Khawvel a hlaphuah thiamber te zingah pawh, a ber kai hial tur a thu leh hla lam hremite sawi nin theih loh, college-ah te pawh a hla zir tlak a an ngaih hial, Bob Dylan concert, zankhat awh chauh tur chu radio-in a puan ka hre fuh tlat mai, ka va’n phur tak em…ve ngawt mai a!
Hnathawk bang, in ka haw kawng a ngaithla ka ni a, in thlen hlan ka nghahhlelh phah zual sauh roh pek a. Amah, Bob Dylan mai ala nilo, Dire Straits singer, Mark Knopfler nen anla ni dawn zui. Chumi ka hriat tak chuan a ni min ti phur zual em em mai chu ni!
In ka thleng a, home minister hnenah, radio a an thil puan chu kan sawi thawi vel ta a nih kha. Ani chuan min lo hrethiam khawp mai a…” E, Bob Dylan leh Mark Knopfler te chu I duh em kha, va en la ani mai alawm, I Krismas in-present a ni mai a…” an ti khauh mai kha chu a hahdam thlak teh e. hairehai. Ticket chu online-in ka lei ta nghal a, alo to hrep mai, a tlawmber $71+ (after tax) chu ka la ve ta a. Ka ṭhianpa, ku Lawmsanga Zadeng, Chanmari pa loleng chu kan hrilh ve a, ani chuan, “E hiau, ka duh ve, ala awm ang em,” a ti nghal chat.
In awmna kar a inhlat si, kan RV atan, ku Saithangpuia Sailo in kan ruat a. A hun alo thleng a, tichuan leh, kan in aṭanga minute 40 emaw awrh kalna turah chuan darkar 2 ngawt hun ka hmang ta. Thanksgiving dawn anih vangin, chhungte tlawh tur an tam a, kawng a chep em lah tak a, a ninawm hle mai. Ka tlai hlau lutuk chu ka rilruah hian intur et et hi a awm a, ka hmaa min rawn luhkhalh awmte chu horn pek tuar mai ka chak rum rum chang a awm bawk.
Zan dar 7:30 a ṭan tur chu, dar 7:16 ah kan RV ka thleng chauh mai si, chuta tang chuan minute 20 emaw kha kan motor park tumna a la ni. Huiham, hmanhmawh takin kan lim thla piat puat a, over speed erawh kan hlau hle, police-in min tihdin chuan hun a liam thui dawn em asin!
Verizon Center, concert-na hmun chu kan lut ve ta a, Mark Knopfler ṭing-ṭang perh ri hai rual loh chu ka hre thei a, hmanhmawh takin kan thuthmun kan zawng nghal.
Mark Knopfler chuan hla thar deuh hlir, mawi tak tak, tam tak chu Celtic rock lam hawi a sa a, a musicians te an thiam hle mai bawk. A guitar solo a mawi thei hle. A hun khar na’n “So Far Away” mawi tak maiin an sa vawng vawng mai chu, Chakma nula, Suruti te dap chhuat ah kawr phelh meuhin, mu hual chung a ka ngaihthlak vang vang ṭhinte kha alo lang uar uar mai a, a lunglen thlak ve duh hle mai (tlat mai a) 
Bob Dylan pawh, a lukhum parh te nen alo lut ve ta a, mipui sahaw a nasa kher mai. A hla thar a sak nual bakah, Tangled Up In Blues tih te, Like a Rolling Stone leh, hla dang mawi tak tak a sa a. Modern Times album ami, “Thunder On The Mountain” hla an sak a, “I was thinking about Alicia Keys, couldn’t help from crying / When she was born in Hell’s Kitchen, I was living down the line / I’m wondering where in the world Alicia Keys could be / I been looking for her even clean through Tennessee,” an tih chuan mipui thawm a ring kher asin! Blowing In The Wind mawlh mai kha! Bob Dylan zai tihtawpna erawh a holam ve hle. A tho va, a chhuak nulh… chu zawng chu!
Entu lam pawh, tar kiring lam hlir emaw awm tur tih rilruk nak laiin, ṭhalai, kum 19 emaw 20 bawr chho vel an kat nuk tho mai. Bob Dylan lah hi tu tihdan takah emaw, a sual thiam riau! A hla hi a zawmpui theih loh reng reng. A thluk a ti danglam zel a, lo na na pui tawp ani ber hahaha.
Engpawh nise, concert en, inchhirawm loh tak a ni. Thlalak erawh, camera lian ken an phal loh vangin a fahrah em em. Ka rawn phawrh ve reng reng ang e:
Ka thlalakte hi ka chhuang lo teh ania!
Knopfler leh Dylan — Tangled Up In Blues sa lai.
Blowing In The Wind:
So Far Away — Mark Knopfler
Mark Knopfler tho, eng hla nge ka hre lo, a music hi a mawi em asin!
Bob Dylan — Blowing In The Wind
https://www.youtube.com/watch?v=YWpQC8eUZuY
(Y)
November 22nd, 2012 at 2:11 am
1st
Report this comment
November 22nd, 2012 at 6:07 am
A pawi hle mai, Bob Dylan video kha min delete tir tlat.
Report this comment
November 22nd, 2012 at 6:39 am
A khai a….a ngaihnawm/hmuhnawm ngawt ang.
