Mihring te hi zawng thlah kan ni em?

February 9th, 2011 9:00 am by Sangpuiipa

Darwin-a chuan,”Mihring te hi zawng thlah kan ni e” a ti a. Chu chu tun thlengin Science khawvel ah chuan Mihring lo awm dan ah an pawm ta a. Zirlaibu ah te pawh kan zir thin a nih kha. Kristian te chuan kan Bible a a lan dan angin Mihring te chu PATHIAN siam kan ni kan ti ve thung a. Tichuan Kristiante ngaihdan leh Science ngaihdan hi han khaikhin ta ila, khawi nge dik zawk ang le. Kei chuan Kristian tena kan ngaihdan hi ka pawm thlap a.

Amaherawh chu Darwin-a theory hi lo dik ta hlauh sela chuan kan rindan leh kan sakhua pawh nasa takin a nghawng thei ngei ang. A lo dik anih chuan Pathian in Mihring a siam dawn khan zawng ang takin a siam hmasa phawt anga, a chulmam leh vel tihna em ni dawn ni? In ngaihdan han thawh ve teh u.

119 Responses to “Mihring te hi zawng thlah kan ni em?”

1
khawpuia Says:
February 9th, 2011 at 9:05 am
evolution hi chu a dik na chin a tam in ka hriai. Zawng atang lo in evolve kan ni ka tih na nilo in. Entirnan blue whale hi mammal a nia a tir ah chuan khawmual a cheng thin a ni. Tian ang chi hi.
2
badboy Says:
February 9th, 2011 at 9:17 am
zawng thlah ka ni ve lo bur (B)
3
TuaiSialA Says:
February 9th, 2011 at 9:24 am
A.. Tuna zawng thlah emaw lo la intih te chu a. Darwin kha a thih dawn khan a inchhir em kha.. Kha theory dodalna lehkhabu pawh a awm nual kha.
4
khirha Says:
February 9th, 2011 at 9:33 am
Zawng thlah nih chu i duh chiah si lo va, mahse, ni deuhvin i inhre bawk si a, i rilru a buai a ni maw ?
Sawiho sawt lo tak tur a niang!
Bible hi ring mai ila…
5
chawnghilh Says:
February 9th, 2011 at 9:35 am
Mizo hnahthlak insuala-inchote hian, “Zawnga …” kan inti thin a, Darwin’s Theory hre lem lo pawha a theory kalphung pawmtu kan lo ni nghet ber mai awm e!

Sakhua-na chuan min hruai hrang ta a, “female-ah leh male-ah a siam,” tiin, Genesis 1:27; 5:2, Matthew 19:4, Mark 10:6-a ziaka awmte hi RIN a manhla ber. Siamtu leh rawn tlanchhuak lehtu meuh thusawi a ni lehnghal!

Mrs Ellen G. White khan “Negro-ho hi mihring leh zawng inthlahpawlh …” tia a ziakna lehkhabu a awm a; mahse an thukru bo tawh.
6
jpaite Says:
February 9th, 2011 at 9:46 am
nia, zawngtah hi a tui.
7
Grey_RM Says:
February 9th, 2011 at 9:53 am
Darwin-a khan ‘zawng thlah kan ni’ a tih na hi pakhatmah ka la hmu lo.Hei hi chu ‘theory’ a ni a, a tak2 tihna a ni lemlo. Kei chu zawng thlah chu ka ni lo chianga, Misual dang ho hi chu ka hre lo le…haha..
Post tha tak a ni, soi belh tur chu ka la nei ve nual e. (Y)
8
XaiA Says:
February 9th, 2011 at 9:57 am
Creation or Evolution? Mithiam ten evolution theory ring mahse khawi a tang tak chuan lo evolve ang maw…a tawpkhawkah chuan Creation theory tho a ding chang ang.
Chuan Darwin a kha a hun hnuhnungah a piangthar a,a inchhir rap mawle.
9
PayableOnDeath(Zrma_C) Says:
February 9th, 2011 at 9:58 am
Nia… Negro ho chauh hi mihring chu nise Darwin’s theory poh hi awm ang ve ngot ang. Mahse a dik theilo,thlahtu te chu an na mual2 kan nei kan lo nei ve thrin mahse mihringte hi chu Zawng ang ka ti thei thlotlo.Mihring hmeltha deuh2 an va tam em!!! Mahse Zawng hi chu pakhatmah hmeltha ka la hmu lo. “Sialrang in Sialrang a hring” thlahtu te(Zawng) tumah hmeltha an omloh lai keini an thlahte (mihring) lo that em2 thu omlo. Thlirna tlangdang atangin ka ron thlir ani hi. A duh2 kha chu Zawngthlah in ti roh u.Thlahtu in nei chhe deuh tihna ni mai. Keileh ka chhungte erawh hi chu Zawngthlah kan ni ve lo.
10
lachua Says:
February 9th, 2011 at 10:02 am
A thih hma chiah kum 1881 february thlaah khum beta a awmlaiin Pathian lama nunthar hi a chang lehta a,”Ngaihdan neilo naupang maikani, inhnialna leh rin thu tichhuakin ka vak vel a: mak ka tih khawpin ram kang ang main a thawk si. Miten sakhua atan an lo hmang leh nghal tih te” ka thil chhut ( Theory of Evolution) ka puan tawh te kha sawi hauh lotu nih theih ka va duh tel lul em” tiin inchhirin a inlam let ani tih hi kumin prebyterian Sunday School puitling zirlai ah zir ani e.
11
awmawmpuia Says:
February 9th, 2011 at 10:03 am
Pathian thu hi Mawl deuha pawm mai hi a finthlak phianin ka hre ta.
12
lushai_er Says:
February 9th, 2011 at 10:08 am
He topic hi kan chai ngun ta hle mai !

Darwin-a a thih dawna a inchhir tih hi DAWT a ni e kan ti tawh khan ka hria a! Comment hlui lam lo haileh teh u….

DNA, Stem Cell, Cloning, Big Bang theory etc., etc., te hi nilenga chawfuna inhnial theihna topic deuh vek a niin ka hria!
13
Maimawm Says:
February 9th, 2011 at 10:10 am
Darwina khan zawng thlah kan ni a ti ngai lo. Zawng leh mihring te hi ancestor khat atang a chhuak kan ni a ti zawk. Chuan a thih dawn a a inchhir tih vel hi Darwina chhungten an hnial bur.

