mi(sual).com

Mite ang a thuthiam ni ngat ila zawng he ka thu ziah tur pawh hi tun emaw tawi – fel tak a min ziahsak hial tur khawpin kan inpho LAR tawh mahna le!

Nula leh tlangval inkarah hian hmangaihna thianghlim a awm ngai anih chuan Bawihi nen a kan inkar a hmangihna lo tiak chhawm nung leh chawm lian puitling a PARCHHUAK ta hi a ti chiang bertu a nih loh nakah. Ka hriatchianna hmasa ber Pu Fela hova Camping an rawn neih lai, Pathianni tlai a Pa Thawka te inah kan lenkhawm tlai khan a nia. Ka mitthlaah hian a la cham reng mai. A ni min hriat hmasakna ber chu, kum 15 dawn kan inneih hnuah SMS hmanga ka zawhna min chhan dan takin, “Zing tawngtai inkhawm banah….kha tia mikhual tlangval zing tawngtai inkhawma kal ta kha chu I sual vak ka ring lo va,” a ti. Kan inbiak loh thu erawh a sawi chiang thung hle. Biak chak melh chuan ka va melh talh pek a ni mahna le.

Zep nak maw… zak leh huphurh tak chunga December ni 31 zan a khawvawt vuk mai hnuaiah kum thar kan hmuah mek lai a a vawt (vur kha atla ve ngat a nia) chhuanlam a hmanga a vawi khatna atan ka chawngthu kut lian tak mai chu hma theha Thadangi kawrawm chhunga inthlahrung ru tak a a vak lut da da lai a, khawngaihna ngah leh vawt tawrh chhel bik van gem em pawh ni chuang lova chhan tha dang avanga hre awm pawh a a lang duh bik lovin a kimki chaih chaih tum kha chu khawvelah hian nuam ka va’n tiin vawiin thleng hian ka la feel veng veng mai nia. Kum 15 zet hnuah kha mi tuma khatia ka’n dah lum-vawt thar thar kha nuam a tih ve zia SMS hmang bawkin min hrilh chauh nia (SMS hi a va’n tangkai em ka ti a ni).

Ngawi teh u, min pen thui tir lutuk dawn; in ngaihtuahna khan min lawmpui rualin min thik in awm tan tlatin ka hria, kan thupui kha eng nge ni kha..taka Thangnunnemi PIANCHAM kan lawm chung chang a nih kha! Ni e, “Eng nge I PIANCHAM lawmpui nan pe che ila I duh ber ,” ka tih khan…. “ A…Bawih, eng mah a ngai hlei nem, Masi a hnai tawh bawk nen tun tum chu eng mah angai lo a nia…” ti mahse pek ngei ka tum si a vangin mahni hmasial lo tak leh chhungpuinu tih awm a mawi hliah hliahin, “Min pek I tum tlat si chaun WOODEN ALMIRAH hi chu kan mamawh ngawt tak a sin…..” ti a min chhanna chuan min cho hle mai a; ka rilru te te chuan sum lam kan MAWM loh zual lai tak a niin a ni paw’n hre ve kar mahse ka inhlawhna (OVERTIME duty hlawh) lak tur chhuanlamin a duh ber chu a birthday present a pek ngei tha ka tih si a vangin CREATIVE dawr a mi ngei mai chu ka va entir a. Mahse, kei ta pek chuan pek ngei tum siin sum indaihloh chhuanlama hmangin, “Bawih, a ngaihna a awm ngang love” tiin kan thulh Almirah lei chu kan thulh fel ta a, alang a pau chuan;a ni pawhin a hrethiam em em a.

Chheiraw le, inphiarrukna lam erawh a kal tluang zuih thung a. Hemi tum hian a ni nuphal leh thian rintlak neih hlutzia ka hriat zual em em ni. Pawisa lamin a daih rih ngang si loh avangin hotunu hriat lohvin kan remchan an gang kan thawh khawm. Awle, a leina tur sum chu a awm ta ngei mai, mahse kan thil lei tur ber a la thleng thei tlat lo…. Ni 11/11/2012 (Pathianni kha) a lawm hun tur a ni tawh si… han sawn ngawt chi lah a ni si lo. Inrinni zan ah alo thleng chauh dawn…. “Eng pawh nise, kan pe ngei tur a ni” tiin ruahmanna ka’n siam a. Pathianni Sande Skul banah thiante ho – The Chrinicles Male Voice leh The Frenz te Facebook leh SMS kal tlangin kan in sawm nasa mai… Hotunu pawh present lam kan tihtheih dawn silo tiin CAKE lam a lo order chu thiante lo leng lo DO let nan tiin a dah ve ran a, CHANA a chhum lawk diam bawk a, a ma thui ngei mai kawr thar chu ha in. Lawmna inkhawm tan ani tain a kal tur ang ang te an kim khat a, mahse hotupa hmel rawn hmuh ve ngei beisei pah an nih a vang leh kei ber lah mel 900 danah ka awm daih si tih an hriat chuan an nui the-thaw hlawm a. A serh tan a hun ta…Video conferencing te han tih ngaihna awm heklo ka mobile cheng 1000 a ka lei ngei mai chuan an program chu ka lo chhim ve mek thung a..Thianpa Mazawma lo ding chhuakin WOODEN almirah fit 7 X 4 X 1.7 laia lian aiah envelop chu hawngin hotunu hnenah a chhunga CASH MEMO chu PIANCHAM lawmnan chuan thilawm zia sawifiah pahin a’n hlan mai chu(h) kutbeng thawm leh nui bawk bawk ri kha ka bengah a cham rengin LAWMPUINA nge a DANGDAI tih vang tih chu mimal tinte thinlungah a chiang mai awm e…kei ngei pawhin kal khawm te hnenahah ka NOKIA FAWN ohh…Phone cheng 1000 a ka lei ngei chuan LIVE in thianpa phone loud speaker kal tlang mai chuan lawmthu ka han hrilh mawlh mawlh hlawm kha.

Ni 14/11/2012 tlai chuan ‘Thu Tisa a a lo chang ta’ ang mai khan 11/11/2012 hotunu piancham lawmna CASH MEMO chu WOODEN Almirah ah changin kan run a lum ta a.. a tak a ka lawmpui ve tak tak hun pawh a thleng ve thuai ang a….Kan thil han tihkual vel dan hian thian thenkhat te hmangaihna mit ti meng fiahin chhing-mittui a hnaih thu te an sawi rawl nen ….HMANGAIHNA hi zawng A BA pawhin chim-lem neilovin, uartakin mite hriatpui khawpin lan tir zel tur a ni,” tih hi ka thu ROLUM chu a ni ta anih chu!! ( Kha maw kei lung mawl hi ho leh sei duah siin ka inphawrh leh tak zuah zuah hi!!)

Similar Posts:

• Happy Birthday Lalengzuala
• Happy Birthday Bob Dylan
• mi(sual) member piancham!
• Chawlhni vs Pathianni
• Nitin tawngtai thupui

Recent Posts:

• EIZAWNNA
• Pherh Fesawn
• Nupui neih nawmna
• VDS (Valentines Day Special)
• Valentine’s Day Vangin i buai a mi?

This entry was posted on Saturday, November 17th, 2012 at 2:09 pm and is filed under Luangliam. You can follow any responses to this entry through the RSS 2.0 feed. You can leave a response, or trackback from your own site.