Archive for October, 2012

Thuampui burning…

Saturday, October 27th, 2012

Tunah hian thuampui-ah buaina a chhuak mek, curfew pawh puan hial a ni. Rawn update che u kan tum zel ang… Ziah tur leh thlalak dah tur kan zawng kual mek e…

Update VaiVa: Facebook lam atang a lan danin BRTF motor-in naupang (Gorkhali naupang) a chil a, Driver hi BRTF Camp Thuampui ah a tlan lut a. Mipui thinrim chuan BRTF Canteen leh an motor 5 an hal a ni awm e. Via ~ Chanchinthar FB

Update Sandman: Hlauh tur ka tihna pawh a nilo, mahse Mizo tamtak hi chuan AFSPA (Armed Force Special Power Act) hian Mizoram pawh a huam ve tih hi kan hrelo emawni aw ka ti mai mai. Mizoram ah hi chuan engkim zalen mahse AFSPA hnuaiah kan la awm tlat a, chumi awmzia chu civilian leh sipai intih buaina a awm chuan AFSPA hmang hian duh duh min kap hlum thei tih te hi kan hria em aw? AFSPA hlih tur hian hma kan lak tan chu a hun viau tawhlo maw, kan thenawm te do ang hian?

Update Goldmember: via Zothansiama Siama @ SPECIAL REPORT

A tobul ka hriat ve dan chuan, BRTF Motor in Nuapang a chil a, Mipui thinrim chuan BRTF Camp ah kalin Driver hi hmuh an tum a, mahse BRTF lam ho te chuan hmuh phal loin a tlanbo an ti a, mipui thinrim chuan Motor enge maw zat tichhia in an hal a, an inte pawh an hal nual a ni, tunah chuan thuneitute lam leh MAP(Sipai) te an kal tawh a, Motor leh in an hal vel te pawh Fire Dept. in an thelh min tawh a, Boruak pawh a tha thawkhat tawh e, BRTF te leh Mizo te hi an inti buai fo vin, Naupang kumtling lo khuai khem te an ching thin avang hian heng lai vela Mizo te nen hian vawitam an lo in ti buai tawh thin a, tun boruak chu tleimin a sang deuh a ni e.

Update Sandman: Thlalak thenkhat ka rawn dah theih te chu…

via Chama Khawlhring @ CHANCHINTHAR

via Makima Zmb @ SPECIAL REPORT

(more…)

Posted in Mizoram, News | 35 Comments »

HMELTHATNA HI !!

Saturday, October 27th, 2012

Gorgeous Leilunga lo piangchhuak tungchhova kal zawng zawng te hi chuan ngaihtuahna fimtak kan nei vek in a rinawma (mi a nileng kan nih ngawt loh chuan) chu kan ngaihtuahna fimtak hmang chuan engkim kan suangtuah a, boruak ah in sang tak tak sa in duhthu kan sam fova, duhthusamna khawvel ah kan cheng miau hek , ni lawm ni?
`
Engpawhnise duhthusam tluka hlu a awm nem mi? Mahni nih phak bak bakin kan han sam thin a, tak tak nise tih lam pawh ngaihtuah chang loin kan duh chen chen kan han sam thin hi chu nuam dangdai ve ngawt thin i ti lo maw, a keini ang duang tan chuan a tak ram ah nei pha dawn lo tih in hre reng mah ila, mi hi a ti hlim ve riau thin nia. He lei a kan damchhung tawite hi duhthusamna in kan hmang zo thin zawng a nih hi!
~
Anih leh han ngaihtuah chiang ve teh, kan thupui “Hmelthatna hi”, a ngaihtuah peih te tan tih kher anih khi aw!! Mihring vawikhat pian chuah ve mana ramkhat nghawr dawt khawp a lar nih te leh lan hmelthat zawk chak lo tunge awm? a ni tak asin rualpuite leh thenrual te phak lo reng reng a damchhungni han hman chu (h) han ngaihtuah chiang ve teh!! Thinlung chhum ang a zing riai a lawmle! Chumai ala ni nem khuanu hian a VOHBIK emaw tih mai tur khawpa pianhmang hmel mawina a a thuam vel lah kat nuk hlawm bawk si. Huiha!! Hmelchhe hmelchhiatna ti zual tur ting in maw!!!