Hmanlai resource engmah awm lo a mi pakhat thusawi kan lo awih zel kha chu ka hrethiam, tunlai khawvel information duh duh a zawn hmuh theihna khawvel ah kan cheng tawh. Kan tet lai thil hriat te kha a lo dik em tih chhui turin minute rei lo te ah a chhui vek theih tawh. Internet te hi misual a pawt quit thrak lo hian thutak zawn chhuah nan hmang ve zeuh zeuh hi a tha ania.
14
khawpuia Says:
February 9th, 2011 at 10:10 am
kan hnial hrat lawk ange, darwin a kha a thih dawn khan a inchhir miahlo an ti ve tlat! Kristian ho khan inchhir a piangthar ang in an sawi mai2 a lawm kristianna ti dal tu a nih an hlauh avangin ti pawl lawh an awm ve tho a ni lawm ni. mi sawichhawn leh ziah te hi kan hmuh thei chu a ni mai si a. (zawng chuan min thlah lo top ang, zawng chikhat kan ni ti zawk se misual thenkhat hi chu nia mawle ti tur awm pui2 pawh an awm ang a lolz)
15
muantea Says:
February 9th, 2011 at 10:15 am
@lushai_er. Helai thu hi ka chiang thui lutuk lo nain ‘Evidence for Truth – Science’ ah khan Darwin inchhir thu hi ka chhiar tlat mai, ka tisual nge an ziak dik lo zawk ni ang le?!!
16
Maimawm Says:
February 9th, 2011 at 10:17 am
Darwina’n a thih dawn a pawi a tih chu a theory mi tamtakin religion ang a an lo khukpui kha
17
Chemtatrawta Says:
February 9th, 2011 at 10:17 am
#10,12,13 en chuan presbyterian sunday school puitling chuan dawt an zir tel dawn tihna a va ang deuh ve..NOI..:-)
“Mifing mihrinna hianin a ngaihtuah chhuak zo lova che” tih hi i pawm bur ang u.
A atna lai ber pawh chiang tawka hriain a anpui mihringte a duh taka a siam chu a siam mihringte tan chuan hriatthiam a va har dawn em?
18
khawpuia Says:
February 9th, 2011 at 10:21 am
keipawh isua kha japan ram ah a thih thu ka chhiar mawle u muante! A ziaktu chuan isua thlah kalzel zeding ka ni a la ti zui mawle.. Thuziak hi a tam em a ni dik ber hriat a har thin.
19
TuaiSialA Says:
February 9th, 2011 at 10:24 am
Tih tak émah chuan Isua kha Tibet-a a kal thu te pawh kha ka chhiar tawh mawle..
20
Maimawm Says:
February 9th, 2011 at 10:26 am
@ – chemtatrawta, ni mai ang chu. Hei lo pawh dawt zir tel an nei nual mahna 🙂

Theory of evolution ka pawm ka tihna ani lo, Bible in Pathian in heti hian a siam a tih chuan chu chu ka awih mai. Mahse chumi avangin evolution story a thudik lo awm chu kan hriat fiah tho a angai alawm.
21
evergreen Says:
February 9th, 2011 at 10:28 am
Darwin-a khan khawiah nge Mihringte hi zawng thlah kan nih tih a sawi? ka hre ve lo tlat!
22
Chemtatrawta Says:
February 9th, 2011 at 10:31 am
@maimawm,pastor jiah a ni om sia…a va bih ngun om lo ve..:-)
chuan, hmana journal pakhat ka chhiarah chuan mihring hian zawng ai chuan vawk hi kan hnaih jok an tih teh tlat chu..tak tak ni maw?,vaivuta siam kan nih zia pawh hi proof a ni tawh bawk a.
Chuan, college ka kal laiin kan philosophy teacherin Isua kha Kashmir ah a rawn kal a, fa a nei a ti ringot a.period tluanin kan inhnial male…a tawpah chuan ka sawi an awih zawk mah mah tho..Setana beihna chi khatah ka ngai mai, doctrine leh theory dik lo deuh hi chu
23
mach.zt Says:
February 9th, 2011 at 10:33 am
kei cu zawng thlah kan nih k ring lo tawp mai. zawng reng2 mihring anga hmasawn leh danglam hmuh leh hriat tur an vang em mai.
24
caribou Says:
February 9th, 2011 at 10:37 am
Kei chu zawng thlah ka ni lo tih hi ka hrechiang bal a, Muantea leh Mama_B te pahnih hi erawh ka chiang ngam lo.
25
Maimawm Says:
February 9th, 2011 at 10:39 am
@Chemtatrawta – hei tak hi lawm kan fin theih lohna. Pastor/sap ram kal tawh/IAs etc sawi anih chuan thutak nghet tlat ah kan ngai tlat zel hi. Pastor pawhin mistake a siam thei alawm. Pathian in thluak hlu tak min pek hi midang thusawi ngaithla liam mai mai lova, mahni in thil uluk tak a kan chhut theih nan min pe tih hi theihnghilh loh tur 🙂 Theory dik lo chu tam, mahse attack ringawt lo in kan theory awih loh pawh ni se dawt chu dawt ani tih chu kan pawm ve tur ani.

Vaivut atang a siam kan nih proof chu ka la hre ve ngai miah lo. Han share ve la.

Chuan vawk an ai chuan zawng an chu tha zawk ang em? 😛
26
Chemtatrawta Says:
February 9th, 2011 at 10:40 am
@caribou, tuaisiala,kawlhawk leh zba te ve thung hii??..:-)
27
chawnghilh Says:
February 9th, 2011 at 10:42 am
Genesis 1:24-ah pawh living creatures after his kind … after his kind …” tih a ni char char a, zawng chuan zawng a hring chauh vang.

That’s all folks!
28
Chemtatrawta Says:
February 9th, 2011 at 10:43 am
@maite…zawng dum tak ai chuan zo vawk chum bet bot chu, ei ralah pawh thlanhnahawm zawk tak chu a ni lo maw.. 😛
29
TuaiSialA Says:
February 9th, 2011 at 10:58 am
Ran an ka duh lo hrim hrim. Keini chhungkua chu Angel thlah kan nia. Pu Caribou leh Chemtatrawta te erawh chu…..
30
Grey_RM Says:
February 9th, 2011 at 10:59 am
He mi chungchang hi a pawimawh tho mai, mahse khawvel tawp hma chu inhnialna a awm reng tawh dawn tho tho.Tun ang lai ah chuan a ‘relevant’ lo ka ti mai mai.
Zawngthlah lam ai chuan kan thlah te hi an pawimawh zawk ka ti. Uang miah lovin…
31
PayableOnDeath(Zrma_C) Says:
February 9th, 2011 at 11:01 am
Darwin’s theory tuipuia,a diklo ani an tih an tih poha la sawi mawi zel ho hi anmahni han hmuha,han en chian chuan hmelchhe ve tak,Zawng ang tak,harh zikzek hi alo ni zel an ti 😛
32
chawnghilh Says:
February 9th, 2011 at 11:02 am
“Zawng thlah” emaw “zawng leh mihring chu thlahtu thuhmun” tih vel chiam chiam ai chuan Baptistu Johana kha chuan, “RUL THLAHTE U …” a ti heps …

I thlalak a nih loh vek pawhin — hei hi i pu em ni?

http://img573.imageshack.us/img573/417/dsc08641e.jpg
33
Tetea Tochhawng Says:
February 9th, 2011 at 11:08 am
Darwin-a thih dawna a in lamlet leh tih kha dawt hulhual a ni e. (B)

http://en.wikipedia.org/wiki/Deathbed_conversion
Scroll down to Charles Darwin.
34
caribou Says:
February 9th, 2011 at 11:14 am
Sandmana thlahtu chu kawlhawk Zika.
35
Ignatia (33-115 AD) Says:
February 9th, 2011 at 11:18 am
Theory reng reng hi a tlangpuiin Postulate ah a in nghat tlat a chu chu general proposition a ni tlang pui bawk a. A dik chiah em tih erawh finfiah a har ang le. Pu Darwina Theory pawh hi chutiang tho a ni awm a. Mah se khawvel finna lam a beng chhi tan chuan “A tirin Pathianin Lei leh Van a siam a” tih tawp ai chuan a pawmna awm ve em em mai bawk a ni.A aia tha hrilfiahna dang kan nei rih silo a le(khawvel finna hmangin). Gradual chnage a ni a ‘milions milions of years’ chhunga thil thleng a ni a. Mizote pawh hi 1890 chho vel ai chuan kan hmel pawh a keuin zawng kan hlat tulh tulh hmel…. 🙂

Hman ni pawh khan Professor lar tak Lecturer ka ngaithla a amah kha ‘Anti Big Bang Theory’ alo ni a. Big Bag a awm loh theih dan a sawi nasa mai. Mah se a ‘Universe Model’ buatsaih kha chuan rin a hlawh leh em em chuang lo a.

