Khawvel history kan en chuan ram inchuh vang leh inhmuhthiam lohna engngemaw avangin indo leh tualthah a thleng fo va; hnam tenaute tih chimitin an awm a, hnam lian leh ropui tak tak te pawh tih tlukin an awm thin. Thil eng pawh hi humhalh leh enkawl that ngai a ni a; ram leh hnam pawh hi humhalh that anih loh chuan thlukchhiatna leh boralna a thlen thei a ni. Chuvangin, ram leh hnam humhalh hi hnam dinchhuahna a ni a; YMA in kumpuan thupui atan “Ram leh hnam humhalh” tih a lo puang pawh hi hnam dinchhuah nana thil tul leh pawimawh tak a ni kan ti thei ang.
Pipute kha an entawntlak asin!
Pi leh pute hun laiin ram inchuh avangin khua leh khua an inrun a, khua leh tuite inthahsakin an lu an inlaksak a, salah te an hruai bawk thin. Tin, ram sakawlhte hi an nun tiraltitu an ni bawk a. Chuvangin, hmelma leh sakawlh laka khua leh tui venhim nan khua chu mau emaw, thing emawin an hung a. Rikrum thilah vawi khata inphek chet theih nan tlangval zawng zawng chu ‘Zawlbuk’ ah an riak vek a, an hmanrua neih ang ang chem, fei, thal, leh silai chenin an riahpui thin. Chutiang dinhmuna ding an nih avangin, mikawlh leh sakawlh laka nunna chan huam mi huaisen filawr, tlawmngai chungchuang bikte chu miten an zahin an ngaisang em em a ni. Chutiang sa leh ral hmaa zam ngai lo khua leh tui an tam deuh deuh theih nan, chawngchen tuma thingfar zana sumdeng zu innaah lal leh upaten mi tlawmngai leh huaisen filawrte chawimawi nan “Nopui” an lo ngaihtuah chhuak thiam te kha an fakawmin an entawntlak hle. Pi leh pute khan an ram runtute leh kua leh tuite nun tihim lova tiralti thei tute hi an hre chiang a. An dinhmun milin ram humhalh leh inven dan kha an entawntlak hle a ni.
Tunlai hunah erawh chuan hmuh theih lama min runtute hi an zia a dang tawh a, hmuh theihloh lama min runtute lah an nasa tual tual bawk si a; hmanlai angin chemtum huma inhumhalh chi lah a ni hek lo. Chuvangin, kan ram leh kan hnam tana himlo leh kan nun tiralti theite kan hriat chian hmasak a pawimawh hle.
Ramri humhalh a pawimawh :
Kan pi leh pute’n an tu leh fate rochun zel tura an lo enkawl Mizoram hi an nunna chan huam khawpin an lo humhalh a; hnamdang enkawlna hnuaia awm hi an duh/ phal ngai lo. Sap in a ram hnehchhuh duh lovin Saithawma’n Captain Browne a kahhlum dan te, Khuangchera te thiandunin changsil kulh an kah vanga ram tana nunna an chan thu te, Lalnu Ropuiliani’n sapho laka tlawm a duh loh zia te atangin ramri humhalh kawnga an rilru puthmang a hriat hle.
Kan pi leh pute ro min pek hi thangtharte hian kan humhalh tha tawk em? Ramri humhalh turin a ram neihtu lovin tuin nge humhalh tak ang? Bagha atanga Silchar lam kawnga Mizo lungphun hlui tak tak te 1940 chhoa Mizoram leh Cachar ramri atanga Mizoram lama insawn chho daih te, Forest Reserve Area sq. mile 509 a zau remchan zawkna avanga Cachar Forest Division in an enkawl tak te, kum 1972 a Zo hnahthlak nilo ten Mizoramah Autonomous Distrist Council an nei ringawt te hian ramri humhalh kawnga kan rilru puthmang a tilang chiang hle. Kan ramri a him tak loh avanga tute emaw mawhpuha politics a hamthatna beisei chi a ni lo va; tharum leh hriamhrei hmanga haw hawa thawhchhuah ngawt chi lah a ni hek lo. Ram hruaituten mithiamte rawn a, remhre taka hma lak chi a ni zawk ang. An theih chin chinah siamthat hna thawkin, a hnu zelah hetiang thil thleng tawh lo tura tan lak hi ram hruaitute mawhphurhna a ni. Chumi rual chuan mipuite paw’n khawi chin nge kan mawhphurhna tih erawh kan hriatchian a ngai a ni.
Inchimralna :
Hnam tlem leh hnam tenau zawkte hian kawng hrang hrangah hnam lian zawkte chimrala an awm loh nan an inventhiam a ngai hle. Mizote pawh hnam tlem leh tenau kan nih angin kan fimkhurthiam a pawimawh hle a ni. Saphovin kan dinhmun enin Bangal Eastern Frontier Regulation Act, 1873 (Inner line) hmangin a bikin mi lo humhalh a. Govt. of India Act 1935 ah Mizoram hi ram pawn mite duh duha luh chhuah theih lovin Tribal Area a puan kan ni bawk. Inchimralna laka kan him theih nan kan dante hi kan hman tangkaithiam pawimawh a ni.
