He Khawvela kan awmchhung hian, kan tisa mit lawng hian Lalpa Pathian hi kan hmu thei thin si lova, harsatna leh manganna kan han tawh chang hian, Lalpa hian min hrelo leh min ngaihtuah reng reng lova hriat mai te hi ava awl thin em. Bible hi ngun taka kan zir chuan, Lalpan a mite a ngaihtuah zia te, an thlavang a hauh nat thin zia te kan hmuthei ang.
1. Thupuan 2:1 kan en chuan, “A kut ding lama arsi pasarih kenga, rangkachak khawnvar dahna pasarih zinga vei veia khan” tih thu kan hmu a. BibleA kut dinglama Arsi pasarih nkenga chu tudang nilovin, Isua Krista ngei chu ani a, rangkachak Khawnvar dahna pasarih tih hian, a kohhran hote a entir a, thu emaw, ding emaw mail ova, a vei a vei hian a mite a ngaihtuah em em zia a entir a ni.
Tin,Tirhkohte 7:55-56 kan chhiar chuan, Stephana Lunga an denhlum dawn khan, Pathian ropuizia leh Pathian dinglama Isua ding ahan hmu a; “Ngai the u, van inhawngte ka hmu a, Pathian dinglama Mihring Fapa ding pawh ka hmu” tiin a auchhuak a, ava han hlimin, ava han thlamuang dawn tak em.
2. I Samuel 8:6-9 kan en thung chuan, Israel fate kha Pathianin a zawlneite hmangin a hruai thin a. Nimahsela, indo reng reng anni a, an hmelmate an Lal palian pui pui leh huaisen hmel tak tak ten an rawn ho thin an hmuh khan, Lal neih ve an chak tat lat a, Samuela hnena Lal neih an ngen khan, Samuela khan, amah kha an duhlova an hnawlah a ngai a, a rilru a hrehawm em em mai a ni. Amaherawhchu, Lalpa Pathian chuan, “Nang duhlo che anni lo va, an chunga lal atan keimah mi duh lo an ni zawk e”. alo ti daih mai asin le. Samuela an hnawl khan Lalpa Pathian chuan amah hnawlah a inngai hmiah mai a ni.
3. Tirhkohte 9:5 kan en leh chuan, Saula’n Ramawptu hnen atanga kawnga mite(Kristiante) man hmiah hmiah theihna tur phalna(Warrant) a lak a, phur tak maia Damaska lam a pan lai khan, kawng lakah engine alo chhun thlu ta a. “Saula Saula, nangin engatinge mi tihduhdah hi?” tiin aw a rawnchhuak ta a, Saula khan Pathian aw ani tih a hria a, “Lalpa tunge inih?” tia ahan zawh let khan, “Isua i tihduhdah hi ka ni e” arawn ti ta mai anih kha. Saula khan Ringtu hmasa rethei leh chaklo te te ho kha emaw a um atihlai khan, Lalpa Pathian chuan, “Keimah ngei hi a ni min tihduhdah ni” a rawn ti daih mai a ni.
4. Engvangin nge heti ema Lalpa Pathian hian kan thlavang a hauh mai le? Tiin kan inzawt thin mai thei e. I Peter 1:18-19 & Acts 20:28 te kan chhiar chuan kan hmu ang. Tangka leh rangkachaka tlan mai mai kan nilova, Isua Krista thisen ngeia lei/tlan kanni miauva, a thisen hlutak hmanga a tlansate hi Kan Lalpa Isua Krista hian angainep lova, a ngaihlu em em a, a humhalh em em bawk a ni tih hi I hria ang u.
I Petera 5:1-4 leh Johana 21:15-19 te kan chhiar chuan, Lalpa hian a mite/a beramte a ngaihtuah zia leh a aiawha enkawltu tur a mamawhzia leh chung ang mite chu Lawmman a pek dawn zia te, Amah tihtak zeta hmangaihtute tan chauhva thawh chi anih zia te min kawhhmuh a ni.
Sam 139 pumpuite hi han chhiar ila, a thlamuanthlak em em mai a,Pathianin min hrechiang takzet a, a hriatfai vek loh hi keimahniah hian engmah a awm lo; a laka tanga tlanbona leh bihrukna pakhat mah a awm lo va, bikbona hmun reng reng a awm hek lo tih chiang takin kan hmuthei ang.
Matthaia 6:25-34 -ah chuan, “Enge ka ei ang a, engnge ka in ang aw? Tiin in nunna thu leh in taksa thu lungkham suh u, chung thilte chu Jentail ten zawn berah an neih thin, A ram leh a felna zawng hmasa phawt ula, chung thil dang zawng zawngte chu in Pa van amin in mamawh tih hi a hresa vek a, a pek belhchhah dawn che u nia” min ti tawk tawk a ni.