Chutiang vel chu a ni. Engmah hi dik tak tak hi alo awm lo e. Practical life a explain theih chuan kan pawm mai a ni. I buai lo ang u. Bible hian kan nun(practical life) hi hrilhfiah se chumi mil chuan nun tum bawk ila… 🙂
36
Chemtatrawta Says:
February 9th, 2011 at 11:21 am
mautuai leh sial thlah pawlh chu “tuaisiala”…. 🙂
37
huxleyback Says:
February 9th, 2011 at 11:36 am
Theory a ni a,Darwin kn puh che lutuk ta deuh eee… Zawngthlah kan ni chu a tih chhiah lo deuh kha mo le…. Tih a piangthara a inchhir tih phei hi chu American Creationist ho phhuahchawp hlang lak ani ee.. Chuan mo kan Bible a Gen 1-11 hi kn bible neih hma fe thawnthu a ni a,Israel te ni lo Babulon ho khuan kn Bilble neih hma hian an lo nei tawh,hei hian kan bilble hlutna ati nep lo a,Kan bilble in a tum chu Pathianin khawvel a hmangaih em em a,mihring te a chhandam tih hi ani maii…Pathianin Mrhingte hi mn siam ngei eee, a dik khawp mai,mahse eng tin nge a siam tih hi kan buaina tur ani lo a, i buai lo bawk ang u Big Bang hmang poh hian Pathian chuan kho vel adin thei a,Theory of Evolution leh Creation hi kal kawp thei a ni ang,Evolution hmang hian Pathian hian khawvel hi adin a,mihringte hi a saim thei i ring ang u..,chubakah kan SAKHAW zah awm tak tan luat a avng hian DAWT i saw lo hram ang uuu… Hetiang mai2 a buai lo hian Lal Isua ethical teaching hi zir zawk ila, kan mihring puite thatna tur leh kan kan khawvel thatna tur hian i nung zawkteh ang u…Bible in ti tan hle si,nungtha duh amng si lo hi kan awm thin.. RINNA CHU THIL TIH TEL LO CHUAN THI A NIH KHA…
38
muantea Says:
February 9th, 2011 at 11:43 am
Darwin hi a inchhir thu ziakna lehkhabu a awm a, a inchhir lo tih ziakna a awm bawk a, a eng zawk hi nge maw kan rin dawn le? Kei chuan inchhir se ka ti viau, Pathian ngaihdamna a chan phei chuan a lawmawm lehzual ang.
39
Dr Mahminga Sailo Says:
February 9th, 2011 at 11:53 am
Thupui a tha in, comments pawh a ngaihnawm hlawm hle mai(Y)
Khawvela kan la chen chhung chuan heng theories, postulates/hypothesis..etc awm hian nun an ti nuamin hna a siam tam a lom le!!! 😛
Setana pawh Pathian in ringtute chenna khawvela a chen ve a phal tho a. Chuvangin, Pathian thu dik zia tarlan chian zawk na’n a tha maiin ka hria..,:-D
40
vakul Says:
February 9th, 2011 at 12:00 pm
A inchhir titu tan source an nei a, chhir lo tituten source an nei ve tho bawk a, a inchhir lo titen inchhir tite source nei fumfe lo anga an sawi hi a dik bik lo a ni. Darwin-a lama tan hi finna nia hre tlat an awm ve bawk. Creation scientist hi an tam khawp mai, evolution scientist atang chauha thulak hi a fuh bik lo.

Evolution theory hi dik se chu engtik lai emaw hi chuan evolve lai a awm tur a ni, hmanah tih ringawt zel mai.

Evolution thoery(science pawh ka ti peih lo astrology ang vel a ni) pawm chungin Kristian tha tak anih theih ka ring hrep lo ve.
41
mate ainawn Says:
February 9th, 2011 at 12:21 pm
Mifing Mihrinna hian kan Pathian hi a ngaihtuah chhuak zo lo a ni tih dikna a lo lang leh ta.

Kristian tan chuan thil diklo hul hual a nia..He subject hi chu Discuss fo loh hi a him ka ring ve mai mai a. Mitam tak, Bible chhiar tam lemlo te ti chi-ai thei theory a ni a.Awmlo pawh awm a siam theitu awm a ngai tho a.A tir a rawn awmdan kha a ngai tho si a.

@ 38 muante..Darwin kha a inchhirloh thuziak ka lo hre hlei nem..bengvar phah leh ta.
42
huxleyback Says:
February 9th, 2011 at 12:22 pm
@ Vakul eiru tun2 chungte,mirel zuah2 chungte,dawt saw ham2 chungte,mi thai ran leh mi thatna tur reng2 chuan a rilru a tinat tlat chung pawha ,Kristian tha tak anih theih chuan pawm chung paw hian aharsa vak lo ang… Ngaih dan Liberal ai chuan Nung Liberal lo ila a tha zawk…. Ngiah dan ni loin, a taka kan nun hi a pawmoh ber…
43
lushai_er Says:
February 9th, 2011 at 12:36 pm
#40 : A evolve lai hi kum tam fe anih thin avangin kan hunlai ti a sawi fak fak thei an awm lovang. Dinosaurs te, Mamoth te hi dawt vek i tihna deuh em ni?

Hei Kristian khawvelin hotu en a kan en PJP-II thusawi link hi lo en ve ru………
http://biblelight.net/darwin.htm
44
lushai_er Says:
February 9th, 2011 at 12:45 pm
Copernicus, Kepler, Galileo te kha science avanga Kohhranin thiamloh a chantir kha a hunlai ngaihtuah kha chuan a awm tho kan ti tlang vek ang. Mahse, an ni thil lo chik a zarah vawiin ni chuan khawvel hian ni khi a hel e kan lo tih theih phah ta a ni lawm ni?
45
Formerly Known as Fonz. Says:
February 9th, 2011 at 12:50 pm
Darwin kha la dam tase misual.com member ho hi a hmuh chuan, “ka theory finfiahna ka nei ta” ati ngei ang 😀 😀
46
Formerly Known as Fonz. Says:
February 9th, 2011 at 12:56 pm
jajajajaja
47
Formerly Known as Fonz. Says:
February 9th, 2011 at 12:57 pm
he thu hi chu Jewel hi a hmeltha ti pawl leh hmelthalo ti pawl awm ang deuh ani, inhnialna a tawp dawn chuang lo …Chawnghilh a sawi ang deuh khian RUL THLAH TE U, NGAWI RAWH U 😛
48
lushai_er Says:
February 9th, 2011 at 12:58 pm
Khawnge Pi Ainawn-i tan hei hi kan tarlang ve leh mai mai ang e.

Lady Hope sawi dan :… ‘How I wish I had not expressed my theory of evolution as I have done.’ He went on, she said, to say that he would like her to gather a congregation since he ‘would like to speak to them of Christ Jesus and His salvation, being in a state where he was eagerly savouring the heavenly anticipation of bliss.’