(more…)

Posted in Lifestyle, Luangliam, Mizo Society & Culture, Opinion | 23 Comments »

Nupa, facebook leh fate

Saturday, October 27th, 2012

Hei hi nimin piah a thil thleng a nia, social media khawvelah chuan he news hi a lar angreng khawp mai…

A hmasa berin, thuhmahruai (ve khanglang a :D )

Technology hi a in thlak zel a, tunah ringawt pawh hian misual.commer tamtak ka hriatte chu Facebook ah in awm fur a, chuan nupui pasal leh fa nei tawh in awm nual bawk a ni. Tamtak te chu in fate pawh facebook ah an awm maithei, chuan in friend list ah pawh an awm maithei bawk… An facebook wall-ah te in fate chu in va hau thin em? Thu an awihloh chuan in va zilh thin em an Facebook friends hmuh vek theih in?

Hei, tleirawl nih tan tirh (rebel period vel lai) chuan kan chhungte kan zahpui thin hi maw, kan thiante zingah chuan… Kan chhungte an rawn in rawlh hian kan thian dangten min lo nuih thin a, “peer pressure” vang khan kan zak ve thin a nih kha… Chutih laiin nupa tamtak tan chuan Facebook, twitter tih vel hi thil thar a nia, old fashion deuh tan chuan hriatthiam a har thei bawk a lawm.

(more…)

Posted in Internet | 13 Comments »

I will not set foot in Mizoram again – Mary Kom

Saturday, October 27th, 2012

“I will not set foot in Mizoram again, until the journalists clarify. They have tried to malign my image and I will take up action”, Mary Kom said to officials of the All Manipur Working Journalists Union today at a formal meeting held at Manipur Press Club. The confusion among the State scribes which arose due to the reports in various papers regarding the statement made by Mary Kom at a press conference at Mizoram on October 20 about the Manipur media discriminating her has been cleared up.

The pugilist re-asserted her stance once again that she had been misquoted by the Mizoram scribes. It may be mentioned that on October 22, she had addressed a press meet at Manipur Press Club denying the reports of various papers which charged her of hitting out at the local media.

“I have the recording with me and seen in several times. I have not mentioned that the local media has discriminated me for being a tribal”, she added that she called up the organizers at Mizoram and also inquired on how the matter was reported. “The Mizoram episode has been sour to me and I wish that I had not gone there also. I am demanding a clarification within a time limit otherwise I will not set foot in Mizoram again,” she also mentioned of taking up legal action if necessary.

https://kanglaonline.com/2012/10/mary-kom-clears-issue-with-state-media/

Posted in Whatever | 32 Comments »

Mikhual châm rei – Chakma te hi!

Saturday, October 27th, 2012

Mizoram Chakma pun chhoh dan:

1901-ah 198
1911-ah 302 – 52.5%
1921-ah 680 – 125.1%
1931-ah 836 – 22.8%
1941-ah 5088 – 508.6%
1951-ah 15297 – 202.3%
1961-ah 19327 – 26.41%
1971-ah 22392 – 15.8%
1981-ah 39905 – 78.2%
1991-ah 80000 – 100.4%

Chakma punna % hi khawvel Govt. record break a nih hmel e. India ram District Council-a political provision nei tha ber chu kan Mizoram district 3 te saw an ni a. ‘DIRECT FUNDING’ Central Government-a an dilna hi kan political party-te’n dil hlawhtlinpuitu nih an tum hurh pek em ni? An dil hlawhtlin phei chuan UT/STATE an awt tawh lo tawp ang, inhlawh turin kan phei hum hum lovang tih a sawi theih miah loh.
(more…)

Posted in Luangliam, Mizoram, Opinion, Politics | 68 Comments »

TAWNGTAINA

Saturday, October 27th, 2012

Ka Lalpa duhtak,

Thil engkim chungah hian lawmzel dan tur min zirtir la,

Lungngaihna leh tuarna hian rah tha a nei tih min  hriattir ang che.

Sawi chhiata ka awm laiin I hmingmin lam tir la,

Tawrh tir ka nih laiin i hnen min pan tir ang che

Khawvel hi hlimna hlir a ni lo tih min hriattir la,

Mahse lungngaihna hi lawmna in a zui thin tih min hrilh ang che.

Ka retheih laiin retheite hmangaih dan min zirtir la,

Ka lungngaih laiin lungngaihte hnem dan in hrilh la,

Malsawmna ka dawn hunah midangte tan min pek chhuah tir la,

Chawimawina ka dawn hunah I tan chauha hmang thei turin min pui ang che.

Min tihchhiat tumtute tan tawngtai thei turin min pui la,

Ka hmelmate hmangaih thei turin min pui ang che.

Huaisenna thinlung min pe la,

Himna tur anih avanga dawt sawi lo turin chakna min pe ang che.

