mi(sual).com

April Ni 2, 2012 zing lam dar9 leh chanve a ri tep tawh a, phone a rawn ri a, ka pickup chuan patling aw thum lampang hian “tunge ka biak, Jason-a In a ni em?” a rawn ti a, keichuan “Hugh ka nia, engnge ni ta?” tiin ka lo chhang a, ani chuan “thil pawimawh deuh hrilh tur ka nei a, amah a awm hnaih chuan han ko lawk mai teh Bawiha” a ti a. Ka pu chu ka ko a, an inbe nghal mawlh mawlh a, sofa ah chuan thu in ka pu te inbiak zawh hun chu ka nghak reng a.

An inbiak zawh hnu chuan, ka pu chuan “Bawiha, kan mi zawnte chu Taiwan ah tunah an awm mek tih tun a min rawn betu khan a rawn sawi a. Amah kha agent kan tirh zing a rawn haw ve duh ta lo, Agent Clyde Walker kha a ni a. Nimin khan Agent Clyde chu tun a a chenna hmun Heping atangin misual 3 te awmna hmun Danshuei, New Taipei ah a thiante chhungkua tlawh turin a kal a.

Tukin zing khan misual 3 te zing a a naupang ber William chu Agent Clyde chuan sa lei tur a a thianpa nen an chhuah laiin Danshui High School bul ah a thian 3-te nen a hmu a, Thomas leh Richard erawh an awm ve lo thung.. Agent Clyde hi kan misualte zawng turin China ah kan tir a, mahse Agent te kan kohkir tum khan lo haw ve duh lovin a awm zui ta reng a; China, Japan, Phillipines, Vietnam, Korea, Thailand, Cambodia leh Laos ah te kan misual 3-te hi zawngin a zin kual reng a, a thawkrim hle a ni.

Tun thleng pawh hian US Sorkar chuan a la chawm reng a ni. A tumruhna leh thawhrimna avang liau liau in hei, vawiinah chanchin lawmawm tak kan hre ta anih hi. Misual 3-te hi an awmna hriat phawt tha a ka ngaih avangin kal min dil tum khan rem ka ti ta lo anih kha. Tunah chuan, an awmna kan hre ta bawk a, a rang lam a chet a ngai ang, I nau hrilh vat la, insiam tan nghal ang che u, naktuk zingah in thlawk chhuak nghal ang” a ti a. In chung lam pan chuan phur takin ka tlan chho nghal a, ka nau chu ka han hrilh ta a, ka nau pawh chu tum dang ang lo takin tun tum kher hi chu a phur ve hle mai.

A tuk zing dar 8 ah chuan John F. Kennedy International Airport lam panin kan tlan chhuak a, airport atangin dar9:15 ah Taiwan panin kan thlawk chhuak ta a, kan phur ngang mai. Taiwan kan han thlen chuan hmar lampang a khaw pakhat, Heping khua a Agent Clyde Walker a chenna In lam pan chuan hmanhmawh takin Taxi in kan tlan nghal a.

Kan va thlen lai pawh chuan a buai mawlh mawlh hle, min ngaihsak hman lo tih kan hriat avangin keimahni in kan inremfel a, kan inbual fai a, kan inthlak sawk sawk a, a hnathawh lai chu kan va enpui ve a.. Clyde chuan, “Tunah chuan, William mai ni lovin Thomas leh Richard te awmna pawh ka hre tawh a. Tunah hian Three Oceans gang a hotu te zing ah an tel ve, Thomas phei chu an hotu lu ber a ni. Tunlai phei chu hemi te gang hi an che nasa khawp mai, kan chet vat vat a ngai dawn a ni” a ti a.. Three Oceans gang ah hian member 30 an awm a, hotu 7 an awm bawk..

An hotute hi insual leh silai kah mai ni lovin chemte(knife) chen a chelek thiam tak vek an ni, kan mi zawn te tiam in. An 7 hian Danshuei ah an cheng vek a, member 15 dangte chu Danshuei atanga Chhim-chhak lam a Beitou khua ah an awm a, member la bang zawngte erawh chu Danshuei atanga Hmar-chhak lam a Sanjhih khua ah an awm thung.. Member pangngai ho chu Ni 15 chhung a dahthat hman ngei tumin ruahmanna fel takin kan siam a, mahni a inthat ang a lantir theuh kan tum bawk..