Darwin-a fanu Henrietta sawi dan :… ‘Lady Hope was not present during his last illness, or any illness. I believe he never even saw her, but in any case she had no influence over him in any department of thought or belief. Darwin never recanted any of his scientific views, either then or earlier. We think the story of his conversion was fabricated in the U.S.A. . . . The whole story has no foundation whatever.’
49
triplestar Says:
February 9th, 2011 at 12:59 pm
Pathian in thiknungte hi puitling chi thlah thei sa in siam, thil nung lo atanga thil nunga in evolve erawh hi chu ka ring ve thlawt lo, eng emaw vanga nun dan phung thlak a taksa lo piang danglam hret te erawh chu a lo awm thei mahna.

Athuhrimah evolutionist te hian nungchate in-evolve hun chhung hi an duh zah zah kum an sawi mai zel a ni lo maw, an chhui fuh theih loh lahin ‘missing link’ an ti leh mai bawka.
50
Dr Mahminga Sailo Says:
February 9th, 2011 at 12:59 pm
@ 42.. Dik chiah. Thil dikna tilang tur chuan diklo (?) a awm ngai tlat hek le…

51
vakul Says:
February 9th, 2011 at 1:01 pm
Copernicus,kepler, Galileo te leh Darwin-ate chu tehkhin chi maw ni le, an theory-in Pathian pawi a sawi hleih em maaai.

#42Eiru, mi rel, dawtsawi case leh Darwin-a dawt hi a inang bawk hek lo.

Darwin-a theory pawm lovin eiru lovin…etc right dude? Theory is ….out of faith…faith is the assuarance…

Hmuh theih loh hmutute kan ni kristiante hi…
52
Formerly Known as Fonz. Says:
February 9th, 2011 at 1:05 pm
Hmanlai Christian in an thah tak Hypatia chanchin hi ngaihnawm ka ti in, a thil hmuh chhuah te pawh kha, sawi hi a hlawh lo em a..she was a fascinating woman.
53
ReMpYâ„ Says:
February 9th, 2011 at 1:10 pm
keichu ‘theory of evolution’ in a soi tam tak hi dik angah poh lo pom don ta ila, ka rinna a tihbuaina tur k hmu pha lo tlats. Engtin poh mihringte cu lo piangchhuak ila, chu thil thlentirtu chu a om a ngai, chu chu Pathian a ni mai.
Pathian a om kn ring takzet anih chuan he theory hi buaina tur ni pon k hrelo e.
Chuan, mihringte hi zawng thlah, tuma’n an ti lo a. Mizotawngin a sawi theih chiahlo poh a ni maithei. Tunlai kan ‘zawng’ ang hi an ti lova, mihring hmasa ber te kha tuna kan awm ang, kan physical ang hian an om lo, tih lam zok a ni. Ape ang deuh nih chu, ke pali a kal kha ke pahnihin, chutiang zelin.
Zawng an danglam kn hmu lo e mai, titu te khan evolution hi engtiang taka muang leh hun duh rei nge tih te lo chhiar ula.. Khawvel mithiam ber2 te pon an chiang bik lo tih eroh hre kiau ila ni mai. 😛
54
Grey_RM Says:
February 9th, 2011 at 1:10 pm
zawngtah kan hmeh khiah chu le.
55
lushai_er Says:
February 9th, 2011 at 1:11 pm
Evolution theory ring lo in lo awm a nih pawn in thiam awm tho e… Mahse, mutation hi evolutionary force chikhat a ni tih kan sawi lang ve mai mai teh ang.

Malaria do nan DDT hmanlai khan kan hmang thin, mahse a hnu reilo te ah chuan an haw mang der lo…

H1N1 virus pawh hi chutiang tho chu a ni…

TB natna pawh chutiang zelin Dr. ho khan han sawi chiang teh uuuuuuuuuuuu
56
Ignatia (33-115 AD) Says:
February 9th, 2011 at 1:20 pm
Kei chuan a theory lampang chu ka sawi duh tawh rih loh e.

Ka sawi duh chu heihi a ni- Mizote hian kum 1894 ah hawrawp kan nei ve tan a. Chuan awlsam te in Kristian kan ni ta kel a. Chuan khawvel thiamna leh finna ah kan sang zel a chutiang bawkin kohhran pawh a sang zel a.

Kan nu leh pa te kristain sakhua an vawn avangin tet te atangin kan kristian ve ngal mai a. Mah se hei hian nakinah harsatna min la thlen ngei ang. University kan nei ve ta a,college te pawh a thang zel dawn a,rampawn ah pawh hmun tha tak tak a khawvel finna zir an tam zel dawn. Nakinah chuan Hetianglam hi minla question dawn alawm.

Eirukna leh dawngdahna chauh ni loin hetiang hian kan kristianna hi ala ti dal ve dawn. In ring ve em? ‘Existence of God’ ‘Creation of human’etc etc ho hi minla question dawn chiang lutuk kan fa kan tu te hian. Tunah pawh hian a in tan tawh reng a ni.

Kristian Apologist tha tak kan neih ve a ngai tawh a ni. PC Biaksiama te ang chi deuh mah se ani hi chu tlemin rinna lam kal sual vengtu deuh a ni in ka hria a. Synod emaw Baptist emaw tal hi chuan a ngaihtuah a ngai a ni. Campus ministry synod chuan a tan der tawh a lawmawm.
57
Formerly Known as Fonz. Says:
February 9th, 2011 at 1:23 pm
Krista, UPC pawh sawi tel ve la mawle 😀
58
PimPom Says:
February 9th, 2011 at 1:48 pm
He theory hi thudik lo ni ta se, kn Bible hi dawt a ni tihna a ni ang. Pathian chuan zawng atanga mihring in adope turin a siamlo a, rannung chitinrengte a siam vek a, chung enkawltu tur chuan mihring a siam tih kan hmu.
59
ReMpYâ„ Says:
February 9th, 2011 at 2:07 pm
@pimpom, a eng chin atangin nge ‘mihring’ ni a i chhiar tran kha a poimoh ve thei ang..kan thlahtute an la trong theih hma, hmul in an taksa a la khuh vek lai, mei (tail) an la neih lai..hun velah khan mihring an la nilo ami? Kha ta trang, nilo, khami hma daih, ke pali a anla vah lai atangin Siamtu Pathian chuan rannung leh ramsa dang te chunga rorel turin a lo ruat lawk toh a ni theilo em ni? 🙂
theory of evolution ring thlirna atangin k ron chhang che a nh chu.. 😛 keimah phei cuan k ring bik vak lemlo a…hahah
60
huxleyback Says:
February 9th, 2011 at 2:07 pm
@51 tunge Patian pawisawi.. Eng nge Pathian pawi sawina…???? i thlir dan zimte atngin mchuang ang chuu…. Pawm dan conservative ,nundan liberal hi Pathian pawisawina ani zawk lo mooo…..??????
61
kawlhawk Says:
February 9th, 2011 at 2:09 pm
Darwin Theory hian mihring hi pathian siam a ni tih a kalh hran lo a, mihring hi zawng chi 1 (tunlaia ‘zawng’ kan tih ang ni lo) thlah kal zel atanga danglam ta kan ni, a ti a ni ber. He theory pawm chung hian pathian siam kan ni… tih te pawh a pawm theih tho a nih chu. Thil engemaw hlekah rinna tihnghin mai2 loh tur… :p
62
TuaiSialA Says:
February 9th, 2011 at 2:14 pm
Âwm ka ti ve tho mai. He theory hmuchhuaktu Darwin-a kha gorilla a ang em alawm.
63
lushai_er Says:
February 9th, 2011 at 2:36 pm
@vakul : “Copernicus,kepler, Galileo te leh Darwin-ate chu tehkhin chi maw ni le, an theory-in Pathian pawi a sawi hleih em maaai.”

