“Rinna hi thil beiseite awm ngeia hriatna, thil hmuh lohte hriatfiahna a ni” –Hebrai 11:1
“Nimahsela rinna lovin ama lawm zawng mi nih rual a ni lo; Pathian hnena lo kal chuanin, ani chu a awm tih leh zawngtute hnena lawman pek hmang a ni tih rin tur a ni.” –Hebrai 11:6
Rinna hi Kristian nuna thil lar tak, a awmzia pawh hriat tlan vek ni a lang, mahse, a taka chanfiah leh hrilhfiah har zet mai si hi a ni reuh a. Pathian Ringtu tak takte leh ringlotu te thliar hrangtu ti pawhin sawi ila, kan tisual awm lo ve. Tin, Kristian theuh theuh pawh, rinna kawngah hian, kan nghet hleiin, kan fiah hlei hle niin a lang.
University lar taka Science zirlai, Physics subject bika Doctorate degree zirlaiho zinga hian, Kristian tha deuh mai hi a awm a, a hming chu Kent Davis a ni. ‘Rinna’ tih thu hi a sawi ri fo mai a, an Professor pakhat Pathian awm pawh ring lem lo hian a ning deuh thin a, deusawh takin a sawisel zeuh zeuh thin a. Tumkhat chu an zirlai Practical a entir alo hun ta a, zirlai ho chuan an duh lai topic theuh an thlang a, an thil entir chu, midangin an la tih ngai vak loh leh, a lo thlirtute rilru hneh tak, a tum chiang em em ani tur ani a, an inbuatsaih ta mam mam mai hlawm a.
Rinna sawi fo thintu zirlai pawh chuan, ‘Law of Pendulum’ a thlang a. A hun alo thlen chuan, Cement concrete building an chhutchhiat thinna thir mum lian tak mai, quintal khat aia rit mah chu, a rawn phur thleng ta ruau mai a ni. A thiante ho chu an phawk hle mai a, “Enga tan tak chuan ti ang maw?” an ti rilru hlawm a ni.
Chu zirlai chuan, a thir tum chu a bengah Parachute hrui hrual fip lian tawk tak maiin a han hling ta a, an hall ceiling a, thil rit tak tak pawh khai theihna tura an siam thirkawmah chuan han batin, an khai kang ta luang luang mai a. Heti hian a han hrilhfiah ta a ni.
“Law of Pendulum-ah chuan, Pendulum chu, then tura kan han chhuah chiah khan, kan chhuah tanna aia sangah a rawn then let thei lo va,thentirtu hranpa awm lova, amaha a inthen chuan, a then tawi tial tial thin a, a tawpah phei chuan, che lovin ‘Point of rest’ ah, a inkhai thin tih in hria ang chu maw?” a han ti a. An then tha hlawm a, “hria e” an ti a.
Tichuan, an Professor chu Cement bang bul cheta dawhkan chunga Chair-ah chuan a thutir sauh sauh a, a tukkhum chu cement bang chu a nghen tir a. chu thir mum inkhai chu, a thiante nen chuan an theih tawk an han nawr a, an Professor hmai bul chet, a hnar atanga inchi khat emaw lek thleng chuan an han chawi/nawr phei ta a ni.
Tichuan, chu zirlai chuan, heti hian a han ti ta a. “Law of Pendulum hi a dik inti vek a; a dik tih in rin vek si chuan, he thir mum hi kan han thlah ang a, a rawn then let leh hian, tuna a awmna hi a rawn thleng tawh dawn lo va, kan Professor hi a him pial dawn a ni” a tih zawhah chuan, an Professor chu a han zawt bik ta a, “Sir, Law of Pendulum hi a dik ngei a ni tih I ring em?” a han ti leh a. An professor chuan, Kent-a thil tih tum chu a hrechiang ta hle mai a, a thlanfimin a bual tan ta a. Nimahsela, Professor ber leh a zirtirtu berin, “Ring lo” tih a rem tawh si lo va, hreh tak chungin a lu han buk nghat pahin, zawitein “Aw” a ti thei hram a ni.
Chutah le, Kent a chuan, chu Pendulum rit tak mai chu a han chhuah ta a. Chu hall boruakah chuan a thaw ri phei ta fua mai a, a then tawp ava thlen a, a rawn then let leh chuan, Zirlai ho chuan, chutiang reng renga mihring che rang chu an la hmu ngai lo; an Professor chu, chu thirtum alam pana rawn thlawk phei lak atanga him tumin, a chair atang chuan a thlawhin a thlawk chhuak zawk mai a ni.