A tuk atangin kan che tan nghal a, kan ruahmanna siam chu a kaltluang ngei mai, member 23 te chu, awlsam takin ka dahtha thei ta. A then thing zarah leh thirban (electric post)-ah te kan khaihlum a, a then tui a tla hlum angin kan thah hnu ah tui ah chuan kan theh tla a, a then current kan man tir a, a then car a accident angin kan siam bawk a, a then tur(poison) in kan hrai hlum bawk a ni. Mahse, kan tum ber mi3 te kan la man thei tlat lo. Misual 3 te hi keini 3 te hi chuan kan hmuh vel a thah nghal vek mai kan chak zek zek hlawm hle. Mahse, ka pu in ama hnenah, nungdam a thlen phawt a duh tlat avangin engang paw’n thah duh teh mah ila thah ngam chi an ni lo hrim hrim.

Ni 1 kan chawl a, chumi ni erawh chu mi 7 la bangte kan thah theih dan tur ruahman nan kan hmang thung. Agent Clyde chuan a thiante, KTVs bar a zu a inpui thin te hnen atangin mi 7 la bang te zing a 1, Ramon Jackson chu tun hma in bar ah a thawk ve tawh thin thu leh a pawisa duh luat avang a a hlawh bak pawisa a thAm ruk thin avangin an ban tawh thu a hre ta a. Tichuan, tlailam dar5 ah In chhuahsanin Ramon-a awmna chu kan zawng tan ta a, KTVs bar ah chuan va kal in a thian hlui Alvin Anderson chu kan va hmu a, ani chuan “Tun hma chuan Danshui High School bul lawk ah a cheng thin a, a la awm maithei, kan inkawm lohna a rei tawh a, ka hre chiang tawh bik lo” a ti a.

Hmanhmawh tak in Danshui High School lam pan in kan tlan chhuak ta a. Chu lai vel a mi awmte chu Ramon-a In awmna kan zawh chuan min lo kawhhmuh ve mai a, a lo awm tawhlo palh ang tih chu kan hlau rilru hle. Mahse, duhthusam ang ngeiin kawngkhar kan han kik chuan amah chuan a lo hawng a, tunge kan nih min hre lo, amah in a khawsa a, a che nuam in a In pawh a changkang hle. Pawisa duh ve tak a ni tih kan hriat tawh avangin, kan thu fel hmasa te te a, $100,000 in kan thlem tan a, an inhmuhkhawm thinna hmun min hrilh turin kan kan ti a.

Sawi a han tum mai a, mahse a sawi duh leh lo, a hmel en mai chuan a At hmel phengphuang na in pawisa rim a hriat chuan a fing ve reuh phian mai. $300,000 ah kan han san leh a, a sawi duh chuanglo. $500,000 chu a dawhkan a thehthlak thuai pah chuan “Min hrilh vat rawh, I nunna laksak I duh loh chuan” tiin ka vau a, “Taipei bul lawk a beer factory ah naktuk zan ah kan inhmukhawm dawn” tiin min chhang a.

Harold chuan pawisa chu bawh nghal vat in, keichuan ka pistol in a lu ka tin nghal a, handcuff in Agent Clyde chuan a man bet ta a, a ka tawn phui sakin kan hruai chhuak a, car hnung bawm (trunk) ah chuan kan hnawh lut a, Xindian Lui lam ah kan phei ta a. A kut kan phuar behna Handcuff ah chuan thirtlang Kg30 vel a rit hi kan thlung bet a, tui ah chuan kan nam thla ta a, lui mawng lam a a pil thleng chuan kan thlir reng a, kan ngaih a that hnu ah chuan kan kalsan ta a.

A tuk zing kan thleng a, mi 6 la bangte chuan Ramon kan thah chu an la hrelo, mahse midang zawng chu an thih tawh thu an hre ngei ang, ram dang a an tlanchhiat leh mai kan hlau hle. Zan lamah chuan an inhmuhkhawmna tur hmun ‘Taipei Beer Factory’ lam pan chuan phur tak in Van(motor) in kan chhuak a. Ruahmanna fel thlip thlep tak a siam kan ni bawk a, kan inringtawk hle a ni. Factory kan va thlen chuan hnunglam kan pan nghal a, inchung lam chhohna leihlawn bang a bet ah chuan inchung lam a balcony awm chu panin kan lawn chho va, tukverh 5 a lo awm a.

