I ta ka ni kumkhua ang

October 17th, 2012 11:16 am by RZA

Fakhla mawi tin rengte an sa,
Chawimawina nopui an hlan;
Chawimawi tlak Pathian tan chauh,
Hlan ve ka nuam fak hla mawi.

A pianna hmun a tlawm lua,
Ran thlengah a lo piang e;
Silhpuan nei lovin a chawi
Sakhming tha a chun Marii’n.

Tlawm takin bul a tana,
Rethei taka hun hmangin;
Mualpho takin a thi e,
Lal riangvai a va ni em!

A lenlaiin thlawm mah se,
Ka thinglungah erawh zawng,
Lal ber i ni reng ang a,
I ta ka ni kumkhua ang.

23 Responses to “I ta ka ni kumkhua ang”

1
badboy Says:
October 17th, 2012 at 11:19 am
ita ka nikhumkhua 1st keuh ang
2
kiddo Says:
October 17th, 2012 at 11:30 am
Ka ta i ni, i ta ka ni kumkhua bawk ang
3
duata pa Says:
October 17th, 2012 at 11:35 am
4
lr hlonchhing Says:
October 17th, 2012 at 11:36 am
“A len laiin thlawm mah se” tih tlar a, “thlawm” tih lai tak khi, “tlawm” tih tur a ni em?
5
Dr Mahminga Sailo Says:
October 17th, 2012 at 11:41 am

A dik zawk hriat nan ka’n khei fek ang a, a hriain min hrilh keuh dawn nia..

tin rengte tih nge tinreng te
chawimawi tlak nge chawimawitlak
6
badboy Says:
October 17th, 2012 at 11:44 am
#5 nge a ihman te khi an dik vek zawk
7
Dr Mahminga Sailo Says:
October 17th, 2012 at 11:50 am
@ badboy… ka hrechiang bik lo.. Zawhna vek min zawt a, a fair lo..
8
badboy Says:
October 17th, 2012 at 11:58 am
#7 : tinreng khi chu zawmtur niin ka hria mahse, chawimawi leh tlak khi chu zawmtur a niin ka hrelo
9
Awmtea Khiangte Says:
October 17th, 2012 at 12:01 pm
Tha reuh lutuk
10
Dr Mahminga Sailo Says:
October 17th, 2012 at 12:16 pm
@ badboy.. entirnan: I rintlak, faktlak a ni tih te.. Huangkhata dah chi an ni em aw? SOS
11
badboy Says:
October 17th, 2012 at 12:43 pm
#10 chawimawitlak hi kan zawm chuan a sei lutuk mah² ka ti deuh bawk a tin lawm le lolzz
12
Dr Mahminga Sailo Says:
October 17th, 2012 at 12:49 pm
@ badboy…
A hre tur ho lah an reh thiap bawk si… phur chang changin ziah zawm/zawm lo mai ang aw..
13
badboy Says:
October 17th, 2012 at 1:03 pm
#12: chuvang chu lawm i hming pawh khi asei kati mah² a, i hming a ko lo che a, i comment number hlir a ka rawn koh che nakinah rawn sawi ve tawh mai rawhse adik zawk²
14
evergreen Says:
October 17th, 2012 at 1:05 pm
A va tha reuh e, a kal zaih mai.
@RZA: ka thianpa Rozuala i ni lo maw?

@mahming, tinrengte, chawimawi tlak
15
vakul Says:
October 17th, 2012 at 1:52 pm
chang khatnaa …fak hla mawi …tih ziah dan a inang lo…zawm loh kha a tha zawk ang.

…a chun mariin..tihah khian ..i.. hi double kher a tul lo…chhiarah phei chuan syllable a khawih pha daih.

chang hnihnaah hian ..riangvai..han tih bak hi chu prose lam tawngkam vek a ni. chang thumna pawh.

..i ta ka ni kumkhua ang.. tih hi a rawn invawrh chhuahna tur leh a hla ngulpui a nih dawn chuan a hla body chhungah chuti anga rawn chawi chhuak chho tur a awm lo va..a rawn mal luh deuh teh tawp.
16
sheldon Says:
October 17th, 2012 at 2:18 pm
I thiam ka ti e kei hla tlar khat pawh la phuah ve lo hian
17
PKfanai Says:
October 17th, 2012 at 2:43 pm
Hei chu a tawp lam a tha ve thung.
18
Dr John Says:
October 17th, 2012 at 4:27 pm
19
Mx Says:
October 17th, 2012 at 4:35 pm
20
Ignatia (33-115 AD) Says:
October 17th, 2012 at 4:50 pm
He post hi mihring leh mihring inkara hmangaihna lem tak mai sawi mawi tumna emaw ka lo tia ka lo en duh lem lova…that phian reuh hi mawle.

Chhandamtu nak thianghlimah chuan
Thisen leh tui a lo luang chhuak
Ka thinlungin theihnghilh suh se
Misual faina lui chu….tih kha a lo lang e, ka thinglungah.
21
buh-duha Says:
October 17th, 2012 at 9:04 pm
Hla tlawm tak, ropui tak bawk si a nih hi mawle
22
RZA Says:
October 17th, 2012 at 9:13 pm
ka inrin hmain a lo chhuak ka ti…. ka edit hman ta lo..hahahaha
23
TuaiSialA Says:
October 18th, 2012 at 8:05 am
A tha hle mai.