Tunhnai (Nov. 2011) khan YMA in phalna neilo va sumdawng Aizawl ah mi 264 lai mai a dapchhuak a. Heng bakah Permanent Trade Licence nei leh Temporary Licence nei leh mi ta hawh ngengemaw zat an la awm a. Sumdawng, cement mistiri, muttia, pheikhawk siam leh hna dang dang kan thawh peihlo hna hnuaihnung thawk turin Myanmar, Bangladesh, Tripura leh Assam atang te’n mi engngemaw zat a ruka lo lut an la awm reng bawk a. Kan thenawm ram Megalaya leh Tripura te anga hnamdangin min chimral loh nan tun aiin dan enkawl that leh lekkawh that erawh kan mamawh a ni tih a chiang hle. Hun engngemaw atang khan Aizawl District leh Lunglei Disdrict te chu Scheduled Area atanga hlih an ni ta mai kha kan inhumhalhna hmanrua pakhat min paihsak anga ngaih theih a ni ve ang. Amaherawh chu dan kengkawhtuten ILP chauh pawh hi anih ang taka kenkawh anih chuan ram leh hnam humhalh nan a tangkai viauin a rinawm a ni.
Ram hralh chungchang :
Ram inrun leh inchhuhsak ni si lovah chuan hnamdang kuta huan lo ram hralh/ hlan hi hnam anga ram hlohna a ni tih kan chian a pawimawh hle bawk. Mizoramah hian tribal ram non-tribal hnena hlan leh non-tribal ram non-tribal dang hnena hlan te hi The Mizo District (Transfer of land) Act. 1963 in a khap a. Retheihna leh sum mamawh vanga ramdang mi te, ramdang company/ society te hnena ram kan hralh anih chuan dan kan kalh bakah chimralna kawng kan zauh zel tihna a ni. Chuvangin, kan inhmun leh ramte kan tiral dawn a nih paw’n mahni Mizopui hnen ngeiah tiral ila; ram leh hnam kan humhalh tihna a ni ang.
Similar Posts:
- Thiandun Titi
- Mahni hnam tawng thiamloh a zahthlak
- Lirnghing laka invenna ngaihtuah tâwk lo-ah Mizoram sorkar puh
- RAM LEH HNAM HUMHALH – IV
- Chaltlang Leh Sairang Ramri Buai
July 8th, 2012 at 4:07 pm
ka va st. Khat ve..
Report this comment
July 8th, 2012 at 4:08 pm
Thil pawimawh tak ani.
Report this comment
July 8th, 2012 at 4:10 pm
ka va st. Khat ve..
Post tha hle mai..
Report this comment
July 8th, 2012 at 4:53 pm
Post tha viau a, mahse subjectah a lut chiang lo anih hi..a behbawm leh a engemaw velah a ral lek lek..!
Report this comment
July 8th, 2012 at 4:54 pm
Post tha tak a ni. Ram leh hnam humhalhnan mahni theihtawkin i thawk theuh teh ang u.
Report this comment
July 8th, 2012 at 4:58 pm
Bengvarthlâk e
Kan ramhumhalhtumdan hi a ho mah mah ṭhin mai pawh a.
Report this comment
July 8th, 2012 at 8:18 pm
Report this comment
July 8th, 2012 at 8:20 pm
Sawi vak ka inthlahrung deuh bawk sia.
Report this comment
July 8th, 2012 at 8:22 pm
Report this comment
July 8th, 2012 at 9:43 pm
A tha viau mai. Thupui hlapui, ram leh hnam hnuk khawih pha thilah hi chuan ngaihsam lutuk loh leh rik deuh hak thin hi ka support teh tlat a.
Report this comment
July 8th, 2012 at 11:34 pm
Report this comment
July 8th, 2012 at 11:57 pm
Report this comment
July 9th, 2012 at 12:52 am
Article tha tak a ni, local newspaper ah te pawh zau zawka chhiar theih tura chhuahtir ngei chi a nih hi. Mizote hi hnamdang, a bikin northeast a kan tribal puite aia kan vanneihna em em leh min awh em em nachhan chu ka ram, ka state tihtur “MIZORAM” kan nei hi a ni,
Hei hi hrereng ila, inthlahdah lovin, midang(YMA) emaw tihtur bika dah lovin, mitin hian kan ramri leh huan leh ram neihte hi kan tu leh fate tan zel a ni tih hriaa dan anga kan humhalh thiam a pawimawh takzet..hun kal tawha kan thil lo tihsual tawh te chu siam that theih ni tawh lo te pawh a awm ang, hun lo kal zel turah kan fimkhur a ngai khawp mai.
Report this comment
July 9th, 2012 at 6:55 am
Good post
Report this comment
July 9th, 2012 at 10:12 am
OT pawimawh!
Mizoram vel atan a tangkai ang em ka hre lova, mahse lo enchhin ta che u. Sawrkar lamin fimkhur a ngaihzia an chhuah nasa em mai he malware lak atang hian!
A hnuai link atang hian a chanchin leh detect dan leh fix dan etc. a awm e:
https://www.dcwg.org/
Report this comment
July 9th, 2012 at 11:11 am
Post tha tak a ni. Kan phak tawkah, zawm tum theuh ang u..
Kartawp hmang tha chu kan hriat e maw. Recent comment-ah ka tlar leh dul mai…
Report this comment