Archive for July, 2012

Zo Nun Mawi Hlutna – I

Sunday, July 29th, 2012

By- Laldinthara
Thingsulthliah

Mizte tâna innghahna lungphum pawimawh ber mai thûk leh ril, khawvêlah pawh kan chhuan leh kan uanpui ngam ‘Zo Nun Mawi’ hi i han sawi dawn teh ang. A thuleh a ri a hriat si, a tak hmuh tur awm si lo hi, he hun tawi teah hian chuan kan sawi chhuakin kan sawi fiah thiam dawn lo hle mai.

Amaherawhchu a hming mawina leh a thûkna hian min hneh si a, ka han sawi ve hram teh ang.

‘Zo Nun Mawi’ tih han sawifiah hmasa dawn teh ang. Khawi Dictionary-ah mah hmuh tur awmsi lo, chetzia leh nih phung ‘nun’ hmanga lang chhuak a ni si a. ‘Zo,’ tih awmzia chu Zofa hnahthlak zawng zawngte tihnaah lo dah ta ila, chu Zo hnahthlakte nunphung leh zia chu ‘ Zo nun’ kan ti thei ang a, chu nun ze duhawm, îtawm, ngaihawm, mite dawmkânnâ’na hmantlak a nih bawk a vangin ‘mawi’ a lo ni ta bawk a. Chu Zo nun chu ze dik, ze tha, a lo ni a, khawvela nun tha, nun dik chu Mizote nun mawi ber chu, ‘Zo nun mawi,’ kan tih chu a ni ta a ni.

Tichuan Mizo nun ‘Zo-nun mawi,’ kan sawi dawn avangin Zofate chanchin leh an ziarâng te, an khawsakphung te atanga ze mawi leh tha chu kn sawi dawn ani. A hmasain chu Mizo, ‘Zo’ kan tihte chu tute nge an nih tih te chu i lo sawi dawn teh ang. Amaherawhchu, Mizo pipute khan ziaka thu dag an neih ngai loh avangin tuna kan sawite pawh hi a dik ber leh pawm tlak ber hriat a har hle a, mi thil chhût mite, Historian-te leh lehkhabu thenkhat râwnte atanga lak chhuahte a ni hlawm a, pawmtlakleh rintlak ngei tura ngaih theih ani awm e.

Zofate hi Mongol hnam lian pui(race) zinga a zung zâm peng pakhat Mongoloid kan ni a, tawng lamah chuan Tibeto-Burman tawng hlawm zinga mi kan ni. Tunah hian a hlawm ang cgu hmun hrang hrang heng- Manipur, Tripura, Chittagong, ChinHills leh a chheh vel, China ram chhim chhak leh Thailand ram hmar lamah te, Myanmar ramah te leh tuna Mizoramah te kan cheng a. Tichuan, China ram hmarlamah te, Myanmar bial hmar lamah te khawsain, Chindwin phaizawlah te, Kabaw Valley-ah te, Khampat-ah te an chen hnuin, an aia chak leh thil tithei zawk Shan ho an lo lut a, chuta tanga rawn chhuk thlain kum 1700AD vel atang khan tuna Mizoram leh a chhehvelah hian an rawn khawsa ta a ni.

(more…)

Posted in Mizo Society & Culture, Mizoram, Religion | 22 Comments »

Lak aiin pekin Lukhawng a nei.

Sunday, July 29th, 2012

“Englo lak aiin pekin lukhawng a nei zawk” (Tirhkohte 20:35)

Europe a University hmingthang tak pakhatah hian, Professor thiam tak mai hi a awm a. A thiam mai pawh nilovin, engtiklai pawha Zirlaite harsatna hrilhfiah sak tur leh zirtir tura inpeih reng mai anih avang chuan ngainat pawh a hlawh hle a ni.

Tukkhatchu, chu Professor leh zirlai pakhat hi in lam pana an hawdun laiin, kawngsir deuhvah hian pheikhawk hlui chhetawh tak mai bunkhat lo awm hi an hmu a. Chumi kawng bul lawka Leileta hnathawk loneitu, rethei tak mai leh tar tawh tak mai pheikhawk chu anih an ring thiam nghal mai a. Tlai lam anih tawh avangin, a rawn bang dawn tep tawhang tih pawh an hrethiam a ni.

Zirlai tlangval chuan, an Professor hnenah chuan, “Sir, He Loneitupa hi I fiam teh ang khai; a pheikhawk hi sawlai hnimbuk karah sawn thukru ila, sawlai thingkung phen atang sawn lo bihthla ila, ahan zawngbuai tur vel leh, a han mangang vel tur kha hmuh a chakawm alawm maw le” a ti a.