Report this comment
November 22nd, 2012 at 8:02 am
Ka van chak ve e aw. Dylan hi zaithiam ka ti lo riau pek a, mahse a hla phuah avang hian ka ngaisang bon top thung. I vannei teh e tiraw.
Report this comment
November 22nd, 2012 at 8:39 am
Van ziak nawm hmel thiam tak. So far away lar thin zia kha!
Report this comment
November 22nd, 2012 at 10:03 am
Min awh-thik, Nuam i tih hmel
Report this comment
November 22nd, 2012 at 10:06 am
Dr John, nangi te, misual dang zawng zawng nen hian tleh luh huk a han en tlan theih ni sela aw….
Report this comment
November 22nd, 2012 at 10:17 am
Nawm hmel hle mai. Ziak ngaihnawm e.
Report this comment
November 22nd, 2012 at 10:22 am
Report this comment
November 22nd, 2012 at 10:27 am
Dr John, rimawi tum thiam/zai thiam tak tak, tih rik mawi chawp nilo hi chu a ril raih reng a ni.
Kan mutsan ang che u.
Thanksgiving chibai vek ule
Report this comment
November 22nd, 2012 at 11:17 am
Hmuhnawm dawn hi a ………………..mit leh beng a tlai bik dawn hle mai…………..
Dylan telna a hla a ka duh ve deuh ber, jerry jeff walker/bob dylan a tu zawk nge ka chiang lo, jazz lam rawngkai a nih deuh a jerry jeff walker chu rinawm zawk mah…..
.
https://youtu.be/iB2KRRUflgw
Report this comment
November 22nd, 2012 at 12:11 pm
A van nawm hmel ve
Report this comment
November 22nd, 2012 at 12:48 pm
Hlatekhua a tangin, mi i rawn
awhfik lehta.
Report this comment
November 22nd, 2012 at 12:52 pm
Ngatinge ka thu lo va, Chutiang Concert te i lo en mai mai…kei pawhin ka en chak ve a sin!
Report this comment
November 22nd, 2012 at 4:00 pm
awii…bob dylan tel lovin ni seng ka enchak lehzual! Bob hi ka ngaina over lo…a man pek tel atan ka duh lo! lolzz. Awii ka en chak ve eee! mark knopfler 4eva!!
Report this comment
November 22nd, 2012 at 4:03 pm
A hmuhnawmin a ngaihnawm ngawt ang! Tun hnai khan Madonna, J.Lo leh Enrique Iglesias te an lo kal ve a, ka’n en loh vek chu le! Chance ṭha tak tak hi ka miss lui fo mai, mahse a hnu hian ka ui leh deuh ziah.
Report this comment
November 22nd, 2012 at 4:08 pm
Khai a…ka duhthusam ang chiah a lo awm reng alawm le! kan khua ah mark a lo zai dawn, bob tel lovin!! huhu
En ve ngei chi. Bucket list a pakhat chu check theih dawn e 
Report this comment
November 22nd, 2012 at 4:09 pm
Uii BMW
Report this comment
November 22nd, 2012 at 6:19 pm
hlatekhua #16 tunlai Madonna concert chu an phun sup sup mai anih hmel e. Hmun hnihah a tan tlai lutuk a, an thinrim viau ani awm e.
https://www.miamiherald.com/201.....hours.html
Bmw lo lampui nghawng nghawng rawh khai.
hairehai
Report this comment
November 22nd, 2012 at 6:23 pm
Madonna hi a peih rei ang reng phian!!
Report this comment
November 22nd, 2012 at 6:33 pm
sheldon #20 fit hmel tel tul em alawm
Report this comment
November 22nd, 2012 at 8:41 pm
Va nawm hmel ve.
Report this comment
November 23rd, 2012 at 4:20 pm
kal ve chak
Report this comment
November 23rd, 2012 at 4:47 pm
Kal ve chak rap keipawh
Report this comment
November 23rd, 2012 at 6:33 pm
Hetiang tur tih hria ila, ka prog pawimawh zawng zawng ‘drop’ in ‘Earned Leave’ la a rawn kal tur ka ni. bah bah bah…
Report this comment
November 23rd, 2012 at 7:06 pm
huhuisss… I ‘blowin in the wind’ chu van dang ve… hahaha… Nuam chem chem ang chu. (Music flow dik tlat…) Cam movement awm lo a dah a fuh. Angle hran hran atanga shot a, edit leh tur nih loh chuan… Tin, white balance fuh lo ni khi….
Report this comment
November 23rd, 2012 at 7:17 pm
shai#25 lokal reng tur che alawm
#26… ka hrethiam. thiam loh sa nak laiin, concert, mipui sahaw karah chuan lak fuh a har khawp mai. Thuthmun neih chuan angle hran hran atanga lak a harsa phian 
Bob Dylan hla, youtube a ka upload ho min delete sak vek a lawm, ka ui khawp mai. 
Report this comment
November 23rd, 2012 at 8:46 pm
@ H Vangchhia, ka experience tawh vang mai a rawn sawi ka ni a. haha… Scene full deuh duh vang in ka scan kual chiam tawh thin, mahse a fuh duh lo lutuk. hahaha
Report this comment
November 24th, 2012 at 12:58 am
ka lawmpui a che..Mr.Vangchhia kan ti tawh lo vang che ..Mr VangTHA lo ni tawh zawk ang che..:D
Report this comment