Tawn Hriat

July 15th, 2012 7:00 pm by lushai_er

Mak ang reng a nihna hriat si loh. ———by. H.Lalbiakliana

[ MUP Tlangau July 2012]

Kum 1956, April thlah Hmawngzung kai (Manipur) khua, in tlemte chuan Tuiruang lui sangha man nan ngaihhih zung vawsawpin an vua a. Vanpawng suarah ngawi an dawh a, a thlang suar, suarbungah kan khua Khawpuarin ngawi an lo dawh ve a, an hlawhtling hle mai a. Khar ti chhe lovin an haw san a, “phai ngha leh sangha dang pawh an tla deuh reng e,” an ti a.

Ka makpa te Suakthuama leh Tuaha nen chuan zana ngawi veng tur chuan kan kal a. Thimhlimah chuan ngawiah ka awm a, ka thiante chuan eirawng an bawl a. Kan chhak mai li-puiah thawm mak takmai, ri huau huau, ri buan buan, sawi ngaihna pawh ka hre lo, thawm na tak a ni, “chu enge?” kan ti a, ngawi atang chuan ka ding chhuak a, meichherin ka han en a, engmah tui che leh fawn pawh a awm si lo.

Ka thiante pawh chu meichher chhiin, chhaklam vaukamah chuan an han kal a, engmah thil danglam awm hmuh tur a awm si lo, rei pawh a ni lo, a ri phuta, chu ! enge kan tih leh a reh leh nghal mai si a, enge ni ta ber ang le ..? a ri thawm chu puitak a ni.

Kum 1972 April ni 26 khan u Tuaha nen Tippaimukh-ah lendeng turin kan kal a, chhun khawthat laiin, thli na takin a rawn tlah phut a. Tippaimukh, Tuiruang leh Tuivai in finna chu Lawng thlun khawmna a ni a, Lawngte chu thlun that hman ni hek suh, lui mawng lamah a len thla a.

Vai sumdawng, Luku-a lawnglian chung nei, dawr bungrua, tel tin leh khawnvartui tin thahnem tak phur chu Tuiruang leh Tuivai infinna thlang lipuiah chuan a len pil ta a. Dawr bungrua, sum tam tak man phur a ni si a, engtin tin emaw hnuhchhuah tumin an bei ngial a, (kei pawh ka tel ve a) hnuhchhuah theih a ni si lo, an rei ngang mai si a, vai tui lut thiam an zuk hruai a, enchiang truin a han lut phawt a, a lo chhuak leh a, vaukamah biri te an han zu a, “Pawisa chu min pe ngei ang maw ?” a ti a. E pe em em ang an ti a, hruizen kengin a lut leh ta a, a thlung zo tawh ang tih ah chuan an han pawt a, hruizen chu lawngin an pawt chhuak ta mai a, a lut a lah chin hriat ni lo, zuk finfiah ngam an awm si lo.

Luidung khawiah mah mitthi ruang lang hnuh tur lah awm lo, a bo hlen ta hmak a ni. Enge a chhan tih hriat tumin Vai Puithiam an zuk hruai a, Puithiam chuan vaukamah bawlhlo eng eng emaw nen a han chhampual ta a (tai). Tichuan rulnghawngsen ang hi tuiah chuan a rawn tleng zar zar a, Vangai lampang khamhnuai, vaukam lung keh karah chuan a lut ta a, “Puithiam chuan he Lipuiah hian Huai Lal nupa, fep tla hnuang tawh an awm a, chungte chuan an lo pawtsawm veka, a sa chu sangha ten an ei zova, rawn lang chhuak tur a awm lo a ni. He lui hi an khuap dawn tak tak anih chuan, mihringa an inthawi a ngai ang,” a ti e an ti.

He lawng pilna buk chhak maiah hian kum 1976 khan CWC hovin lungverhna khawl, lawng kar chehin tui chhung an verh a, khawl hnathawk lai ri chur chur chu a tawp leh chut chut thin a, a khawl lamah engmah fel lohna a awm si lo, an hlau dawn dawnin an sawi. Helai hmun hi Tuiruang khuah tawpna tur niin an sawi a, 1993 thallai khan Tuiruang leh Tuivai infinna thlangag chuan tui hnuaiah pipe lian tak phumin khawl hmangin cement bag sang chuang an chhung lai tak hi ka hmu ve a, khawl thil tih leh hnathawh dan hi a mak ngei mai.