Kohhran Rinna kalh a thuziak vek an nih khi!

Pathian pawi an sawi lova, mihring pawi an sawi zawk e….An chanchin hi ngun takin chhiar nawn leh teh!
64
huxleyback Says:
February 9th, 2011 at 2:45 pm
@ Lushai_er ivan t dik tak mmm??? Pathian pawi ni lo mihring paw sawina a ni eee…. Eng nge Pathian Pawi poh kn hre tak2 hlawm lo a sinn…. @ Vakul a ni, Darwin-a ai chuan naupang pawngsualte hian Pathian pawi a sawi thui zawkin ka ringg, Darwi’n a freedom hmanga a ngaihdan a sawi vang mai hian ,Eiruk leh elrelna aiin a sual nasa ang mawww……???? i ngaihdan ang pu chauh a mi I vanram hriatah chuan hruai luh i tumm…????
65
laldoma Says:
February 9th, 2011 at 2:55 pm
Kei chu zawng thlah ka ni leu, Darwina chu zawng nen an in ang viau a niang a 🙂
Ama anpuia PATHIAN min siam ka ni a, Darwina thu hi Bible nen a inkalh tlat. A chhan chu mihringte hi Pathianin Ama anpuiin a siam a, ramsa pawh a hranin a siam ve tho. Thilnung zawng zawng chunga thuneitu tura siam kan ni bawk. Zawng thlah lo ni ta ila, ramsa leh thilnung dangte chunga thuneitu kan ni theilo tawp ang. Chuvang chuan zawng thlah kan ni tih hi Kristiante tan chuan thu diklo hulhual a ni.
A hrim2 in kei chu mihring ve mai, an hun lai pawhin lo ropuiin zuitu ngah viau mahse Pathian thu tihdanglam tum te hi an nep kati. Darwina chu kum 100 liam taah khan a thi tawh a, mahse Pathian chu kumkhuain a nung reng ang.
66
Mapuia Says:
February 9th, 2011 at 2:59 pm
Darwin hian Mihring hi zawng thlaha a sawi awm tak hi kei ka hre fuh mang leh pek lo va. Mihring lo pianchhuah (Evolve)-a tuna mihring hmel an put hma chhiah hian zawng hmel ang deuh pu tura ngaih mai kha a ni thin a.

Pathianin mihring a siam dan hi Genesis-ah tawite-in a rawn tar lang ve zeuhva, mahse thu tam tak a sawi lawi si.

Ni khat ni, ni hnih ni, tih inziak hi chu Pathianin Mosia hnena ni khat ni-a a thilsiamte a puanchhuah, ni hnih ni-a a puanchhuah tih a nih hmel. Pathianin thil a siam khan ‘Thu’ maia siam a ni. ‘Lo awm rawh se’tih kha a ni. An lo awm dana chu evolution hmang pawhin an lo awm thei.

Kei mah ve te hi chuan ‘Evolutionary Creation Theory’ hi rawn auchhuahpui an awm hunah ka Amen-pui theih ka ring.

Geological Evidence atang chuan ni khat ni, ni hnih ni ang lek leka siam zawh tur niin a lang lo. A siam thei lo ni lovin.
67
Mapuia Says:
February 9th, 2011 at 3:16 pm
#65, @laldoma, Pathianin ama anpuiin (his own image) mihring a siam’ tih hi Pathian kan ‘an’ theihna nia ka hriat chu ‘thi thei lo nunna kan nei tel’ hi a ni.
Kan thenawmpa nen hi chhuan an in ang lo tawp ang, Pa thian a hmel chhe dawn em mai 😀
Chuvangin Pathian remruatnaah chuan tui atanga thil nung lo piang zingah khan Ama anpui mihring-te lineal evolution tur chu a duang thei thovah ka ngai.
Tin, Pathian tan hian hun bithliahin awmzia a nei lo, Ni 1 pawh kum 1000 a ni thei, kum 1 million pawh a ni thei turah ngai ang. Pathian Thu kan inzirtirna pawh hi kan fimkhur a ngai ta!
Kan awmna leiin ni a hel lo tia tan tlattu leh khatiang ngaih dan dodaltu kha Kohhran hruaitu hmasate an ni. Mahse kan Pastor te pawhin ‘Ni (sun)khian kan awmna lei a hel’ tiin an fate zirtir ila tunah chuan an teu hle tawh mai thei. Khawvel thiamna a sang zela Bible thu rilzia leh thukzia hi hawh u i bihchiang peih ang u. A engamah hma a Bible kalh zawng nia hriat avanga do/kalh bur hian rinhlehna min la neihtir mai zawk dah ang nge.
68
huxleyback Says:
February 9th, 2011 at 3:22 pm
@ Laldoma Pathianin ama an puiin mi hring a siam th hian kan mel leh kan taksa pianphung hi chu kan sawi tel thiang lo ang… mihring hi hmel leh piang phung in ang lo tak tak kan ni a,chuvang chuan ,kan Pathian hmel a dang vek mai dawn a sin,tin,Pathian chu tlarau a ni. kan thlarau lamah zawk hian Pathian an puia siam kan nih na lam thu chu pawm ila a fuh zawk daih. tin, keimahni mihringa thatna chihrang hrang awm zawk hi Pathian kan an an leh hnaihna chu a ni zawk eee…. Thlarauah Pathian i ang zawk ang ooo…
69
Mapuia Says:
February 9th, 2011 at 3:26 pm
#58, @ PimPom, Evolution Theory hi lo dik ta pawh ni se, kan Bible thusawi hi dawt a ni dawn lo reng reng.

