Ni leh thla tam liam tawh mah se, kha mi ni kha ka theihnghilh thei tawh ngai lo. Thih hlau lo mah se, a buan hneh si lo. “Ka kal a hun ta” a tih chuai raih laite khân ka biangah mittui dan rual lohvin a lo luang a. Ka kut hmer vawng vawng chunga a thlarau a thlawh chhuah laite khân khawvêla pa zaidam leh ngilnei, hmangaihna ngah leh mite tâna a hun hmang thin chuan min kalsan mek a ni tih ka hai lo. Duh lo mah ila ka mangtha a ngai ta si.
Kâwlah ni a lo chhuaha vân sâng a lo thlenin in lum nuam takah hmuh tumin va zawng buai duh suh. Pathian hnênah vawi tam a tawngtai a, hei hi a dîl thin: hrisêlna, finna, remhriatna, dawhtheihna, zaidamna leh hmangaihna te hi. Chûng zawng zawng chu nei thei tûrin a piantirh ata nundân a zir a, ‘Nundân ka lo thiam ta’ tih hlate hi zai thiam lo mah se, a sa thiam ber ngei ang. Pulpit chu vawikhat mah a la rap lo, mahse miten thusawi thiam berah an thlang tlat – a chêtzia-in.
Miten ‘pa fel’ ti lo mah se, kan tân erawh rinngam a ni. A nupui tân ‘pasal’ nih a tling a, a fate tân ‘pa’ nih thiam tak a ni. Amahah chuan sualna pawh a awm, mahse‘Sual chu thatnain hneh zâwk rawh u’ tih thu hi a thlen diktîr thin. A ka-a thu chhuak chu mite tân damna ni reng lo mah se, natna erawh a thlen ngai si lo.
Amah a tah hma ngeiin a fate hi min vêl mai a. Chu chuan chhungkaw hlimna a thlen a, inremna rah kan seng zâwk thin. ‘I fa chu vaw rawh, a thi dawn si lo va’ tih thute hi vawng bel hle mah se vawi te khat mah talhfiakin min vaw ngai si lo. A chhîngmit mawi tak leh a thinglunga hmangaihna tawngkam dam diaiin min vua a, sim phahna khawp hiala nâ a ni.
Office kal tlai tûr khawpin chhuanlam tha a nei ngai lo va, bâng hma tûr khawpa tihtûr tûl a nei ngai bawk hek lo. Mite harsatna puih hi a chaw tui ber a ni a, mi tam takin beidawnna an tawh hnu-ah pawh beiseina thar a pe leh tlat thin.
A tân, chu in bâk chu tawm hulna hmun tûr rêng a awm si lo. A nupui fanaute chu a ro hlu ber an ni. Chu huan chu a thlo fai a, thlai chi a thlâk thin. Thâl a lo thlenin tui a leih a, nipui a lo thlenin a zâr hlim a, thlipui a lo tlehin thli danna a siam a, zu-va a lo hrânin a venghim thin. Chûng a thlai chînte chuan engtikah emaw rah duhawm tak an la chhuah dâwn a ni tih a hai lo.
Chu huanah chuan hmangaihna a pâr vul a, elrelna, îtsîkna leh sawisêlna te chuan hmun rêng a chang lo. Chu hmunah chuan chawngzawngten bu an chhep a, vamûrten bu an nei, a no dahna tûrin. Sihal ten kua an nei a, Sakeibaknei leh berâmte chuan laitual an lêng za thin. Chu hmun chu lei vanram a chantîr a, mi tinrêng an leng a, lungngaihna neite tân lâwmna hmun a chang thin. Tapte tân nuihna hmun a ni a, misualte tân insiam thatna hmun a ni bawk. Chu huana lût tawh rêng rêng beidawngin an chhuak leh ngai si lo.
Chu huan enkawltu chuan ka ‘Pa’ nih a zak lo va, keipawh hian a ‘Fapa’ nih ka zak bawk hek lo. Chutiang khawpa lei vanram chantîrtu chuan a chatuan ram min lo pansan ta si a. A thlai chîn te hian rah duhawm tak kan chhuah a ni tih rawn hmu ve se’ng zawng a lâwm a kim tûr.
Similar Posts:
- Rukru hnam kan ni lo
- Rahpuah Bomb
- Hmangaihna Ka Ngen ani
- Hmangaihtu ngawi chawi
- Hmangaihna hi enge a awm zia aw?
