Autumn In My Heart – II

September 17th, 2011 1:00 pm by Thingtlang pa

…Halo..halo..halooo…

Line a chian loh em avangin a aw ka hre tha thei lawk lo a,a tawp ah chuan kan inbe thei ta nge nge a..

“Hello Sir…min hria em?”

“Hre mai lo..tu nge aw?” Ka hre chiang khawp mai hriat chu mahse hre lo ang a han awm kha ka duh zawk tlat.

“Min hre lo maw?Min va theihnghilh hma em em!” A aw ah chuan lungawi lo deuh lam rawngkai aw ki a awm mahse chu chuan min ti lawm tlat si.

“…… atangin ania, chuan min hre tawh em?”

Hre lutuk singsarih, hman ah khan ka thinlung zawk hi ngaihtuahna’n lo hmang ila ka thluak ni lo hian, hman hmanah kan hlim dun tawh tur! Ka ngaihtuahna atang chuan ka harh zawk a.

“Eee! I dam em? In ngaihawm hle mai” Ka rilru chuan ‘I’ ka ti mahse In’ tih chu ka sawichhuak ta zawk a. Rei fe kan inbia a, hmun dang a la awm bo ngai miah lo a ni bawk a, a lunglen avang in vawi tam tak a tap tih te min hrilh a. A awmna ah Mizo an awm ve loh avang a hrehawm a tih thin thu te, a thiante nen kan inhmu ngai em tih te min zawt a, thil tam tak kan sawi a mahse thil tak tak kan sawi tel lo.

Chuta tang chuan sms tawi te te leh tawngka in kan inbe ta zauh zauh a. A lunglen avanga lo haw mai a tum chang te chuan kan han inthlem leh rih thin bawk a, lo haw daih mahse ka pawi tih loh tehreng nen. Ka theih tawkin ka invawng a, ka zirlai ni tawh lo mahse mualpho chu thil har a ni lo tih ka hria.

Chutiang chuan ni a liam a, kar, thla, kum hial a vei ta. Kan inbe zing bawk a ka rilru pawh thup sen ni mawlh hek lo, kan inngaizawng ve ta reng mai. Kan hlim a, kan tap a, kan titau a mahse chu chuan kan inhmangaihna chu a tipung zual zel zawk in ka hria. Vawi hnih lai chu a lo haw hman a, a awmna lam ah pawh a tlangnel ve sawt in, Zirlai Pawl ah te pawh an thlangchhuak ve ta hial a. Mahse harsatna a awm tlat, an pawl hruaitu te zing ami pakhat a zah em em chuan a ngaizawng tlat mai a, kawplai nei a nih thu a hrilh pawhin thil tihsak a thulh duh chuang lo. Ka hriat tirh chuan ka thinrim khawp a, mahse kan thutiam kha a theihnghilh ngai lo tih min hrilh chuan ka dam leh ta.

Favang kawl a lo eng a, zing ni chhuak a mawi a, tlaini tla tur lah chu rapthlak khawpin a mawi thin. Tlaikhat ka hna thawk bang chu kan hmun thianghlim thutiam kan lakna hmun khawfem a Watch Tower lam pan chuan ka inkhalh kual a. He khawvel hi a va mawi em. Ni tla tur chu kawl ah a eng no nghulh a, khawvel chu a reh ruih in a hriat. Kan thutiam tak te kha ka beng ah zawi te in a rawn ri nawn a, ka lung hi a leng a ni. Khawthlang lam kawl ah chuan ni chu hreh tak in a pil ta ruai ruaia.

Hun chu hriat loh karin a liam ve zel a..(to be continued).

24 Responses to “Autumn In My Heart – II”

1
chemtatrawta Says:
September 17th, 2011 at 1:06 pm
Ho lutuk..keipawh ka zirlai hian mittui nena min atchilh thu a sawi avangin kan inngaizawng ve tawh thin alawm..:-)

