Mäwlmanga chuan hawikhawthàwn nán tiin Tuttlingen khua chhuahsanin Amsterdam khaw lam a pan a. Chü khaw kawtthlër máwi tak pakhatah chuan insáng mawi êm êm mai, a bathlar leh a tukverh dawhthli vêla pangpar mawi zawng zawng deuhthaw vul chúkna hi a va hmu a. Hmuhnawm ti êm êmin a thlir dauh dauh va. A dinna kawtthlera lo kal tam tak zinga pakhat hnênah chuan, “Ka pu, hë insáng mawi tak hi tu in nge?” tiin a zâwt a. Ani chuan, “Kannitverstan” tiin a chháng a.
Chu kawtthlër chu kalpèlin litengsäwl nalh êm êm mai Het Ei (=The Y!) tih hi a va hmu a, chu litengsäwl kam hrúla lawng intlar mawizia chuh…! “Aw! Kei mihring kumhlun lo mai mit hian sawtiang thil mawi lutuk saw engtinnge a hmuh theih zawk! A va ropui êm!” a ti vawng vawng a. Chutia a mit tlai taka a lo hrài mék lai chuan chu litengsäwl lam pan chuan lawng mawi leh lian dangdai elkhèn hian chawlhhmun a rawn pan ruau ruau mai a. Indiaram hausakna leh mawina tinréng chawlûttu a ni tih a hre nghâl mai a. A kianga ding pa hnênah chuan, “Säw hausakna zozai saw khawilam mihring ta nge?” tiin a’n zâwt lehpek a. A kianga ding pa chuan, “Kannitverstan” ti bawkin a chháng leh a.
Kan ṭhianpa Mäwlmanga chuan Pu Kannitverstan-a hausak turzia chu a ngaihtuah a, a thidang ṭhelh a ni ber e. “Hmm! Mihringte hi a va hausak theih ngäi êm! Kei lah heti mai hi ka ni si. Chawlh remchàn laiin Amsterdam ka tlawh thei a ka lo hlim tâwk ve êm êm ṭhin a!” tiin a lungawi lo letling ta hial a. Ngui nghuaiin chawhnu thlangherah chuan a thlenna chawlhbûk lam chu a pan lêt leh ta a.
A hàw kawngah chuan mitthi vuia puan dum leh ngui lam sina ngui êm êma lo inzui nguah nguah hi a va hmu a. An ngawi ṭhuap a, a ṭhen mittui a súr zung zung mai bawk a. Ehe! Mi ropui a thi a ni ngei mai! tiin a ngaihtuah a. A biak theih remchàn hnênah chuan tihian a zâwt leh ta a, “Ka pu, hei tunge in vui mék hi?” A mi zawha chuan, “Kannitverstan” ti bawkin a lo chhang leh a.
Ṭhianpa Mäwlmanga chuan, khatiang khawpa mi hausa leh thiltithei, khatiang khawp in ropuia chëng Pu Kannitverstan-a meuh pawh tihian thlànkhur zïm tëah a ṭawih ral mai mai dawn ta chu a ni si a! Hringnun hi a va han ho ngäi êm! tih te a ngaihtuah a.
A thlenna khualbûka a aia hausa nia a hriatte pawh a awt tawh bîk lo, Pu Kannitverstan-a meuh pawh kha mai kha a nia a chantâwk! A ti rilru a ni.
Aw Zoram kristian te u! Nangni pawh Pu Mäwlmanga ang chauh in ni! In màwl-hlimna hi bànsan a va ṭül tehlul êm! Khawvêl kalphung in hriat loh vànga in lungawina te hi lungawipuitlâk a va tling lo tehlul êm! Khuarel ṭawng leh leilung kalsiam hriat loh vang mai maia màwlhlim hi a va pawi tak êm! Mite thukhawcháng pawh phâk ve loh vànga hlim mai mai in ni tih in vàrpawh hun hi ka va’n nghâkhlel tak êm! Ani, kan ṭhianpa Mäwlmanga pawh hia Dutch ṭawng thiam se lang chuan, “Kannitverstan” tih chu I thusawi ka ve hrethiam lo ve? Engtinmaw i tih a? tihna mai a ni tih a hrethiam ve tùr. A màwlhlimpui ta mai mai zâwk a ni si a!
Ani, kan hlim tho chuan engnge pawi, màwlhlimna pawh ni sé? in ti elo maw? Ani, thil hriat chian tâwk loh vang mai maia hlim hi a zahthlâk asin, in tána khawvêl thimah hian!
Ka lawm e.
Similar Posts:
- Thinlung nuihza
- Rs 3 neilo Dak In leh Traffic Police Zu in..
- In thup kan tum reng thin em?
- An ti!
- Lehkhathawn
(Y) 
August 8th, 2012 at 6:36 pm
Biru daih dawn maw’n le…
Report this comment
August 8th, 2012 at 6:49 pm
2nd
Report this comment
August 8th, 2012 at 6:55 pm
Hmanah ka hre tawh, mahse houdini version anih vang nge a ngaihnawm tawp, lo ti zel teh, a hlimawm alawm le..
