He ka thu rawn ziah tur hi Kum 2006 bawr vel nita in ka hria a ka thiannu Class – IX kan nih laia kan Classmate in a chanchin min hrilh, tun hnua a nun zawng zawng nghawng chhe vek tu a nih thu ka hriat leh hnuhnawh chungchang a ni a, tawngkam ka thiam loh avangin ka sawi ngaihnawm chiah lo maithei a, mahse ka rilru a hneh em avangin ka thiam ang angin ka rawn ziak ve a ni a, a chhiar dan leh ngaihdan min lo thiam sak mai a niang chu….
Ka thiannu hian a chanchin hi mi dangin an hriat a duh vak loh avangin hming leh khua ka ziak lang lo mai ang. October thla tir khan Phai atangin kan chhungkua ah engeng emaw harsatna a awm avangin kan khua ah ka haw a, ka thiannu chu leng turin ka sawm a, tunhma a School kan kal ho thin lai te leh kan tun hma chanchin te kan sawi lai chuan, hmana ka hrilh che kha i la hria em a ti a, enge min hrilh kha aw? ka ti a, a sawi chhuak ta a, kha tih hun lai khan kan la naupang deuh a, chiang takin engmah ka lo hre tawh der lo mai a. Ti hian a sawi ta a:-
“Kha tih hun lai khan KTP leh YMA ah te theih ang tawk tawk in ka in hmang ve thin a, zan khat chu YMA President leh Committee Member pakhat hian zanin chu Silchar lam atangin Damdawi an rawn phur dawn a, YMA in Report kan dawn avangin Duty turin lokal ve rawh se tiin ka chhungte hnenah chuan an rawn sawi a, ka chhungte chuan chutiang te chu va kal ve rawh min ti a, ka kal ve ta a, Motor in min phura kan Pathum chauh chuan kan chuang a, mahse Duty tur an lo ni awzawng lo mai a, hmun hla takah min phura, khawnge kan kal dawn ka ti a, sawtah ti ringawtin min chhang a, thui tak kan kal hnu chuan kawng sirah hian thlam ruak tawh lam hi a awm a, tah chuan min hruai luta, min sual an tum ta a.
Thlam chhuat ah chuan min hnuk hrep a, ka duh loh lutuk avang leh ka tah nasat em avang chuan min sual lui ta lova, kan hawn leh lamah chuan he thil hi i sawi chhuak a nih vaih chuan kan that ang che tiin min vau a, tu hnenah mah ka sawi chhuak ngam lova, ka chhungte pawh tumah ka hrilh lova, hrehawm ka tih em avangin inawhhlum ka tum a, mahse ka nu’n min rawn hmu hman a, ka nu hnenah pawh chuan ka rilru natna chu ka hrilh ngam chuang lova, kha ta tang khan ka nun hi a hrehawm em em a, tumah thian ka kawm peih lova YMA leh KTP ah pawh ka inhmang peih tawh lo, ka nun hi a beidawng tawp a ni mai, hrehawm ka tih em avangin zanah ka mu thei si lova, ka mut theih loh avangin zu ka in tawp zel” tiin a chanchin lungchhiat thlak tak chu tap zawih zawih chungin min hrilh a, han hnem dan leh han tih ngaihna vak ka hre si lova, hetiang lama thurawn ka lo pek theihna tur leh amahah inrintawkna ka neih tir leh theih nan thurawn min pe thei kan awm anih chuan ka lawm hle ang.
Similar Posts:
- Ka thiannu kha..
- “Fel” inti te nek bo ka thiannu kha – Part II
- “FEL” bik ni a inhriate nek bo ka thiannu kha.
- Engtin nge ka hnem ang?
- Enge I ngaih ve dan??
a tha khawp mai
October 16th, 2012 at 11:37 pm
Fiction huang ah dah a ni bawk si lo
Report this comment
October 17th, 2012 at 12:02 am
Thawnthu i phuah thiam lo ve hle mai lolzzzzzzzz
Report this comment
October 17th, 2012 at 12:19 am
hehehe nuih hi a za tawp.. i sual tir tak tak bawk si lo a, a lehlamah a hmeichhia in zu in phah nan a hmang bawk a..hehehe i phuah ngaihnawm lo ve tiah tiah hle mai lolzzzzz..huat awih loh post tupa.. i phuah ngaihnawm lo ve tawp lolzzzzzzz
Report this comment
October 17th, 2012 at 12:34 am
Doc chu i nui ring lutuk a ka maimichhing tawp haha!!
