Kan hriat angin MZU Sport football semi final-a Govt. Aizawl College leh Lunglei Govt. College chuan buaina an tawk a. Tournament pawh khelh chhunzawm theih tawh lohvah tihtawp a ni ta hial a. Hemi a nih avang hian tunah GAC leh LGC lam hi an inhuat phah lek lek mai a, unau kumhlun ni si-a hetiang thil a lo thleng hi a bul ber chu MZU Sport Board a ni.
A hunah engmah decision an siam ngam lo va, huaisen tak leh diktaka decision siam mai tur kha an dah khawtlai a, chumi chhungin boruak neuh neuh lo awm chuan a chhim leh hmar ang zawng te, a college ang zawng te’n boruak a rawn tichhe ta a ni. Sport Board lam hian a tirah decision siam nghal mai se, tun thlengin kan sawi zui lovang; LGC leh Hnahthial College inkhela buaina awm pawh kan sawi zui tawh loh hi.
MSU Cup pawh hmanni lawkah neih a ni a, buaina a chhuak lo. Eng vangin nge MZU Sport-a buaina a chhuah bik ziah? Aizawl emaw, Lunglei emawa khelh hian buaina kan pumpelh phah lo tih a chiang tawh a, MZU Sport Board lampang hi a thara thlak ni rawh se. A mawhphurtu mi dawihzepte hi ban ni sela, huaisen taka thutlukna siam ngamte chauh MZU Sport Board-ah awm tawh rawh se.
Inkhel.com lama kan hmuh danin, final pawh khel lova tournament tihtawp tawp a ni dawn a ni awm a. A va zahthlak em! Final khel tur paw’n Sport Board, he tournament hotulute’n thutlukna an siam ngam lo a ni maw! College hrang hrangte he tournament khel turin theihtawpin an inbuatsaih theuh va, sum leh pai pawh tam tak an hmang ral a, chutih laia hetia ho taka he tournament tihtawp a ni hi a ho takzet a, sum tam tak chu a thlawnin a luangral a ni. Chuvangin an titawp dawn a nih chuan college tin senso hi MZU lam hian rul vek rawh se.
Similar Posts:
- BCCI shifts IPL out of India
- MZU Sports vawi 11-na tan a ni dawn ta!
- Mizoram Inter District U-19 Football Tournament 2012
- Independence Day Celebration Football Tournament
- Independence Day Football a hmuhnawm
July 28th, 2012 at 11:01 pm
Sei takin comment lo teh ang!
Report this comment
July 28th, 2012 at 11:14 pm
A va mak ve
Eng thil nge thleng pawh kan hre ve mang si lo va… han sawizui ve vak pawh a mawi lo ve
Report this comment
July 28th, 2012 at 11:43 pm
Sport neih an zo ve lo ani ber e. Sport nei tawh suh se.
Report this comment
July 28th, 2012 at 11:52 pm
Ninawm ti vet!! inkhelh apianga anin tibuai tih reng mai.
Report this comment
July 29th, 2012 at 12:09 am
Ts, inbuai dan vel tlem tal kawmen lamah han tial thla hlek la. Keipawn thil awmzia tak tak ka hre chiang thei tlat lo, ti ti lengvel maksak pui pui a tam si a. Tawngkam han thlahdah mai te pawh a awl viau ta ve ang.
Neutral phawt te’ng.
Report this comment
July 29th, 2012 at 12:20 am
khawvel hmasawnna athang chho telh2 a,kan luhlul tulh2…
Report this comment
July 29th, 2012 at 12:25 am
A va zia lo ve, thil thleng engmah ka lo hre ve lova keipawh…ngaihdan siam thiam a har..
Report this comment
July 29th, 2012 at 2:06 am
Nizan Olympic Games opening ceremony ah khan urhsun takin sports lama rilru ngelnghet (integrity) pawimawh zia, sportmanship awmzia chu fair taka khelh loh kara winner nih ai chuan fair taka khelh hnua loser nih a hlu zawk an tilang chiang viau asin mawle. Education awmzia an hre map lo ani hial lo maw? Bihari kan ngaihsan vak lo ang ziazanga buaina siam chin tlat mai. “An zo tiah tiah” ka ti miah lo ania. “An vai tiah tiah”, paw ani chuang lo.
Report this comment
July 29th, 2012 at 5:31 am
A khel turate an tlin loh miau chuan an titawp mai hi a finthlak mah zawkin ka hria. Engpawhnise, zahthlak haih haih tak a ni.
Report this comment
July 29th, 2012 at 6:50 am
A va zia lo ve, MZU Sport Board chu rin ang he hu an ni lo a ni maw
Report this comment
July 29th, 2012 at 8:18 am
An boruak enin an thtawp hi afuh ka ti. Hnahthial an hawntir hnu atang kha chuan chhunzawm zel tlak anni lovin ka hria. An lak ulh dan enin finalahtpawh buaina lian zawk a chhuah ngei a rinawm tlat. Tin, Local Tournament aia lian khaw hrang hrang an telna angah hi chuan MFA kutah dahin neutral official(MFA referees) hmang thin se, an tihfuh ka ring.
Report this comment
July 29th, 2012 at 9:24 am
Buaina neuh neuh hi an nei neuh neuh reng mai a(h). MZU hi chu buaithlak a ni, kan kal ve lai pawh khan thunawi a tamin tu emaw CAR te kha kan hal chhe vel kha a ni(H)
Report this comment
July 29th, 2012 at 9:42 am
Bang rawh se!