Professor chuan, “Valte, miretheite mangang taka siamin kan intihlim tur ani lovang; Chhungkaw awmthei tak inni tih ka hria a, I nu leh ipate pawhin pocket money tam tawk tak an paitir reng thin che tih pawh ka hria e. I pawisa thir (coin) kha hepa pheikhawk chhungah hian dah ve ve la, he loneitu rethei takin a pheikhawk a rawn bun dawn huna a pheikhawk chhunga tangka alo awm reng ahan hmuchhuak lai tur vel chu kan lo bihthla zawk dawn nia” a ti ta a.

(more…)

Posted in Adventure, Advice, Religion | 18 Comments »

Ka Zak ve thin Part-1

Sunday, July 29th, 2012

Zu hi kan in ve karh karh reng thin a min ti mualpho ngun ve khawp mai bawk a, engmah hre lo khawp pawh in min siam ngun ve ta khawp mai.

Vawi khat pawh High School a kan zirtirtu pakhat in ka lo show ang che a ti a, duh ve tho si zah tak chungin ka zui a, kan tlak deuh pap pap mai a, titi a tui tan ka no chhuata awm chu kan chhuih baw vek mai a, inti polite takin chhuat huh chu kan hru ve bawk a, inthlahrun ngailo tih pahin no dang an thli leh nghal a, chhuat hrukna ka dah tha a, let pahin khaw hmuh chiang tawh lo nen no dang chu kan pal baw leh hram a, luhai pawh reh vek………zak chem chem tak chu ka ni.

Chawlhni tlaiah kan kal leh a thian te ho nen, titi tui tawk vel kan ni tawh, tawngpawh kan in chuh tan tihah ka patea kohhran thawhlawm khawnin a rawn lut leh thut mai, min melh hrek hrek a, inti pa tan vai velh chak tawk vel nih lain, Sunday school naupang fel ber ang mai, nungchang chu tha duh hle hle tak chu ni.

Kan khaw zaithiam DDK Artist kan neih chhun thih zan mawlh kha ni, amah a la thalai nen tlaivar ngai in a boral a, lengkhawm pawh kan tam In a te hlauh zawka kan leng tlem mai mai zawk a, kan in lem phur vet vet bawk a, zan rei deuh ta tihah khuangpui kan chuh ve tlat mai a, phur tawh lutuk, englai maha khuang vaw ngai hlei lo kha, mi zai tui lai takin khuangpui kha ka vaw bai ve tlauh tlauh mai chuh……….. min melh thup tawh mai…awi awi awi sawizawm tawh lo ang.
(more…)

Posted in Adventure, HAHAHA | 20 Comments »

Lalpa Pathianin a mite a ngaihtuah thin.(Sunday Pual)

Sunday, July 29th, 2012

He Khawvela kan awmchhung hian, kan tisa mit lawng hian Lalpa Pathian hi kan hmu thei thin si lova, harsatna leh manganna kan han tawh chang hian, Lalpa hian min hrelo leh min ngaihtuah reng reng lova hriat mai te hi ava awl thin em. Bible hi ngun taka kan zir chuan, Lalpan a mite a ngaihtuah zia te, an thlavang a hauh nat thin zia te kan hmuthei ang.

1. Thupuan 2:1 kan en chuan, “A kut ding lama arsi pasarih kenga, rangkachak khawnvar dahna pasarih zinga vei veia khan” tih thu kan hmu a. BibleA kut dinglama Arsi pasarih nkenga chu tudang nilovin, Isua Krista ngei chu ani a, rangkachak Khawnvar dahna pasarih tih hian, a kohhran hote a entir a, thu emaw, ding emaw mail ova, a vei a vei hian a mite a ngaihtuah em em zia a entir a ni.

Tin,Tirhkohte 7:55-56 kan chhiar chuan, Stephana Lunga an denhlum dawn khan, Pathian ropuizia leh Pathian dinglama Isua ding ahan hmu a; “Ngai the u, van inhawngte ka hmu a, Pathian dinglama Mihring Fapa ding pawh ka hmu” tiin a auchhuak a, ava han hlimin, ava han thlamuang dawn tak em.

2. I Samuel 8:6-9 kan en thung chuan, Israel fate kha Pathianin a zawlneite hmangin a hruai thin a. Nimahsela, indo reng reng anni a, an hmelmate an Lal palian pui pui leh huaisen hmel tak tak ten an rawn ho thin an hmuh khan, Lal neih ve an chak tat lat a, Samuela hnena Lal neih an ngen khan, Samuela khan, amah kha an duhlova an hnawlah a ngai a, a rilru a hrehawm em em mai a ni. Amaherawhchu, Lalpa Pathian chuan, “Nang duhlo che anni lo va, an chunga lal atan keimah mi duh lo an ni zawk e”. alo ti daih mai asin le. Samuela an hnawl khan Lalpa Pathian chuan amah hnawlah a inngai hmiah mai a ni. (more…)

Posted in Religion | 19 Comments »