Ka sawi tawh angin an bi-bo kha kan hlauh ber chu a ni. Amaherawhchu, kan duhthusam a thleng leh ta tlat mai, tukverh atanga inhnuai lam kan en thlak chuan hotu 6 te chu dawhkan 1 kilin an lo thu kual a, an inhnial nasa hle, midum 3 leh Japanese 2 bak ah Chinese 1 a tel ve. An hotu ber Thomas Campbell chuan ngawi turin a ti a, an reh fel veleh chuan ti hian thu a sawi ta a, “ Awle, nau te u, in hriat angin kan member 23 zet mai in Ni 15 chhung lek in rin loh tak maiin min kalsan a, he thil kher kher hi chuan kei ngei pawh hi min thawng chiang khawp mai.

Ramon lah tun thlengin a lo lang thei bawk si lo, zanin a kan inkohkhawm nachhan ber chu he khawpui kan chhuahsan dan tur sawiho ila tha a kan hriat vang a ni, kan dinhmun a derthawng tlat”.. Kan 3 chuan kan Sniper Rifle (silai) chu kan la chhuak a, keiin Thomas-a malpui dinglam ka tin a, Harold-a’n William-a ke veilam a tin nghal a, Agent Clyde-a’n Richard-a khup dinglam a tin nghal bawk a.

Minute 1 a ral hnu chuan a rual in kan kap ta thuai mai, midang 3 te chuan hlauvin kawngkapui lam panin an tlan phei a, ka bomb kenlai chu chumi te 3 awmna lam ah chuan ka vawm thla a, detonator ka hmet nghal a, an puak darh hneh ngang mai. In hnuai lam chu kan pan thla nghal a, William, Richard leh Thomas chu che lo leh rak bengchheng lo turin ka hrilh lai chuan Harold leh Clyde chuan an pistol ken lai chuan an tin ve ve a. Handcuff a man bet in, kan Van awmna lamah kan phei a, chu hmun chu kan chhuahsan ta a. Flight ticket vel, engkim peihsa vek anih avangin Airport lam ah kan tlan nghal a, tichuan New York panin kan thlawk thla leh ta a ni.

New York kan thlen chuan ka nu leh ka pi leh pu te chuan airport ah chuan min lo hmuak a, ka nu nui hmel ka hmuh chuan ka hlim kher mai. Ka nu chu kuah pahin, “Ka nu, I phuba chu ka laksak ta che a, hreawm ti takin awm tawh suh aw, a ruk a I tah thin zawng zawngte kha ka hre vek asin, I fapa ka ni a, I lungngaihna leh hreawmna tawmpui che hi engtiklai paw’n ka inhuam reng, min hmangaih avangin I pum chhung a kan awm lai khan min titla lovin min hring chhuak a, khawvel eng hmu in kan lo seilian a, kan hriat ngai loh leh kan tawn ngai hauh loh tur kan tawng ve ta hi I chung ah Kei leh ka nau, Harold hi kan lawm takzet a ni, Ka Hmangaih Che ka nu” tih pahin ka nu biang chu ka fawp a, ka mittui a luang nghal zawih zawih a. Ka nu pawh chu a hnuk a ulh avangin engmah a sawi theilo, a tap ve nghal a.

Ka pu chuan ka nau, kei leh ka nu, kan 3 a min rawn kuah pahin “hawh u, vawiin chu Hlimna Ni a ni e, hlim takin awm tum hram hram ang aw. Bawiha, Taite vawiin chu chhungte ho kan sawm khawm a, tlai lamah chaw kan eikhawm dawn ania, phur takin awm tur,” tiin kan mood off tak chu min rawn chawhphur a tum a. Kan misual te 3 pawh chu CIA lam chuan an la ve nghal a, ka pu mitmeng ka hmuh chuan a thinrim in kut thlak a chak tawh hle tih ka hria.. Tichuan, ka pu in Agent Clyde-a hnen a lawmthu a sawi mawlh mawlh lai chuan ka pi chu rawn phei in “Hawh teh u, In lamah min nghaktu an tam si, I kal vat teh ang u” a ti a… Tichuan, In lam panin kan haw ta a. . .

*****THE END*****

Similar Posts:

• CHHIATNA RAPHLAK!!
• Phuba Latu Phir Unau – I
• Autumn In My Heart – II
• Aizawl FC 4 – 0 Eagles FC
• Travel Agent vs Airline authority (mipui kan fimkhur na tur)

Recent Posts:

• Paula Pawla
• Hmangaih CFL
• MIZO SAKHAW BIAK DÂN LEH A TOBUL ~ 2
• Burma-ah ka zin Part – III
• Mizo Technical Graduates (Architects)

This entry was posted on Thursday, July 26th, 2012 at 3:34 pm and is filed under Fiction. You can follow any responses to this entry through the RSS 2.0 feed. You can leave a response, or trackback from your own site.