Report this comment
July 29th, 2012 at 9:48 am
MZU Sport hrim hrim hi tih tawp vek ni rawh se. College ho hian an zo lo anih ber hi. Kum dangah pawh buaina neuh neuh tel lo a an hman tluan tak ka hre lo.
Report this comment
July 29th, 2012 at 10:43 am
#11 Pu Pka comment a dik khawp mai.
Inkhelah khan LGC fans lam hi khelmual luh mai mai theih lohna turin, chhak lama thu tura tih an ni. Mahse, an thu chho duh lo va, thlang lamah an thu ta tlat a. Khelh hmasa lamah Hnahthial nena an buai avangin buaina a chhuah hlauh vanga chutianga rem ruat a ni. Chumi a nih avang match official te, LGC leh GAC te chu an inremsiam ta a. LGC fans lam khelmual chhunga an lut emaw, buaina an siam emaw a nih chuan an team chu disqualify a ni ang, tiin. Chu chu anmahni LGC lam paw’n an professor hovin an intiam thlap a ni.
Inkhel chanchin ka sawi lovang. Tichuan, hun tawp dawn, 2-2a an inhnehtawk lai, minute 80-na velah ball out chhar tura GAC player pakhat chhuak chu LGC fans pakhat (hei hi a hmaa Hnahthial College nena an inkhelh tuma an player red card hmutu a ni) chuan a lo hnek thlu tawp a. Inkhelh hmaa an inremsiamna avangin GAC lam chuan an khelh chhunzawm duh ta lo va. Referee chuan inkhel a titawp ta a.
Mahse, inkhelh hmaa an inremsiamna chu match official-te’n an kengkawh tlang ngam ta lo va, MZU Sport Board an thukhawm leh ang a. Thu leh a awm hma chu he tournament hi tihtawp a ni; Champhai, HBC & GAC te pawh an haw ta a ni.
Report this comment
July 29th, 2012 at 10:57 am
Boruak tang deuh siam thei thil hi kan la tlin meuh lo zawng a nih hi maw…hmasawnna tur kan la ngah deuh tih tilangtu a niin ka hria.
A thu hrimah ‘ZU’ tih tel hi chu a tha vak lo a ni – M’ZU’
Report this comment
July 29th, 2012 at 11:57 am
Football khelh laia buaina chhuak hi thilmak a ni lo va, thil thleng pangai a ni. Ram changkangah hlei hlei hian a hluar thin emaw ni chu aw tih tur a ni.
A intibuaia te kha chu lo intibuai pawh nise, a hruaitu te, Officials lam pang an nep khawp mai. BUaina an hmet mit thei lo kha an nep hliah hliah ka ti.
Khelmuala intihbuai hi thil awm thei a ni. Mahse zan lam thleng thlenga thlenna hmuna la inluhchilh erawh hi chu ka dem khawp mai. A tenawm thlak takzet ka ti.
Report this comment
July 29th, 2012 at 12:04 pm
Match official te hi MFA hnuaia qualified an nih ngei kan ring ringawt a, official, board te hian match, players te a control in a thunun thei ngei tur a ni. Players te chu an tang a, an che over ve palh thei(a thing hle na chungin). Match official,board te hian hma dik tak leh a hun takah an lak a ngai. Tournament neih toh loh lam a ni lo. An huaihawt dan, players leh match, fans thleng a an control hneh a ngai. Mipui, students pawh hian in zir kan ngai nasa a ni
Report this comment
July 29th, 2012 at 12:32 pm
#15,ava uncivilised teng teng ve.
Infiammi ni tur chuan mi te aia insum thei mi,a hmun leh hun hriat a ngai ka ti. Thisen a lum pap reng mai dawn sia.
Report this comment
July 29th, 2012 at 5:41 pm
Report this comment
July 29th, 2012 at 6:31 pm
kan hun lai han ni se aw…han sapatal a va chakawm ve le..
Report this comment
July 29th, 2012 at 7:15 pm
kawhterenga, car hal chhe zingah khan ilo tel ve reng alaw…Phd i nih loh vek chuan ilo la naupang ve hle tihna nih chu
, patling thluak fim chin emaw ka lo ti chea ewwwzz
Report this comment
July 30th, 2012 at 11:11 am
Aizawl khaw chhunga an inkhelhin buaina a chhuak ziaha, chuvanga khawdanga sawn te pawh an ni te khan ka hria. mahse hei a ngaite bawkin an buai leh chu a nia. MZU lamin tihngaihna an hriat bawk si loh chuan Football tournament hi chu tihtawp sak mai rih se a tha maiin ka hria.
Report this comment
July 30th, 2012 at 1:39 pm
Bang rawh se, ti thuai mai teh ang.
Report this comment
July 30th, 2012 at 2:40 pm
Student Union hruaitute khan hetiang hunah hian zirlaite an khap dai ve turah ka lo ngai deuh. Hmun dang dangah thuziak ka hmu a, comment 15 hi ngaihdan pakhat mai ni ah ka ngai a. Zirlai hruaitute’n heng hunah hian in zirlai puite in hruai lohvin engtik hun atan nge hruaitu in nih ang le???
Report this comment