A chang chuan I nunah hian tuihalna lian tak leh ril tak a awm thin tiraw? Eng emawni I hriat chak, hriat theih siloh, hriat awm tak nisi hi I nei em? Hmana ilo hmelhriat rei ruai tawh suangtuanna lo theng dik titih te hi I nei tawh em? I nun chhungrilah hmangaihna hrefiah tak tak niin I inhria em? I hrefiahlo tiraw! I hrefiah ngailo ang, Pathian hmangaihna lek phei chu pastor te leh speaker te sawi atang tihluihna, mahni leh mahni tihluihna ngeiin I inngaihtuah lungpuam chawp thin tiraw!
Zep a ngailo. I nunah hian hriat reng tur leh hriat ngei ngei tur a awm a, hrechhuaklo leh hrelo a I awm tak avangin I buai nileng mai thin zawk a ni! Achang chuan i nunah khan ngatinge pahnih awm ni a I hriat tlat thin! Ngatinge I chhunga sual awm a, hneh theilo tur tea I hriat thin!
Pathian thu tuihalna hian I khat thin a, mahse I ngaihtuah tak tak thei silo tiraw? Ngatinge rilru chaklo leh hriatna reng neiloa I inhriat fo thin! Finna tlachham ah I inngai em? Ngaihtuah teh, Lalpa min siam dan leh tumpui ram hi hrelo reng hian kan awm reng dawn em ni! Kan nihna dik tak hi Pathian ang, Pathian anpui liau liau a siam kan ni a sin!
Kum BC 4000 liam ta a mihring siamdan leh nihphung dik tak hre kil kel tur hian a hunlaiin kan awmlo a, mita hmu pawh an awm heklo. Mahse bible thu nung ngun taka chhiar hian Pathian min siamdan hi amah ang turin a ni a, amah kan an chuan amah ang chiahin ze ril tak leh rura tak kan nei ve dawn tihna a ni! Tunlai a cell cloning hian “anpui” hi a pholang ang em aw tih hi ngaihtuah tham a tling khawp mai.
Anpui a siam kan nih vang hian setana pawh hian min thik reng kha a ni si a! Cloning atanga “anna” mai hi chuan “Pathiang ang” tih rura zia hi a tilang pha ang emaw chu, setana thik thei hial kan ni bawk si a. Pathian anga siam kan nih chuan Power kan neih ve ngei a rinawm a, nunna hial siam thei khawp kan ni ang a, reilo te a khawvel leh universe domain mai tur kan ni tih hi reason leh logic hmang thiam tan chuan hai rual a nilo!
Setana mission ah erawh chuan mihringin Pathian a an tak tak hi a hlau hle thung . A chunga rorel tu ni mai tur Adama te nupa chu a thlem thlu ta a. Mihring rilru originality dik tak, hriatna leh finna, ropuina te chu nuaibona zungzam chuan thisen ah alo fan ta daih mai si a. Mihring chuan a nihna dik tak alo hre kil kel tawh lo tan a, hei hian setana tum ber chu a aia superior zawk mihring chu inferior ah awm tir a tum tan ta a ni. Eden huana hnawhchhuah hnu, BC 2000 hmalam ah chuan Abela leh Setha inkarah chuan Pathian reng reng an au ngailo a nih kha. A hnuleh ah chuan Nova hunlaiin Vantirhkoh tlute avangin mihring pathiana(semi-gods) biakna alo hluar tan ta!
BC 1200 atanga 875, Aigupa ropui vanglai te, Assuria ropui vanglai te leh Grik Era alo her chhuah meuh chuan setana biakna; milem, semigods- zeus, appollo, haides, rama, shiva tih te chu Pathianah neihin mihring hi a hnuaiah an kun ta dual dual mai a nih chu mawle! Israel faten slaves period an zawh chhunga Pathian lem an biakna kha a tam lutuk, sawi sen a nilo, kan hre vek tawh. Bible thuthlunghlui(OT) lam chu kal san ang.