I aw ka hriat theih loh hunah pawh nangmah ring tlat turin min pui la,

Beidawng lo a nangmah bel tlat turin min pui ang che..

Posted in Luangliam, Whatever | 8 Comments »

Tial Tial

Friday, October 26th, 2012

– Kan IN a sang tial tial a; kan ngaihtuah a tawi tial tial.
– Kan Kawngpui a zau tial tial a; kan rilru a zim tial tial.
– Sum hmantur kan ngah tial tial a; neilo kan inti tial tial.
– Kan IN a lian tial tial a; kan chhungkua erawh a te tial tial(Fa kan nei tlem tial tial).
– Remchanna a tam tial tial a; hun erawh kan neilo tial tial.
– Degree kan ngah tial tial a; mahni chhia leh tha hriatna erawh kan nei chau tial tial.
– Kan in zir sang tial tial a; Pathian awm kan rinna a dal tial tial.
– Mithiam an pung tial tial a; harsatna a tam tial tial tho si.
– Damdawi a tam tial tial a; Natna a tam tial tial tho si.
– Kan tawng tam tial tial a; hmangaihna a kiam tial tial si.
– Bungrua kan ngah tial tial a; kan hlutna a tlahniam tial tial bawk si.
– Computer kan khawih tam tial tial a; Kan tawngtai tlem tial tial.
– Kan meng rei tial tial a; kan tho tlai tial tial. (more…)

Posted in Lifestyle, Mizo Society & Culture | 28 Comments »

Friday Beatz

Friday, October 26th, 2012

Friday a lo ni leh ta bawka, hemite hi i lo thlir ang u hmiang? An group, oh ka ti palh, an CREW hming chu Tribal Beatz tih a nia, bboying chu an hnehsawh ve hlawm khawp mai. Chuan tun hnai a an video an upload ho hi kan rawn dah ve a nge.

Tun a mi hi Bangalore Wonderlah a an lak a ni awm e, an “cypher” lai a nia, chumi awmzia chu bboy (emaw bgirl) ho in a mal te te a a lai a an rawn freestyle tihna a ni ber e. An video en hi chuan “Step Up 2: The Streets” pawh rilru ah a rawn lang deuh reuh.

(more…)

Posted in Dance Dance | 7 Comments »

School zirtirtu hmeichhia ten karkhatah ni hnih puan bih a ngai tawh dawn…

Friday, October 26th, 2012

Mizoram sorkar, Education Department chuan zirtirtute leh zirlaite nunphung leh incheina khuahkhirhna dan (code of ethics) an siam dawn.

Education secretary, K Lalnghinglova chuan nimin khan he thu hi sawiin, code of ethics an siam tur hian Mizorama zirna lama thawktute leh zirlaite nasa takin a siamthat a beisei thu a sawi bawk a ni.

Kawnpuia Awithangpa Hall-a VEC, SMDC leh SMC te puala nimina training buatsaih-ah he thu hi sawiin Pu K.Lalnghinglova chuan, code of ethics-ah chuan zirtirtu zu in leh ruih-theih thila fihlim lo te hremna dan leh meizial zu laka thununna tur leh zirlai naupang kuhva leh meizial lei tura tirh khapna dan a tel dawn niin a sawi a, heibakah hian Education Department chuan zirtirtute zawm tur Dress Code a tichhuak dawn bawk niin Education Secretary chuan a sawi.

Pu Nghinglova chuan “Dress Code-ah chuan ‘Kar khatah zirtirtu, hmeichhia chuan ni hnih tal puan an bih tur a ni a, hmeichhia te incheina chu zirlai naupang te mit la khawpa maksak a ni tur a ni lo. Mipa te pawh Tshirt ha leh Chapal bun chunga School kal phal a ni tawh dawn lo a ni” a ti bawk.

Source: Vanneihthanga Vanchhawng @FB Chanchinthar

Posted in News | 51 Comments »

Sawmna – Dah mai a!

Friday, October 26th, 2012

Kei, TuaiSialA hian November ni 29 khian nupui neih ve ka tum ta rãwih mai a, chuta lo tel tur leh kan inneihna min hmanpui turin misualdotcommer zawng zawngte thinlung takin ka sawm a che u. A ropui thei ang bera hun hman tum a ni.

A ni leh a thla hi kan tifel tawh a, a kum tur leh nupui tur lam erawh a la chiang lo a ni awm e. Chuvangin misual fel tak takte khan nulate’n pasal atana min duh ngawih ngawihna tur thuruk mi han hrilh teh u!

Posted in Ask | Help | Suggest, HAHAHA | 64 Comments »

« Older Entries
Newer Entries »