«
»

PWD mi 3-te medical report

September 14th, 2012 4:00 pm by Awmtea Khiangte

PWD mi pathumte hriselna dinhmun Aizawl Civil Hospital Medical Board-a enfiah report chu nimin khân Special Court (Prevention of Corruption Act Court)-ah hawn a ni a. August 16, 2012-a an medical certificate-a natna târlan loh natna an neih belh nual nia hriat a ni. Mi pathumte bail dilna chu September 20, 2012-a ngaihtuah turin Court chuan a dah.

Mi pathum enfiahnaah hian Medical Board Chairman, Dr. K. Lalbiakkima ho-in, member-te – Dr. Zoramthanga, Dr. PC. Lalliannghaka leh Dr. John Zohmingthanga te an ni a, Dr. RL Nunthara leh Dr. Loncy V. Lalzarliana ten an puibâwm bawk. Hetih lai hian NGO hrang hrang huaihawtin Aizawl Press Club-ah mi eng emaw zât an pungkhawm a, resolution pali: (1) September 20, 2012-a Court Session a awm leh hunah Vanapa Hall kawtah punkhawm buatsaih leh ni rawh se, (2) Court Session awm leh hunah acuse pathumte Court-ah inlan ngei rawh se, (3) E-in-C leh accountant-te sawrkarin suspend nghal rawh se, (4) Special Court-ah hian Justice kan hmu lo a nih chuan Court sang zawkah kalpui ni rawh se, tih te an passed.

Medical Report highlight:

  1. Liansanga (E-in-C hlui) – Thisen sang nei, lung tha lo, heart attack nei thut thei, cholesterol sang; BP 140/100 (first degree heart block, hypertention, dyslipidemia)
  2. Lianchungnunga (E-in-C) – Thisen sang leh zunthlum nei, cholesterol sang, spinal cord tha lo, kâwng na; BP 150/98 (hypertension, diabetes mellitus type-II, dyslipidemia, mylo radiculopathy, cervical spondylotic myelopathy)
  3. B. Lalthangpuia (Assistant) – Thisen sang leh zunthlum nei, cholesterol sang, lung tha lo, heart attack nei thut, spinal cord tha lo; BP 160/100 (dysipidemia, diabetes mellitus type-II, first degree heart attack block, lumbar spondylosis)

(Vanglaini 14.09.2012)

Similar Posts:

Recent Posts:

This entry was posted on Friday, September 14th, 2012 at 4:00 pm and is filed under Mizoram, News. You can follow any responses to this entry through the RSS 2.0 feed. You can leave a response, or trackback from your own site.

152 Responses to “PWD mi 3-te medical report”

Pages: « 1 2 3 [4] Show All

  1. 151
    Art-a Says:
    September 17th, 2012 at 2:06 pm

    Thil tisuala puh te hi man theih an ni a, chutih rualin an case ngaihtuah chhung (trial) chu jail tang kher lova, bail-a chhuah theih an ni tho bawk a. An case ngaituah zawh a nih hunah convict an nih chuan bail-a chhuah pawh jail chu an tang thovang.

    Medical certificate ngai kher lo pawh hi bailable case a awm hrim hrim a.. mahse Pu KL Liana sawi hmangin corruption case, tuna mi ang hi chu non-bailable case a nih hmel. Mahse non-bailable case pawh hi a bail dan a awm zel a ni awm e.. tun a process ang deuh hian.

    Report this comment

  2. 152
    Awmtea Khiangte Says:
    September 18th, 2012 at 11:19 am

    Non-bailable case pawh an bail thei zel chu a nih hi a… :-S

    Report this comment

Pages: « 1 2 3 [4] Show All

Leave a Reply

You must be logged in to post a comment.