AD 1-na ah Buddhism alo chhuak a, khawchhak ram hrut tanin, chutih lai mekin Eastern religion leh Roman ram atang pathian tam tak alo piangchhuak leh tan ta a. AD 274 ah Roman emperor chuan Sun god, egypt leh persia pawh anla dang biklo; buddhism leh zoroastrianism philosophy chuan khawvel pum mai chu a luahkhat dawn ta mai a. Kha philosophy main teach ah chuan meditation, power of self psykhe hi a ni tlat a ni! Hei hi a mak lo, mihringin Pathian a anna hi mihring lam atanga neih tumna a ni a. Bible erawh chuan, “rinna nei rawh u” tih hi min zirtir hmasak zet dan mawl tak a ni thung.
Age of reason chuangkaiin technology leh philosophy lamah hmasawnna ropui tak alo lang tan ta. Mahse he philosophy ken tel pawi tak erawh chu “hedonism”, leh “geocentric” hi a ni. Tunhnu thleng hian kristian philosophy tam tak hi ala luah reng pawh a tih theih! Pathian dang mai bakah mahni ropuina leh centre rilru put hi Pathian duhdan leh min siam dan a ni rih lo a. Chu chu setana deception dik tak zawk a ni.
Ancient mythology leh religion scum chhuikir hian geocentric hi solar system atang ringawt pawh khan kan lo buai hmasa fe tawh a ni. Chu geocentric rilru chu philosopher leh scientist rilru luahtu ber mai alo ni zel bawk a, “Pathian kan zawnchhuahna hi min zawnchhuahna ai chuan a ropui zawk ” tih theology tobul hi a ni. Abrahaama rinna hi self develop a ni ngailo a, “gifts” zawk a ni. Pre-plan pawh a nilo a, backup plan zawk zel a ni.
Kum zabi 20 alo nih hnu meuh erawh chuan kristianna-in science leh philosophy a ngaihdan a tlak hmak a, “mihring finna hi sual a ni” a ti ve daih thung!! Renaissance alo thlen a pianga khristianna philosophy alo dang ve zel mai hi mak tak a ni. Pathian thu a pawm anih loh chuan science pawm a ni a, science pawm anih lahin bible hnualsuat a ni leh zel thung!
Pathian thu erawh chuan “finna leh hriatna” nei turin min ti miau bawk si a, Johana chuan “hemi kawngah hian fin a tul” a ti a. Paula vekin thlarau thilpek a sawina ah chuan “finna leh thiamna” hi chu kan neih tur chu a ni chiang mai bawk a. Creation composition hi ngun taka chik phei chuan science a inrawlh nasat zia te, mihring component pawh hi chemistry + physics = biology dik tak a ni. Mahse kohhran teaching hluar ber erawh “refused science/philosophy” tih hi a ni. Hei hi ngun taka ngaihtuah chuan setana deceptive method ala ni thei bawk. Irreversible tak mai a science leh bible a kal hi engdang vang a nilo, a phenah setana alo awm reng thin vang zawk a ni!
Kohhran chu krista taksa ni meuh e. Mahse Pathian ngei debate ngamtu chuan kohhran hi a beih ngamlohna chhan tur awm hek lo. Kohhran main view- inthlak reng hian chhan a nei a ni. Pathian lehkhabu chuan mihring hi Pathian anpui a siam kan ni a ti a. A ropuina tur hi sawi hian a siak lo. Chutiang ngaihtuah chunga engvang nge setana hian thei min ei tir, engvang nge min hneh, engvang nge min tihbuai?
Mihring a thikna hi ril tak a ni! Hriatna leh finna, power ropui tak kan neih tur hi a mitthla ve reng vang zawk a ni a. Science hi a hlau a, Pathian thu pawh hi a hlau leh zual bawk a ni. An pahnih phei hi chuan a hlau mai niloin inkalh awm ang taka a lan theih nan evolution theory, missing link, hedonism, geocentric..adt te hi a duangchhuak a. Min thununna atan kan DNA ah trigger a phum ru reng a ni!
Reasoning chuan Setana hian science kan hman hi a hlauh mai a nilo, Science leh bible kan lek kawp hi a hlau vet vet em a, miin bible a lek hma hian science ah minlo luhkhalh daih a. Science hi bible kalh emaw tih turin risk ala thin a nih a rinawm em em a ni. Science lam luhchil dawn lahin Bible lamah minlo tlankhalh leh daih thung si a ni. Pathian erawh chuan “sual” a siam ngai der silo!