Tunhma chuan helai lui kam (Suarbung kam) phai phul zimteah hian vawkpa lian talh tur man beh, a zak nem a an chhun ngek ruah ruah ang hi an hre thin a. Keipawh 1954 khan kan feh haw dawnin ka hria a, ka pa hnenah chu sanghal chu a lian awm mang e ka ti a. Ka pa chuan, “Sanghal a ni dawn emaw ni le, Saza hur khama awm saw a ni mai lo maw ?” a ti a, tak tak ni maw ?

Kum 1964 khan helai Tuiruang kam hi Khawpuar khuain thlawhhma kan nei a. Buhseng laiin Pu Hmuaka chu mau-puma inkar kaiin, Vangai tlangpang kham kara Saza kah tumin a chhui a, tlema hmun rem, kopang a han dak chu Saza chu a lo leh hawi a, han kah mai an tum chu a pi (pitar kum 90 lai mi) niin a hmu ta tlat mai a, a mit a han nuai a, ngun taka an en pawh in a pi chiah niin a hmu a, kap ta lo chuan a hawsan a, thlam a thlena zanriah ei kham chuan zualkovin a pi a thih thu an zuk hrilh a ni. Han kap lui ta se enge a an ang le ?

Heng ka han sawite hi a nihna tak hriat si loh, kei pawhin ka hmuh leh tawn hriat an ni.

27 Responses to “Tawn Hriat”

1
lushai_er Says:
July 15th, 2012 at 7:21 pm
Mahni post a han hmasak chu(h)
Report this comment
2
lushai_er Says:
July 15th, 2012 at 7:23 pm
Airport-ah mi ka hmuah angai tlat mai, a hman hman khan lo vil mai teh u
Report this comment
3
mik3s Chongthu Says:
July 15th, 2012 at 7:54 pm
Ngaihnawmin a mak hle mai!
Report this comment
4
ZerO Says:
July 15th, 2012 at 8:32 pm
ngaihnawm fu mai a..
Report this comment
5
Jacka Pi Says:
July 15th, 2012 at 8:41 pm
A hrang a nih chiang chu!
Report this comment
6
Charice_mizo Says:
July 15th, 2012 at 9:08 pm
Ngaihnawm ve, hmanlai deuh hun angah khan hetiang thil hi a tam riau mai an sawi ngaihnawm thei si..
Report this comment
7
century child Says:
July 15th, 2012 at 9:12 pm
A va ngaihnawm ve.
Report this comment
8
saint sammoo Says:
July 15th, 2012 at 9:47 pm
khai a… va ‘Den’ ve….
Report this comment
9
saint sammoo Says:
July 15th, 2012 at 9:52 pm
mihring mi hrinna hian a chhui chhuak phak loh hi a awm tih ka chiang..
Report this comment
10
The Biz Says:
July 15th, 2012 at 10:45 pm
Ngaihnawm viau mai. A chhiartu riltuah zawhna hrang hrang a hnutchhiah ngei ang le.,
Report this comment
11
april Says:
July 15th, 2012 at 11:30 pm
Inthlahrung deuh in kan nui lok MUP chanchinbu hi alo thlen hian kan inchuh a, a chang chang in kan chhiar ri a, kan nui ham ham thin. Pa ber in ‘MUP ho hi dawt sawi an hrat ber mai’ ti in a tlip ziah bawk
Report this comment
12
vakul Says:
July 15th, 2012 at 11:42 pm
hetiang ri hi chu ka la hre lo, hriat erawh ka nei ve tawh.

zana Thing tlu ri ruah ruah, auh tuar tuar ri hi ka hre ve nual tawh a, ka hriat apiang hian ka bula upa deuh chuan Ramhuaiho Lovat an nih chu an ti ve ziah.
Report this comment
13
Lamji Says:
July 15th, 2012 at 11:50 pm
Ala hma em mai nakin deuh a chhiar ah khek ang.
Report this comment
14
Kawnga Says:
July 15th, 2012 at 11:56 pm

Report this comment
15
Saitawk Says:
July 15th, 2012 at 11:58 pm
A ngaihnawm leh pek e.
Report this comment
16
lushai_er Says:
July 16th, 2012 at 12:43 am
Hei, ka haw ve leh chiah a, ka hman e…

Saza an channa lai vel-ah khian kei pawh zawng kah ka tum a, .22 rifle nen ka veh a…….mahse Vaitin-pa khan kap reng reng suh kham atang khian lung an rawn lum khum vak mai ang che a ti a, ka veh lai chu ka kir leh ta a.