Eng lo awm rawh se (Let ther be light) tih kha a ni mai. ‘Siam’ tih avang khan khawih nuap nuap turah i ngai lovang u.
70
Jacka Pi Says:
February 9th, 2011 at 3:53 pm
Evolution theory pawm deuh roh,pawm chiang chiah si lo leh pawm tur a nih leh nih loh hre thiam lo tan….Genesis 1:21 -25 lo chhiar teh u….Mizo tawng hian a chiang vak lo emaw ni te ka ti ve deuh a,”anmahni chi awmdan ang zelin” han tih hi,kei chuan a chiang ka ti tawk fu tho mai a,a saptawng lamah chuan han ti ve ngial ila,”after its own kind ” tih a ni a,kan fiah tlang kuar em? Post tu pa khian zawng ang takin a siam phawt em ni dawn tih lampang zawhna a siam deuh pahin ka hria a,a chhanna chu “NO” a ni.
Arpui nge upa artui tih zawhna te pawh scientifically in arpui a upa zawk tih an lo proof(ahem!) ta ni awm tak a ni a,Bible in a sawi hi awih ve mai se chuan khatiang research nan mai2 sum sen a ngailo tur a nia.Arpui arpui angin,a rawn keuna tur artui ang ni loin Pathianin a siam a ni tih Bible chang ka rawn dah chhuah atang khian a chiang reng mai…zawng chu zawng angin,kel chu kel angin,mihring pawh mihring ang in……chutiang zelin….
71
Asteric™ Says:
February 9th, 2011 at 3:55 pm
A basic lo emai, a aia hma fe Theory (like Big-Bang) pawh a fail chuan zawng atanga Human evolve te chu ala hnai lutuk. Hetiang kan pawm dawn anih chuan life awm hma Atomic Particle atanga a in tran dan a fail loh phawt angai ang. 😉
72
ReMpYâ„ Says:
February 9th, 2011 at 4:18 pm
Soi vak ngaihna a om lo ve. Theory of Evolution a dik lo tawp titu te chuan tranchhanah Bible kan nei a ni top mai a, scientific theories hmang veka han beihletna tur kn tlachham a ang. Facts leh Faith, theories leh religion..huizzz.. Dinosaur hunlai te molh kha… :-S :-[ :-S :-[
73
H.Vangchhia Says:
February 9th, 2011 at 4:47 pm
Mihring thlah tu chu mihring a ni. Lal Darwina kha hetah hi chuan Christopher Columbus nen in anna an nei riauin ka hria. Pakhatin India kal tum anih vang hirm hrimin a ram hmuha mihring te kha ‘Red Indian’ a ti ngawt a, pakhat leh chuan nungcha te inthlahchhawn dan hmuh a tum hrim2 avang khan, San Cristobal island a thlen khan ramsa ala hmuh ngailoh te a hmuh avang khan hun reiah kan pianzia ilo awmdan kan thlak ‘evolution’ awm theiin a ngai leh a ni mai.

Darwin khan naturalist anga hlawh nei lo pawh a tan a duh hnua Charles Lyell ziak, “Principles of Geology” a chhiar hnu khan hetiang lam kha a rilruah a nghet sa tlat tawh.

A thu hrimah a thil chhut dan hi Uk ah ngawt pawh 50% scientists in 2009 khan an pawmloh chu tunah chuan 50+ in an pawm tawh lo.

2009:
http://www.guardian.co.uk/science/2009/feb/01/evolution-darwin-survey-creationism
74
H.Vangchhia Says:
February 9th, 2011 at 4:55 pm
Pathianin mihring a siam dan chu:

Tlaklei sawkin ‘An mahni anpui’ (Gen.1:26)angin a chawn a, a siam (mould) ta a! Tichuan, an ur (bake) ta vut vut mai anih chu. Chutah, a tawk tawh ang ti a anm thur chhuah chuan a lo dah rei lutuk a, a lo ut (burned up) vek mai a, midum an lo chhuak ta a.

A dawt lehah chuan a ut/kang leh ang tih a hlauh avang chuan a thur hma ta hret a, alo la tawk chiah lo chu niin, vun var sap ho an lo chhuak leh ta a.

A vawi thumnaah chuan,”Tun tum chu ka ti sual tawh lo vang,” tiin uluk taka vilin a ur leh ta vut vut mai a. Chutah an thur chhuak chiah mai chu, mihring pangai, ut/kang lutuk lo leh la tawk chiahlo var pur mai nilo, Asian mi chu alo chhuak ta a. Pathian chuan a thilsiam chu an en a, a lawm ta em em a! 😛 😉 NOI
75
Ignatia (33-115 AD) Says:
February 9th, 2011 at 5:28 pm
Pu Vakula chu in va kap nasa em em ve mawle.

He topic hi mi thenkhat rinna ti bauitu ah a chhuak thei dawn tlat inka hria. Kei pawh hian ka sawi duh lo fo thin a ni….

Hmangaih Johanan chiang takin a sawi kha maw…. Rinna ropui zia ah i in nghat ang u. Tirhkoh Paula’n confi takin “Ka rin ah chuan ka chiang a ni” a tih lawm lawm kha.

Mah se appreciate ve chu a tha.
76
mifeltea Says:
February 9th, 2011 at 10:04 pm
Preacher: We are the descendants of Adam and Eve.
Scientist: No..! We evolve from Monkeys.
Preacher: I AM NOT TALKING ABOUT YOUR FAMILY… 😀
77
Chhakchhuak Says:
February 9th, 2011 at 11:24 pm
Mihringte hi zawng thlah kan nih chuan zawng hi an va la tam si ve….. te ka tia
78
Chhakchhuak Says:
February 9th, 2011 at 11:25 pm
Mihringte hi zawng thlah kan nih chuan zawng hi an va la tam si ve….. te ka tia 😀
79
H.Vangchhia Says:
February 9th, 2011 at 11:28 pm
mifeltea #76 Kulikawn pastor thin, Mizoram Synod moderator pawh lo ni tawh kha thlan laih naah hian tlawmngai takin alo thawk chhuak ve thin.

Tumkhat chu Patawt-a kan tih mai, Lalrongura chuan, “Pastor, i beram te min enkawl tha lo lutuk,” a ti fiamthu ngawt pek a. A ni chuan rang fe hian, ” Iau beram elaw i nih, kel emaw i nih ka tia sin,” a ti fel et hairehai 😉 😀
80
mifeltea Says:
February 9th, 2011 at 11:42 pm
@79..hahaha, tha lutuk..
OT lovin kan fiamthu leh lawk ange…
Fapa: Anu, zawng thlah kan ni em ni?
Nu: Keini lam chu kan ni lova, mahse i pa te chhung hi ka hre vak lova, nakin a lo haw hunah i lo zawt dawn nia…:-D
81
H.Vangchhia Says:
February 9th, 2011 at 11:49 pm
#80 😛 😉
82
Saitawk Says:
February 9th, 2011 at 11:51 pm
Darthlalang a ka in en hi chuan vanlal Darwin hi ka ring rum rum thin! 🙂
83
vakul Says:
February 10th, 2011 at 12:07 am
#75 Krista min kap pawh ka lo ti hlei nem. han inhrithla teh se.

#64 Darwina theory kan sawisel lai hian pawngsual, eiruk, elrel kan fak leu. Tunlai thangthar thil sawi duh dan tak hi chu, thil pakhat tha lo kan sawi hian tha lo dang kha a lo tha ta a ni looo. kan subject chu Darwin-a a nia. Ka vanram hriatah Darwin-a hmuh ka beisei lo bawk 😀

#63 Copernicus, Kepler, Galileote chanchin ka chhiarna kha a lo rei ta deuh a ni. Kum6 bawr vel kaltaa paper present tur ka buatsaih laia ka chhiar bak kha ka la chhiar leh ta lo, an lo ziak danglam leh hman tawh mai thei e. Bible kha han chhiar chiang ve teh tiin hawihhawm takin ka’n ngen teh ang che, Darwins’ Evolution theory reng reng a awm em?

#60. Thlir dan zau ka mamawh hrih lo hemi chungchangah hian. Ka nun dan hi a liberal i tih ngam chiah chu ka ring lo va, duh conser. nun libe. hi chu ka lo sawi ve fo tawh thin.