Setana main secret ah chuan anihna dik tak kan chhui chhuah hi a hlau ber a, a diklohna, a fellohna, a sualna, a thatlohna leh mihring thlenga a tihbuai chhan chhutchhuah hi a hlau vet vet hle a ni! Dispensation atanga thlirin Pathianin justice a tih ve thung chuan “wisdom” kan neih hi fully a la phal a nilo thung. A chhan chu hriatna leh finna tawp nei ila justice hian justice hi engmah lo ah a chan tir leh mai dawn si a.
Mahse hemi phena counterfeit erawh chu meditation, yoga, self develop psykhe reng reng sakhaw dang ami pawh hi Pathian atanga chhuak niloin setana atanga chhuak a ni a. Setana hian thlarau tanpuinaa mihringin an originality reveals hi a phalloh tawp leh a hlauh em em chu a ni! Sawi leh sawi hnu, a ring duhlo tan chuan guess work a ni e!
Similar Posts:
- Mihring te hi zawng thlah kan ni em?
- Battle Ground (Mihring)
- The Oneness of God
- Bible hi aw….
- Bible Hi …
(G) 
July 15th, 2012 at 10:25 am
Pharst phawt ila.
Report this comment
July 15th, 2012 at 10:26 am
awm lo ni ang e!!
Report this comment
July 15th, 2012 at 12:19 pm
Report this comment
July 15th, 2012 at 12:38 pm
Yoga hi Setana atanga chhuak ani tak tak dawn emaw ni le? Taksa hrisel nan phei chuan a that ka lo ring viau thin a.
Report this comment
July 15th, 2012 at 12:48 pm
Nothing in biology makes sense except in the light of evolution-tih hi NLUP aimaha ka pawm leh ka rilru a tla na a ni a, bye heart tlak a ni. “Tih ziak a ni” theory hi zawng, thing zik bula zawng dan beh theory em mai.
Kan taksa chhunga energy hmunpui mitochondria phei hi chu bacteria a nih theih dan, genome analysis atanga a lan tak hnu phei chuan; bacteria avanga nung, che leh awm mai kan lo ni tih kan hriat a tha. Bible a “tih ziak a ni” tih ngawt rin hi a fel hlel a ang. Chuvangin, science hi bible nen tehkhin fo tawh lovang u.
Report this comment
July 15th, 2012 at 12:58 pm
#5 vanlalrailova chu bacteria fapa ilo ni maw
hehehe
Report this comment
July 15th, 2012 at 1:10 pm
#5 chu la bo ve mep2 hle mai maw
Report this comment
July 15th, 2012 at 1:48 pm
Einch keichu Pathian pawl…
Report this comment
July 15th, 2012 at 2:09 pm
uluk deuhinka chhiar leh phawt anga ka komen ang..
Report this comment
July 15th, 2012 at 2:51 pm
Professor hman loh thut avangin Vawiin tlai hi ka Preach a ngai tlat mai a..han kawm deuh che ka chak nen.. ka hman dawn rih lova a pawi hle mai.
I thuziak spirit erawhchu tha ka ti khawp mai. Kei pawh Jude 3-4 “Contend for the Faith” tih thupui hmanga Pathian thu sawi ka tum nghe nghe asin!
Report this comment
July 15th, 2012 at 11:54 pm
#5 vanalalrailova, Pathianin thil a siam a, a siam dan process leh formula zawng zawng hi a buin a lo chhuah bawk si lo va, chu chu mihringte finna hmanga chhui chhuah tur a ni. Chu a thilsiam chhui chhuahna hming chu Science tiin mihringten kan vuah mai mai a alawm.
Bible chu Science lam ziahna a ni lo va, History pawh a thluk chuang lo…Pathianin mihringte tana chhandamna kawng a buatsaih dan ziahna a ni a, a hap tel chin erawh a awm ang chu.