October 6th, 2012 at 5:44 pm
comment teh ang
Report this comment
October 6th, 2012 at 6:34 pm
Report this comment
October 6th, 2012 at 7:23 pm
Good post
Report this comment
October 6th, 2012 at 7:36 pm
paws lungrun thiam khawp mai
Report this comment
October 6th, 2012 at 8:07 pm
A ngaih nawm hle mai a, nu pui fa nau neih hnu hian e maw,
kum 25 ral kan kai hnu hian, mi ang pai ngai deuh te hi chuan,
nu leh pa te lo hlut zia hi, kan hre thiam tlang pui thin.
Report this comment
October 6th, 2012 at 8:37 pm
ka tah i ti chhuak tep a lawm
Report this comment
October 6th, 2012 at 9:55 pm
Post a chhuak khat em a, insit tak chungin ka rawn dah ve chawm mai a nih hi…
Report this comment
October 6th, 2012 at 9:57 pm
Chhiar a nuam dap dap hle mai
Report this comment
October 6th, 2012 at 10:12 pm
min ti no nghulh mai…………………………………
Report this comment
October 7th, 2012 at 12:02 am
Ka duh lai tak chu a spelling, phonetic sign leh grammar hman dan khi ani. Hetiang thlap hian ziah thiam ve ka chak.
In seriuos hlawm viau mai. he Post headline “Huan enkawltu” tih ka hmuh hlima ka rilru a lang chu sms jokes Number 292, lushai_er thawh huan elkawmtu dang, chowkidar lam ani. Hetah hian a tawp lamah a lang: #292 https://misual.life/?p=26295&cp=6#comments
Report this comment
October 7th, 2012 at 5:13 am
Tha hle mai. Pa te hlutzia leh an mawhphurhna i tarlang chiang khawp mai. Good post!
Report this comment
October 7th, 2012 at 5:30 am
Van ṭha ve
Report this comment
October 7th, 2012 at 7:27 am
Tukchhuah nuam ule
Pathianni hman nuam ule
Report this comment
October 7th, 2012 at 7:32 am
Nangpawh le #13
Report this comment
October 7th, 2012 at 11:12 am
good post
Report this comment
October 7th, 2012 at 11:32 am
good post
Report this comment
October 7th, 2012 at 1:02 pm
Pathian thu post awmloh vang pawh ni lovin kei chuan ringtute pa- Abrahama ka rilruah a lo lang daih mai! Kristiante leh Islamte tana Hnam Pa hi a lo turu hle mai. ‘Hnam tin Pa’ (Genesis 17:16) leh ‘Pathian thian’ (II Chro. 20:7) a nihna hi ama inchhal vanga ni ni lovin chunglam puihna avanga ni thei a ni ber mai!
Lal ISuan ‘Abrahama angchhung’ tih thu a sawilanna pawh kha khawngaihna ngah a nihzia sawi lan a tum ni berin a rin theih. Zakaia chhandam a nih tak hnu pawh khan ‘Ani pawh Abranaham fapa…’ zu han ti ngat bawk a…
Pa nih tlin tur hian chunglam puihna hi a lo pawimawh tawpkhawk e! A ngaihnawm hle mai… Mahse Shalom tlangval ngeiin Pulpit tlang rawngbawlna sel lek lek ang rawngkaia a thuziak a chhep erawh ka lo ngaimawh deuh e! Mahse a tum tak a ni lova tha tho mai!
Report this comment
October 7th, 2012 at 2:05 pm
ziak ngaihnawm khawp mai. Nu leh pa kara seilian ka ni lova, an hlutna tak tak pawh ka man thiam ve lo. Mahse, i thuziak hian min ti hre ta.
Report this comment
October 7th, 2012 at 2:11 pm
@Ignatia … haha
Dik khawp mai, amah ka sawi fiah tumna lampang zawk a ni e. I hriatthiam tho kha.
Report this comment
October 7th, 2012 at 4:42 pm
Chhiar a kal zaih mai. Hringtu nu leh pa te an hlu, i ziakchhuak thiam ngawt mai. Min hringtu chu eng mi pawh nise fate tan chuan an hlu ani.
Report this comment
October 8th, 2012 at 2:53 am
Ziak tha khawp mai…
Mi fellote mah ni I la, ka tlin tawkte hi chuan ka nupui fanaute tan a “patling” nih hi chu ka tumve khawp mai.
Chhiar phahin kan nu nen kan titi a. a tawp kanthleng chu..a lung chhiat thlak kan ti hle..
Report this comment
October 8th, 2012 at 7:27 am
Ka thu leh hla min chhiarsaktute chungah thinlung takin ka lawm e
Report this comment