Engpawh nise hei hi ka zawhna, Bible hian Evolution theory ang hian lo sawi se, Darwin-a hian Bible sawi angin, Darwin-a hi kan pawm zawk tho ang em? Bible pawn lam deuh pawm kan sam hle lai hian. Zep lovah chuan kei mi zir sang lem lo hian Darwin-a thoery reng reng Bible ah ka hmu lo mai ni lovin a inzawmna sawi tur ka hre lo. Bible hi ka tan. ka tan zel ang aa takin
84
Sangpuiipa Says:
February 10th, 2011 at 12:13 am
Zawng leh mihring hi inan na kan nei ve nual a. A engemaw zawnga ngaihtuah phei chuan zawng thlah dik tak zawk kan lo ni maithei asin.
85
beethugs2 Says:
February 10th, 2011 at 12:22 am
Hrechiang tak tak kan va tam deuh ve..!!! Darwin a thihlai a awm ve te pawh kan awm nuk lo maw…!!! 😀 😀
Zawng thlah chu kan nilo chiang, zawng an la tam e mai..

#53 Rempy sawi “Ape ang deuh, ke pali a kal kha ke
pahnihin, chutiang zelin“, ang khi chu kan ni lovang tih a sawi theih miah loh. Lo ni ta pawh ni ila, kan rinna a khawih pawina ka hrelo, kan thlahtu te ke pali a an lo kal avanga Krista hian min chhandam duh loh bikna tur ka hre lo.
86
huxleyback Says:
February 10th, 2011 at 12:23 am
# 83 tun bak hi chu k comment peih ta lo..heheeh k sawi tum ber zawk chu Darwina dik leh dik lo lam aiin kan sakhua kan tan lutukna lama dawt kan sawi thin hi a ni.. bilble a kan tan chhan fo Gen 1-11 hi chu thawnthu babulon ho pohina an neih ve ani a.. a dik tak chuan fiction anih loh pohin Israel ten mi thawnthu a mi an mahni thawnthu anga an pawm anih mai hmel e.. REv. Zairema ziah Kan bibul hi tih leh Thuthlung hlui bih chian na(a ziaktu k theihnghil ta) kha lo chhiar ve mai mai teh.. peh hel deuha an ziah khaa….
87
mifeltea Says:
February 10th, 2011 at 12:25 am
Zawng hi mihring thlah an ni thei angem….

Hmanlaite hian African nupa hian phir (mipa leh hmeichhia) an hring a. A hmeichhia chu a hmingah “chimpanz” an sa a, a mipa chu “gorill” tih an sa bawk a. Kum 3 an tlin hmain an thih san ta daih a. Tichuan an unau chuan thei leh hnah chi hrang2 eiin ramah chuan an khawsa ta a. Mihring dangte bulah pawh an awm duh tawh lo va. Tin kum a lo vei a, an lo upa ve tial2 a, tichuan fate neiin an fate nen chuan ramah tho chuan an khawsa ho a. Tichuan mizopa ram vak hian a hmu ta hloh mai a, kah a tum a mahse nu ber leh pa ber chu an tawng thei tih a hre ta a. Kap lovin a hnaih ta zawk a, an hming te a zawtin an in kawm ho a, mahse nu ber leh pa ber chiah an tawng thei kha mak a ti ve hle. Tichuan, mizopa chu hlawhchhamin a haw ta hnak2 a. A ni pasaltha ve meuh hlawhchhamin a haw mai chu a thianten engatige tiin an lo zawt a, a ni chuan Chimpanz-i leh Gorill-a te chhungkua vang vek alawm tiin a hrilh ta a.

Tunlaiah chuan Chimpanz-i leh Gorill-a thlahte zingah Chimpanz-i ang deuh ho chu sap hovin “Chimpanzee” an tia, Gorill-a ang deuh ho chu “Gorilla” an ti… 😀 😛
88
beethugs2 Says:
February 10th, 2011 at 12:30 am
Bible chuan mihring siam anih thu a sawi mai a, vun ngo, vun var, khawchhak hmel, vai hmel,a siam a sawi chuang hleinem,mahse kan danglam nasa anih si hi..!!! 🙂
89
Sangpuiipa Says:
February 10th, 2011 at 12:38 am
Mihring te hi zawng thlah lo ni ta ila, zawng chihrang hrang zirah a eng ber thlah nge kan nih ang le? 😀
90
vakul Says:
February 10th, 2011 at 12:47 am
#86 kei pawh a tawp nan. Gen.1-6 hi Kristian circle-ah ngei pawh Myth anga pawm an tam alawm. Liberal vs Funda… inhnialna thupui pakhat a ni reng. Bible chungchangah hian Ancient near East rama thawnthu kha chu a inzul a tam mai, khi chang lo pawh khi. Mahse tu pawn sawi se khawi zawk kha nge pawm ila kan thlarau tan him dam ang a, khawi zawk nge mi dangte hriata sawimawi tlaka kan ruat tih lai hi kan ngaihtuah a tul.

Liberal view hi a complex-a a interesting bawk a, intellectual circle-ah hralh a tla phian ; zir nan a tha, rin atan chuan Conservative hi a him a, a spiritual zawk fo. Mangtha le.
91
D_auaChwngthu Says:
February 10th, 2011 at 12:55 am
Sawmkua leh Pakhatna……. 😀
92
D_auaChwngthu Says:
February 10th, 2011 at 12:56 am
Zawngthlah zawng ban phar ruuuuuu 😛 😛
93
D_auaChwngthu Says:
February 10th, 2011 at 12:58 am
Thlarauah in Tui hal anih hi,…. lo kal rawh u, tui nunglui ka lo kawhhmuh ang che u 😀 😛
94
cotdarz Says:
February 10th, 2011 at 1:00 am
Engmah a awm hma hian enge awm ang le? 😀 😀 😀
95
H.Vangchhia Says:
February 10th, 2011 at 1:03 am
Zawng ho 😛
96
Mapuia Says:
February 10th, 2011 at 1:05 am
#94, @cotdarz, engmah a awm hma hian ‘Thu’ a awm. ‘Thu’ chu Pathian a ni.
97
beethugs2 Says:
February 10th, 2011 at 1:08 am
Chu zawng ai chuan Zawng sa ei chu harhna an tih hi a ni tak tak em le..?? a nih chuan Vawksa ei chu thatchhiatna a ni awm sia..>!!!! 😀
98
Sangpuiipa Says:
February 10th, 2011 at 1:11 am
Kan comment atang chuan zawng thlah nih chu kan duhlo hlawm hle mai. Kan Pathian thu hi a diklo tih hre ta thut ila, zawng thlah kan nih zia hi chiang takin hre ta thut bawk ila tuilo zetin zawng thlah kan nih pawm a ngai anga. 😀
99
Sangpuiipa Says:
February 10th, 2011 at 1:14 am
@beethugs2, Zoram kristian te hian harhna kan ngai tiin Pathian hnenah kan dil fo va. Zawngsa ei hi min lo chawh kurh lawng maw?????? 😉
100
Saitawk Says:
February 10th, 2011 at 1:17 am
Rul thlahte uuu!! 😛
101
lrpa Says:
February 10th, 2011 at 1:18 am
Kan Pathian ‘Isua Krista’ kha zawng chhandam tur a lo kal chu ani lo a..! han sawi zui teh chiam tur ka tlachham deuh !! hehe
102
Sangpuiipa Says:
February 10th, 2011 at 1:31 am
Zawng thlah kan nih loh zia hi Bible thu tel miah loin chiang takin han sawifiah thei in awm em???
103
D_auaChwngthu Says:
February 10th, 2011 at 1:39 am
@96___ Mapui,…. Engmah awm hmaa thu a lo awm tawh si chuan , Engmah awmhma a awmlo tihna nih chu. A chiang fek fawk .
104
H.Vangchhia Says:
February 10th, 2011 at 1:58 am
Sangpuiipa #102, Zawng thlah kan ni tih Darwin khan ngaihtuahna a neih na chhan chu comment hmasa lamah ka ziak tawh. Amah ngei pawh khan ni theia angaih na chhan kha amah ngeiin a thliarkar tlawhah a hmuh vangin a ziak ngawt pek anih kha. Hetiang ring ho hian khawvel a thil nung/ramsa etc lo awm tawh te fossil etc atang ten, “ani thei ang a,” tih bakin proof chiang 100% nei an awm lo.