ka hnuaia mi te hi an rawn chhangchhe leh hlawm ang chu
Report this comment
2
lr hlonchhing Says:
September 17th, 2011 at 1:16 pm
Part 1 a tluk lo tlat. Cont. na nghak phawt te’ng.
Report this comment
3
kiddo Says:
September 17th, 2011 at 1:41 pm
continue chi hi chu a buaithlak e… a uiawm thin
Report this comment
4
Thingtlang pa Says:
September 17th, 2011 at 1:56 pm
#1 Fiction nih hi aw…a ngaihnawm leh ngaihnawm intih loh cu in thu2 le..
Report this comment
5
chemtatrawta Says:
September 17th, 2011 at 2:00 pm
#4, ka rawn fiction chhunzawm ve lawm..ngaihnawm lutuk..a tawi lutuk a, min ti vir ting tang,,
Report this comment
6
lr hlonchhing Says:
September 17th, 2011 at 2:08 pm
#4 Ti zel rawh, a ngaihnawm lutuk tlat. Fiction emaw tion lo emaw, ngaihnawm chu ngaihnawm ni mai. Pa takin le…
Report this comment
7
Dr Mahminga Sailo Says:
September 17th, 2011 at 2:16 pm
A ngaihnawm leh khawp mai…
Ka chhiar tui dawn dek dek a, a tawp daih a
Report this comment
8
ngaihdan tha a Says:
September 17th, 2011 at 2:26 pm
Post tha tak ani
Report this comment
9
PKfanai Says:
September 17th, 2011 at 2:36 pm
Part-3 ah chuan, “Sir” intih tir tawh suh. Nge, “To Sir with Love” in la ti zel zawk dawn em ni? Zirlai hruaitupa chu, Duel-ah kan cho mai dawm emni aw!! Ngaih ava ti tha lo ve.
Report this comment
10
aduhi Says:
September 17th, 2011 at 4:05 pm
Part 3 preview: Doctor kha a zirzo a, damdawiina a thawhpui nen an innei daih a, an Sir hlui chu tun thlengin a la tlangval/.
Report this comment
11
Thingtlang pa Says:
September 17th, 2011 at 4:26 pm
@aduh i ziak zawm tawh mai dawn maw ni le A conclusion cu ngunthluk deuh a ziah ngai chi a nia..Naupang Khawmpui zwh ah chhunzwm ag
Report this comment
12
Vetehmial Says:
September 17th, 2011 at 4:33 pm
@10 aduhi….

Thazel e.
Report this comment
13
Vetehmial Says:
September 17th, 2011 at 4:41 pm
@12 ami khi ka dah tum animiah lo..edit theibok si lo…
#10 aduhi comment khi ka nui tut..chutiang lam zawk chu ani e.
Report this comment
14
chhingdailova Says:
September 17th, 2011 at 4:48 pm
He thingtlangpa hi hman a Keimah Thingtlang pa a kha a ni maw….a thuziak dan style atang hian a la danglam teh vak lo a ni hi, a hming te chu han thlak ve bawk mahse.Ka hul tlat comment duah lo mai teh ang.
Report this comment
15
Thingtlang pa Says:
September 17th, 2011 at 5:15 pm
#14 ni lul lo e..thingtlang pa tak2 zwk nih hi
Report this comment
16
CFL Says:
September 17th, 2011 at 5:17 pm
@A va ngaihnawm leh riap riap tak em. A chhunzawmna pawh ka nghakhlel leh mange.
@ Keimah Thingtlangpa pawh kha a ngaihawm ta mange. FB lamah a tur ta tlat mai a.
Report this comment
17
CFL Says:
September 17th, 2011 at 5:21 pm
@ 16 “a tui ta tlat mai a.” (edited)
Report this comment
18
century child Says:
September 17th, 2011 at 5:34 pm
a ngaihnawm lehpek,ziak thiam hle mai,part 3 aw lo chhuak lo chhuak
Report this comment
19
LR_rengsi Says:
September 17th, 2011 at 7:11 pm
A ngaihnawm thin…
Thuziak thiam tak hi chu in awhawm thin mange….KZP
Part 3 kan lo chang reng e…:-)
Report this comment
20
rohlupuia chalrang Says:
September 17th, 2011 at 7:22 pm
ngaihnawm thin e. …favang kawl alo eng a, zing nichhuak amawi a, tlaini tla tur lah chu rapthlak khawpin amawi thin….. Tihlai khi MAWI sawi nana RAPTHLAK hman chu AMAWILO HMEL DAIHZAWK..
Report this comment
21
doc_lib Says:
September 17th, 2011 at 9:05 pm
Part 1 and II ka chhiar chhuak a, ka rilru han ti no nghulh thei ka la hmu ta chuang lo..Hetiang anga duhawm hi tawng ve chhin ila ka ti ngawt mai, kei hmui thianghlim pu hian..ka hmui te pawh hi tih thianghlim loh ka chak ve tawh a sin le
Report this comment
22
chemtatrawta Says:
September 17th, 2011 at 9:07 pm
doc-lib, kum 30 chuang chu sas neilo ve tawh em ni?..
Report this comment
23
Maisek Says:
September 18th, 2011 at 11:19 am
thiam ve a..
Report this comment
24
chhingdailova Says:
September 18th, 2011 at 1:14 pm
#15, In an na in nei,in thu ziak dan style hi a in ang ka tia, in thu ziak duh dan zawng pawh a in ang khawp mai, a sei zawng pawh a in ang tlat roh in ka hria. Unau in ni hrim hrim hahahaha.
Report this comment