I thiannu chu ama thiam loh a ni lo tih lo hrilh la, amah in dem suh se. Fiction ni lo thil thleng thei tak tak anih avangin he mipa pahnih hi an tenawm tawp. Mi life an ti chhe zo vek hi hrem tlak an ni.
Nangmah ang (Post tupa) zeta tawngkam thiam lo in advise ka pe hmasa ber lehnghal che!
Report this comment
October 17th, 2012 at 12:51 am
Pawngsual tum tu te hi an demawm thlawt e. I thiannu zu in chhan erawh a ho ka ti. Pawngsual tum tu tawng lo mah se a in tho lawng maw te ka ti deuh.
Report this comment
October 17th, 2012 at 1:06 am
Mihring rilru hi alo mak khawp mai. Taksa hi chu na mahse kan rilru in a pawm chuan kan thawveng thei khawp mai. Chutih laiin rilru natna erawh hi chuan pawnlam taksa leh thlarau thlengin a khawih pawi thei teh zawng a nih hi. Rilru a beidawn emaw a nat tak tak tawh chuan enge mihring in an tih tur kan sawilawk sak thei lo. A tuartu ni lo tan chuan a awihawm lo mai thei a, mi dawihzep kan ti leh ngawt thin aia chhanna duhawm zawk a awm thei ngei ang mawle. Khawvel lungngaihna ram ah hi chuan kan chung a thilthleng avangin kan lungngai thin hei hi thildik tak a ni. Mahse Krista khan engvanginnge Getsimani huan ah khan a lungngaih aw, kan tan a lungngai a ni. Kan lungngaihna tuar thin hi a nat thin em avangin kha pawh kha min tuarsak tel a ni. Chuvangin lungngaihna ruamah pawh lawmna tak nei tur chuan Lalpa kan belh a ngai a ni. Vas-a chanchin an sawi a ka hriat reng chu a pa kha khati khawp a chhiatna nasa ah pawh khan Pathian a fak thei tlat kha a ni. Lal Isuan a lungngaihna tur a chhawk then a ni ngei ang.
Report this comment
October 17th, 2012 at 6:26 am
Ka phuah chawp a ni lo ania, thuziak mi ka ni lova, a ngaihnawm loh viau maithei… mahse atak tak a ni ka ziah ni. Thuziak ka thiam lo hle mai tih erawh min hriatchhuah tir…
Report this comment
October 17th, 2012 at 7:27 am
A tak tak anih chuan, chumi te 2 chu an tenawm hle mai. Tin, Doc-a sawi angin, zawhna a tam thei khawp ang. Drugs lampang check tura nula naupang te, a nu leh pa ten an kal tir mai khi a mak phawt. Pa 2 in tleirawl hmun fianrialah an sual hlawhtlin loh a rinawm lem loh. Lungawilo tak tak ni ta se, a hmelah langin a nu leh pa ten an hre thei tur a ni. Tin, a tirah sawichhuah awm a nia. A thianpa bula a chesual leh zuin insawi mam tumna a ang. Thil awmthei lo erawh chu ani lo. A huaisen tawklo a, amahin a tuar ta ani ber mai. Rilru siamfelin ama tana tha tur ngaihtuahin a nun hmang se, a tha ber ang. Hringnunah hian, Vawikhat han rah pial zauh te hi chu a awm thei theuh a nia.