The Unsung Hero – Pu JJ Waterstone

Sunday, July 29th, 2012

Degree of freedom sawifiah hmasa ang

Physics lam zir miah lo hnena sawifiah a har thin fu a mahse sawifiah ka’n tum dawn ang e. Thil chet dan (mechanics) lam lo zir thinte chuan kan hre sa tawh viau ang. Mahse degree of freedom awmzia hi tunthleng hian Mizoram lama graduate zirlai leh master zirlai te’n min lo la zawt leh zeuh thin, hriatthiam mai a har a ni ang e…

Thil eng pawh hi a chet vaih chuan nihna (physical sytem) danglam a nei hmiah a. Chu a nihna thar chu thununtu a nei zel a ni. Entirnan: Kawng ngil takah Car I khalh ta a. Chu I kar khalh chuan a tlanchakna avangin thil thar a nei a ni. Chu a thil thar neih chu chakna a ni. Mi tu emaw han su palh vaih teh. An thih loh vek paw’n Civil Hospital casuality lam chu inti buai hle ang. I kut tumin na taka a hnek theih ai pawha na zawkin I Car khan mihring kha a hliam thei tlat a ni.

I Car-in chakna a neihtheihna chu engti zawngin nge kan teh theih ang le… A nihna takah chuan I car kha a chetsawn avangin chakna a nei a lo ni a. Chu a chakna chu hmu turin a kal thuizawng (spatial) chu hun hmanzat nen sem la, chuan I hmuhchhuah chu amah leh amah puntir bawk la, 0.5 leh car rihzawng nen han puntir leh ta la, a lo chhuak mai ang.

(more…)

Posted in Education | 38 Comments »

Foreign-ah ka zin ve a

Sunday, July 29th, 2012

Ve hlauh mai a, eng thiamna mah han chhuan tur ka nei lova, eng degree mah ka nei hek lo, sap á¹­awng lah chu ka thiam vak der lo leh nghal, foreign thleng thleng a kal tur chuan pawisa lah kan neilo em em mai lehnghal a, eng ti tih a foreign kaltur ta chu nge ka nih tak mai le.

Vanneih hi ka inti em em mai a, mihausa fa tan pawh kal a har the reng nen, visa te buaipui a ngai a, train leh flight ticket tih vel te tih fel vek a ngai á¹­hin si a, kei thingtlang kilkhawr dai chhe kil kara miin a hming pawh ka lam thiam á¹­haá¹­ loh foreign lam tluang chu ka zawh ve dawn tlat mai.

ZIN VAWI KHATNA

Amak angreng khawp a, ka ram kalna tur thleng tur hian Train emaw flight ticket lak a ngai lo va, pawisa ken tam a ngai hek lo, ka nu in cheng 30 min pai tir a atawk em em a ni. Chuan fan ngai loh ram fang tur chuan motor changkang takah kan lut hauh lo, video coach velah kan chuang ang chu tih nak laiin, motor AC hlang kan rama kan hmang á¹­angkai em em 407 hnungah chuan kan ding ta hmur maile, ka zin chhan hi mitthi ral tur kan ni leh nghal a, mitthi ralna tur sum ka ken kha ka nu khan a alo duh tawk em em mai alo ni a.

(more…)

Posted in HAHAHA | 14 Comments »

MZU Sport Board an demawm

Saturday, July 28th, 2012

Kan hriat angin MZU Sport football semi final-a Govt. Aizawl College leh Lunglei Govt. College chuan buaina an tawk a. Tournament pawh khelh chhunzawm theih tawh lohvah tihtawp a ni ta hial a. Hemi a nih avang hian tunah GAC leh LGC lam hi an inhuat phah lek lek mai a, unau kumhlun ni si-a hetiang thil a lo thleng hi a bul ber chu MZU Sport Board a ni.

A hunah engmah decision an siam ngam lo va, huaisen tak leh diktaka decision siam mai tur kha an dah khawtlai a, chumi chhungin boruak neuh neuh lo awm chuan a chhim leh hmar ang zawng te, a college ang zawng te’n boruak a rawn tichhe ta a ni. Sport Board lam hian a tirah decision siam nghal mai se, tun thlengin kan sawi zui lovang; LGC leh Hnahthial College inkhela buaina awm pawh kan sawi zui tawh loh hi.

MSU Cup pawh hmanni lawkah neih a ni a, buaina a chhuak lo. Eng vangin nge MZU Sport-a buaina a chhuah bik ziah? Aizawl emaw, Lunglei emawa khelh hian buaina kan pumpelh phah lo tih a chiang tawh a, MZU Sport Board lampang hi a thara thlak ni rawh se. A mawhphurtu mi dawihzepte hi ban ni sela, huaisen taka thutlukna siam ngamte chauh MZU Sport Board-ah awm tawh rawh se.