Chutah, Kent-a lah chuan, “Kan Professor hian Law of Pendulum hi a ringin in hria em?” tiin a thiante chu a han zawt leh ta nghal a. Zirlai zawng zawng chuan, “AIH” an ti rual ta thup mai a ni.
Kristian tam tak pawh hi, He Professor ang deuh hi kan ni thin a. Pathianin min hmangaih em avanga, a hremna rapthlak tak tuar tura a fapa a rawn tirh leh a tuar tir hi, a thu chuan kan hriain, “Ka ring” kan ti ve mai thin a. Amaherawhchu, thil tak tak leh fiahna tak tak a lo thlen chang hian, he Professor ang mai hian, kan rinna kha kan ring tawk leh thin lo va, kan tlanchhiat san leh mai thin a ni.
Pathianin amah fiah a huat tehlul nen hian, finfiahna kan phut tlat fo a, Lazara pu, mihausapa ang mai khan, Mitthi khuaa Hremhmun leh Vanram hmu tawh, mitthi tholehte sawi te kan han phut a, Lal Isuan a sawi ang tak takin, Mitthi tholeh hovin an Hremhmun fan thu an han sawi chuan, kan awih lo tak tak bawk si.
Rinna antam mu fangkhat tiat lek tal nei ta ila, Tlang te pawh kan insawn tir thei dawn tih Lal Isuan min hrilh a, Kan RINNA chaklo chung chung hian, a khawngaihna avang hian, kan tawngtainate hi min la chhang thin zawk a, Amah ringtute chunga a chakzia tilang tur hian, khawvel pumpuiah hian Lalpa mit hi a leng ruai ruai thin a sin. (II Chronicles 16:9).
Similar Posts:
- Zirlai leh Professor (Sunday Pual)
- Rinna mak
- Lak aiin pekin Lukhawng a nei.
- Computer Tana Tawngtaina
- Rinna leilawn
October 15th, 2012 at 8:37 pm
Rinna hi chi hnih a awmin ka hria. kohhran thurin hmasa lamah chuan ‘rinna nung …saving faith’ an ti deuh kher thin, sawi fimkhur erawh a tul. TMEF hovin …ring thei kan ni lo…an tih hi a nihna takah chuan dikna chen a awm a…an sawi letling mai zawk a. keimahni lam rinna ringawt hi chhandamna tling a ni lo….
campingah Isua ring theuh an lut a…thu pakhat inang vek an ngaithla a, an luh chhan chu piantharna an duh a…a then an piangthar a…a then thar lovin an chhuak a..
an luh hma hauh pawhin Isua an ring diam tawh a…a nung lo mai a ni. an rinna nung se tia duh theuh theuh kha an dinhmun a inchen ta hauh lo va..rinna hi thlarau lam thil a ni. sawifiah a ngai….he post hi rinna chungchang zir nan i han hmang tak tak teh ang…antam chi tiat tihte thleng khian…
Report this comment
October 15th, 2012 at 9:00 pm
paws fiah fel fai….
Report this comment
October 15th, 2012 at 9:47 pm
A va tha tehlul em!
Report this comment
October 15th, 2012 at 10:42 pm
I rawn sawi fiah thiam lu tuk a, sawi belh tur pawh ka hre ve meuh love.
Professor pa i rawn sawi ang khi, kan tam khawpin ka ring.
Rinna hre fiah-a man thiam tur chuan, Thlarauthianghlim chauh
a tangkai. A zir a zir fiah chi rual a ni love, ni se la’ng chuan
farisai te kha, a hre fiah thiam tu te hlei hlei an ni ngei ang.
A mawl ber a tanga a fing ber thlengin, Thlarauthianghlim in
a chen chilh te chauhvin, RINNA hi chu an hre fiah thei ang.
Kan rin Lal Isua hi, Thlarauthianghlim in a chen chilh tak tak
te chuan, rin hlelh na kum pawh lo thleng se, eng ti kawng mahin
an ringhlel lovanga, an phat san bawk hek lovang.