Report this comment
October 17th, 2012 at 7:48 am
Tukchhuah nuam vek u le
Report this comment
October 17th, 2012 at 7:53 am
@Doc_lip thu thiam tak i nih kan ring ringawt a, Fiction a ni lo tih erawh ka sawi duh, ka ziah danah a ngaihnawm loh a nih chuan, a ngaihnawm dan tur han sawi zawk ta la, min han deusawh vel dan atang chuan a inthlahrun awm rum rum a lawm le
@ PKfanai a nu leh pa te hian YMA President meuh in a rawn sawm chuan rin tlakah an ngai a, an kal tir ni awm tak a ni, min sual hlawhtling lo a ti (an hlawhtling lo chiah em ka hre lo) a hmel ah leh a chezia ah chuan lungawi lohna a nei tih an hria a, mahse an zawt chhuak thei lo, mahni intihhlum hial a tum avangin a nu pawh a mangang hle a ni awm e, ama sawi danin…
Report this comment
October 17th, 2012 at 8:23 am
“An hlawhtling lo” tih khi, a dik thei tho ang. An tum lawk lem lohvin, a remchan em avang zawkin an han tum chhin ang a. Mahse, thapui thawha alo tan tak siah chuan, tih zui chiah an ngai lo a ni ang. Misual hrim hrim leh tum lawk ran ni sela chuan, hlawhtlin loh thu chu a awm lovang. Mahse, YMA hruaitute an nia, han pawngsual tak tak chu an duh bik lem lo anih dawn chu. Sual thlemna an do zo lova, thil nalhlo tak an ti a, mi nun an tichhìa chu a pawi ta a nih chu. A hmeichhia tan, engmah inthiam lohna tur leh rilru natna tur a awm lo, tih lo hrilh rawh.
Report this comment
October 17th, 2012 at 8:44 am
@ DoveR Thil thleng tak tak nih chuan pawi hle mai ka ti..
Ka ngaihdan chuan i thiannu chuan ngai a awh leh theih nan
ama chunga thil tisualtute chu Pathian hmingin ngaidam sela ,
a nunphung pangai a hman leh theih mai kan ring ve ringawt..
Huatna leh ngaihdamtheihlohna hian nun a tibuai vek thei si a… Harsa deuh mahse.. ngaidam rawh se.
Report this comment
October 17th, 2012 at 8:49 am
a va lainatawm ve. Chuan a dawizep ka ti bawk. Thurawn a mamawh a nih chu. Chaktaka awmtura encourage tu a mamawh niin ka hria. Oprah, Joyce Meyer etc chanchin te kha han hrilh la, a ni phei chu an pawngsual hlawhtling em hlei nem. Ti veleh deuh duah mai
Report this comment
October 17th, 2012 at 9:18 am
Chhiar dawn ila
Report this comment
October 17th, 2012 at 9:24 am
DoveR.. i thiannu chu a khawngaihthlak hle mai…
Thil thleng chungchangah chuan thurawn tha tak tak i dawngin ka hria a. Nia, ama sualna vang pawh ni lo, misual a tawn avanga zu a in thin erawh ka thiam tlat lo.
Ka thian te pahnih, entirna tur ka’n sawi ang e.
Graduate degree ka zir chhung zawnga ka thian kawmngeih ber leh nel ber chu a pa zu heh tak, a ruih changa nupui-fanau te rikrap thintu a ni. A pa zuin avangin a fapa hian zu a in thin a (a rilru a nat avangin). A pa ang thova zu ruih thiam lo a nih avangin, tun thlengin a nun a buai fo va. Kei ngei paw’n a lu chunga kut nghat hialin ka tawngtaipui ve tawh. Mahse, ama’n zu nghei a tum tlat loh avangin zu avangin a la hmingchhe char char..
Ka zirpui tho, Naga tlangval erawh, a pa’n zu a heh lutuk avanga a boralsan a ni thung. Ani erawh hi chuan, zu avanga a pa boralna leh, an chhungkaw tawrhna a hriatchian avangin, naga tlangval si, zu a in duh miah lo thung.
Zu in hi sualna bul a ni ka ti miah lo. Ka tawnhriat, entirna ka sawi lang mai a ni e
Chuvangin, i thiannu chu i theihtawpin fuih la, zilh la, tawngtaipui bawk rawh. Mipa ai chuan hmeichhia phei chu fuih leh zilh an hrethiam zawk. Lalpa’n kawng a ruatsak ngei che ka ring. I thiannu lainatawm tak tan khan theihtawp chhuah rawh, i inchhir ngai lovang…
Report this comment
October 17th, 2012 at 10:12 am
#doc_lib chu i va’n nui nasa ve.. a post tupa a inthlahrung lutuk ang e..
An hlawhtling chuang si lova, nga tinge, inawhhlum hial a tum a, zu inphah nan a hman tak le?.. An lo hlawhtling ren a ni zawk lo maw? tih ngaihdan a awm tlat!