Report this comment
July 16th, 2012 at 1:09 am
vanlalrailova-
Kum 1 dawnlai chu atheist chiang em emin ka lo ni tawh, mahse zahzelah agnostic ka inti hram a. Mitochondria, nucleus, DNA , Helix, Codon by protein..adt..ka buaipui nasa lutuk. Science ah hi chuan nature leh calculation hi a rintlak dik tak zawk a ni. Human life composition erawh kan hrechiang thei tak tak silo a…
Mak deuh chu 1 hma chuah a digit 0 aia hnuaileh -1 hian siamtu vek -2 adt anlo neih zel dan atang hian bacteria emaw cynobacteria hian evolve chhuahna anlo neih ve hi rin mai theih a ni.
Lehkhabu hi amahin a awm tawp hauhlo a, printing press ah pawh amahin a inchhu heklo, chutu an awm a ni, control tu chu!
Report this comment
July 16th, 2012 at 1:15 am
Dr John-
Ka lo tawngtaipui che a nia..Nia, Abrahaama hi rinna pa kan ti chung hian thenkhat ngaihdanah chuan “self formation” ni zawk tlata ngaihna an nei a. Mahse paula chuan “rinna(faith) hi thilpek(gifts) a ni” a ti mauh mai pek a a. Anih chuan abrahaama kha Pathianin a back-up zawk ani tihna a ni.
Pakhatlehah chuan Pathian hian sual a siam ka ringlo ka tihna chhan ta chu atheist ho min question ani fo thin. Pathian siam nilo zawng, setana’n a domain tum tak hi sual a ni mai ang em… ka tihna zawk a ni..
Report this comment
July 18th, 2012 at 4:58 am
Ka’n chhiarchhuah pap chu le!
Science hi Pathian thu zirna hmanraw tha ber a ni ngai lo. A thupek leh Amah insawifiahna zirnan phei chuan a tlak EIH LO ang! A thilsiam mak tak tak leh ropui tak tak zir nana hman erawh a nuam fu. Tih tak emah chuan Dielectric medium ringawt-a eng chet dan emaw electron chet dan emaw chauh pawh hi a mathemtics a TURU em! Pathian zia leh min kawhhmuh tum zawng chhui nan chuan a tih chi lem loh ang.
hriat fo tur chu SPIRITUAL WORLD leh PHYSICAL WORLD hi a danglam a ni. Physical World chuan PHYSICAL PARAMETER a nei a, SPIRITUAL WORLD erawh chuan a nei lo. Lehkha ziaknana kan hman thin pen hi a RIH zawng emaw a SEI zawng emaw kan teh thei, chu kan thil teh theih-a chu Physical parameters a ni. Sceince lama theoretical tak takte pawh hi hmanrua hmanga DETECT thei an ni tlang pui. A nih loh chuan valid lem lo tak miin a pe ve a ni mai.
Report this comment
July 18th, 2012 at 10:23 am
Isua Krista kha a tisa put lai ni khan tum khat chu a zirtirte’n chumi kha mi chu i ni an ti che, mipuii lamin tiin an hrilh a. Mahse an master khan ‘Tunge ka ni min tih?’ tiin a zawt let mauh mai.
Boss ber – Pu Petera khan ‘Isua Krista Pathian nung fapa chu i ni’ tiin Isua nihna kha a sawi dik kauh mai! Mahse Isua’n engtin nge a tih? Tisa leh thisenin a hriattir lo che tiin chunglam puihna avanga hria a nih thu a sawi chiam. Pathian thu awih leh a NIHNA pawm chungchangah pawh hian CHUNGLAM bawk a pawimawh a ni. Piantharna dik pawh chunglam atanga thawk a ni si a, science emaw ang zawnga KUR PUI chiam chi a ni ngai lo.
Report this comment
July 18th, 2012 at 10:27 am
Tunlai pawh hian (Thingtlang khuaa ka awm hlanin) God Particle tih lam LHC-in an hmuhchhuah thu an puangzar ta-in ka hria.
Hei pawh hi engemaw deuh hian kan lo kurpui leh dup ang e. Kan Universe zau tak hi Pathianin rihna (mass) neiin a siam a(physical parameter neiin tihna a nih chu). Chu rihna siamtu chu an hriattheih chinah he God Particle hi a te ber tihna a ni mai. Elementary particle pakhat ve mai mai. Engmah buaina chhan tur a awm paw’n ka hre lo.
Report this comment