Petera pawh khan, a pian thar hma kha chuan, ar khuan hma in,
vawi thum a phat hman reng kha. Thlarauthianghlim in a han khawih
zeuh a tang kha chuan, a va han piangthar chiang lu lai tak em!
A rin na ah khan, mi hring te sawi fiah phak rual lovin, a chiangin
a va han hmu fiah tak em! Tu e maw te te pawh khan,
Damaska dai-a khawih zeuh tu a han tawn ve meuh kha chu…….a…….n
eng tin nge a awm tak zel kha le aw?.
Report this comment
October 15th, 2012 at 10:53 pm
rinna nung nei tura mite puitu chu thlarau thianghlim a ni a mihring ropui bikna rinna a neih theihna kha rawn luahin…chu rinna nung chu mihringa chhuak mawl tawp chu a ni lo…tang kawp a ni. kan rinna ringawt kha a nung phak lo va a nunna tura lo tang kha a awm a ni. mi tam takin chu rinna nung chu nun chilh phak lovin ring siin a awm theih a…commitment leh conviction an nei tak tak thei lo…krista chu kan rinna siamtu leh tifamkimtu lo niin…rinnaa kan inzawmna chu a phel lehlam hi kan tum ve chauh a ni.
chu rinna hmanga inzawmna chu a thuk em a..a nung ngei a nih chuan thang zel tur a ni. Isua khan antam chi tiat kan neih chuan tlang hial kan sawn theih tur thu a sawi a…Isua hun laia antam chi … te si..lo tiaka kung lian tak.. zar pawh nei duai ang khan a lo thang thei ang a…tlang…hrehawmna leh harsatnate..lawmna leh ropuinate sawi nana hman thin a ni a…chutiang hunah pawh paltlang thei tur kan nih sawi thu sawina a ni.
Report this comment
October 15th, 2012 at 11:11 pm
Sermon tha tak Pu Pk an min hrilh thin hi ka va lawm em.
Rin antam mu fangkhat ang,
In neih chuan tih theihloh,
Engmah reng in nei lovang,
Tiin tanpui min tiam.
Mahse a va har si thin em a chang chuan..
Report this comment
October 15th, 2012 at 11:30 pm
kan naupan deuh laia kanu sawi h ka hre reng thin..
kan sitting room-ah hian sakhi thang kam ila.. a awh hi ring em em mai ila,ring chiam mah ila.. a awh ring em em in tuktin hi en ziah mai ila.. engtikah mah a awk dawn chuang lo… kan rinna siamtu leh tifamkimtu isua krista lam hi kan enzawk tur a ni…a ti thin.
A awmzia tak hi tun thleng pawh hian ka la man chiang lovin ka hria..
Report this comment
October 15th, 2012 at 11:50 pm
pa pakhat pawh hian antam chi tiat na na na hi chu ka nei ve alawm tiin a mut dawnah khum bul tukverh atang a piah tlang chu kawkin ..naktukah lo insawn ang che…a ti hmiah mai a…a mu ta a.
zing a thawh ve leh phur ru tak hlauthawng ru deuh bawk siin parda chu a keu dek dek a…tlang chu a lo la ding ngar mai a…chuta a sawi chhuah hmasak ber chu…ka ring reng ah..a ti. ril deuh a nia. haha.
Report this comment
October 16th, 2012 at 12:13 am
vakul sawi ang vel hi ka niin ka inhria.. haha..
rin TAK TAK hi har ve deuh mai a nia..
Report this comment
October 16th, 2012 at 12:16 am
khang hun lai a an antam kha lian deuh a nia… kei ni antam ngawt ai chuan a chi pawh lian deuh a sin..(tu sawi nge ka hre tawh lo) haha..