@Mahming, i entirna 2 te khi ka hre viai viai.. an lo chhiar ve anga FIR..
@POst tupa, tawngkam i tiam lutuk tlat. rawn post zel rawh.
Report this comment
October 17th, 2012 at 10:19 am
@ evergreen.. Ka hriat chhun chhun hi ka phuh chhuak leh mai thin a. Ka thiante pahnih khi Mi(sual) ni lo hram hram teh se, Mahminga’n mi(sual).com-ah min pawngsual te hi an ti vel ang a, a chi miah loh…
Report this comment
October 17th, 2012 at 10:27 am
@Mahming, hehe………
Mi(sual) an nih ve loh pawn an inhrilh darh chak lutuk, silent reader hi an tam a. Hmanah ka article an lo in-ngaihbel vel a, nuihzatthlak jokes
Report this comment
October 17th, 2012 at 10:40 am
Online a thurawn inpek hi chu hetiang thil ah bik hi chuan a ngaihna hriatthiam a har. YMA hruaitu pawh hi a inanloh theih viau a nih hi. Hetiang dinhmun a i thiannu tanpui chak tak tak YMA hruaitu hi a tam zawk annih ka ring.
ZU hi hmeichhe tan chuan a thalo a sin mawle aw.
Report this comment
October 17th, 2012 at 10:51 am
Gospel camping ah va luhtir la thar tha veng vawng in rawn chhuak rawh se
Report this comment
October 17th, 2012 at 11:14 am
ummm………no comment :-|
Report this comment
October 17th, 2012 at 11:21 am
Pawngsual an tum a, an hlawhtling lova. Han inthiam loh vak a, inawhhlum hialte a tum maw? A va ho e. Hlek inkarah hluk a awm ang a, a zep a ni ang a. Han inthiam loh vakna tur a awm loh vei nen, tuna i ziah dan atang hi chuan.
Report this comment
October 17th, 2012 at 11:24 am
A va pawi ve..
Report this comment
October 17th, 2012 at 11:26 am
kan detective berin a lo hmachhawn hmasa a posttu tan chuan a zamawm deuh maithei. mahse a pawi lem lo …a tira lo khen alh alh hnu hian tlangnel dan an thiam hma zawk.
pawngsual hi a pawi ….an hlawhtling chiah lo a nih chuan a ziawm deuh…a sualtu lama sual duhna rilru kha punishable a ni hrim hrim. patllingin an sual leh chhas fight naran kha inang lovin an sawi thin a…ka hre ve vak lo va…Hvan sawifiah se….
i thiannu chuan a dam theih nan puangzar mai se…a nuna inmung kha climax thlentir vat se…mi dang damna tura mahni lam nat reng hi a huna zira tih loh chi a ni…an that a nih phei chuan …nangin i hre tawh a…witness ah i tlak sa. a zep vanga na a nih ka ring ber a…thawl hawk khawpin a duhna berah inbun ruak rawh se…a nih loh chuan amah kha na reng se…at phah hial se a pawi zawk ang.
Report this comment
October 17th, 2012 at 11:28 am
A khawingaihthlak hle mai… YMA leh KTP ah theih tawpin a in hmang a, a tha e. Mahse, tawng mawi lo ni lo se a ni lo zawk ah a inhmang nasa a nih hmel hi le. KTP leader leh committee member chuan an sual ka ring hauh lo.. Thil ngaihtuah chian loh hi a pawithui thei khawp mai.. Thil kal tawh a ni a, a in sawi angin an khawih chhe lo nih te chuan pangngai tak nun a hun tawh a lawm le, tun ah chuan rilru thar put a hun tawh e.
Kohhran bel tam se la tha ni mai…
Report this comment
October 17th, 2012 at 11:59 am
A va rapthlak ve le. Chu mite chu zawn chhuah dan awm se aw…
Report this comment
October 17th, 2012 at 12:06 pm
Fiction tih ziah awm tak a niah, thlam chu khawi lai khaw hnaihah tak la awm anng maw……..
.
