«
»

America-ah Rokunga Zan Urhsun Taka Hman A Ni

July 16th, 2012 9:30 pm by Thlangtlak Run

July ni 15, 2012 zan dar 8-11 khan Rokunga thih champha (July 12) denchhanin, Indiana (USA) Rokunga Zan Huaihawtute bultumin Chin Center, Indianapolis-ah Rokunga Zan urhsun taka hman a ni a, a tui mi mi 40 vel an kal khawm.

Rokunga Zan hi Pu Hualsailova’n a kaihruai a, Rokunga Zan buatsaih chungchang leh Rokunga chawimawi chungchang thukhawchang a sawi.

Pu R. Lalchungnunga’n tingtang tumin hla a hruai a, Rokunga hla hmangin an inpawlho a, an hlim tlang hle. Pathian hnenah Rokunga Zan hlanin Dr. Muansanga  a tawngtai a, Zofate tana Rokunga min pek avangin lawmthu a sawi.

Pu Zonunmawia Thlaute hnen atangin ‘Hnam nunphung leh ziarang humhalha hmalak a pawimawh thu’ ngaihthlak a ni. Tamil-ho leh Japanese-ho USA rama an pem luh dan, an nunphung leh ziarang humhalh tuma tan an lo lak nasat dan leh chuti chung pawha chhuan hnihna vela thangtharten an tawng leh nunphung an hloh tho thu sawiin, USA-a Mizote inhumhalh zel dan turah ngaihtuahna tam tak a neihtir.

Mizo Society of America, Indiana President Dr. Rodinga thukhawchang ngaihthlak a ni a. Rokunga a ngaihsanawmzia, Mizona tihvul zel kawnga Rokunga hlate pawimawhzia, Rokunga hi chawimawi tlak a nihzia leh chawimawi phute chawimawi kawnga tan lak zel a tulzia a sawi.

Pu Van Lal Pek Thara’n huaihawtute buatsaih Rokunga chanchin tawi a chhiar chhuak. Rokunga chu rethei tak chunga tumruh leh tuarchhel taka zirna run bel tang tang mi a nihna, mi ngilnei tak a nihna leh hla phuahtu nungchang tha a nihna te tarlangin, a hla mai ni lo – a nun hrim hrim pawh a ngaihsanawm zia leh entawn tlakzia sawiin a tawp a khar.

Lalchhanhima’n ‘Rokunga hla-in Mizo khawvel a nghawng dan’ chanchin ngaihnawm takin a sawi a. “Rokunga hi Mizo zinga hla phuah thiam ber leh hla phuah tam ber a ni hauh lo. Mahse Mizo hnam chawimawitu, Mizo hnam englai maha hmuhsit leh dahhniam phal ngai lotu, hun danglam zel karah pawh Mizo nih hlutna leh chhuanawmna vawngnung reng tura thuchah nung kengtu ropui Rokunga hminga he ZAN buatsaih a lo ni hi a ropui a, chutiang buatsaih duh leh hlut duh thinglung pu mi heti zat kan awm hi a ropui a ni” tih thuhma sawiin, Rokunga hlain khawvelin hmun hrang hranga Mizote a nghawng zel dan a chhuipui. “Kum 1944 khan Rokunga chuan Zofate chenna tlangram chu hnam mawl chapo ringawtho awm khawmna mai ni lo a, hnam dangte khuma hmasawnna-in a tuam vel Zoram nuam ni turin ‘Raltiang I Kai Ve Ang’ tih hla hmangin, beiseina zawng zawng nen, ban pha chiah lo chungin a lo au lawm lawm a. Vawiinah hian keini America Mizote hi khawvel leilung inrelbawl dan atanga thlira raltiang ram, khawvel ram hmasawn ber anga sawi thin ramah ngei kan cheng a. Chutih rual chuan kum 65 liam taa Rokunga lo thlir ‘Raltiang Ram’ chu kan kai tawh chiah em? tih i ngaihtuah nawn ang u. Hawh u, Mizote hi Mizo takin, lungrualna, rinawmna, dikna, huaisenna leh tlawmngaihna nen hmasawnna lam pan zel ila, he ramah ngei hian Zoram Thar dinin Chhawlpial Run rem ila, Rokunga Raltiang ram chu kan nunah i thlentir ang u.” tih thuchah leh chona hmangin a thusawi a titawp.

Pu Vanlalrawna’n ‘Mizo Thu leh Hla humhalha tichangtlung pawl neih a pawimawhna leh hmalakna thenkhat’ sawiin Mizo Thu leh Hla humhalh pawl din rawtna siamin, kal khawm mipuite hnen atangin ngaih dan a la khawm. Kal khawm mipuiten an phurpui hle.