Report this comment
October 16th, 2012 at 12:28 am
Rinna hi thil neih har tak ani……..antam mu fang khat hi chu lian fe mai thin a tak ram han thlen hi chuan…..fiah khawp mai……
Report this comment
October 16th, 2012 at 2:06 am
Sawichhuak lem lova kalo ngaihtuah ve lai, ka diary ah ka ziah ve nghe nghe ani a, ka share ve chak tlat mai.. ‘thil hmuh lohte HRIAT FIAHNA’ tih hian ka rilru ala tlat mai a. A hnuai kan chhiar thlak zel chuan thuthlung hlui a Upahote rinna a fak lo hlawh tawh mi engemaw zat a rawn tarlang a. Abela te, Enoka te, Nova te, rinna pa Abrahama te leh a nupui Sari te… Heng hote hi an rinthu mai a Pathian duhzawng ni a an rin ti an ni mai lova, fiah tak a hriattir a an awm vang a ring leh an tihtur a chiang em em te an ni. Vawiin ni ah pawh hian kan hmuh theihloh te ring tur leh beisei tlat tur chuan Thlarau thianghlim in min hriatfiah tir a ngai ni in ka hria. Kan chhiar te leh beng a kan hriat te min hriatfiah tirtu thlarau kan mamawh. Chu chuan ring satliah mai ni lovin, hriat fiahna, beiseina, huaisenna, thahnem ngaihna…min pe ani. Chu Thlarau Thianghlim chu kan dil phawt chuan phal taka pek kan nih tur thu Luka 11:9-13 ah min hrilh. #3#4 te nen pawh a in zul tho awm e.
Report this comment
October 16th, 2012 at 2:21 am
Ring duh ring thei silo, a chang a ring leh deuh, tih vel a kual kual, dil nachang hre bawk silo ka ni thin tih kan belh leh hram ang e
Report this comment
October 16th, 2012 at 4:43 am
Zan lam menrei vak ai in zing hma taka thawh a, boruak han hip vang2 hi a lo nuam a nih hi…tukchhuah nuam vek u le..
Report this comment
October 16th, 2012 at 6:42 am
#12,13, ka hriat thiam zang
Report this comment
October 16th, 2012 at 7:16 am
#5 na-a, Pu Vakula rawn sawikhi a dik khawpmai.
He post ka chhiar lai a ka rilru a lo lang chu,
Aw rin na thuk nei i la, tih hla kha a lo lang uai uai mai.
Post tha tak, mi ti harh sawng sawng thei tu ni-in ka hria.
Report this comment
October 16th, 2012 at 8:42 am
Rinna nung neiin vawiin hmang ang u hmiang.
Tuk chhuah nuam ule
Report this comment
October 16th, 2012 at 9:10 am
Report this comment
October 16th, 2012 at 9:29 am
Report this comment
October 16th, 2012 at 10:02 am
PKfanai, Post tha tak a ni, a fiah khawp mai.. entirna thlan thiam hi chuan a fiah thin khawp mai…
#8, Pu Vakul, ka save hmak dawn.. ka duh fiah
Zing tawngtai inkhawmah, kan kohhran rawngbawltu pakhat hian” Vawiin kohhran hnatlang koh a ni a, hei, khua a nuam lo hle mai a, Pathian hnenah khaw tha i dil teh ang u..” a ti a. chumi ni chuan khua a tha em em mai a, tlai lamah kan kohhran rawngbawltu chu ka zawt a, “Tukina Tawngtai subject i thlan kha i la hria em? khaw tha kan dil kha, hei min pe chu a nih hi!” ka han ti a. A ni chuan ka lo ngaihtuah tawh reng reng hleinem! zu han ti a..
Rinnaah kan awm em? mahni ngei in enlet a ngai ve fo mai.
Tuk chhuah nuam u le..
Report this comment
October 16th, 2012 at 10:35 am
posttupa hi naupang buaipuiin a hmanhlel em ni …a va reh ve. nupuite hi duat tawk a awm ngai. keini chu kan ti thuai thuai a kan zo vat mai asin maw le…tih leh tur nghaka din reng kher hi chu…..haha
Report this comment
October 16th, 2012 at 11:22 am
@ Vakul:
Nih duh hmel khawp mai……..naupang buaipui ngai lo deuh chi hi a lo buaipui ve nge a ni hi hahahaha…….
Report this comment
October 16th, 2012 at 12:21 pm
Dr.John a post-a ka sawi tawh ang khan, NERIST a ka sermon kaihtawi Sunday zan khan rawn post ngei ka tum a. Mahse, Internet link ka nei tlat lova, ka pamtul ta a. Nimin chhun khan, a rawn tha zawk a, chumi chhung chuan, ka rawn post a. nizan khan, a chhuah ngei ka ring si; Link ka nei si lo, a hahthlak khawp mai. Tin, Kan zirtirtu 1 Daimary a pa a thi a, kan buai ve reng reng a. Vawiin lam lah an class hnawhkhah a ngai si, hei, tunah Lunch break laiin, Cyber-atangin ka rawn lut zawk a ni. Ka Internet bill a due tawh anih hmel a, pe turin mi ka tir mek a, ka rawn regu leh thei thuai ang.