Report this comment
October 17th, 2012 at 1:42 pm
Post tupa lungloh ah te i lo la hlauh ange aw..I nick chu a la thar viau in ka hria. Misual ah hian mi hlui leh mithar kan thliar hran lem lo a,Tikhan a neitu ang ber khan awm ve tawp la, i thiam lo kan tih bawng bawng pawn chhang let ve hmiah hmiah mai rawh.. This is misual.com ( sual tak kan nia, i sual thiam hma poh leh i tlangnel hma ani mai
)
Report this comment
October 17th, 2012 at 1:53 pm
Nia, “kan sual hlawm teh a nia” an ti
Report this comment
October 17th, 2012 at 2:06 pm
Hethil hi Molestation, rape tum tih case a nih hi. Hetiang thil hian a lawm hmeichhe tam tak rilru tihniam a ti-down tu chu. Sexual Harassment ah hian in pawngsual kher hi a ni lo a. Hmeichhia tiang atih ching an awm a vang hian, Kohran upa emo, KTP, YMA hruaitu an ni e mo, Nu leh Pate hian an fanu te hi khawiahmah tu mipa nen mah hian awm fal phal suh se, a chhan tha deuh a lang a nih pohin, Hmeichhia tel ve lo hi a him ber.
Report this comment
October 17th, 2012 at 2:12 pm
Comment hi ka chhiar a, thil hrethiam lo tak tak in tam hi a pawi ka ti. Hmeichhia hian puangsual a mipa in a hlawhtlin kher hi rilru buai na chhan a nilo, Tuna he nula thil tawn hi nasa takin a nun ah effect a nei ag, thil poi tak ani.Hmeichhe tleirawl hi a bikin nu leh pa ten uluk taka an thlithlai a tha. Mi pakhat ka hriat chian em em chu, a tleirawl laiin an thenawmpa in a hnute ah a tham a, “ka zak lutuk sawi ngam silo hi, ka nun zawng zawng hi a tibuai a, inferiority complex ka neih phah a, ka thiamloh ni tlatin ka hria, chuvang chuan mipa pawh hi ka nello a, a ti a. Hei hi chu Mi lehkhathiam zawkte hian a pawithui dan zia an hria, sexual harassment case te serious takin an lo la ta reng a. MIPA HO ZAWNG ZAWNG KHAN TLEIRAWL HNUTE KHAWIH THUAK THUAK TE, TLEIRAWL A NILO ZAWNGA FIAM MAI MAI TE HI SIM TEH U. INDIA RAMAH % IN PAWNGSUAL CASE TAM BE KAN NIH HI. KTP, YMA AWMKHAWM A, MIPA IN NULA KUAH UL UL TE HI SIM TEH ANG U.
Report this comment
October 17th, 2012 at 3:24 pm
A va khawngaihthlak ve i thiannu chu… Lehlamah chuan an hlawhtling lo chu a zia deuh tal. Tilui tak tak duh ta se an thei ngei awm sia..
Report this comment
October 17th, 2012 at 4:23 pm
Thil thleng tak tak i sawi a nih chuan, i thiannu hi a khawngaih-thlak hle mai. I sawi ang tak tak hi a nih erawhchuan, pawngsual tawk si, tih-chhiat hlen-a a awm lo hi a vannei em em a, Pathian hnenah lawmthu sawi sela, zu-in leh thil sual danga tlak lova, tha taka nun-chhoh tum zawk turin lo fuih rawh. Hetiang dinhmun-a ding mi tam tak chu an parmawina an thliah-sak mai bakah an nunna hial an lak sak a ni tih kha hre reng rawhse.
Tin, Pawngsualtute hi hlawhtling lo mahse, i thiannu hian a tuar em em a, a sawi chhuak ngam chuang silo tih vel hi chu… engemawchen ka hriatthiam-pui ve. Hmeichhia emaw mipa emaw pawh nise, kan rilru hi a inchen lova. Thenkhatin sawi hreh engmah an neih loh lai leh, dawt-ngial-ngan pawha midang an puh hreh loh laiin, thenkhat chuan, an chunga thilthleng hote-ah pawh an la serious em em thung a. In awhhlum em an ngam loh pawhin, damchhung (metally & physically) chawrchhuah loh phah nan pawh an hmang hial a ni.