Matthaia 10:42 ah hian, Lalpa hian, atana thawktute a ngaihsak zia, leh a chhiahhlawhte anni tih an hriat avanga tuivawt nokhat pawha lo tanpuitute chuan an Lawmman an chan tawp loving, tih a sawi chiang em em mai a ni. Bung 11:28-30 ah phei chuan Thawkrim leh phurrit phur zawng zawng te tan chawlhna nuam leh hahdamna anih zia min hrilh bawk a ni.
Nakinah Hunbi akim hunah He leia amah ringtute(kohhranho) leh Isua Krista inneihna hun ropui hi alo la thleng dawn a, chu chu Thupuan 19:7-9 ah kan hmu a. Chu alokal hun tur thu chuan, he leia ringtute hi lo inthlamuan tawn hram hram thin turin I Thessalonika bung 4 ah khan min chah lawm lawm mai bawk a ni.
Isaia 49:15 thu hian kan Sermon lo khar dawn ta I la; Lalpa chuan heti hian a ti a ni:- “Hmeichhiain a fapa, a rila rah chu, a khawngaih lohna turin a nau a hnute hne lai chu a theihnghilh thei em ni? Thei e, chungte chuan an theihnghilh a ni thei e, nimahsela kei chuan ka theihnghilh lo vang che” ava han thlamuan thlak tehlul mai em ti rawh u maw…
Lalpa’n a thu malsawm rawh se. Amen.
Have a blessed sunday.
Similar Posts:
- Lalpa,eng ti tur in nge min duh?
- Martar Stephana (Sunday Pual)
- Nitin Lalpa nen ( Pathian Ni Pual )
- Pathian Kut Dinglam {Sunday Pual}
- Ringtute chunga Pathian beisei leh duhzawng{Sunday Pual}
July 29th, 2012 at 9:55 am
Comment hmasa phawt ang.
Report this comment
July 29th, 2012 at 10:01 am
A manhla thin ngawt mai, inkhawm ang kan ni leh ta (Y).
Report this comment
July 29th, 2012 at 11:05 am
A man hla leh pek mang e. A tha dap dap khawp mai.Mahse Sunday pual hian, ngek a hlawh vak thin lo erawh a pawi ka ti.
Engpawhnise, Pu Pk, ziak zel tho rawh.
Report this comment
July 29th, 2012 at 11:09 am
Good post Pk
Lalpa’n a mite a ngaihtuah zia hi chu nangni ang thlarau chenchilh tlat mite hi a hrechiang bertu in ni ngei ang. A thua inziak rin hi a pawimawh a, chumi ring ngam leh innghahnana hmang apiang te hian a dikzia hi a takin an hmu (experience) thin a ni. Helamah hian tawnhriat sawitur pawh i nei nual ngei ang.
Report this comment
July 29th, 2012 at 11:38 am
Facebook group pakhat, ‘SERMON BAWM’ ah Admin atan min ruat ve a, ka buaipui ve hle. Misual.com a ka post tawh ka computera awmsa ka post thin a. Member thenkhat hian, Thupui thlanbik hi an rawn nei ta thin a, heipawh hi nizan khan ka han buatsaih chuk chuk a, misual.com a ka thu post tur ang em chuan ka lo uluk lo deuh a, fb a ka post zawhah misual lam ka han check leh zuai a, Sunday pual tur Pathian thu lam pending leh schedule ah alo awm silova, zanlai pelhtawhah ka han submit ve leh thuai a ni. Ka check miahlova(zan a rei tawh avangin ka mut a chhuak tawh lutuk a, ka peih tawhlo a ni). Alo chhuah hnua ka han chhiar leh hian spelling mistake alo awm nual mai si a, a pawi ka ti hle mai. Engpawhnise, Lalpan min thlahthlam ngailova, min ngaihsak em em ani tih hi i hria ang u.
Report this comment
July 29th, 2012 at 11:51 am
Comment off palh lai khan ka lo chhiar fai kel a. Tha ka ti khawp mai. Nizanah ka mut dawnah i sermon submit hi ka hmu a tui takin ka mi ta a nih kha. Tin, malsawmna nena i titawp dap pawh khi a tha ka ti khawp mai.
Tirhkoh Paula’n Philipi mite harsatna leh manganna hre reng chunga lawm reng tura a fuih tuma Thlamuanna thuchah hriatreng chi a sawi zawm kha a TURU ka ti a, a TOUCHING ka ti em em bawk. Mangang lova amah hnena lawmthu sawi zela tawngtai tura min duhna mawlh kha… chumi avang chuan thlamuanna mihring rilru-a hriatsen loh chuan min veng tlat dawn a ti a nih chu mawle. He lai bak hi ka APPLY ngai lo. A hnai reng e, kan Pathian hi min thlamuan turin.
