Senmei thlifim, thlangtiang thlifim a lo tleh
Maicham a ti chim, hawilopar a thliak
Leikapui zau atangin leikapui zimah kaiin
Thlarau pailral kawng thuampui a thlak.
Aurawl a rawn chhuak, a thangvel e,
Chhak thlang, chhim leh hmar kil tinah
“Lei pialral, faisa ram, kan chanvo a ni” tiin
Aiawh mualkil rorel pailral lamtluang a nih ringin
Thlantui leh thisen fara luantir huamin
Vap awm lo turin fathang haral a ni,
“Ramtiam kan kai” tiin hla do an chham
Tlangpui tinah senmei detin an lawm.
Parmawi a chuai thuaia, lungphun a chim,
Zalenna par thliahsak tiamtuten, zalen fate
Zalenna par zu thlumin an hrai rui,
An thisenin lei an dawh, mimal pialral an kai.
An ramtiam, an lei pialralah ngei chuan,
Pawi khawih lo, hnungkhirh loh saltang,
Zalenna zu ruia kal thiam lo chan an chang zo.
An buh hmunah tam chhawlin an tlu,
Lui kiangah dang charin Paula rauhsan
Luhka an kai; an chanvo thihna tur a chang ta si.
Ramtiam sut ti lian tura tiamtute khan,
Phatsanna kutin an hulhliap sut an ti lian,
Chanvo hlantute chuan ensan an hlawh.
Arsi ah riahbuk, chhuma lal in ropui,
Thisen an hlan, rumna mittui chauh an chang.
An thla arkai den an ruksak, rawksak an ni.
Zalenna I hming a mawi, I ruih erawh thihna
I hlimah muanna, chawlhna nuam a awm,
I zu thlumna ah erawh tlukna leh tahna.
Zitirtu ropui, zalenna chanchin ziritir tur,
Thir lei dawh tur chu khawiah nge?
July 28th, 2012 at 6:31 pm
Tha lutuk 1st
Report this comment
July 28th, 2012 at 6:34 pm
Hla hril turu dangdai leh mawi tak a ni e, comment hmasa ber em aw…..
Report this comment
July 28th, 2012 at 6:34 pm
Lr-a hian a chhiarchhuak hman miahlo
Kei chu ka chhiarchhuah hma chu mumal takin ka comment dawn lo 
Tunah chhiar ang.
Report this comment
July 28th, 2012 at 6:43 pm
Line lina khi PIALRAL tih tur ni e..nge maw ka lo tihsual le
Report this comment
July 28th, 2012 at 6:44 pm
Charice: i tuan a muang hret
mahse i hmasa berah ka pawm tho 
Report this comment
July 28th, 2012 at 6:45 pm
Spelling mistake panga a awma, pathum chu pialral tih turah pailral tih ni tlat zel khi i tihsual palh liau liau ni turah ka ngaia, chuan zirtir tih khi i spell dik lo ve ve bawk, mizo tawng i thiamdan ngaihtuahin tihpalh tho anih hmel. Chuan tlar 26-na ‘…arsi ah riahbuk, chhuma lal in ropui..’ tih khi chhumah tih zawk tur ani lo maw, a chhan chu a dawt leh chiah tlar nen khian inzawmna an nei lova, thil hrang daih sawina annih vang a ni…
A theme a pui khawp mai, a laihawl leh a tawp lamah khi chuan i sawi tum a chiang thawkhata, chhiartute pawn kan hre vekin ka ringa, mahse tlar hmasa pali te khian chumi ni lo thildang a kawk ve thei tho bawk…chumi thildang chu enge a nih sawi hranpa a ngaiin ka hrelo…hehe
PS: Ruata, ka comment khian vawithum uluk takin ka chhiar chhuak hman..
Report this comment
July 28th, 2012 at 6:47 pm
A va’n pui mep mep ve. Ka’n dahtha khiau teh ang
Report this comment
July 28th, 2012 at 6:58 pm
6 Charice: KZP lutuk…tha lutuk..spelling mistake chungchangah-ka type hian ka lo khap sual leh thin a ni e..kan tar deuh tawh nge ni, spelling mistake lah hi ka hmuh hmaih leh nuaih thin lehnghala
..thiam loh a leiah thiam loh a belhchhah zek mai 
“Arsi ah riahbuk..” pawh khi i sawi ang tur khi a ni e 
a line dawt nen khi chuan a in zawm ru deuh tho a nia, semi-colon dah ka tum zeta ka dah leh ta lo a…a tir lam khi chu economic term han hawh hi i la “Unlimited wants” in a rawn hrin chhuah vir kual vel ni awm tak a ni 
Report this comment
July 28th, 2012 at 6:59 pm
spelling mistake ‘pailral’ khi pahnih ka tihna zawk, pakhat chu halral tih tura haral tih khi lolz
Report this comment
July 28th, 2012 at 7:05 pm
Ruata, ..seems to me the line ‘arsi ah riahbuk, chhumah lal in ropui speaks about the selfish self-ingratiating elite group contrasting the next line which says thisen an hlan , rumna mittui chauh an chang implying the not-so-lucky subaltern comrades whose plight is such as you have described yourself…chuvang chu alawm, an inzawm lo ka tih, hrethiams hehe
Report this comment
July 28th, 2012 at 7:08 pm
Original script ah siam tha tawh mai ang..vawikhat en a, en nawn leh tur chi ang i lo ni takzet a nih hi
Report this comment
July 28th, 2012 at 7:43 pm
tun hnai a ka poetry hmuh ah chuan ka hlut pawl tak a ni maia.. ruata.. a theme che eng pawh lo ni se.. ka chhuang che.
Report this comment
July 28th, 2012 at 7:57 pm
ka rîm ngam loh i rîm a, i la rîm thlu zui…
zu chung changa ngaihdan dik lo lutuk min hlui hi ka’n ching pawr ve dawn chhin teh ang.. tluk dawn lo che mah i la..mi ti phur hle mai..
Report this comment
July 28th, 2012 at 8:14 pm
Hei chu a rilin a pui dap2 hle mai a
Report this comment
July 28th, 2012 at 8:35 pm
tha hle mai
Report this comment
July 28th, 2012 at 8:54 pm
saint sammoo:
thanks lutuk e..tu nge i rim ngam loh ka lo rim thluka 
century child:
Report this comment
July 28th, 2012 at 9:55 pm
Hlahril pakhat kan neih belh leh ta… Mizo nih tinuamtu zël
Report this comment
July 28th, 2012 at 10:08 pm
houdini te rilrem zawng tak a ni ang chu..haha..
Report this comment
July 29th, 2012 at 6:37 am
A van nalh em em ve le
I phuah thiam ngei mai
Report this comment
July 29th, 2012 at 7:49 am
Report this comment