Kan fate zingah pawh chhul-khat chhuak theuh theuh an in-ang lo thei alawm. Pakhat chu, thinrim em em a, kan hauh a, kan vuak hial pawhin, a rilru-ah a lut em em lem lova, a thinrim lova, a zak bawk lova, min 10 vel hnu-ah chuan engmah thleng lo ang maiin min be leh thei mai a. Pakhat zawk erawhchu, tawngkam chhe te-a kan hauh hlek pawhin a la na em em a, a rilru na leh thinrim chuan kar 2/3 te a daih thung a ni. Chuvangin, Bible-in mihring hi “mak tak leh hlauhawm taka siam kan ni” a tih angin, i Thiannu hi ka dem ngawt thei lova, a harsatna atanga chhanchhuah dan tur hi ngaihtuah a tul hle zawk-in ka hria a ni. Counseling lamah engemaw chen ka lo dai ve tawh a, ka thlir dan ka han thawh ve mai mai a ni.
Report this comment
October 17th, 2012 at 4:41 pm
# 31…
Report this comment
October 17th, 2012 at 5:30 pm
in comment hrang hrang te ka chhiar chhuak vek a, a lawmawm hlawm hle mai, he thil hi thil tak tak leh ka rilru khawih em em tu a nih avangin ka rawn Post ve tawp mai a, han hnem dan emaw pawh ka thiam hran loh avangin in comment na te hi ka hman tangkai ngei ka beisei
Ni e, Patling pahnihin sual an tuma an thei lo hi mak ka ti a, mahse min thei lo, a ti tlat, engatinge chung mai mai an theih chuan loh che chuan ka ti a, ka hre lo ka rilru hi a na ngawih ngawih ka sawi thiam lo, ka na vek a ni mai tiin min chhanga an hlawhtling lo a nih ka ring, keima ngaihdan chuan YMA hruaitute an ni si a, a lo tang nasat ve tak si ah chuan thil pawi zawk a thlen an hlau anga an ngam leh ta chiah lo ah ka ngai.
Misial.com ah hian thu ka ziak ngai lo mai mai, mahse mi thar ka ni lo a nia.. lolzz
Thuziak thiam lo min ti hlawm bawk a, ka rawn Post leh hunah chuan ‘Fiction” mai mai Ropui rapthlak eltiang ka la rawn ziak ang Doc_lip te in tap zawih zawih ang….
Report this comment
October 17th, 2012 at 5:49 pm
..”Thuziak thiam lo min ti hlawm bawk a, ka rawn Post leh hunah chuan ‘Fiction” mai mai Ropui rapthlak eltiang ka la rawn ziak ang Doc_lip te in tap zawih zawih ang…. ”
Ka duh lutuk!
Report this comment
October 17th, 2012 at 5:59 pm
@hltau: sexual harrasment ti a thil puh hi thil hriatchian vak loh chuan tih mai2 chi a ni lova nia. Hmeichhe thenkhat hian mahni tihdik loh let leh in sawithiam nan an hmang tih hi lo hre va mai2 teh……
Post tupa chu misual reng i nih chuan eng2 emaw vanga nick pakhat hmang ngam lo ang chi vel kha i ni dawn ni maw?
Pakak tihvel te, Muansakhi tihvel adt adt ang ho kha i lo ni va mai ang a……. 
Report this comment
October 18th, 2012 at 9:28 am
ka nih chiah chu…
Report this comment
October 18th, 2012 at 9:34 am
38 Chu tha lutuk tlat…….a saptawng takin, these are the prove(a saptawng hi a dik em phei chu ka hre law) kan ti mai dawn maw ni le
Report this comment
October 18th, 2012 at 9:40 am
ka nih loh tawp chu
Report this comment
October 18th, 2012 at 9:44 am
I nih leh nihloh phei chu ka hre law, mahse prove kha i ni ve tlat tha riau, black sheep poh lo ni la hetia i lo om a hi thiltha tak i ti ni ka tan leh midang tan chuan…….
Report this comment
October 18th, 2012 at 10:14 am
@41 ka bo hu
Report this comment
October 18th, 2012 at 11:34 am
Hahahaha midangin an hriatthiam chuan tha viau tho mai lo hrethiam lo mahla…..Tamtak hi chuan an hre ngam lo chawk.
Report this comment