Mizoram Taekwondo Team che tha.

November 22nd, 2012 6:00 am by PKfanai

32nd All India Taekwondo Junior Championship ah Johny Vanlalruatsanga chuan a tumpuite hneh vekin Gold medal a dawng.

November ni 19-21,2012 chhunga Itanagar khawpui Naharlagun(Itanagar) a khelh zawh tak, 32nd All India Taekwondo Junior Championship-ah, Mizoram aiawha khelte an che tha hle. Player 10 an rawn kal a, 5 in Bronze medal an la a, Johny Vanlalruatsanga phei chuan under Kg 63 Category-ah a tumpuite hneh vekin Gold Medal a la a ni. Tin, Medal la ve ta lo te pawhin an khelhpui 2/1 chu an hneh theuh a, uiawm taka tla anni hlawm.

Medal la tute chu hengte hi an ni:-
1. Lianhmingthangi – under 49 kg – bronze medal
2. K.Lalngaihawmi – under 59 – bronze medal
3. PMS.Dawngliana – Under 48 kg – bronze medal
4. FC.Jacob Laldinthara – under 51 Kg – bronze medal
5. F.Lalhunhlua – under 59 kg – bronze medal
6. Johny Vanlalruatsanga – under 63 Kg – Gold Medal.

Itanagar Mizo Welfare Association(IMWA) ten Vanglaini-a kan thuchhuah ngaipawimawhin, an rawn thlen veleh min rawn phone a, an discipline a thain, Mizote min chawimawi hle a ni. Johny VL.Ruatsanga te khel phei hi chu, hmuhnawm ber tura ngaiin, a hnuhnung berah an dah a, Closing Ceremony tantirah, mipui tam lai takin an khel a, a ngam barh barh bakah, Round 3 naah Back round Kick mawi lutuk tak maiin a tumpuipa Madhya Pradesh mi chu a dulah tlawhin, vawi 10 chhiar chhungin a tho thei ta lo a, a Knock Out ta a ni.A tumpuipa hian point a hmu hman ta lo.Mizo nih a nuam hle mai.
K.Lalngaihawmi hian a medal dawn ruala a pangpar dawn min present a, ka lawm hle bawk.

14 Responses to “Mizoram Taekwondo Team che tha.”

1
littlerascal Says:
November 22nd, 2012 at 7:29 am
COngrats pahin comment hawng tengs
2
PKfanai Says:
November 22nd, 2012 at 7:35 am
Nizan lam kan mengrei deuh hlawm ani maw? Good morning.
3
sheldon Says:
November 22nd, 2012 at 7:56 am
Tukchhuah nuam vek u le
4
shylo Says:
November 22nd, 2012 at 8:53 am
An va chhuanawm ve… International level thlenga hlawhtling turin ka duhsak e.
@PKfanai: Helamah pawh AAPSU inthlan avangin mihring kan tam ve hup hup khawp mai(An la inthlang thei lem hlei lova)
5
Dr John Says:
November 22nd, 2012 at 9:44 am
An chhuanawm hle mai
6
H.Vangchhia Says:
November 22nd, 2012 at 9:58 am
Ka lawmpui hle mai (my game ah ngei lehnghal) hairehai

Tu zirtir leh tu hruai nge an nih te han ziah tel theih ni sela aw!
7
PKfanai Says:
November 22nd, 2012 at 10:38 am
Shylo, dawr an khar ve em? Naharlagun dawrkai ho chuan an khar thuap mai(extortion an hlau a).
8
malsta27 Says:
November 22nd, 2012 at 11:27 am
…………….Table Tennis leh badminton ah te pawh hian chance chu awm ang mawle lo ti ve ngot teh ang…….
9
PKfanai Says:
November 22nd, 2012 at 11:33 am
Pu Hv, i tidik ang. I game tur tak ani ngei ngei ang. Lu a inpet fuh khan point 3 a keng a, ria sang thlerh thlawrh leh ft 6 vela sang pawh harsa vak loa pet theih a ngai dawn tlat. Johnya pawh hi ft 6 mi zet zawt a ni a, a future a bright viauin ka hria. Tin, Referee 3 Moses Lalsangzuala leh a nau Joseph Thansanga leh Remlalhlimpuia te, manager Pu F. Thangtinliana leh coach K.Lalmuanpuia leh Angela Lalremruati te an lokal a, coach 1 dang R.Vanlalnghaka erawh chu a rawn kal ve thei ta lo a ni.
10
Awmtea Khiangte Says:
November 22nd, 2012 at 12:12 pm
Ka lawmpui hlawm e

K. Lalngaihawmi hi Khiangte a ni em le? A nih chuan kan hming a inang chiah tihna a ni ang
11
bbney Says:
November 22nd, 2012 at 12:15 pm
An lawmpuiawm hle mai.
12
Sandman Says:
November 22nd, 2012 at 1:20 pm
Congrats!
13
H.Vangchhia Says:
November 22nd, 2012 at 6:14 pm
PKfanai #9 “…game tur” infiamna nuam ka tih ber te zing a pakhat a nia lawm…
14
Rooney Opa Says:
November 26th, 2012 at 5:07 am
hetiang hi ka chhiar duh zawng