(more…)

Posted in Mizoram, Sports & Games | 25 Comments »

Neuh Neuh!

Saturday, July 28th, 2012

a) Khaw chhiat ni a Pheikhawk fai tak bun a Bazar diak kawi neih nuaih han dai per chhak chhak hi a inhmeh lo. ;-)

b) Motor changkang taka chuan a, Motor inmawngzawm pút kara che thei lek loa ṭhut chawrh chawrh laia kea kalten min han lehpel zut zut ṭhin hi chu a ropui lo ngawt mai. (N)

c) City Bus-a tawt em em, inher sawn theih lek lo khawpa inhnawh tawh laia Conductor á¹­hahnemngai lak lawhin ‘ in la leng a nia’ an han ti á¹­hin hi chu a zia lo deuh hlek a ni. :-(

d) Khaw dur deuh lum uap em em hnuaia kawrlum ha chunga han tei hawi vel hi a inhmeh lo. :-$

e) Nalh taka inchei chunga Ruah do tlawk tlawk hi a inhmeh lo khawp mai. :-O

f) Local Tv channel tin deuh thawa ‘Korean Film’ en tur awm reng hi a zia lo khawp mai. :-(

g) Ṭhiante nena awm khawm laih laih laia a Mawl fal deuhin Meizial an han zu khu luih luih ṭhin hi chu zia lo tak a ni. ;-)

h)Post á¹­henkhat aia Comment a thui uchuak lutuk á¹­hin hi chu a zia lo deuh a ni. (N)

i) Sual aia a tisualtu huat tlat hi a zia lo khawp mai. :-[

j) Sap hming dawt chiaha  ‘Mizo’  han tih leh si hi a inhmeh hlawl lo!! :-P

Posted in HAHAHA | 34 Comments »

Thlirtu Au Aw

Saturday, July 28th, 2012

Senmei thlifim, thlangtiang thlifim a lo tleh

Maicham a ti chim, hawilopar a thliak

Leikapui zau atangin leikapui zimah kaiin

Thlarau pailral kawng thuampui a thlak.

Aurawl a rawn chhuak, a thangvel e,

Chhak thlang, chhim leh hmar kil tinah

“Lei pialral, faisa ram, kan chanvo a ni” tiin

Aiawh mualkil rorel pailral lamtluang a nih ringin

Thlantui leh thisen fara luantir huamin

Vap awm lo turin fathang haral a ni,

“Ramtiam kan kai” tiin hla do an chham

Tlangpui tinah senmei detin an lawm.

Parmawi a chuai thuaia, lungphun a chim,

Zalenna par thliahsak tiamtuten, zalen fate

Zalenna par zu thlumin an hrai rui,

An thisenin lei an dawh, mimal pialral an kai.

An ramtiam, an lei pialralah ngei chuan,

Pawi khawih lo, hnungkhirh loh saltang,

Zalenna zu ruia kal thiam lo chan an chang zo.

An buh hmunah tam chhawlin an tlu,

Lui kiangah dang charin Paula rauhsan

Luhka an kai; an chanvo thihna tur a chang ta si.

(more…)

Posted in Poetry | 20 Comments »

Burma leh India (Tunlai Boruak)

Saturday, July 28th, 2012

April, 2011 a Burma sorkar ding thar, President U Thein Sein leh a minister 13-te chu India ram New Delhi ah zin in India Prime Minister Dr. Manmohan Singh leh a cabinet member-te nen ni (4) chhung an inbia a, politics, economics, leh ramri chungchang thu an sawi a. Mahse, an sawihona in a ‘rahchhuah leh thutlukna’ sawi tur leh puanchhuah tlak tak erawh chu a awm meuh lo a ang.

Kumin (2012) May 28 ah chuan India sorkar lu ber Prime Minister Dr. Manmohan Singh chu a hote nen Burma an rawn zin veleh a, heihi kum 25 chhunga India PM lo zin hmasa ber a ni a, Burma sorkar kum 1 a tlin hnua ram lal ber lo zin hmasa ber a ni. India PM hi ni (3) chhung a chama, Burma ram tan Human Resource Development (zirna leh thiamna lam thu), Infrastructure (kawngpui, factory lam) tihchangtlun thu te, Agriculture tihhmasawn tur thu, Sipai (Defense) tih changtlun tur thu ah te hian India in tranpuina a pek theih dan tur an ngaihtuah a ni. Hetia India in Burma hmasawnna a puihbawm a tum chhan chu

(1)   India in a mamawh Gas leh Petroleum oil Burma hnena a beisei avangin,

(2)   Burma ah China in thu a nei lutuk (Influence) sukiang turin,

(3)   India hmar-chhak (North-east) helho tihrem theihna tur — te hi a ni tiin India rama chanchinbu-te chuan an ziak.

(more…)

Posted in Politics | 13 Comments »

« Older Entries
Newer Entries »