Tlai khat chu nghalrual lui kan ralah kan hmu bawk a, a uihawm hle a ni.
Report this comment
17
doc_lib Says:
July 16th, 2012 at 12:44 am
‘hruizen kengin a lut leh ta a, a thlung zo tawh ang tih ah chuan an han pawt a, hruizen chu lawngin an pawt chhuak ta mai a, a lut a lah chin hriat ni lo, zuk finfiah ngam an awm si lo.’

Hruizenin lawng an pawt chhuak nge..lawng hmanga hrui zen pawh chhuah thu a awm si lo a..nge hruizen chu a lawngin ( hruizen chauh chu) an pawt chhuak leh zawk mai aw…Ta mai mai thin chuan. ( detective mit hi a tha lo )
Report this comment
18
lushai_er Says:
July 16th, 2012 at 1:03 am
@doc: He luiah hian kum tin kan kal thin…..thalah pawh tui a tam khawp mai. Loktak dil an sah ni phei chuan a chim san phah hle thin. Lawng chung nei ho (a pil ang) hi engine nei an ni tlangpui a, thing erawh a chakah an la hmang reng.

He thawnthu hi Tipaimukh lam chuan an hre deuh vek chuan ka ring. Vai tui lutthiam (darkar khat lai a lut thei an ti nghe nghe) hian hrui chuan a zuk phuar a, lui chakna ringin lawng dang hmangin an hnuk chhuak a (engine hmang lawng pawh a ni thei)! Mahse amah chu a bo hlen ta anih awm chu.
Report this comment
19
houdini Says:
July 16th, 2012 at 1:54 am
A ngaihnawm hi ka tia… Ka lung te pawh a leng e.

MUP-ho hian ramhuai ilo hi an hre hnem khawp mai, tak a’na. Pu PKfanai-a rawn ziah chhuah thinho te pawh kha…
Report this comment
20
lrpa Says:
July 16th, 2012 at 2:17 am
Ka tawnhriat ve pakhat!
Luiah kan kal dawn a, kan chhuak tlai a, zan dar 8 vel ani awm e, kawngah a lo awm a..’keite..ka ti vak a’..sakuh lek loniin!
Kan nawr hrep a, motor kan tihdin chuan a tlan kan chhiat kan hlau sia! hlam 50 vel kan nawr hnuah ‘a thi tawh ang’ kan tia, motor kan ti ding a..a lo la nung nasa..kawngthlangah a zuang bo daih asin le…
Vawikhat leh pawh, Lungpher ramah sangha kan man a, hawlam ah pasaltha in laiphir a keng a, ka zui a. Hnunglamah ka u leh midangte an rawn kal bawk a..leilet hlui kan lut chiah kha a mawng sen buang deuh kha ka hmu a ‘saw..ui ui ui’ ka ti leh chiam a..sakhi lek a lo nia..ka au ring lutuk a, pasaltha pa pawn a silai a hmet puak dur ringawt !!
Report this comment
21
bucko Says:
July 16th, 2012 at 6:05 am
ngaihnawm dangdai hle mai
Report this comment
22
ruatruatapa Says:
July 16th, 2012 at 8:49 am

Report this comment
23
Dr Mahminga Sailo Says:
July 16th, 2012 at 9:38 am
A ngaihnawm teh e…

Mat luia Vanzema lia, Vanzema boral dan an sawi nen pawh, vaipa boral dan chu a inan hmel hle mai…
Report this comment
24
Kher Kher Says:
July 16th, 2012 at 11:00 am
Tuiruang ah hian kan inbual thin, ruak in.
Report this comment
25
H.Pari Says:
July 16th, 2012 at 12:10 pm
Ka ngaihdan – Vaipa chuan lui mawnga lawng ah a hrui chu phhuar a tum ang a, chutih laiin tuichhung a thim em avangin a ke rahna a hmu chiang lovang a, lung kehkak inkar a ke a tang anga a,tumahin chhan turin an zu liluh silova, boruak tlachhamin a thi anih ka ring ber.
Report this comment
26
Awmtea Khiangte Says:
July 16th, 2012 at 12:15 pm
thil ni thei tak, mahse awih erawh har tak a nih hlawm hi a
Report this comment
27
Dr Mahminga Sailo Says:
July 16th, 2012 at 12:25 pm
Ka pute (MUP) ho chuan, Kanchhi zunzam sawi tawh lovin, thlahrang leh huai lampang an tuipui ta em maw ni le?

A tak tak (?) ni lem lo mahse, hetia chhiar/ngaihthlak tur a awm hi a hlu ve hrim hrimin ka hria…
Report this comment