Report this comment
October 16th, 2012 at 12:29 pm
Comment a tha hlawm hle mai. Pu Vakula hi, tunhmain ka la hre ngai lova, tunah pawh vawikhat mah a hmel ka la hmu ta chuang lo va. Amaherawhchu, a awm ngei a, Mizopa dik tak, Lusei hnam peng Pachuau ani tih chu ka hrechiang ang reng viau lawi a, a awm ngei ani tih hi rinhlelhna pakhat mah zuk nei miah lo ia. Pathian pawh hi chutiang tho chu a ni. Ka mitin ka la hmulo na a, Pu Vakula a awm ngei tih ka hriat tluk aia nasa zawk mahin ka hrechiang lawi si a ni. Ka thih ai a thi a, Rorelnaah min dinsak dawn a, a felna kha ka felnaah Pa Pathianin a pawm hmiah tih pawh hi zuk ringhlel miah lo a maw le. Chu RINNA tello chuan Pathian lawmzawng mi nih hi a theih bau loh bawk. Tlat mai a.
“Hei hi a ni Khawvel hneha ngamna chu, Kan rinna hi”. Mihring hmelma hlauhawm ber Thihna ngamna a ni si a. He leiah kan hmangaihte then mah ila, kaihthawhin an awm leh dawn a, kan la inhmu leh anga, Chatuan chatuanin, hlim tawp hlau lovin kan la lengza ho leh dawn ani’ tih RINGTU-te kan ni si a.
Report this comment
October 16th, 2012 at 1:26 pm
Mizo Atheist ho group ah ka kal dek dek a, ” Zawng thlah ho chu in dam tlang maw. Keini mihring siamtu in duat taka a siam te chu kan dam tlang e” ka va tia, min pet chhuak chiang ngei mai. an theory pui ber evolution theory hmanga zawng thlah ho han tih chu an duh bik leh chuang miah nang lolzzzzzz
Report this comment
October 16th, 2012 at 1:37 pm
^— Hahaha I tihdan kher kher chu an huat zawng tak a ni ang maw…
Report this comment
October 16th, 2012 at 1:48 pm
@26 Aw mihring Pathian siam nih duh lova Zawng thlah nih duh te chu, an huat vak ka ring lo a, zawng thlah ho chu ka va ti pek a lawm le
Report this comment
October 16th, 2012 at 1:54 pm
Report this comment
October 16th, 2012 at 2:40 pm
doc @25
Report this comment
October 16th, 2012 at 2:48 pm
Atheist group hi in sawi teh fo a, eng nge an group hming le? Awm ve mai mai a that hmel riauvin ka hria. A bengvar thlak dawn em mai.
Report this comment
October 16th, 2012 at 2:53 pm
Ku Pkfanai Mizo atheist group tih khan FB ah khan zawng rawh
Report this comment
October 16th, 2012 at 3:01 pm
Keipawh Mizo Atheist tiin ka zawng a, ka hmu miah lo, society ang chuan ka hmu a
Report this comment
October 16th, 2012 at 3:14 pm
bengvarna tur khawpa ril sawi tur an hre lo. dka lah kha a quit daih mai bawk si a…kha pa kha reasoning nei tha tak a ni a…a kal he mai pawh a…a lo let leh ang tih erawh ka chiang…knowledge a tuihalnain a um luh a ni…bu a let tan a nih kha.
Report this comment
October 16th, 2012 at 3:41 pm
Atheist ho te chu evolution sawi fiah tir tum ila, an sawi hnawk tulh tulh a, an sawi hnawkah bawk an tang leh mai zel
Report this comment
October 16th, 2012 at 4:14 pm
Kan luh ve hman chauh chu le. Good post
Report this comment
October 16th, 2012 at 10:40 pm
A va ngaihnawm dap dap ve..ngaihthlak chhun zawm zel tur awmse ka va ti em.
Report this comment
October 17th, 2012 at 12:32 am
A thuruk awm ngei Ringtute hi an van nihlawh dawn tak em. Rinna thuk leh zual nei turin he sermon hian min pui mawlh teh se. A ngaihnawm hle mai..
Report this comment