Tv. Noel Lalthangliana’n Mizo Hlakungpui Mual chanchin tawi sawiin Mizo Hlakungpui Mual tan kal khawmten mahni remchan ang tawk te te sumpai an thawh khawm.

Kal khawm mipuite hnen atanga duh duh sawi hun hawn a ni a, Tv. Noel Liantea leh Pu Vana Chawnghlut te ding chhuakin Mizo Hnam humhalh kawnga an hmuh dan an sawi.

Tv. C. Thangributa hnen atangin lawmthu sawina ngaihthlak a ni a, Rev. Lalthuamluaia malsawmna-in Rokunga Zan chu tihtawp a ni.

Rokunga Zanah hian huaihawttute buatsaih Rokunga chanchin tawi ziahna lehkhaphek sem a ni a, tin, Rokunga hla hmuh theih ang ang leh hnam hla thenkhat dah khawmna Car-a play tur audio CD sem a ni bawk.

Similar Posts:

Recent Posts:

This entry was posted on Monday, July 16th, 2012 at 9:30 pm and is filed under Event, Information, Mizo Society & Culture. You can follow any responses to this entry through the RSS 2.0 feed. You can leave a response, or trackback from your own site.

28 Responses to “America-ah Rokunga Zan Urhsun Taka Hman A Ni”

  1. 1
    doc_lib Says:
    July 16th, 2012 at 9:47 pm

    Sawi ho ang u hmiang.

    Report this comment

  2. 2
    drake Says:
    July 16th, 2012 at 9:50 pm

    Dr.Rokunga saw vets a ni em?

    Report this comment

  3. 3
    drake Says:
    July 16th, 2012 at 9:51 pm

    Dr.Rodinga* saw vets a ni em?

    Report this comment

  4. 4
    RDAC Says:
    July 16th, 2012 at 9:57 pm

    drake @3- Ni e. 1987 ah B.V.Sc a zo.

    Report this comment

  5. 5
    Kitty Says:
    July 16th, 2012 at 9:59 pm

    U.S lam unau te in fakawm hle mai, kan hnampui te kan in chawimawi tawn thiam hi a hlu, hnamdangin an rawn ti dawn si lo, mahni hna theuh ah in buai ang tih chu hriat sa chutichung a hetiang hun in buatsaih thei hi in fakawm e.
    (Y)

    Report this comment

  6. 6
    saint sammoo Says:
    July 16th, 2012 at 10:45 pm

    komen

    Report this comment

  7. 7
    Charice_mizo Says:
    July 16th, 2012 at 11:19 pm

    Mizoramah chuan Lalsangzuali nite, Zorock nite, Coffee nite etc, USA ah chuan Rokunga Zan…note the irony…

    PS: USA Mizo (hnahthlak) te ka ngaisang che u..

    Report this comment

  8. 8
    kawlhawk Says:
    July 17th, 2012 at 1:20 am

    …ti khan, mizo takin thil in ti ve chiam a — mizorama awm mawl ve tak2, buluk tak2, khaw hawi zim si chimlim tak2 ho hian “Mizo an ni lo, Burma mi…” an ti leh tho ang che u. :p

    Report this comment

  9. 9
    houdini Says:
    July 17th, 2012 at 1:26 am

    #7 Charice_mizo khi ka va han thlawp tehlul êm!

    US ram ropuia khawsa zâwk te’n Rokunga zan an hmang a, Aizawl hnam mawl inlachangkang hovin Coffee Nite :-O :-O

    Chhungkaw tin hnênah “US-ah Rokunga zan an hmang” tih hi sem kual chi, hnam mäwl inlasâp chhungkawhovah hian.

    Mizo theuh theuh hian khawvêl hi kan va han inhmuhfiah hleih tehlul êm!

    Coffee nite tihvêl (N) . Inlasâp zet zetin hnarbawng tum vuauvin an lam ve suau suau zël lehnghâl… (N)

    Ka han phun hrep chu! Hë chanchin hi chu sawi darh thui hlë chi. US-a zohnahthlâk awmho ngalfimin dam vek rawh se…

    Report this comment

  10. 10
    houdini Says:
    July 17th, 2012 at 1:33 am

    Pu Rokunga hlaho chu Car-a play tur chauh ni lovin khawlthluakneia ngaihthlâk turte vawrh darh chuai chuai ta che u! Kan duh ve vek asin… :-P