Zawng thlah kan nih loh na chhan chu mihring kan nih vang a ni.

Khawvel ah hian kum tam tak, nunna nei (species) chi hrang2 an lo awm tawh thin. A then chu an rem/mang (extinct) tawh a, a thar an lo awm leh thin eg: tunah pawh Uchang chi thar Tamdil ah an hmuh chhuah kha. Mihring pawh hi khawvel ah hian kum engemaw zat kan lo awm tawh tih chu kan hria a ni. Mang/rem (extinct) hun pawh kan la nei ve ngeiin ka ring bawk…evolve lam ni lo vin!

Darwin himself has stated something to this extent somewhere in his work, that he was thinking about certain possibilities and thus came to this conclusion without having seen it himself.
105
lrpa Says:
February 10th, 2011 at 2:13 am
Zawng thlah kan nih zia sawifiah thiam chuan nobel prize a hmu ang!!
106
H.Vangchhia Says:
February 10th, 2011 at 2:19 am
African midum ho (Ethiopian tel lo vin)hi chuan an la hnaih hmel khawp mai, an mitmeng te hi a sen rum mai a, an hnar leh an hmui lah hian Gorilla a ang em em mai lehnghal a. An chezia, zah hriat lohna an harh zia leh an lam dan hi a APE ve hrim2 hairehai
107
Mapuia Says:
February 10th, 2011 at 2:47 am
#102, Zawng thlah chu eng ti kawng mahin kan ni lo. Mahse mihring hun hmasa lamah chuan mihring taksa ruangâm chu zawng ang deuhvin a awmte pawh a ni mahna.

Bible-a thilsiam leh Evolution-a thil nung lo pian chhuah chhoh dan in zulzui viau mai hian ngaihtuahna a ti tam. Bible han keu leh ila:
http://www.biblegateway.com/pa.....rsion=NKJV

“E-v-o-l-u-t-i-o-n with God over millions of years is really just S-l-o-w C-r-e-a-t-i-o-n.’ tih hi Evolutionary creation Theory tiin ka vuah ve tawp mai. Mahse Evolution Theory basic idea-ah hi chuan thil nung lo ata nunna nei lo chhuak ang zawngin Evolution hian a kawk deuh hlek a. Chuvangin ‘Slow Creationism’ tiin he philosophy hi dah a rem chang ber ang.

A thu hrimah Evolution Theory hi scientific viauvah kan ngai a, philosophical thought satliah ve mai a ni. Science zirlai bu-ahte telh a nih avang hian true science ang hiala ngaih tur a ni lo.
http://www.earthage.org/which_.....ntific.htm
http://www.earthage.org/intro/.....0Earth.htm
108
khawpuia Says:
February 10th, 2011 at 3:09 am
A bul ka tana khar leh teh ang’ kristianna dik loh kan hlau ltk hian dawt hial kan sawi duh a nih chuan fel hlel chu a awm phawt mai. Chuan kan rindan hi diklo thei a ni ve bawk(mihring siam chawp rinna te) khawvel hi universe lai tak ah a awm a thla,ni,leh arsi ten ah hel emaw lo titu te khan tuna genesis tho hi an chhiar ve. Kohhran kalh a ni miau a mithiam te khan an pholang ngam lok lo a nih kha. Hun a liam a hei thudik chu hnialrual a ni lo.  abrahama pathian in a kohhran hma daih toh khan Sumerian ho chuan ka bible bul tan na genesis ang tak hi an lo nei daih tawh ‘creation of man’ te phei chu inang tak a ni! khawmualpui lehlam daih a mayan ho rin dan a khawvel lo pian chhuah dan leh kan genesis pawh hi in ang tak a ni. by birth in kristian ka ni a, kan tawngpawng tan hlur ringawt mai kan ring takzet a nih chuan kan zirchiang tur a ni, tichuan chhia leh tha hriatna kan ei kha kan chhawr tangkai a ni mai.  Scientist te hian bible hi an kalh lui hrim2 a ni lo a, an thil hmuh chhuah dik ni a an hriat kha an pholang a ni mai. pathianthu kalh duh vang hrim2 a ni lo e. 
109
Sangpuiipa Says:
February 10th, 2011 at 9:25 am
Mak ve deuh chu champhai leilet a sangha awm saitea ngha an tih hi. Tuman a chi an chhuah hriat a nilo. Mahse hun engemaw kalta atang khan a lo awm thut a. A tui reuh em em mai lehnghal.
110
Darwin hp Says:
February 22nd, 2011 at 1:38 pm
Zawng thlah niawm tak tak hmelpu hi an awm ve reng reng! Hlum hrual mum thawk khum atanga lo piang nih ngawt ai chuan Fanghmir thlah kan ni pawh ti i la a awihawm deuh zawk lo maw?!(N)
111
ReMpY_ScisSoR Says:
February 22nd, 2011 at 1:49 pm
Scientists ten zawng thlah kan ni an tia, speaker ten rul thlah kan ni an ti bok si.. Sephûng thlah te hi kn lo ni reng zok lo mo le..
112
zualbonez Says:
February 22nd, 2011 at 1:58 pm
@ author….pathian in ni 1 a teh dan leh mihring ni 1 teh dan a inang ka ringlo….mihring siam thut lovin zawng atang zawi muangin min siam/evolve tir ani thei tho…chutiang bawkin tuna ramsa ho pawh hi dinosaurs et al. atang a siam chhuak/evolve tir anih ka ring…. Bible leh evolutionary biology a in kalh na vak ka hrelo e
113
Sangpuiipa Says:
May 18th, 2011 at 11:26 pm
@zualbonez, a dik ve tho mai.
114
pa-para Says:
June 19th, 2011 at 7:23 pm
Darwin an Special creation theory a hnawl a, 19th century kristian ten Theory of evolution an hnawl ve bawk a. An ti sual ve ve. Bible leh evolution hi a in kalh lova, a tawn tawnin zir kawp i la, a inzul hle tih kan hria ang.

Darwin an ‘Zawng thlah kan ni’ tih a sawi anga sawi a ni fo hi a lehkhabu ‘Origin of Species’ (1859) ah khan a chuang em? A chuang a nih chuan a bung leh chang min han hrilh teh u.
115
Sangpuiipa Says:
June 20th, 2011 at 8:50 pm
He post chu in tuipui hle mai maw… Zawng nih duh loh in tam hle mai.
116
Sãñgpüîípã Says:
December 17th, 2011 at 8:48 pm
Zawng ho.
117
Sãñgpüîípã Says:
January 6th, 2012 at 8:17 pm
Port hlui lamah nawi lawk teh ang, huhu
118
Sãñgpüîípã Says:
January 6th, 2012 at 8:17 pm
Post hlui lamah nawi lawk teh ang, huhu
119
Sangpuiipa Says:
December 15th, 2012 at 3:32 pm
He thil hi thil pawimawh tak a ni a, i sawiho zel teh ang u.