Report this comment
August 8th, 2012 at 6:59 pm
#3 Charice_mizo nge nge, a fakawm ṭhin e, inchhiar-záu tih takah…
Report this comment
August 8th, 2012 at 7:38 pm
Ngaihnawm phian, i tlangkawmna erawh a ho fu.
tren tren
Report this comment
August 8th, 2012 at 7:54 pm
Damchhung nawmsakna/hausakna/ropuina/nawmna lampang chu inzirtir kan ngaih loh lam tak ani awm e. Kan bawh huam huam leh lutuk a, ram leh hnam aiin mahni pumpui leh chhungkua kan inhai vùr a, kan ram leh hnamin a tuar anìh hì. Thawhrim, dik leh rinawm, thenawm khawvengte hmangaih lam hi inzirtir kan mamawh.
Report this comment
August 8th, 2012 at 8:16 pm
Tawng huatthu suh ah, ka lo hmuh ve tawh ah tuikuk ho khuan an mahni hnam khu mawl an ti em em mai a, an sawichhuak lung lung mai nilovin, an deusawh mai nilovin, harhfim in an nuihsawh hreh miahlo mai a, ka lo hah ru tun mai thin.
Mahni hnam hmangaih ang a inchhal, mahni hnam mawlthu leh hmuhsitna chhakchhuak lung lung bawk si thu ah hian hlin zawk tur ka hre lo.
A thuziah philosophy chu a dik tho na a, hnam a vawmbei chi em ni dawn? Hringnun thudik, hriatlohna hi mawlna a nih zia tarlanna thatak chu a ni tho e.
Thianzaho zinga fing ber pawh ni lo tur hian hnam pum hi in han kawk ve ngawt zel hi chu sim hret hret a tha, fingber emaw intihna hi hriattlem luat leh hriatsual vang a ni duh tih i ziak reng si a.
Report this comment
August 8th, 2012 at 10:45 pm
#7 zoho
, sakhuana kan âtchilhnain min tiä tih lam biahthu zâwk a ni e.
Sakhawmi tlut lova fing tak tak hi an tam ve viau asin. Inla-sakhawmi tlutah erawh chuan fing aiin mite fak leh mite chaw ei sàwm hlawh duha phakar an tam.
Fing ber emaw ka intihna hmun reng reng ka chhiar thiam ve lo…! A khawiah khian nge ka lo ṭawngvaih tâk mai chu le?
Report this comment
August 9th, 2012 at 12:01 am
mi dang zawng mawl em ema i chhuahna hi a ni ang…i tawngvaihna. keini chuan kan ti ve lo ang che …tlang hriat thu sepsel kan sawi ve peih lo.
eng sakhua pawh tih takzetin zawm la hei ai chuan i dawnsawn tlak deuh ang…scientology tal…heh.
houdin pawh an tih tawh loh che hi..haudinga…hau=hau…ding=dawn…haudawna…hauh tum fai vek mai.
Report this comment
August 9th, 2012 at 12:18 am
I analogy hi a fuh lo hle mai. Thil saifiah nan – a supporttu atan hetiang entirna hi hman a ni chauh thin. Chuan entirna chuan a thlawp em em tur a ni bawk. Mahse Thu tak hla pui atan hman a ni ngai lo, Matre. Tawnhriat thil eng eng emaw chhawpchhuah leh tawl thin hi a finthlak viau a mahse inlak fin nan hman lem loh tur…
I tawng tial thiam hi eng tin tin emaw i lo intihtheihpui ta thin a, tunhma atangin. I lawmawm khawp mai.
Kan awmphung hian min kaihruai hle mai. I comment leh i thu leh hla zawng zawngte nen a inhmeh kual vel vek e.
Report this comment
August 9th, 2012 at 12:37 am
Tawngtial chu a ngaisang lo hle tur ah ka ngai a, a tial tial chu a thlang ang lawi si a…..nik ah te hian ZO tih lam te hi han hmang ta zawk la, in sakhaw vahvaihpui nen pawh a inhmeh zawk em em asin mawle, American magiksian hming linglet ai ngawt chuan, mahse i thu thu le…
post chhung ngau ngau erawh a tha ka ti,a tawp a i hmehbel tum luih phetna erawh, rawmawl a sai fun tum ang deuh a ang.
Report this comment
August 9th, 2012 at 1:29 am
Chhàn tùr àwm deuh ka han chháng leh mai mai ang che u:
#9 vakul, mîte zawng zawng mäwla ka dahna pawh chu ka va hmu lehpek sï lo ve…?
#10 Matre tia mi zawng zawng koh (hnuaichhiah?) leh i nungchang hi a inhmeh ka lo ring ve ngawt a. Chhàntlâk vak loh ka han chhang mai mai che.
#11 zoho, ṭawng ṭial ka rawn thlang êm êm pawh ni lovin #3-a Charice_mizo sawi ang khian, mi thuziah sa ka rawn herrem mai mai a ni e. Hnama tui vanga mahni kekawrtë leh pheikhawk thlenga Zova tih zawh vek hi a ṭul ka ti fahran lo ve
Report this comment
August 9th, 2012 at 10:14 am
Post dangdai tak zawng a nih hi le
Report this comment