Report this comment
July 29th, 2012 at 12:04 pm
donald, Pathian Thlarau chenchilh tlak ni hian ka inhre mawlh lo mai. Amaherawhchu, a tello hian a rawng ka bawl ngam hauhlo thung. Kan rawngbawl naah hian “Ngawiteh u, darkar khat chhung chauh ka han thlahthlam rih teh lawk ang che u, nangmahni awm awm khan lo awm ve rìh teh u” min ti ta tlat mai se, keichuan, “Lalpa, mitkhap kar pawh min thlahthlam lul suh” tiin engmah ei lovin ka ngen lawm lawm duh ang. Post hranin sawi kan la tum dawn nia.
Report this comment
July 29th, 2012 at 12:16 pm
Tun kum tira Aizawl ka haw laia Bial KTP khawmpui a Pu Ngurthantluanga sermon a,’Min hmusit a tullo taka min diriam tute khawih/chhang let ve duh miah lova Krista avanga kan insum tang tangna rulh a kan awm hun hi ka nghakhlel tawh. Vanram ah chuan ka pangchang in Pathian hmaah chuan heng ho laka phuba min laksak hunah chuan ka pangchang in ka hek nasa ngawt ang,a na thei ang ber zelin ka hrem tir zel ang.’ tih ang hawi zawnga a sawi kha min hriatchhuah tir zawk mai,a hlimawm asin.
Report this comment
July 29th, 2012 at 12:22 pm
@Lamji, ani viau asin. thupuanah pawh martar thlarau hovin, “Lalpa engchen nge kan thisen phuba hi thungrul lova ila nghah dawn?” an tih hem hem mai kha. Lalpa tan pawh chet loh theih ani bik lo vang.
Report this comment
July 29th, 2012 at 1:12 pm
Pk, ni e.. mahni lam inen hi chuan thlarau chenchilh tlak hi kan awm mawlh lo mai. Mahse Lal Isua hnathawh avanga mibawlhhlawh ber pawh Pathian Thlarau Thianghlim In-a min siamna lam zawk hi en lui tlatin vawng reng ila, kan fel vang a nihloh zia leh a khawngaihna vang liau liauva a thuthiam engtikah mah danglam ngai lo tur a nihna lai hi kan chakna bulpui a ni miau si a. Amaha awm reng apiangte chu a kalsan ngai loh tur thutiam neitu kan ni alawm.
Report this comment
July 29th, 2012 at 1:15 pm
A lawmawmin a va thlamuan thlak tak……………
Report this comment
July 29th, 2012 at 1:34 pm
Ava tha kher em, pu PK sunday hi chuan i sermon chhiar tur hi ka lo chang ve thin a, a awmloh tum hi chuan phurawm loh thin khawp mai. I rawngbawlna ah kalzel turin duhsakna ka hlan a che
Report this comment
July 29th, 2012 at 2:16 pm
Heti hrim hrim chuan inkhawm hranpa a ngaih loh tawp hi le
Sunday apiangin ka lo chang ziah ang
Report this comment
July 29th, 2012 at 3:02 pm
donald, covenanter, chhingdailova leh Kawhterenga te, in chungah ka lawm takzet mai. Mihring ve tho, chaklo ve tak tho kha ka nia, in mi fuihna hi ka Thlarau nun tan chakna pai chawtha an tling takzet a, phurna thar leh tumna thar min pe zel e.
Report this comment
July 29th, 2012 at 3:17 pm
A men, a dakani, kan thlarau nun chawmtheitur thuziak chhiartur, hanchhawp zelteh u.
Report this comment
July 29th, 2012 at 4:28 pm
#15 sihtea hian sawi tum chu a nei chiang, ka man chiah lo nge sawi tum
Report this comment
July 29th, 2012 at 4:44 pm
#15 Sihtea hian a rawn ti der em maw ka lo ti ṭhin a, mahsé a lo ti der meuh lo chu a ni… Ṭha ve hrim hrim.
Ama dan takah: Ṭhavehrim hrim. Ziahzawmturlehzawm lohturkabuai pui vevakpeih lo; homai mai.
Report this comment
July 29th, 2012 at 5:05 pm
sihte a hi maw… thaw lova chhiar a ngai thin a…
hei vang hian a lawm… pawl thum tal pass rawh u ka tih ka tih thin… thu hi in awih lo lutuk a…lol..
Report this comment
July 29th, 2012 at 7:40 pm
Ath eiha nganga chhi arm aitur athav ektho alaw mhahai!
Report this comment