat lo mai
54
Kawhterenga Says:
June 22nd, 2012 at 10:43 am
Ka hre bik mai lo, Ka hriat chak zawng chi a tel ve nial nualin ka hria. Kum 1986,March ni 13-a Aizawl Civil Hospital-a min chhartu kha Tunge ni ang le?!
55
Dr Mahminga Sailo Says:
June 22nd, 2012 at 10:48 am
# 54…

Kawhterenga pian meuh chuan, chelh lovin ka kal thei tawh a. Sipai hovin (rambuai tawp hma si, kan sikula sipai an awm laiin) min duat thei hle…
56
alchemist Says:
June 22nd, 2012 at 4:46 pm
1986 cuan Argentina leh England inkhel kha kan veng a TV nei awmchhun chhungkaw 2 te a nula nei hmeltha zawk te in ah ka en tawh!