    Report this comment

  11. 11
    lushai_er Says:
    July 17th, 2012 at 1:45 am

    #8
    “kawlhawk Says:
    July 17th, 2012 at 1:20 am
    …ti khan, mizo takin thil in ti ve chiam a — mizorama awm mawl ve tak2, buluk tak2, khaw hawi zim si chimlim tak2 ho hian “Mizo an ni lo, Burma mi…” an ti leh tho ang che u. ”

    (Y)

    Report this comment

  12. 12
    H.Vangchhia Says:
    July 17th, 2012 at 2:51 am

    Inti ṭha hle mai (Y)

    “Mizo Society of America, Indiana President Dr. Rodinga…” tih khi a sual deuh hret maithei. Mizo Society of America, Indiana branch…” tih tur anih zawk hmel e ka tia. hairehai :-) :-P (Y)

    Report this comment

  13. 13
    H.Vangchhia Says:
    July 17th, 2012 at 3:12 am

    Kawlhawk #8 Tute nge Mizo tihah pawh chianglo ho kha chu lo nung ve mai mai teh se. hairehai ;-)

    Report this comment

  14. 14
    sheldon Says:
    July 17th, 2012 at 7:07 am

    Tukchhuah nuam vek u le (L)

    Report this comment

  15. 15
    H.Vangchhia Says:
    July 17th, 2012 at 7:38 am

    sheldon, nangpawh le. Dam chuan kan la inhmu khawm leh vat
    ang chu :)

    Report this comment

  16. 16
    sheldon Says:
    July 17th, 2012 at 7:56 am

    Pu Hv, nia tiraw. I la rawn haw leh ang chu. Aizawl chu chhum a zing leh chuai tawh mai. Office lova mut nilen mai a chakawm alawm le :-)

    Report this comment

  17. 17
    tribepower Says:
    July 17th, 2012 at 7:56 am

    Pu HV i kal ve lo ami??

    Report this comment

  18. 18
    H.Vangchhia Says:
    July 17th, 2012 at 8:02 am

    sheldon #16 in pu awih lovah ti ang, ka jak. :-P Dam chuan lo haw leh vat ang

    tribepower in ah pawh ka awm hman ṭawk ani si a… :(

    Report this comment

  19. 19
    Chhuaklinga Says:
    July 17th, 2012 at 8:07 am

    Pu Rokunga hi mizopaah chuan ka mi ngaihsan ber pawl a ni awm e.

    tren tren

    Report this comment

  20. 20
    sheldon Says:
    July 17th, 2012 at 8:19 am

    Haha… :-D

    Chhuaklinga chu va vang ve :-)

    Report this comment

  21. 21
    Chhuaklinga Says:
    July 17th, 2012 at 8:34 am

    @Sheldy, hihii, Chhiar hi chu ka chhiar ve ziah. Karleh vel atang chuan regu leh thei deuh tawh ang. (Y)

    tren tren

    Report this comment

  22. 22
    H.Vangchhia Says:
    July 17th, 2012 at 8:46 am

    Chhuaklinga, see you next year…maybe :-P :)

    Report this comment

  23. 23
    Chhuaklinga Says:
    July 17th, 2012 at 9:04 am

    K’u Hv, Good news. Hairehai (8)

    tren tren

    Report this comment

  24. 24
    Dr Mahminga Sailo Says:
    July 17th, 2012 at 9:04 am

    USA Mizo nge nge, an titha thin teh e.. (Y)

    @ drake (#2).. USA-ah pawh Dr. Labrador a awm ve tho a ni maw? :-D

    # 7… (Y)

    Report this comment

  25. 25
    bigboss Says:
    July 17th, 2012 at 11:04 am

    In tih dan vel chu.. changkangin, a nawm hmel hle mai, ka tel ve chak.

    Report this comment

  26. 26
    Awmtea Khiangte Says:
    July 17th, 2012 at 4:14 pm

    In titha hle mai

    Report this comment

  27. 27
    Kawhterenga Says:
    July 17th, 2012 at 7:22 pm

    Ka ngaihdan chuan Pu Rokunga hi Mizo zinga hla phuah thiam ber a ni. (8) (8) “Kumpui sul a lo vei chang hian (8) (8) ” tih hla mawlh mai hi a nalh a ni. (Y) ‘Kan zotlang ram nuam’ tih hlate hi a va ṭha tehlul em! :-D :-D

    Report this comment

  28. 28
    kawlhawk Says:
    July 17th, 2012 at 11:32 pm

    #11, thankQ, boss!! :)

    #13, rehaire… :p

    Report this comment

Leave a Reply

You must be logged in to post a comment.